Skessuhorn - 14.01.2015, Blaðsíða 9

9MIÐVIKUDAGUR 14. JANÚAR 2015
Söguleg stund þegar lítraverð
eldsneytis fór niður úr 200 krónum
Bíleigendur þekkja það vel hversu
mikil áhrif það hefur á budduna
þegar eldsneytisverð er hátt. Því
hafa Íslendingar kynnst undan-
farin ár. Verðlækkun hefur orðið á
heimsmarkaðsverði á olíu undan-
farna mánuði og jafnvel hér á landi
er lækkana nú farið að gæta hjá olíu-
félögunum. Síðastliðinn föstudag
urðu svo þau tímamót að líterinn
af bæði dísilolíu og bensíni fór nið-
ur fyrir 200 krónurnar. Meðfylgj-
andi skjámynd er af söluskilti Olís á
Akranesi, en það gæti eins hafa ver-
ið hinna félaganna, þar sem verðið
á þessum tímapunkti var nánast það
sama upp á aur á öllum útsölustöð-
um á Akranesi. mm
Nýtt hús Bifreiðastöðvar ÞÞÞ
risið á Akranesi
Nýbygging Bifreiðastöðvar Þórð-
ar Þ. Þórðarsonar á Akranesi er
nú risin við Smiðjuvelli í útjaðri
bæjarins. Þetta gamla og rótgróna
fyrirtæki hefur um áratuga skeið
sinnt flutningum milli Akraness og
Reykjavíkur. Það þjónustar einnig
Grundartangasvæðið. Nýja húsið
er vel í sveit sett fyrir þessa starf-
semi þar sem það hefur verið byggt
við innkeyrsluna norðanmegin inn
í Akranesbæ. Húsið er 1.450 fer-
metrar að grunnfleti. Í heildina
verður húsnæðið þó 1.690 fer-
metrar þar sem skrifstofuhlutinn
með kaffistofu og annarri aðstöðu
verður á tveimur hæðum. Iðnaðar-
menn vinna nú við frágang innan-
húss auk þess sem eftir er að mal-
bika aðkeyrslu og bílastæði utan-
dyra og girða lóðina af.
Samkvæmt áætlunum stóð til að
fyrirtækið flytti inn í nýja húsið nú
um áramótin. Tafir hafa orðið til
að ekki náðist að halda þau tíma-
mörk. „Við erum eiginlega í vand-
ræðum núna með útisvæðið. Það
á eftir að malbika það. Hér hljóp
allt í frost í nóvember. Það er búið
að vera viðvarandi síðan og ekk-
ert verið hægt að gera vegna þess,“
segir Þórður Þ. Þórðarson fram-
kvæmdastjóri í samtali við Skessu-
horn. Iðnaðarmenn vinna nú af
kappi við að ljúka við bygginguna.
Á síðasta ári keypti Akranesbær
eldra hús fyrirtækisins með lóð við
Dalbraut. Þar hefur Bifreiðastöð
ÞÞÞ haldið til í tuttugu ár eða síð-
an 1994. Samkvæmt samkomulagi
á að afhenda þessar eignir í mars
næstkomandi.
mþh
Þórður Þ. Þórðarson með nýja húsið í baksýn.
Nýja húsið er rúmgott. Iðnaðarmenn vinna nú af kappi við frágang innandyra.
Utanhúss verður farið í að ganga frá lóð og malbika plan um leið og frost fer úr
jörðu.
Hótel Húsafell
Veitingastjóri
Sumarstörf
Um er að ræða fjölbreytt, krefjandi og skemmtileg heilsárs- og sumarstörf við ferðaþjónustu hjá fyrirtækinu
Á Húsafelli er hótel, veitingastaður, bistró, verslun, sundlaug, tjaldsvæði, golfvöllur, upplýsingamiðstöð og sumarhúsabyggð

Við opnum glæsilegt 4ja stjörnu hótel sumarið 2015
Afþreying, útivist og náttúruskoðun verður í fyrirrúmi, þar sem gestir geta sameinað munað lúxushótels og ævintýramennsku í stórkostlegri náttúru.
Á jarðhæð hótelsins verða 36 rúmgóð herbergi, þar af 6 lúxusherbergi. Þar verður einnig gestamóttaka, bar og glæsilegur veitingasalur.
Neðri hæðin hýsir miðstöð náttúruskoðunar og útivistar sem tengist með aðkomutorgi við sundlaugina, golfvöllinn, þjónustumiðstöð og bistró veitingastað.
Aðstaða verður fyrir búnað til jöklaferða, hellaskoðunar og gönguferða. Á hæðinni er einnig fjölnota salur sem hentar vel til sýninga og fundahalda.
Hótel Húsafell auglýsir eftir kraftmiklu fólki til starfa
Eftirfarandi störf eru laus til umsóknar:
SK
ES
SU
H
O
R
N
2
01
5