Skessuhorn - 04.02.2015, Blaðsíða 23

23MIÐVIKUDAGUR 4. FEBRÚAR 2015
Pennagrein
Jöfnun kostnaðar við húshitun
og dreifingu raforku
Víða á landsbyggðinni var mikið
fjallað um jöfnun raforkukostnað-
ar fyrir síðustu kosningar. Flestir
stjórnmálaflokkar, og þar með tal-
inn Framsóknarflokkurinn, lögðu
áherslu á að jafna þennan kostnað.
Til þess að það náist til frambúð-
ar þá þarf að endurskoða núverandi
löggjöf hvað þetta snertir. Þessi
stefna er mörkuð í stjórnarsáttmála
ríkisstjórnarinnar en þar segir orð-
rétt: „Unnið verður að jöfnun raf-
orku- og húshitunarkostnaðar.“
Til að þrýsta á framgang málsins
þá hefur undirritaður ítrekað tekið
málið upp, nú síðast í umræðum á
Alþingi 2. febrúar sl.
Staða málsins er sú að iðnað-
ar- og viðskiptaráðherra hefur lagt
fram frumvarp um jöfnun á dreif-
ingarkostnaði raforku en það mál
er nú í vinnslu á Alþingi og klár-
ast nú á vorþingi. Frumvarpið ger-
ir ráð fyrir að lagt verði sérstakt
jöfnunargjald á þá raforku sem fer
um dreifikerfi dreifiveitna með það
að markmiði að standa undir fullri
jöfnun kostnaðar við dreifingu raf-
orku til almennra notenda, þ.e.
heimila og fyrirtækja sem fá raf-
orku sína beint frá dreifiveitunum.
Þetta þýðir að kostnaður við dreif-
ingu raforku verður sá sami óháð
því hvort viðkomandi er búsettur í
þéttbýli eða dreifbýli.
Það er einnig réttlættismál að
jafna raforkukostnað þeirra sem
búa á köldum svæðum og þar hafa
verið til skoðunar ýmsar leiðir. Rík-
isstjórnin mun á næstu vikum leggja
fram þingmál á Alþingi sem miðar
að því að jafna að fullu húshitunar-
kostnað á köldum svæðum. Það er
síðan mikilvægt að Alþingi nái að
klára það mál nú á vorþingi þann-
ig að þetta komist til framkvæmda
sem fyrst.
Ríkisstjórnin mun jafna húshit-
unarkostnað á köldum svæðum og
dreifikostnað raforku í dreifbýli.
Það er mikilvægt að aðgerðirnar
séu til frambúðar og að þær komist
til framkvæmda fyrr en síðar. Með
tilliti til byggðasjónarmiða og jafn-
ræðis til búsetuvals, er ekki verjandi
að verð á jafn mikilvægum nauð-
synjum og rafmagni og húshitunar-
kostnaði skuli vera jafn breytilegur
milli landsvæða og raun ber vitni.
Ásmundur Einar Daðason.
Höf. er alþingismaður Framsókn-
arflokksins.
Freisting vikunnar
Á köldum vetrardögum er fátt
betra en ilmurinn og bragðið af
nýbökuðum kanilsnúðum. Til
eru allskonar uppskriftir af slík-
um snúðum og margar þeirra
hafa verið bakaðar af sömu fjöl-
skyldunni í áratugi. Þá er mis-
jafnt hvort fólki finnst betra,
snúðar sem eru bakaðir með geri
eða án þess. Sitt sýnist hverjum
og oft eru það snúðarnir sem
„amma bakaði“ sem hafa vinn-
inginn. Við birtum hér eina upp-
skrift af sannkölluðum „ömmu
snúðum“ sem lesendur Skessu-
horns geta prófað og gætt sér á.
Snúðarnir eru bestir heitir og
jafnvel með glassúr.
Ömmu kanilsnúðar
550 gr. hveiti
4-5 tsk. lyftiduft
1 dl. sykur
100 gr. brætt smjör/smjörlíki
3 ½ dl. mjólk
Á milli:
50 gr. brætt smjör og kanilsykur.
Öllu blandað saman og hnoðað
vel. Deiginu er skipt í tvo hluta og
flatt út. Smjöri penslað á deigið
og kanilsykri stráð yfir (ekki spara
hann). Rúlla þétt og vel upp og
skerið svo í 1 -2 cm stóra snúða.
Raðið snúðunum á bökunarplötu
klædda bökunarpappír og bakið
í 15 - 20 mínútur við 180 gráðu
hita. Snúðarnir eru tilbúnir þegar
þeir hafa náð ljósum, gylltum lit.
Ljósm. freistingarthelmu.blogs-
pot.com
Gamaldags kanilsnúðar
Þorrinn blótaður í Klifi
Yfir þrjú hunduð manns fögn-
uðu þorranum í félagsheimilinu
Klifi í Ólafsvík á laugardaginn. Þar
skemmtu íbúar og gestir þeirra
sér konulega yfir góðum mat og
skemmtiatriðum sem félagasam-
tök sáu um. Var það mál manna
að skemmtun og matur hafi verið
framúrskarandi og allir farið sátt-
ir heim. Að skemmtiatriðum lokn-
um var svo dansað langt fram á nótt
með hljómsveitinni Bland. af
Hættir sem umboðsmaður VÍS í Snæfellsbæ eftir rúmlega 16 ára starf
Um næstu mánaðamót verða breyt-
ingar á umboðsskrifstofu trygg-
ingafélagsins VÍS í Snæfellsbæ. Pét-
ur Steinar Jóhannsson sem gegnt
hefur starfi umboðsmanns í rúm 16
ár lætur þá af störfum og við tekur
sonur hans Jóhann Pétursson sem
starfað hefur sem bókari hjá Snæ-
fellsbæ. Pétur hefur sinnt ýmsum
öðrum verkefnum meðfram starfi
sínu sem umboðsmaður VÍS þenn-
an tíma, meðal annars staðið að út-
gáfu sjómannadagsblaðsins í Snæ-
fellsbæ. Blaðamaður Skessuhorns
átti spjall við Pétur núna á dög-
unum vegna þeirra breytinga sem
framundan eru. Í því spjalli kom
meðal annars fram að Pétur er
að norðan, er Skagstrendingur í
húð og hár en hefur búið í Ólafs-
vík í tæplega 50 ár. „Ég segi gjarn-
an að konan hafi sótt mig norð-
ur. Hún kom í Húsmæðraskólann
á Blönduósi og ég kynntist henni
þar. Það voru góðar stofnanir, hús-
mæðraskólarnir á þessum árum og
ættu að starfa áfram,“ segir Pétur
og brosir.
Vissi ekki mikið um
tryggingar í byrjun
Pétur fluttist sem sagt ungur úr
sjávarplássi fyrir norðan í annað
sjávarpláss fyrir vestan. Hann fór
snemma á sjóinn og leiðin lá í Stýri-
mannaskólann í Reykjavík, þaðan
sem hann útskrifaðist með fiski-
mannapróf 1970. Pétur var síðan
skipstjóri í nokkur ár á vertíðarbát-
um frá Ólafsvík. Hann var á sjónum
þegar hann byrjaði að gefa út sjó-
mannadagsblaðið. „Ég hafði strax
gaman af þessu og fann að það átti
ágætlega við mig að spjalla við fólk
og það voru líka ýmsir sem tóku
vel í að skrifa í blaðið,“ segir Pét-
ur. Þegar honum bauðst að gerast
umboðsmaður VÍS á skrifstofunni
í Ólafsvík sló hann til. „Ég vissi svo
sem ekki mikið um tryggingar þeg-
ar ég byrjaði en fékk góða aðstoð
í upphafi. Það var gott að leita til
samstarfsfólks á svæðisskrifstof-
unni á Akranesi og aðalskrifstof-
unni í Reykjavík. Þetta kom mjög
fljótt og ég hef kunnað mjög vel
við mig í þessu starfi. Hérna koma
margir og þetta er líflegur vinnu-
staður. Ég fer líka út á örkina til að
meta eignir hjá nýjum viðskipta-
vinum og einnig til að meta tjón
þegar þannig ber við. Þetta er bæði
fjölbreytt og skemmtilegt starf,“
segir Pétur.
Letrið í tryggingunum
jafnstórt
Aðspurður hvort að tryggingar hafi
mikið breyst á þessum sextán árum
segir Pétur að í grunninn sé þetta
mjög svipað. „Stærsti hlutinn eru
fjölskyldu- og húseigendatrygging-
ar. Síðan er það útgerðin með sínar
tryggingar, slysatryggingar á áhöfn-
um og eignatryggingar. Viðskiptin
við okkur hafa verið mikil á svæð-
inu, bæði hjá einstaklingum og fyr-
irtækjum og ekki mikil hreyfing þótt
meira hafi verið um útboð á trygg-
ingum núna í seinni tíð.“ Spurður
um viðhorf fólks til tryggingafélag-
anna, hvort breyting hafi orðið á því
,segir hann að þetta snúist vitanlega
mikið um að viðskiptavinurinn sé
ánægður og að hann fái góða þjón-
ustu. „Þetta hefur oft verið að mæl-
ast svipað í könnunum. Það er alltaf
verið að tala um smáa letrið í trygg-
ingunum, en hjá okkur er letrið jafn-
stórt. Við segjum það gjarnan,“ segir
Pétur í gamansömum tón.
Í nógu að snúast
Pétur er nú að láta af störfum hjá
VÍS vegna aldurs en hann er kom-
inn á eftirlaunaaldur, orðinn 67 ára.
Starfið í tryggingunum hefur verið
hans aðalstarf. Skrifstofan var fyrstu
árin til húsa í húsnæði Landsbank-
ans í Ólafsvík, en síðan keypti Pét-
ur sjálfur eigið húsnæði í gömlu lög-
reglustöðinni við Ólafsbraut og þar
hefur skrifstofan verið síðan. Pét-
ur hefur einnig meðfram trygging-
unum starfað að sölu fasteigna hjá
Fasteignasölunni Valhöll og ver-
ið með umboð fyrir Símann. Þá er
ótalin útgáfa Sjómannadagsblaðs
Snæfellsbæjar sem hann byrjaði
að gefa út 1987. Blaðið kom ekki
reglulega út fyrstu árin en frá árinu
1995 hefur það komið út samfleytt.
„Ég hef séð um nær alla efnisöflun
en fengið aðstoð frá syni mínum og
öðrum manni við öflun auglýsinga í
blaðið fyrir útgáfukostnaði. Ég hef
mjög gaman af þessu og það hefur
gengið vel að fá efni í blaðið.
Væntanlega mun ég taka það ró-
lega í svolítinn tíma eftir að ég hætti,
en mér sýnist að fasteignamarkaður-
inn sé að glæðast og verkefnin auk-
ist þar. Svo kíki ég kannski í kring-
um mig eftir fleiri verkefnum. Mér
finnst ekkert tímabært að fara að
setjast í helgan stein strax, enda
maður á besta aldri,“ sagði Pétur
Steinar Jóhannsson að endingu. þá
Pétur S Jóhannsson á skrifstofu VÍS með sjómannadagsblaðið sem hann hefur gefið út.