Skessuhorn - 29.07.2015, Blaðsíða 27

MIÐVIKUDAGUR 29. JÚLÍ 2015 27
Sumarlesari vikunnar
Áfram heldur sumarlesturinn á Bókasafni Akraness. Að þessu sinni eru
lesarar vikunnar tveir, systurnar Eyja Rós og Dísa María og þær eru 7
og 11 ára.
Hvaða bækur voruð þið að lesa?
Við vorum báðar að lesa bækur um Skúla skelfi.
Hvernig var/er hún?
Þær voru skemmtilegar, Skúli er mjög stríðinn.
Þegar systurnar eru spurðar um það hvernig sögur séu skemmtilegast-
ar þá segir Eyja Rós að sér finnist ævintýrasögur skemmtilegastar en
Dísa María að skemmtilegastar séu fótboltabækur, spennandi bækur og
fyndnar.
Hvar er best að vera þegar maður er að lesa?
Dísa María segir að það sé alveg sama hvar maður sé bara ef maður
er aleinn en Eyju Rós finnst best að vera hjá mömmu þegar hún er að
lesa.
Eigið þið uppáhalds bók eða uppáhalds rithöfund?
Bækurnar um Skúla skelfi eru í uppáhaldi hjá Eyju Rós en bókin Bíttu
á jaxlinn Binna mín er í uppáhaldi hjá Dísu Maríu og líka bækurnar um
Skúla skelfi.
Hvað ætlið þið að verða þegar þið verðið stórar?
Eyja Rós ætlar að verða kennari, annað hvort í grunnskóla eða leik-
skóla eða jafnvel bókavörður á bókasafni. Dísu Maríu langar að verða
barnapía eða vinna í leikskóla eða skóla.
Okkar ástkæra og yndislega frænka,
Ólafía Ólafsdóttir
(Lóa frá Eyjum II Kjós)
Garðabraut 2a, Akranesi,

andaðist á Höfða, hjúkrunar- og dvalarheimili á Akranesi,
sunnudaginn 26. júlí.
Útförin fer fram frá Akraneskirkju föstudaginn 31. júlí nk. kl. 13.
Fyrir hönd nánustu aðstandenda,
Jórunn Magnúsdóttir
„Þeir eru búnir að vera hér síðan
í mars á hverju einasta kvöldi. Ég
held þeir hafi veitt sér eitt einasta
fríkvöld síðan þá,“ segir Þóra Mar-
grét Birgisdóttir og lítur á þá fé-
laga Arnþór Pálsson sambýlismann
sinn og Svein Arnar Davíðsson.
Þeir tveir hafa unnið baki brotnu
við að koma nýjum veitingastað á
fót í Stykkishólmi. Til þessa hafa
þeir notið liðsinnis vina, ættingja
og iðnaðarmanna í Stykkishólmi.
Þetta er Skúrinn sem Skessuhorn
hefur áður greint frá og er í fyrrum
húsakynnum Verkalýðsfélags Snæ-
fellinga á gatnamótum Aðalgötu og
Þvervegs í Stykkishólmi. Skúrinn
opnaði í síðustu viku.
Körfuboltakappar í
veitingum
Arnþór er fyrrum matsveinn og
móttökustjóri hjá Hótel Egilsen.
Nú er hann hættur þar og ætlar
að hefja sjálfstæðan rekstur ásamt
Sveini Arnari vini sínum. Báð-
ir eiga þeir fortíð sem körfubolta-
kappar í Stykkishólmi. „Við ætlum
að vera með aðeins léttari og ein-
faldari veitingastað heldur en ver-
ið hefur í boði hér í Stykkishólmi.
Þetta verður staður þar sem fólk
getur komið og fundið mat við sitt
hæfi fyrir ekkert of mikinn pen-
ing. Yfir veturinn ætlum svo að
bjóða upp á heimilismat. Það geta
verið kjötbollur, fiskur eða hvað-
eina. Hingað gætu þá komið til að
mynda fólk sem er í vinnu eða vill
bara koma og fá sér góðan og ein-
faldan mat á góðu verði. Við höf-
um orðið vör við eftirspurn eftir
slíku hér í Stykkishólmi. Það er líka
hugmynd að senda kannski út mat
á bökkum til fyrirtækja í hádeginu.
Okkur langar líka til að fá aðeins
meira félagslíf í bæinn á veturna.
Til dæmis með því að skapa hér
aðstöðu þar sem fólk getur komið
og fylgst með sjónvarpsútsending-
um í boltaíþróttum,“ segir Arnþór
þar sem hann útskýrir í stuttu máli
rekstrarform Skúrsins.
Viðamiklar breytingar
Sveinn Arnar hefur ekki jafn mikla
reynslu af veitingastörfum og
ferðaþjónustu og Arnþór félagi
hans. „Ég hef þó unnið sem þjónn
hér á Narfeyrarstofu,“ segir hann
og brosir í kampinn. Þeir félagar
segja að ákvörðun um að fara út í
stofnun og rekstur veitingastaðar í
fyrrum húsnæði verkalýðsfélagsins
hafi gerst mjög hratt. „Húsið hafði
verið auglýst til sölu. Það var orð-
ið lúið og lítið notað síðustu árin.
Okkur tókst að tryggja okkur hús-
ið. Þá var hafist handa við að skoða
hvað þyrfti að gera til að breyta því
í veitingastað. Þær breytingar urðu
miklu viðameiri heldur en við ætl-
uðum. Í dag má segja að húsið sé
orðið nýtt að innan,“ segir Sveinn.
Bæði hann og Arnþór voru í
öðrum störfum með því að koma
húsnæðinu í stand þar til fyrir um
mánuði síðan. „Þá hættum við í
þeim störfum sem við vorum í og
einbeittum okkur alfarið að því að
klára staðinn. Við vorum þá í sam-
starfi við iðnaðarmennina. Unnum
oft á kvöldin við það sem þurfti að
gera svo allt væri tilbúið fyrir þá
daginn eftir. Vinir og fjölskyldur
hafa einnig hjálpað okkur mikið.”
Í máli þeirra félaga kemur fram
að þeir leigi húsnæðið af félag-
inu Gistiver sem hafi keypt það af
Verkalýðsfélagi Snæfellinga í vetur.
Þetta félag rekur Hótel Egilsen í
Hólminum. „Við leigjum húsið svo
af þeim.“
Mjög krefjandi
Þeir Arnþór og Sveinn Arnar
segja það mjög krefjandi að inn-
rétta gamalt húsnæði og breyta því
í veitingastað. „Reglugerðaum-
gjörðin í kringum svona núorðið er
ótrúlega viðamikil. Fjölda skilyrða
þarf að uppfylla áður en leyfi fást til
rekstrar. Kröfurnar eru strangar. Á
endanum er þetta nánast eins og að
byggja nýtt hús. Svo er mikil papp-
írsvinna í kringum þetta allt. Eft-
irlitsmenn koma og gera athuga-
semdir sem síðan þarf að gang-
ast við og uppfylla. Endasprettur-
inn við að ljúka við allt áður en við
opnuðum er búinn að vera stremb-
inn. Við höfum verið undir þeirri
pressu að klára allt sem ljúka þurfti
við fyrir ákveðinn tíma svo við gæt-
um opnað og hafið rekstur.“
Þeir ætla báðir að starfa við nýja
staðinn. Þær Þóra Margrét og Rósa
Kristín hjálpa svo til. Annars starf-
ar Þóra sem grunnskólakennari en
Rósa Kristín vinnur á leikskóla.
Þetta unga fólk myndar nýjasta
sprotann í hinni ört vaxandi veit-
inga- og ferðaþjónustu í Stykkis-
hólmi. mþh
Krums ehf opnaði formlega versl-
un um helgina í bakhúsi að Eyrar-
vegi 20 í Grundarfirði. Hrafnhild-
ur Jóna Jónasdóttir á og rekur fyr-
irtækið sem sérhæfir sig í allskonar
föndri og skreytingum fyrir heimili
ásamt prentun, púðum, töskum og
eiginlega allt milli himins og jarð-
ar. Hrafnhildur var með opið hús
á laugardaginn þar sem hið marg-
þætta vöruúrval var til sýnis.
tfk
Hrafnhildur Jóna í nýju verlsuninni.
Ný verslun í Grundarfirði
Þau Arnþór Pálsson, Þóra Margrét Birgisdóttir, Rósa Kristín Indriðadóttir og
Sveinn Arnar Davíðsson fyrir utan Skúrinn daginn áður en staðurinn opnaði í
síðustu viku.
Mikil vinna að baki við að
koma Skúrnum á fót
Skúrinn daginn áður en opnað var. Unnið var við frágang allt fram að opnun.
Sveinn Arnar var önnum kafinn við að taka á móti steinsteyptum skýlum fyrir
ruslatunnur sem komu frá Loftorku í Borgarnesi þegar Skessuhorn leit við í
Skúrnum degi fyrir opnun.
Bræðurnir og málararnir Eyþór og
Björn Benediktssynir fengu mat-
reiddan „tilraunamálsverð“ í Skúrnum
daginn fyrir opnun og létu mjög vel
af krásunum sem voru framreiddar á
diskum sem búnir eru til úr íslenskum
leir hjá leirsmiðjunni Leir 7 sem er í
næsta húsi við Skúrinn.