Skessuhorn - 13.05.2015, Blaðsíða 2

2 MIÐVIKUDAGUR 13. MAÍ 2015
Leigutími er tíu áR og er til loka
mars 2025. Á samningstímanum
annast félagið rekstur og viðhald
húsanna utan sem innan.
„Þetta er frábær dagur og stór-
sýning Fornbílafjelagsins og Rafta
öll hin glæsilegasta,“ sagði Kol-
finna við þetta tilefni. „Fólki þyk-
ir vænt um eyjuna og hingað kem-
ur gríðarlegur fjöldi fólks. Samn-
ingar sem Borgarbyggð hafa gert
við ýmis félagasamtök hafa leitt til
þess að gengið hefur betur að varð-
veita byggingar í eyjunni og sögu
þeirra. Umhverfið hér í Brákarey
er einstakt og heillandi. Fram-
takssemi og kraftur félaganna sem
hafa starfsemi í Brákarey hefur
haft mikil áhrif á mannlíf og gef-
ið Brákarey í raun nýtt hlutverk,”
sagði Kolfinna. mm
Uppstigningardagur er á morgun, fimmtu-
daginn 14. maí. Latneska orðið ascencio
er haft um þennan hátíðisdag innan róm-
versk-kaþólsku kirkjunnar. Uppstigningar-
dagur er lögbundinn frídagur og fólk því
minnt á að mæta ekki óvart til vinnu!
Á fimmtudag og föstudag er spáð suðaust-
an 8-15 m/s. Súld eða rigningu á köflum á
fimmtudag en rigning verður á föstudag.
Sunnan 5-10 m/s á Norður- og Austurlandi.
Hiti 6-14 stig, hlýjast á Norðurlandi. Hæg
og breytileg átt á laugardag. Rigning eða
skúrir í flestum landshlutum. Hiti 5-10 stig.
Á sunnudag snýr í norðan 8-15 m/s með
rigningu eða slyddu. Bjartviðri sunnan til
á landinu, hiti 6-10 stig yfir daginn. Áfram-
haldandi norðanátt og lítið breytt hitastig
á mánudag.
Í síðustu viku var spurt á vef Skessuhorns:
„Ertu búin(n) að skipuleggja sumarfríið?“
Verð að vinna var svar 14,57%. 16,57% ætla
til útlanda, 17,43% ætla að ferðast inn-
anlands og 10,86% hyggjast eyða fríinu
heima. „Sitt lítið af hverju“ sögðu 26,86% og
13,71% kváðust ekki vita það enn.
Í þessari viku er spurt:
Tókst þér að sólbrenna í
síðustu viku?
Árni Ólafur Jónsson, matreiðslumaður og
þáttarstjórnandi Hins blómlega bús, er Vest-
lendingur vikunnar. Árni og aðrir aðstand-
endur þáttanna hafa unnið frábært starf
við kynningu á landshlutanum undanfarin
misseri og ár.
Til minnis
Veðurhorfur
Spurning
vikunnar
Vestlendingur
vikunnar
Leiðrétt vegna
viðtals við
Berglindi Ýr
BORGARFJ: Í blaði síðustu
viku var rætt við Berglindi Ýr
Ingvarsdóttir, tvítuga stúlku úr
Borgarnesi, sem nú í vor mun
fyrst nemenda útskrifast af sam-
eiginlegri braut Menntaskóla
Borgarfjarðar og búfræðibraut-
ar Landbúnaðarháskóla Íslands
á Hvanneyri. Í viðtali er hún að
segja frá því þegar hún sem lítil
stelpa var í sveit hjá ömmu sinni
og afa á Þursstöðum og hjá
móðursystir sinni á Gilsbakka.
Þá sagði Berglind Ýr orðrétt:
„Eftir fermingu fór ég í sveit
að Sigmundarstöðum í Þverár-
hlíð. Ég hef alltaf sótt mikið í að
vera þar og hef oft sagt að þau
séu önnur fjölskyldan mín. Ég
hef lært mikið af þeim og það
má segja að þar hafi ég fengið
aukinn áhugi á sauðfé.” Blaða-
maður sem yfirfór viðtalið mis-
skildi hér í textanum og bætti
við nöfnum húsráðenda á Gils-
bakka, en Berglind Ýr var í til-
vitnum að ræða um fólkið á Sig-
mundarstöðum sem hún var í
sveit hjá eftir fermingu. Þetta
leiðréttist hér með og biður
undirritaður alla hlutaðeigandi
afsökunar á þessari handvömm.
–mm
Hvalfjarðargöng
lokuð um helgina
HVALFJ: Ákveðið hefur ver-
ið að loka Hvalfjarðargöngum
um næstu helgi. Göngin verða
lokuð frá klukkan 20 að kvöldi
föstudagsins 15. maí til klukk-
an 6 að morgni mánudagsins
18. maí. Ástæðan er sú að nú á
að endurnýja malbik á annarri
akrein ganganna, það er þeirri
sem liggur til norðurs. Upphaf-
lega stóð til að fara í þetta verk
í aprílmánuði en framkvæmd-
ir frestuðust vegna óveðra og
slæmra akstursskilyrða fyr-
ir Hvalfjörð. Nú er hins vegar
komið að hinu óumflýjanlega
þar sem vegfarendur þurfa að
aka þjóðveginn fyrir Hvalfjörð
í eina helgi í stað þess að fara
undir fjörðinn.
-mþh
Faxaflóahafnir
svara Umhverfis-
vaktinni
HVALFJ: Faxaflóahafnir hafa
svarað opnu bréfi Umhverfis-
vaktarinnar sem birt var í síð-
asta tölublaði Skessuhorns og
einnig á vef blaðsins. Í þessu
opna bréfi voru fyrirspurnir í
15 liðum sem varða fyrirhug-
aða sólarkísilverksmiðju Silicor
Materials á Grundartanga. Á
fundi sínum síðastliðinn föstu-
dag fól stjórn Faxaflóahafna
Gísla Gísasyni hafnarstjóra að
svara spurningum Umhverfis-
vaktarinnar skriflega. Ítarlegt
svar liggur nú fyrir og má lesa
það á vef Skessuhorns í frétt frá
því í gær, 12. maí.
–mþh
Fulltrúar sveitarstjórnar Hvalfjarð-
arsveitar, hafnarstjóri og stjórnar-
formaður Faxaflóahafna undirrit-
uðu í síðustu viku samkomulag um
„grænar áherslur í starfsemi, upp-
byggingu, gatnagerð og frágangi
lóða á Grundartanga.“ Í samkomu-
laginu eru ákvæði um sameigin-
leg markmið, samstarf og verka-
skiptingu á iðnaðar- og hafnasvæð-
inu á Grundartanga. Ný fyrirtæki
sem sækja um iðnaðarlóðir eiga að
skila Faxaflóahöfnum, Hvalfjarðar-
sveit og Skipulagsstofnun umhverf-
isskýrslu. Í henni á að lýsa fyrir-
hugaðri starfsemi ítarlega. Skýrsl-
an verður síðan notuð til grund-
vallar þess hvort viðkomandi verði
úthlutað lóðinni. Í samningnum er
einnig kveðið á um aukið samstarf
við fyrirtæki sem eru á Grundar-
tanga til að ná fram frekari árangri í
umhverfismálum.
Starfsemi nýrra fyrirtækja á
Grundartangasvæðinu skal hér eft-
ir vera þess eðlis að hún falli ekki
undir flokk A í viðauka 1 í lög-
um um mat á umhverfisáhrifum. Í
þessum flokki er tilgreind starfsemi
sem allaf er háð mati á umhverfis-
áhrifum og getur þannig haft í för
með sér veruleg áhrif á umhverf-
ið. Undir þetta falla til dæmis olíu-
hreinsistöðvar og miklar olíugeym-
slur, umfangsmikið þauleldi á svín-
um og alifuglum, mikil efnistaka á
jarðvegi og frumbræðsla á steypu-
járni og stáli. Einnig framleiðsla
hrámálms, sem inniheldur ekki járn
úr grýti, kirni eða afleiddu hráefni,
sem fer fram með málmvinnsluað-
ferðum, efnafræðilegum aðferð-
um eða rafgreiningaraðferðum og
áfram má telja.
Munu hafa þétt samráð
Samkomulagið kveður þannig á um
að gerðar verði ríkar kröfur til þess
að stafsemi nýrra fyrirtækja hafi í
för með sér lágmarksumhverfisá-
hrif og að starfsemin þar sé með
ekki háð mati á umhverfisáhrif-
um. Faxaflóahafnir og Hvalfjarð-
arsveit ætla í framtíðinni að eiga
með sér formlega samráðsfundi um
umhverfismál á Grundartanga og
upplýsingamiðlun vegna fyrirtækja
sem sýna lóðum á svæðinu áhuga.
„Við erum að skerpa mjög veru-
lega á þeirri starfsemi sem við vilj-
um fá inn á svæðið. Við munum til
viðbótar verða með mjög virkt og
öflugt samráð við Hvalfjarðarsveit
um þessa hluti. Við getum sagt að
við erum að gefa skýrt merki um að
okkur er annt um umhverfið og að
við viljum standa okkur í þeim mál-
um sem snúa að okkur,“ sagði Gísli
Gíslason hafnarstjóri við undirrit-
unina. Skúli Þórðarson sveitarstjóri
Hvalfjarðarsveitar tók undir þetta
og lýsti ánægju með samkomulag-
ið fyrir hönd sveitarstjórnarinn-
ar. „Þetta samkomulag færir okkur
nær öllum ferlum varðandi ákvarð-
anatökur,“ sagði hann.
mþh
Fyrirtæki sjálfkrafa skyld í umhverfismat
koma ekki til álita á Grundartanga
Samningurinn undirritaður í stjórnsýsluhúsinu í Hvalfjarðarsveit. Frá vinstri:
Kristín Soffía Jónsdóttir stjórnarformaður Faxaflóahafna, Gísli Gíslason hafnar-
stjóri, Skúli Þórðarson sveitarstjóri Hvalfjarðarsveitar og Björgvin Helgason
oddviti.
Síðastliðinn laugardag skrifuðu
Kolfinna Jóhannesdóttir sveitar-
stjóri í Borgarbyggð og forsvars-
menn Fornbílafjelags Borgarfjarð-
ar undir tímamóta leigusamning.
Auk núverandi húsnæðis í fyrrum
gærukjallara sláturhússins í Brák-
arey tekur Fornbílafjelagið nú á
leigu húsin sem áður hýstu fjár-
réttina og kjötmjölsverksmiðju
sláturhússins, alls 1.646 fermetra.
Fornbílafjelagið tekur á leigu fjárrétt og gúanó
Kolfinna Jóhannesdóttir ásamt stjórnarmönnum í Fornbílafjelaginu, þeim
Kristjáni Andréssyni, Benedikt Gunnari Lárussyni og Ólafi Helgasyni formanni.
Umhverfis- og auðlindaráðherra
hefur undirritað reglugerð um
baðstaði í náttúrunni. Reglugerð-
in hefur það að markmiði að fyr-
irbyggja og koma í veg fyrir slys
og sýkingar, stuðla að öryggi not-
enda, bættum hollustuháttum og
heilnæmi vatns. Reglugerðin gildir
fyrir baðstaði í náttúrunni sem eru
skilgreindir sem náttúrulaugar eða
baðstrendur sem notaðar eru til
baða af almenningi þar sem vatn er
ómeðhöndlað af sótthreinsiefnum,
geislun eða á annan hátt. Til bað-
staðar telst einnig búnings- og sal-
ernisaðstaða sem tilheyrir baðstað
og önnur aðstaða fyrir baðgesti. Á
Vesturlandi má finna nokkra bað-
staði í náttúrunni sem falla undir
þessa skilgreiningu. Þar á meðal
má nefna Krosslaug, eða Reykja-
laug sem er í landi Reykja í Lund-
arreykjadal, Hreppslaug í Skorra-
dal, Lýsuhólslaug á Snæfellsnesi,
Guðrúnarlaug í Dalabyggð og
baðströndina Langasand á Akra-
nesi.
Samkvæmt reglugerðinni eru
baðstaðir í náttúrunni flokkaðir
í þrjá flokka og eru baðstaðir í 1.
og 2. flokki starfsleyfisskyldir. Það
eru baðstaðir þar sem reglubund-
inn rekstur fer fram og baðstað-
ir þar sem tilfallandi rekstur fer
fram. Rekstraraðilum þessara staða
ber að tryggja að skilyrði reglu-
gerðarinnar, sem og reglugerðar
um hollustuhætti á sund- og bað-
stöðum, sé uppfyllt. Í þriðja flokki
eru baðstaðir þar sem ekki er um
rekstur að ræða og eru þeir ekki
starfsleyfisskyldir. Í reglugerðinni
eru ákvæði varðandi starfsleyfi, ör-
yggi notenda á baðstöðum, innra
eftirlit, upplýsingar fyrir almenn-
ing á vef Umhverfisstofnunar, um
eftirlit og örverurannsóknir á bað-
vatninu. Í viðauka með reglugerð-
inni eru sett fram viðmið fyrir heil-
næmi og gæði baðvatns auk þess
sem kveðið er á um að taka skuli
saman upplýsingar fyrir baðstaði í
öllum flokkum sem skulu vera að-
gengilegar baðgestum.
grþ
Ný reglugerð um baðstaði í náttúrunni
Langisandur er einn þeirra náttúrulegu baðstaða sem reglugerðin gildir fyrir.