Skessuhorn - 14.01.2015, Blaðsíða 23

23MIÐVIKUDAGUR 14. JANÚAR 2015
Gestkvæmt hefur verið í húsi við
Vesturgötu á Akranesi að undan-
förnu. Fjölmörg börn hafa litið í
heimsókn og fengið þar tækifæri
til að skoða og knúsa litla hvolpa.
Blaðamaður Skessuhorns leit inn
hjá hjónunum Maríu Guðfinnu
Davíðsdóttur hjúkrunarfræðinema
og Kára Gunndórssyni lögfræð-
ingi, þegar nemendur úr 7. bekk
í Brekkubæjarskóla voru í heim-
sókn. María og Kári eru eigendur
tíkarinnar Emmu, móður hvolp-
anna. María og Kári eiga fjög-
ur börn. Þrjú þeirra eru á grunn-
skólaaldri og eitt í leikskóla og hafa
þau öll mikla ánægju af hundunum.
„Þeim finnst þetta rosalega gaman.
Svo finnst þeim svo skemmtilegt að
sýna hvolpana og krökkunum gam-
an að sjá þá. Þannig að ég bara gat
ekki sleppt því að bjóða jafnöldrum
þeirra að koma og skoða.“ María
bauð því bekkjarfélögum barna
sinna í heimsókn að skoða hvolp-
ana.
Börnin komu í hollum
Samtals komu 131 barn í heim-
sókn, auk kennara. „Leikskóla-
börnin voru rúmlega tuttugu sem
komu með strætó hingað í þrem-
ur hópum. Svo komu grunnskóla-
börnin hingað í nokkrum hollum
líka,“ heldur María áfram. Ekki
er sjálfgefið að tíkur séu rólegar
þegar svona margir handleika af-
kvæmi þeirra en blaðamaður veit-
ir því eftirtekt að Emma kippir sér
ekki mikið upp við gestaganginn.
Hún gengur róleg á milli barnanna
og þiggur klapp líka, líkt og hvolp-
arnir litlu. Emma er af tegundinni
Kóngapúðli (e. Standard Poodle)
og er stærsta gerðin af púðluhund-
um. Hvolpar af þessari gerð eru til-
tölulega sjaldgæfir á landinu enda
einungis tveir ræktendur á Íslandi.
„Ég fékk mér fyrst þessa tegund
árið 2002. Þeir fara ekki úr hárum
og eru með mjög gott geðslag. Þeir
eru ólíkir minnstu púðluhundunum
og eru frekar líkari Labrador hund-
um í geðslagi, eru einstaklega gáf-
aðir og barngóðir og því frábærir
heimilishundar,“ útskýrir María.
Miklir dýravinir
Það var í lok nóvember sem Emma
gaut hvolpunum níu. Að sögn
Maríu hefur Emma verið þeim góð
móðir og séð um hvolpana sjálf að
öllu leyti. María segir það þó tölu-
verða vinnu að vera með svona
marga hvolpa á heimilinu. „Ég
myndi segja að þetta væri ekki fyr-
ir útivinnandi fólk. Þeir eru samt
mjög rólegir og góðir. Þeir sofa
dálítið mikið fyrst um sinn en eru
farnir að leika mikið við hvern
annan. Það eru lítil læti í þeim og
þeir væla ekki á nóttunni. En það
þarf að fara á fætur á nóttunni og
hreinsa upp kúk, svo þeir stígi ekki
í hann,“ útskýrir María sem hef-
ur stúkað hvolpana af í stofunni.
Hvolparnir níu eru kátir með at-
hyglina sem þeir fá frá börnunum.
Þeir kíkja yfir gerðið og bíða eftir
að þeir verði teknir í fangið. Það
er nánast eins og heimsókn í lítinn
húsdýragarð að kíkja við á Vestur-
götunni. Heimiliskötturinn Keli
kemur trítlandi inn í stofuna þegar
börnin hafa komið sér fyrir og vill
líka fá sitt. „Hann fór í fýlu fyrst
eftir að hvolparnir fæddust en er
búinn að jafna sig. Hann danglar
stundum aðeins í þá,“ segir María.
Auk hundanna og Kela á fjölskyld-
an tvo naggrísi og tvo hesta. Það
er því óhætt að segja að þarna búi
miklir dýravinir.
Börnin skiptast á að halda á
hvolpunum og tíminn er fljótur að
líða. Þau dásama sæta hvolpana og
tíma varla að láta þá frá sér þegar
heimsókninni er að ljúka. Það má
alveg búast við því að nokkur börn
hafi beðið um hund þegar heim var
komið eftir svona heimsókn enda
heillar ungviðið. Áhugasamir les-
endur geta skoðað hvolpana betur
á Facebook, undir nafninu Bifrast-
arpúðlar. Þar eru þeir til sölu, ætt-
bókarfærðir, heilsufarsskoðaðir og
bólusettir.
grþ
Bauð rúmlega hundrað börnum í hvolpaheimsókn
Hluti nemenda úr 7. bekk Brekkubæjarskóla að heimsækja Emmu og hvolpana hennar.
Pennagrein
FSN – fjárlögin, forsagan og framtíðin
Fjölbrautaskóli Snæfellinga þarf
að fækka fjarnemum við skólann
um nærri helming á þessari önn
vegna niðurskurðar á fjárlögum.
Í viðtali á RÚV í sl. viku útskýrði
skólameistari það sem við skól-
anum blasir, nú þegar fjárlög árs-
ins 2015 koma til framkvæmda.
Undirrituð tekur undir áhyggjur
skólameistara og bætir hér nokkr-
um skýringum við. Rétt er að taka
fram að þessi niðurstaða kemur
ekki alveg á óvart. Hún er stað-
reynd, þrátt fyrir baráttu skóla-
nefndar og sveitarstjórnarmanna,
á Snæfellsnesi og sunnanverðum
Vestfjörðum, nú í haust, við að fá
þessum forsendum breytt.
Fjárlög 2015
Niðurskurðurinn byggir eink-
um á tveimur forsendum. Ann-
ars vegar er nemendaígildum við
skólann fækkað úr 185 í 151 eða
um 18,4%. Nemendaígildin eru
nemendakvóti skólans sem fjár-
framlög hans byggjast á. Ekk-
ert fæst fyrir að mennta nem-
endur „umfram kvóta“. Fækkun-
in tengist annarri forsendu; þeirri
að skólinn eigi að einbeita sér að
„kjarnastarfsemi“ framhaldsskóla,
sem sé að mennta dagskólanem-
endur á hefðbundnum framhalds-
skólaaldri – undir 25 ára. Skólinn
eigi því ekki að sækjast eftir dreif-
og fjarnemendum.
Á móti fækkun nemendaígilda
vegur reyndar tímabær hækkun
greiðslu fyrir hvert ígildi til að
mæta kjarasamningum við kenn-
ara og verðlagshækkunum. Heild-
arniðurstaðan varð samt sú að
framlag til FSN á fjárlögum 2015
lækkaði um rúm 3% frá fjárlög-
um 2014, eða um 7 millj. kr.
Fækkun fjarnema – og
vandinn við það
Fækkun nemendaígilda er stað-
reynd hjá fleiri skólum en okkar og
er skýrð að hluta með því að fólki
á „framhaldsskólaaldri“ fari nú
fækkandi. Einnig er yfirlýst stefna
ráðuneytis menntamála að fækka
nemendum eldri en 25 ára í fram-
haldsskólum – og það strax á þess-
ari önn. Engu að síður eiga nem-
endur 25 ára og eldri sem nú eru í
námi að hafa forgang til náms skv.
reglugerð um innritun í framhalds-
skóla, sem ekki hefur verið breytt.
Forgang hafa einnig nýnemar, dag-
skólanemar, starfsbrautarnemar,
tilvonandi útskriftarnemar og fleiri.
Samanlagt munu þessir forgangs-
hópar fara talsvert yfir 151 nem-
endaígildi hjá FSN. Skólinn má og
gæti ákveðið að taka við fleiri nem-
endum, en fengi ekki greitt fyrir
að mennta þá. Þegar upp er stað-
ið væri hætta á að rýra gæði náms
annarra nemenda. Svo undarlega
sem það hljómar þarf skólinn þó
sárlega á þessum fjarnemum að
halda til að stækka nemendahópa í
einstökum áföngum og bjóða fjöl-
breyttara nám. Skólinn hefur m.a.
tekið þátt í samstarfi fleiri fram-
haldsskóla um Fjarmenntaskólann
í þessu skyni. Þarna er skólinn því í
verulegri klemmu.
Forsagan og framtíðin
FSN fagnaði 10 ára afmæli á liðnu
ári. Skólinn varð að veruleika fyrir
samstöðu og framsýni heimamanna,
stuðning og atbeina þingmanna
og góðan undirbúning ráðuneyt-
is menntamála þegar ákvörðun um
skólastofnun lá fyrir. Frá 2007 hef-
ur FSN rekið fjarnámsdeild á sunn-
anverðum Vestfjörðum sem nú tel-
ur hátt í 40 nemendur og er skólan-
um mikið kappsmál að standa fag-
lega að þeirri starfsemi. FSN bygg-
ir á hugmyndafræði sem frá upphafi
var úthugsuð: skólinn átti að verða
leiðandi í að hagnýta upplýsinga-
tækni, m.a. til fjar- og dreifnáms
og leggja áherslu á sveigjanleika og
einstaklingsbundið nám. Þetta hef-
ur í megindráttum tekist þó marga
dreymi um að taka enn stærri og
metnaðarfyllri skref.
Skólinn á óafgreidd erindi hjá
ráðuneyti menntamála, sem gætu
bætt fjárhagsstöðuna eitthvað á
árinu 2015. Það verður þó að segjast
eins og er að fyrrgreindar áherslu-
breytingar ráðuneytisins eru skýrar
og höggva beint að sérstöðu FSN,
þ.e. þróun fjar- og dreifnáms. Það
er undarlegt að sú sérstaða teljist
ekki lengur vera „kjarnafærni“ okk-
ar. Þar að auki skýtur þessi veik-
ing skólans skökku við, nú þeg-
ar fjármunum er varið sérstaklega
til að hækka menntunarstig í kjör-
dæminu með öðrum hætti og þegar
verja skal nýjum fjármunum til að
flytja störf „út á land“ í því skyni að
styrkja byggðir.
Skólanefnd er ekki valdamikil
en sinnir sínu lögbundna hlutverki
með hag skólans að leiðarljósi.
Tækifærin eru fjölmörg og bjart-
sýnin þrátt fyrir allt skammt und-
an – við eigum nefnilega frábært
fólk í FSN, starfsfólk og nemend-
ur. Skólinn er gjarnan skilgreind-
ur sem „menntastofnun“ – sem er
virðulegt og mikilvægt hlutverk.
Heimamenn vita þó að skólinn
gegnir mun veigameira hlutverki í
samfélögunum okkar en það. Þeir
munu án efa sýna stuðning sinn við
skólann, hér eftir sem hingað til.
Björg Ágústsdóttir, formaður
skólanefndar FSN.
Börnin höfðu gaman af dýrunum á heimilinu.
Krakkarnir skiptust á að halda á
hvolpunum níu.
Kötturinn Keli var alsæll með að fá
smá knús líka.
Hvolparnir vöktu mikla lukku, enda
ósköp sætir.
Tíkin Emma var róleg og yfirveguð
þrátt fyrir barnafjöldann.