Skessuhorn - 13.05.2015, Side 14

14 MIÐVIKUDAGUR 13. MAÍ 2015
Þórður Guðnason frá Tungu í Hval-
fjarðarsveit flutti aftur heim til Ís-
lands frá Noregi í ágúst síðastliðn-
um. Þar hafði hann starfað sem
sjúkraflutningamaður um tveggja ára
skeið. Áður hafði hann starfað sem
slíkur hér heima og segir ólíku sam-
an jafna, sjúkraflutningum í Ósló og
á Íslandi. Stærðargráðan sé allt önn-
ur og meiri, enda býr rúmlega ein
milljón manna á þessu svæði, Ósló
og Akershus.
„Við búum í litlum frumskógi hér
heima, þarna úti er hann stór,“ sagði
Þórður og hló við þegar blaðamað-
ur Skessuhorns hitti hann í vikunni.
Hann kveðst hafa unað hlutskipti
sínu ágætlega í Norðurvegi þar sem
hann bjó ásamt fjölskyldu sinni í Jess-
heim, einu af úthverfum Óslóar, ná-
lægt Gardemoen-flugvelli. Aðspurð-
ur um ástæður þess að hann sneri
heim segir hann þær einkum tvenns
konar. „Ég sá að ef ég ætlaði í há-
skólanám til að tryggja mér full rétt-
indi bráðatæknis tæki það þrjú ár. Þá
hefði ég eytt þremur árum í nám til
þess síðan að starfa við það sama og
ég gerði áður, án þess að hækka neitt
að ráði í launum. Ábyrgðin hefði
aukist töluvert en launin ekki. Hin
ástæðan er svo að mig langaði bara
að flytja heim, svo einfalt er það,“
segir Þórður.
Fjölskyldan settist að á Akra-
nesi og við tók undirbúningsvinna
við að koma verktakafyrirtækinu Ís-
landsgámum í gagnið. „Ég byrjaði á
að koma mér fyrir. Vann að undir-
búningi fyrirtækisins, sansaði húsið
á Skaganum og svona fleira í þeim
dúr,“ segir hann. „Það er fínt að vera
með svona verktakafyrirtæki staðsett
hér. Stutt til Reykjavíkur, á iðnaðar-
svæðið á Grundartanga og fullt af
sumarhúsasvæðum í grenndinni. Ég
þekki svæðið líka vel,“ bætir hann
við.
Taka að sér flestöll
verkefni
„Íslandsgámar var upprunalega
stofnað árið 2004 en fór illa hérna
árið 2008. Það var síðan allt gert
upp eftir hrun og fyrirtækið var
endurreist núna í janúar,“ seg-
ir Þórður. „Það fer vel af stað, er
náttúrulega nýtt og ekki allir sem
vita af okkur ennþá. En markað-
urinn virðist vera að taka við sér,
ég get ekki kvartað, það er nóg að
gera.“
Þórður er einn þriggja starfs-
manna Íslandsgáma en hann starf-
ar þar ásamt föður sínum, Guðna
Þórðarsyni og eiginkonu sinni,
Ernu Björgu Gylfadóttur, sem sér
um allt bókhald fyrirtækisins. Að-
spurður segist hann alveg eins eiga
von á því að fyrirtækið stækki og
þeir bæti við sig starfsfólki í fram-
tíðinni þegar eftirspurn eftir þjón-
ustunni eykst. „Við tökum að okk-
ur flestalla verktakavinnu sem við á
annað borð höfum tíma til að sinna.
Erum til dæmis að leggja hitaveitu-
lögn uppi í Hvalfirði núna. Síðan
ef upp kemur sú staða að þurfi að
leysa eitthvað sértækara þá leigjum
við undirverktaka og leysum það
þannig,“ segir Þórður.
Helstu verkefni það sem af er
hafa verið tengd sumarbústöð-
um, hvort heldur það er lóðavinna,
vegir og stígar, stauraboranir eða
kranaflutningar. „Hér á Akranesi
er það einna helst garðvinna sem
við höfum sinnt. Við seljum líka
garðamold og möl, höfum reyndar
unnið mold ansi lengi, pabbi sinnti
alltaf moldarvinnslu meðan fyrir-
tækið lá í dvala. Moldinni er mok-
að upp í Tungu og síðan seljum við
hana. Flestir koma með kerrur til
okkar og við fyllum á fyrir þá. Aðr-
ir panta heilan gám sem við kom-
um með og við sækjum þegar þeir
tæmast. Það er drjúgt af fólki sem
setur upp lítil gróðurhús í garðin-
um hjá sér og vantar mold, svona
til að rækta mojito-laufin,“ segir
Þórður glaður í bragði. „Framund-
an er svo meira af því sama og ver-
ið hefur. Mest garðvinna og vinna í
og við sumarbústaði í sumar,“ bæt-
ir hann við að lokum. kgk
„Mig langaði bara að flytja heim“
Þórður Guðnason.
Dagana 4. – 8. maí voru hjóladagar
í Grundaskóla. Tvo daga þá vikuna
mættu nemendur 1. – 7. bekkjar á
hjólum og að sjálfsögðu með reið-
hjólahjálma. Í aðdraganda hjóla-
daganna fór Hildur Karen Aðal-
steinsdóttir, verkefnastjóri í um-
ferðarfræðslu í alla bekki á yngsta-
og miðstigi með fræðslu um um-
ferðina og hjóladagana.
„Farið var yfir það helsta sem
þarf að vera á hverju hjóli og
helstu reglur og öryggisatriði sem
skipta máli þegar hjólað er á reið-
hjóli. Þau atriði eru m.a. að hjóla
alltaf hægra megin á gangstétt og
ef gangandi vegfarandi er fram-
undan og ætlunin er að taka fram
úr, þarf að hægja á sér og hringja
bjöllunni kurteisislega í hæfilegri
fjarlægð. Við förum yfir það með
nemendum að barn sem er yngra
en sjö ára má eigi hjóla á akbraut-
um nema undir leiðsögn og eftir-
liti einstaklings sem náð hefur 15
ára aldri. Einnig var farið yfir leik
á öruggum leiksvæðum, örugg-
ar hjólaleiðir á milli heimilis og
skóla og fleira sem tengist umferð-
arfræðslu. Nemendur 8. bekkjar
stóðu sig heldur betur vel en þeir
koma að undirbúningi og fram-
kvæmd hjóladaga ásamt íþrótta-
kennurum skólans,“ segir Hildur
Karen.
Skipulag hjóladaga er þannig að
í fyrri hjólatímanum er farið yfir
ástand hjólsins. Pumpað, smurt,
þrifið og svo er hjólið skoðað með
gátlista sem nemendur fara með
heim. Einnig eru hjálmar, stýri og
hnakkur stillt rétt. Í seinni tíman-
um eru hjólaleikir og þrautabraut
undir stjórn íþróttakennara og
nemenda 8. bekkjar.
„Við í Grundaskóla erum mjög
stolt af þessu verkefni og teljum að
það stuðli að bættu ástandi hjól-
anna og um leið að meira umferð-
aröryggi. Nemendur þjálfa hjóla-
færni, bæði í þrautabraut sem og
í leikjum og æfingum hjá íþrótta-
kennara. Einnig ýtir þessi vinna
undir það að nemendur haldi hjól-
um sínu betur við þannig að end-
ing þeirra verður meiri og öryggi
eykst t.d. með rétt stilltum hjálmi
og því að bremsur séu í lagi,“ segir
Hildur Karen að endingu.
mm/ Ljósm. Grundaskóli.
Hjóladagar í Grundaskóla á Akranesi
Nauðsynlegt er að hafa réttan loftþrýsting í dekkjunum. Hjálmurinn þarf að vera af réttri stærð og vel spenntur.
Nemendur 8. bekkjar stóðu sig vel í undirbúningi og fram-
kvæmd hjóladaga.
Hér er krökkunum kennt á helstu umferðarmerkin.Í þrautabrautinni.
Búið að skoða og yfirfara hjól og hjálm og þá er
bara að hjóla af stað.