Skessuhorn - 13.05.2015, Blaðsíða 8

8 MIÐVIKUDAGUR 13. MAÍ 2015
Bjartmar á ferð
BORGARNES: Bjartmar
Guðlaugsson heldur áfram
tónleikaför sinni um land-
ið og eftir mjög skemmti-
lega og vel heppnaða tón-
leika í Frystiklefanum á Rifi
sl. laugardag er stefnan tek-
in á Borgarnes, nánar tiltekið
í Landnámsssetrið. Tónleik-
arnir hefjast kl. 21:00 föstu-
daginn 15. maí og er að-
gangseyrir 2.500 kr. Tónlist
og ljóð Bjartmars þarf vart
að kynna enda eru þau sam-
ofin þjóðinni sem hefur not-
ið verka hans hátt í 40 ár, nú
síðast Óskalag þjóðarinnar
Þannig týnist tíminn, Negrill
og Sólstafir. Eins eru vænt-
anlegt ný lög og líklegt að
sum þeirra heyrist á tónleik-
unum. Annars verður bara
gamla góða fjörið sem ein-
kennir tónleika hans.
–fréttatilk.
Kvenfélagskon-
ur bjóða til
vorfagnaðar
HVALFJ: Nú á Uppstign-
ingardag fimmtudaginn 14.
maí býður kvenfélagið Lilja
í Hvalfjarðarsveit öllum íbú-
um sveitarfélagsins sem eru
67 ára og eldri til vorfagnað-
ar kl. 14.00 í félagsheimilinu
Fannahlíð. Brottfluttum íbú-
um sveitarinnar er einnig
boðið.
–mþh
Aflatölur fyrir
Vesturland
2. - 8. maí.
Tölur (í kílóum)
frá Fiskistofu:
Akranes 19 bátar.
Heildarlöndun: 75.688 kg.
Mestur afli: Akraberg ÓF:
18.603 kg í þremur löndun-
um.
Arnarstapi 34 bátar.
Heildarlöndun: 202.168 kg.
Mestur afli: Bárður SH:
45.957 kg í fjórum löndun-
um.
Grundarfjörður 38 bátar.
Heildarlöndun: 203.963 kg.
Mestur afli: Helgi SH:
44.406 kg í einni löndun.
Ólafsvík 31 bátur.
Heildarlöndun: 333.512 kg.
Mestur afli: Kristinn SH:
42.294 kg í fimm löndunum.
Rif 37 bátar.
Heildarlöndun: 344.785 kg.
Mestur afli: Tjaldur SH:
80.249 kg í einni löndun.
Stykkishólmur 11 bátar.
Heildarlöndun: 16.868 kg.
Mestur afli: Þórsnes SH:
6.625 kg í einni löndun.
Topp fimm landanir á
tímabilinu:
1. Tjaldur SH – RIF:
80.249 kg. 4. maí
2. Rifsnes SH – RIF:
75.448 kg. 4. maí
3. Steinunn SH – GRU:
57.431 kg. 6. maí
4. Helgi SH – GRU:
44.406 kg. 3. maí
5. Steinunn SH – ÓLV:
38.770 kg. 4. maí
mþh
Dópaður, fullur
og próflaus
VESTURLAND: Í síð-
ustu viku voru fimm öku-
menn teknir fyrir akstur
undir áhrifum fíkniefna, þar
af var einn einnig ölvaður,
í umdæmi lögreglunnar á
Vesturlandi. Þrjú mál snerist
um vörslu á fíkniefnum, am-
fetamíni og kannabisefnum
í neysluskömmtum. Tveir
ökumenn voru teknir fyrir
ölvun við akstur. Fimm um-
ferðaróhöpp urðu í umdæmi
LVL, öll án teljandi meiðsla.
Loks var einn ökumaður
mældur á of miklum hraða
á þjóðveginum að morgni
7. maí. Hann sinnti ekki
stöðvunarmerkjum lögreglu
og reyndi að komast undan
lögreglunni með ofsaakstri,
en náðist fljótlega. Reynd-
ist viðkomandi vera ölvað-
ur, undir áhrifum fíkniefna
og án ökuréttinda. Hann var
auk þess með fíkniefni í fór-
um sínum.
–mm
Gefa frí
hálfan dag
GRUNDARFJ: Bæjarráð
Grundarfjarðar hefur sam-
þykkt að gefa starfsmönn-
um sveitarfélagsins frí hálf-
an daginn föstudaginn 19.
júní sé unnt að koma því
við vegna starfsemi viðkom-
andi stofnunar. Þetta verður
gert í tilefni 100 ára afmæl-
is kosningaréttar kvenna.
Fram kemur í fundargerð að
bæjarráð samþykki tillöguna
samhljóða en mælist til að
ákvörðunin verði vel kynnt
sérstaklega í þeim stofnun-
um þar sem börn og einstak-
lingar eru þjónustaðir.
-grþ
46 sóttu um
lausar stöður
hjá FVA
AKRANES: Alls bárust 14
umsóknir um stöðu aðstoð-
arskólameistara Fjölbrauta-
skóla Vesturlands á Akra-
nesi sem auglýst var nýlega.
Þá sóttu átta einstaklingar
um stöðu stærðfræðikennara
og 24 um stöðu sagnfræði-
kennara. Að sögn Ágústu
Elínar Ingþórsdóttur skóla-
meistara FVA voru stöð-
urnar allar auglýstar á starf-
atorg.is og er ráðningarferli
enn í gangi. Stefnt er að því
að ráða í stöðurnar fyrir lok
maímánaðar. –grþ
Stykkishólms-
bær tekur lán
STYKKISH: Bæjarráð
Stykkishólmsbæjar hef-
ur samþykkt að taka lán hjá
Lánasjóði sveitarfélaga að
upphæð 100 milljónir króna
til tuttugu ára. Þetta kom
fram í fundargerð bæjarráðs
frá 6. maí síðastliðnum. Í
fundargerðinni segir að lán-
ið sé tekið til að fjármagna
framkvæmdir samkvæmt
framkvæmdaáætlun ársins
2015 (74,350 m.kr.) og end-
urfjármögnunar afborgana
lána hjá Lánasjóði sveitarfé-
laga (25,650 m.kr).
–grþ
Nú, vikuna 11. – 15. maí, hvet-
ur Grunnskóli Borgarness íbúa,
félagasamtök, stofnanir og fyrirtæki
í Borgarnesi til að taka til hendinni
og fegra nánasta umhverfi sitt, svo
sem að tína rusl, planta trjám, mála
og dytta að eignum sínum. „Þessa
viku mun sveitarfélagið Borgar-
byggð koma fyrir gámum þar sem
íbúar geta losað sig við garðaúrgang
sem fellur til. Gámarnir verða stað-
settir á bílaplönunum við skólana,
þ.e. Grunnskólann, Menntaskól-
ann, Klettaborg og Ugluklett. Við
viljum minna á opnunartíma Gáma-
þjónustunnar sem er alla virka daga
frá kl. 14:00 – 18:00 og á laugar-
dögum frá kl. 10:00 – 14:00. Mun-
um eftir að flokka rétt,“ segir í til-
kynningu frá GB.
Skólarnir í Borgarnesi, Kletta-
borg, Ugluklettur, GB og MB,
munu taka til í sínu nánasta um-
hverfi þessa viku. Lionsklúbburinn
Agla og Hollvinasamstök Borgar-
ness munu taka til hendinni. Hægt
verður að nálgast stóra ruslapoka
hjá Olís. „Þessa viku munu eft-
irfarandi fyrirtæki gefa afslátt af
vörum sínum: Kaupfélag Borgfirð-
inga, 30% afsláttur af útimálningu
og 20% afsláttur af garðverkfærum
og strákústum. Gleym mér ei býður
afslátt af völdum víði og birkitrjám
og ókeypis ráðgjöf í heimagörðum
hjá fólki ef það vill. Sædís er í síma
894 1809.“ mm
Tiltektar- og hreinsunarvika í Borgarnesi
Síðastliðinn fimmtudag var blaða-
maður Skessuhorns staddur í Borg-
arnesi. Þar rakst hann á tvo unga og
vaska menn úr Borgarfirðinum, þá
Guðmund Kristinn Guðmundsson
og Kjartan Guðjónsson. Þar voru
þeir í hádegishléi frá vinnu sinni, en
þessa dagana starfa þeir við girðing-
arvinnu í verktöku fyrir Vegagerð-
ina. „Við erum vestur á Mýrum núna
og munum girða upp fyrir Sveina-
tungu í Norðurárdal. Við verðum
að þessu allavega næsta mánuðinn
eða svo,“ sagði Guðmundur. Sögð-
ust þeir báðir kunna ágætlega við
girðingarvinnuna, sérstaklega þeg-
ar viðraði vel, eins og gerði þennan
fimmtudag sem blaðamaður rakst á
þá félaga. kgk
Vel girt í Borgarfirði
Girðingameistararnir Guðmundur Kristinn (t.v.) og Kjartan við vinnubíl sinn í
hádegishléi í Borgarnesi síðastliðinn fimmtudag.
Brugghús Steðja í Borgarfirði hef-
ur sett á markað nýjan svaladrykk,
Steðja Radler léttbjór. Brugg-
meistararnir í Steðja hika enn sem
fyrr ekki við að feta ótroðnar slóð-
ir og á Radler léttbjórinn sér ekk-
ert fordæmi hér á landi. Sambæri-
legir drykkir njóta þó gríðarlegra
vinsælda í Evrópu og þykja fersk-
ir og góðir við þorsta. „Þetta er
ferskur svaladrykkur sem er mikið
drukkinn úti í Evrópu eftir æfingar
og erfiðisvinnu, enda slekkur hann
á þorstanum. Þetta er í raun 50%
bjór og 50% límonaði,“ útskýrir
Dagbjartur Ingvar Arilíusson hjá
Steðja. Hann segir nafnið vera til-
komið úr þýsku en á ensku kallast
sambærilegir drykkir „Shandy“ á
Bretlandi og „Clara“ á Spáni.
Inniheldur
fáar hitaeiningar
Steðji Radler nýtur þó mikillar
sérstöðu, þar sem hann inniheld-
ur engan hvítan sykur. „Við not-
um engan hvítan sykur í límonað-
ið sem við búum til. Drykkurinn
er 100% náttúrulegur og við not-
um náttúrulegan sykur (erithry-
tol) og stevíu til að ná upp smá
sætu í drykkinn. Það eru því mjög
fáar kaloríur í þessum drykk,“ seg-
ir Dagbjartur. Nýi léttbjórinn hef-
ur 2,25% áfengisstyrkleika líkt og
pilsner og verður því seldur í al-
mennum matvöruverslunum. Að
sögn Dagbjartar verður hann fyrst
um sinn seldur á bændamarkað-
inum Ljómalind í Borgarnesi en
svo verði hann að öllum líkindum
seldur í Krónuverslunum.
Fríhöfnin og bjórhátíð
Brugghúsið Steðji hefur mörg
önnur járn í eldinum. Líkt og fram
kom nýverið í Skessuhorni verð-
ur brugghúsið stækkað nú í sum-
ar, svo hægt verði að taka á móti
hópum ferðamanna. Þá er bjór
frá Steðja kominn í sölu í fríhöfn-
inni í Leifsstöð. „Bjórinn var ný-
lega tekinn inn í fríhöfninni og sal-
an gengur vonum framar þar. Þar
erum við með veglega pakkningu
með þremur mismunandi bjórteg-
undum. Við höfum ekki verið í frí-
höfninni áður, þannig að það var
stór áfangi að komast þar inn.“
Auk þess er Steðji einnig kominn
með dreifingaraðila í Austurríki og
verður þátttakandi á stórri bjórhá-
tíð þar í landi í sumar. „Hvalabjór-
inn opnaði fyrir okkur dyr inn í
gríðarlega stóran heim erlendis og
við erum talin vera eitt áhugaverð-
asta brugghús heimsins í dag. Við
komumst í viðræður við heildsal-
ann Biertempel í Austurríki, sem
vildi flytja bjórinn okkar inn og
hefur nú þegar fengið stóra send-
ingu frá okkur. Í gegnum þann
tengilið verðum við svo á stórri
bjórhátíð í Linz í Austurríki fyrstu
vikuna í júní. Þetta er umboðs-
aðili fyrir Þýskaland og Austur-
ríki og það er mikil viðurkenning
að þeim í mekka bjórsins þarna úti
skuli þykja okkar bjór svona góð-
ur,“ segir Dagbjartur. Þá er vert
að nefna að Sumarbjór Steðja fer
í dreifingu hjá ÁTVR um næstu
mánaðamót og fær góða dreifingu
í vínbúðum hérlendis í sumar.
grþ
Brugghús Steðja með nýjan svaladrykk
Fríhafnarpakkning Steðja inniheldur þrjár tegundir af bjór;
dökkan bjór, reyktan bjór og sumarbjór.
Radler léttbjórinn frá Steðja þykir svalandi og góður við
þorsta.