Skessuhorn - 29.07.2015, Blaðsíða 8

MIÐVIKUDAGUR 29. JÚLÍ 20158
Nýskráningum
fjölgar á
milli ára
LANDIÐ: Á vef Hagstofu
Íslands segir að nýskráning-
um einkahlutafélaga hefur
fjölgað um 11% á tímabilinu
júlí 2014 til júní 2015, miða
við 12 mánuði þar á undan. Á
tímabilinu voru alls 2173 ný
félög skráð og fjölgunin var
mest í flokknum „Bygging-
arstarfsemi og mannvirkja-
gerð“ eða um 48% á síðustu
12 mánuðum.
– arg
Aflatölur fyrir
Vesturland
18. - 24. júlí
Tölur (í kílóum)
frá Fiskistofu
Akranes 13 bátar.
Heildarlöndun: 21.478 kg.
Mestur afli: Ebbi AK:
11.749 kg í tveimur löndun-
um.
Arnarstapi 5 bátar.
Heildarlöndun: 12.965 kg.
Mestur afli: Bárður SH:
5.761 kg í fjórum löndun-
um.
Grundarfjörður 7 bátar.
Heildarlöndun: 1.191.441
kg.
Mestur afli: Vilhelm Þor-
steinsson EA: 482.758 kg í
einni löndun.
Ólafsvík 8 bátar.
Heildarlöndun: 11.006 kg.
Mestur afli: Brynja SH:
3.602 kg í einni löndun.
Rif 4 bátar.
Heildarlöndun: 33.819 kg.
Mestur afli: Magnús SH:
28.642 kg í þremur löndun-
um.
Stykkishólmur 15 bátar.
Heildarlöndun: 53.942 kg.
Mestur afli: Glaður SH:
8.363 kg í þremur löndun-
um.
Topp fimm landanir á
tímabilinu:
1. Vilhelm Þorsteinsson
EA – GRU:
482.758 kg. 22. júlí
2. Silver Bergen NO –
GRU: 400.882 kg. 21. júlí
3. Bergur VE – GRU:
66.711 kg. 21. júlí
4. Bergur VE – GRU:
65.623 kg. 19. júlí
5. Hringur SH – GRU:
62.786 kg. 22. júlí
mþh
Atvinnuleysi var
2,9% í júní
LANDIÐ: Á vef Hagstofu
Íslands segir að 202.200
manns á aldrinum 16-74 ára
hafi að jafnaði verið á vinnu-
markaði í júní, það gerir
86,6% atvinnuþátttöku. Þá
voru 196.400 starfandi og
5.800 í atvinnuleit. Hlutfall
atvinnulausra af vinnuafli var
því 2,9%. Frá því á sama tíma
í fyrra hefur atvinnuþátttaka
aukist um 1,3 prósentustig
og hlutfall starfandi fólks af
mannfjölda hefur aukist um
2,7 stig, það hefur ekki verið
hærra hlutfall starfandi fólks
frá árinu 2008.
–arg
Gjaldþrotum
fækkar á milli
ára
LANDIÐ: Á vef Hagstofu
Íslands segir að gjaldþrot
einkahlutafélaga hafi dregist
saman um 12% á tímabilinu
júlí 2014 til júní 2015, miðað
við 12 mánuði þar á undan.
Á tímabilinu voru alls 744
fyrirtæki tekin til gjaldþrota-
skipta. Gjaldþrotum fækk-
aði mest í flokknum „fram-
leiðsla“ eða um 24% á síð-
ustu 12 mánuðum.
–arg
Útkall hjá
Björgunarsveit-
inni Ósk
DALIR: Bjögunarsveitin
Ósk var kölluð út á fimmtu-
dagskvöldið í síðustu viku til
að leita að ferðalangi sem var
talinn týndur á milli Laugar-
dals og Langavatnsdals. Að-
standendur ferðalangsins
voru farnir að óttast og ósk-
uðu eftir að leit myndi hefj-
ast. Björgunarsveitamenn
töldu sig vita á hvaða leið
ferðalangurinn væri og fundu
þeir hann fljótt. Ferðalang-
urinn reyndist vera íslensk
stúlka sem var vel útbúin og
hélt för sinni áfram.
– arg
Ekkert lát á
góðri hvalveiði
Langreyðaveiðar ganga afar
vel, jafnvel með slíkum fá-
dæmum að elstu menn muna
vart annað eins. Nú þegar
vertíðin hefur staðið í mán-
uð hafa 60 dýr veiðst, eða
að jafnaði tvö á dag. Hval-
bátarnir virðast hafa fund-
ið stóra torfu af langreyð-
um djúpt vestur af Faxaflóa.
Þeir koma inn sitt á hvað,
rétt stoppa til að sleppa feng
sínum, taka olíu og vistir og
svo beint á miðin aftur. Ein-
muna blíða er búin að vera
dögum saman á miðunum og
úrvals aðstæður til veiða. Allt
er keyrt á fullu í hvalstöðinni
í Hvalfirði. Þar hafa menn
gert fátt annað en vinna, éta
og sofa alla daga í allan júlí-
mánuð á átta tíma vöktum
allan sólarhringinn.
mþh
Viðtal Skessuhorns við Gunnar
Braga Sveinsson utanríkisráðherra
hefur borist Paul Watson forsprakka
bandarísku samtakanna Sea Shep-
herd til eyrna. Sea Shepherd hafa
um árabil barist gegn hvalveiðum
og sökktu á sínum tíma tveimur bát-
um Hvals hf. í Reykjavíkurhöfn. Í
viðtalinu sagði Gunnar Bragi að Ís-
lendingar eigi að hugleiða að draga
úr hvalveiðum og koma þannig til
móts við gagnrýni erlendis. Paul
Watson skrifar um þessi ummæli á
Facebook-síðu sinni. Þar segir hann
að yfirlýsing íslenska utanríkisráð-
herrans bendi til þess „....að Ísland
sé loksins að endurskoða stefnu sína
í hvalveiðimálum.“
Sea Shepherd hefur í sumar haft
tvö skip og hóp fólks í Færeyjum
þar sem reynt hefur verið að trufla
grindhvalaveiðar eyjaskeggja. Wat-
son segir á Facebook-síðu sinni að
Sea Shepherd hafi þó ekki gleymt
Íslendingum alfarið. Samtökin
vinni nú að því að stöðva flutninga
á langreyðakjöti til Japan um lög-
sögu Rússlands. Á sama tíma bíði
samtökin þess að diplómatískar að-
gerðir gegn Íslandi út af hvalveiðum
þar beri tilætlaðan árangur. Frekari
íhlutun samtakanna gæti skemmt
fyrir í þeim efnum.
mþh
Segir að yfirlýsing Gunnars Braga í Skessuhorni
um hvalveiðar bendi til stefnubreytingar Íslands
Viðtal Skessuhorns við Gunnar Braga Sveinsson utanríkisráðherra og 1. þing-
mann norðvesturkjördæmis hefur vakið mikla athygli bæði hér heima á Íslandi og
erlendis.
Gunnar Bragi Sveinsson utanrík-
isráðherra og 1. þingmaður Norð-
vesturkjördæmis fékk kárínur frá
ritstjórn Morgunblaðins í Stak-
steinapistli sem birtist í blaðinu á
fimmtudag í liðinni viku. Tilefnið
voru orð Gunnars Braga í viðtali
við Skessuhorn að Íslendingar eigi
að íhuga að draga úr hvalveiðum til
að mæta þannig gagnrýni á alþjóða
vettvangi.
Þetta varð Staksteinum tilefni til
skrifa þar sem segir meðal annars:
„Í Skessuhorni í gær var sagt frá
því að Gunnar Bragi Sveinsson ut-
anríkisráðherra telji að Íslending-
ar eigi að draga úr hvalveiðum. Og
vitnað er í ráðherrann sem svarar
af hreinskilni: „Við hér í utanrík-
isráðuneytinu verðum vör við það
frá fyrstu hendi á fundum sem við
sækjum að Ísland er stundum lit-
ið hornauga vegna þessara veiða.“
Fulltrúum íslenska ríkisins á al-
þjóðlegum ráðstefnum eru greidd
laun til að þola það að vera litnir
hornauga. Ef það dugar ekki verður
einfaldlega að kaupa þessa þjónustu
utan úr bæ og fela verktökum með
skýr fyrirmæli um að kynna hags-
muni Íslands,“ skrifuðu Staksteinar
meðal annars í pistli sínum.
mþh
Utanríkisráðherra fékk kaldar
kveðjur frá Morgunblaðinu
Staksteinar Morgunblaðins voru helgaðir utanríkisráðherra vegna ummæla um
hvalveiðar í viðtali hans við Skessuhorns.
Ólafsdalshátíð verður haldin í átt-
unda skiptið í Ólafsdal í Gilsfirði
laugardaginn 8. ágúst næstkom-
andi, en hátíðin hefur verið fast-
ur liður í starfsemi Ólafsdalsfélags-
ins allt frá stofnun þess árið 2008.
Markmið félagsins er að stuðla að
endurreisn Ólafsdals sem er með-
al merkustu sögu- og menningar-
minjastaða á Vesturlandi. Þar stofn-
aði Torfi Bjarnason fyrsta bænda-
skóla landsins árið 1880 og rak
hann allt til ársins 1907.
Hátíðin í ár hefst á fræðslugöngu
um Ólafsdal kl. 10 að morgni dags
en aðaldagskráin stendur yfir frá
kl. 13 til 17. Hátíðarstjóri verð-
ur Ingi Hans Jónsson, sagnamað-
ur úr Grundarfirði og aðalræðu-
maður að þessu sinni verður Gunn-
ar Bragi Sveinsson, utanríkisráð-
herra og fyrsti þingmaður Norvest-
urkjördæmis.
Meðal dagskrárliða má nefna
söngatriði Drengjakórs íslenska
lýðveldisins og erindi Maríu Ját-
varðardóttur um föður sinn, Ját-
varð Jökul Júlíusson frá Miðja-
nesi í Reykhólasveit. Játvarður rit-
aði bókina um Torfa og Ólafsdals-
skólann, sem og skólapiltatal allra
nemenda skólans þrátt fyrir að vera
lamaður frá hálsi og niður úr.
Á meðan hátíðinni stendur verð-
ur handverks- og matarmarkaður
þar sem meðal annars verður hægt
að fá lífrænt vottað Ólafsdalsgræn-
meti.
Vert er að geta þess að í tilefni af
hundrað ára ártíð Torfa Bjarnason-
ar er framundan mikil uppbygging í
Ólafsdal. Til stendur að endurreisa
nær allar byggingar sem þar stóðu á
blómatíma skólans í kringum alda-
mótin 1900. Á næstunni verður
gengið frá samkomulagi milli fjár-
málaráðuneytisins, Ólafsdalsfélags-
ins og Minjaverndar um þá endur-
reisn.
Áhugasömum er bent á að ágrip
af sögu staðarins, ásamt umfjöllun
um hátíðina, má nálgast í fylgiblaði
14. tölublaðs Bændablaðsins.
kgk
Ólafsdalshátíð á hundrað ára
ártíð Torfa Bjarnasonar
Ólafsdalshátíð hefur verið vel sótt í gegnum árin. Ljósm. úr safni.