Skessuhorn - 13.05.2015, Blaðsíða 16

16 MIÐVIKUDAGUR 13. MAÍ 2015
Meistaraflokkur karla í Skalla-
grími vann á dögunum stórsigur á
liði Stokkseyrar í Borgunarbikarn-
um, 11-0. Næst mætir Skallagrím-
ur BÍ/Bolungarvík í sömu keppni á
Torfnesvelli 19. maí næstkomandi.
Lið Skallagríms var lagt niður árið
2012 en tók svo aftur þátt árið 2013
og í fyrra. Það leikur í B-riðli fjórðu
deildar Íslandsmótsins í sumar líkt
og síðasta sumar og fyrsti leikur liðs-
ins verður gegn Afríku á Leiknisvelli
22. maí.
„Stefnan er að fara upp og spila í
þriðju deild á næsta ári og við von-
umst eftir að gera einhvern usla í
bikarnum,“ sagði Hrannar Leifsson,
framkvæmdastjóri knattspyrnu-
deildar Skallagríms, í samtali við
Skessuhorn. „Við réðum nýjan þjálf-
ara, Sigurð Þóri Þorsteinsson. Það
var gríðarlega metnaðarfull ráðning
að okkar hálfu, hann er margreynd-
ur í boltanum, er formaður Knatt-
spyrnuþjálfarafélags Íslands og hef-
ur áður þjálfað til dæmis Aftureld-
ingu, Breiðablik, ÍR og Fylki, bæði
yngri og eldri flokka.“ Leikmanna-
hópur Skallagríms telur um 25 leik-
menn sem verður að teljast nokk-
uð stór hópur, miðað við önnur lið
í fjórðu deildinni að minnsta kosti.
„Við erum búnir að vera að safna
liði í vetur og höfum fengið til okk-
ar nokkra mjög öfluga leikmenn.
Tvo höfum við fengið á láni frá
Fram, unga stráka og svo fengum
við tvo sem spiluðu með Grundar-
firði í fyrra. Svo verða tveir Bretar
með liðinu í sumar. Markvörðurinn
sem spilaði hér í fyrra og svo ann-
ar, ungur leikmaður sem kemur úr
unglingaakademíu Blackburn,“ seg-
ir Hrannar.
Aðspurður um kvennalið Skalla-
gríms segir Hrannar að meistara-
flokkslið kvenna taki ekki þátt í Ís-
landsmótinu í sumar. „Ekki að það
sé ekki vilji fyrir því hjá félaginu,
þvert á móti. Við vildum helst geta
sent kvennalið til keppni en það hef-
ur ekki fengist nægilegur mann-
skapur til að það sé hægt, því mið-
ur,“ bætir hann við.
Leikmannakynning
í kvöld
Í kvöld, miðvikudagskvöldið 13.
maí, verður leikmannakynning í
Edduveröld í Borgarnesi þar sem
leikmenn og þjálfarar verða kynntir
og farið verður yfir helstu áherslur
fyrir komandi sumar. Að því loknu
verður fótboltaspurningakeppni
fyrir gesti. „Það mættu um hundrað
manns á leikinn gegn Stokkseyring-
um. Við grilluðum svo pylsur ofan í
alla í hálfleik í boði Nettó. Það verð-
ur eitthvað slíkt í boði á öllum leikj-
um í sumar. Það er mikil stemning
í bænum fyrir komandi keppnis-
tímabil og það sést til dæmis á yngri
flokka starfinu. Þeir tóku dálítið við
sér í vetur. Iðkendafjöldi tvöfald-
aðist frá mars 2014 til mars 2015
og við reiknum með að þeim haldi
áfram að fjölga út sumarið, sérstak-
lega í ljósi þess að við verðum með
fótboltaskóla fimm daga vikunnar í
allt sumar,“ segir Hrannar. „Ég von-
ast svo auðvitað til að sjá sem flesta
á vellinum í sumar,“ bætir hann við
að endingu.
kgk
Byrjunarlið Skallagríms sem skellti Stokkseyri 11-0 í Borgarnesi á dögunum.
Knattspyrnusumarið fer vel af stað hjá Skallagrímsmönnum
Mánudaginn 11. maí voru forseta-
kosningar í Fjölbrautaskóla Snæ-
fellinga. Þá var kjörinn nýr for-
seti nemendafélagsins, NFSN,
sem tekur við keflinu af Nökkva
Frey Smárasyni sem hefur gegnt
embættinu síðasta skólaár. Það var
Grundfirðingurinn Hilmar Orri
Jóhannsson sem var hlutskarpast-
ur í kosningunni og mun taka við
embættinu í haust. Hér er Nökkvi
til vinstri á mynd að óska Hilmari
til hamingju.
tfk
Þessa dagana er full þörf á að fara
varlega með eld. Miklir þurrk-
ar hafa verið vikum saman og þarf
lítið til að kvikni í sinu og öðrum
gróðri. Fólk varð áþreifanlega vart
við þetta þegar miklir eldar kvikn-
uðu í landi Fáskrúðarbakka á Snæ-
fellsnesi 2. maí síðastliðinn. Tal-
ið er að eldarnir hafi kviknað eftir
að stór fugl flaug á raflínur. „Þetta
var heilmikið sjónarspil. Eldurinn
fór hér niður allan flóann og niður
að ármótum. Fólk hér á bænum var
upptekið við að flytja sauðfé milli
húsa þegar við urðum vör við reyk-
inn og rafmagnið fór,“ segir Stein-
unn Hrólfsdóttir. Synir hennar búa
á Fáskrúðarbakka, hún bjó þar sjálf
um árabil en er nú búsett í Borgar-
nesi. Hún er nú stödd á Fáskrúðar-
bakka enda í nægu að snúast þar í
sauðburði. „Hann gengur afar vel,
hér er allt upp í fjórlembt hjá okk-
ur,“ segir Steinunn. mþh
Stórt svæði brann í sinueldi
Mynd tekinn niður yfir flóann á Fáskrúðarbakka í liðinni viku sem sýnir að
gríðarstórt landflæmi brann 2. maí. Útigangshrossin urðu hálf ráðvillt eftir þessa
uppákomu þar sem haginn brann en róuðust þegar þeim var færð heyrúlla í
sárabætur.
Kosinn nýr formaður NFSN
Bestu kleinur í heimi
Freisting vikunnar að þessu sinni
er ættuð úr Skagafirðinum. Einn
af blaðamönnum Skessuhorns varð
þeirrar gæfu aðnjótandi um síð-
astliðna helgi að smakka nýbak-
aðar og volgar kleinur, sem voru
óvenju bragðgóðar. Það varð úr
að haft var samband við tvær syst-
ur, þær Tobbu og Stínu, sem halda
úti uppskriftasíðunni eldhussystur.
com og birta þar ýmsar kræsing-
ar en kleinurnar góðu voru bak-
aðar eftir uppskrift sem birt var
á þeirri síðu. Uppskriftin kemur
upprunalega frá Ingu, nágranna-
konu systranna á Sauðárkróki. Sem
börn runnu systurnar á lyktina í
hvert sinn sem Inga steikti kleinur
og fengu smakk. Úr varð að móð-
ir systranna fékk uppskriftina sem
gengur nú undir nafninu „Bestu
kleinur í heimi“.
Kleinurnar hennar Ingu
1 kg Kornaxhveiti
350 gr sykur
100 gr smjör/smjörlíki
2 egg
2 tsk lyftiduft
2 tsk hjartasalt
5 dl súrmjólk
1/2 tsk kardimommudropar,
1/2 tsk sítrónudropar, 1/2 tsk
vanilludropar
Tólg og palmín feiti til steikingar.
Aðferð:
Öllu þurrefni er hrært saman.
Smjörið skorið í litla bita og mul-
ið saman við hveitiblönduna með
fingrunum þar til það er orðið að
fínkorna mulningi. Súrmjólk og
eggjum hrært saman ásamt drop-
um (best að nota alla, þá verða þetta
ekta Ingu-kleinur) og svo hrært
út í hveiti/smjör blönduna. Öllu
hvolft á hveitistráð borð og hnoðað
mjög vel, hveiti bætt við eftir þörf-
um. Deigið á að vera aðeins blautt
en þó þannig að það sleppi bæði
höndum og borðplötunni. Síðan er
hluti af deiginu klipinn af og flattur
út á vel hveitistráðu borði, ca. hálfs
cm. þykkt og skorið út í kleinur. Ef
þið eigið ekki má t.d. hnota beittan
hníf eða pizzuskera. Skorin er lít-
il rauf í miðjuna á hverri kleinu og
öðrum enda kleinunnar ýtt í gegn-
um raufina. Þetta er endurtekið við
allar kleinurnar. Best er að strá ör-
litlu hveiti á fat eða ofnskúffu og
leggja kleinurnar þar (ef hveitinu
er sleppt eiga þær á hættu að kless-
ast bara við fatið og skemmast).
Við viljum byrja á því að biðja fólk
um að fara mjög varlega þegar feit-
in er hituð og kleinurnar steiktar.
Feitin nær miklum hita og auð-
velt er að skaðbrenna sig ef ekki er
farið varlega. Hitið 500 gr. af tólg
og 1000 gr. feiti á rétt yfir miðl-
ungshita, einnig er hægt að notast
bara við feiti en þá er notað 1500
gr. feiti. Þegar tólgin er bráðnu er
gott að setja afgangs deigbita útí til
að sjá hvenær feitinn er orðin nógu
heit til að steikja kleinurnar. Ef feit-
in verður of heit verða kleinurnar of
dökkar of hratt en hráar inní. Þeg-
ar kleinurnar eru steiktar er nauð-
synlegt að velta þeim reglulega til
að kleinurnar fái jafna steikingu
og verði jafn gylltar báðum megin.
Veiðið kleinurnar upp úr og legg-
ið þær á eldhúspappír. Það fer eft-
ir potti, eldavél og feiti hvaða hita-
stilling hentar í hvert sinn þann-
ig það er um að gera að prufa sig
bara áfram. Kleinurnar eru bestar
nýsteiktar og volgar en það er auð-
vitað mjög þægilegt að frysta þær
líka.
grþ
Freisting vikunnar