Skessuhorn - 29.07.2015, Síða 18

MIÐVIKUDAGUR 29. JÚLÍ 201518
Hátíðin Á góðri stund í Grundar-
firði fór fram um liðna helgi. Var
góður rómur gerður að henni.
Kristín Lilja Friðriksdóttir var
framkvæmdarstjóri hátíðarinnar.
Hún í skýjunum þegar fréttarit-
ari Skessuhorns náði tali af henni
á mánudag. „Hátíðin tókst vel og
allt gekk vonum framar. Viðburð-
ir voru vel sóttir og allir skemmtu
sér vel enda lék veðrið við gesti há-
tíðarinnar“ sagði Kristín í stuttu
spjalli við fréttaritara. „Dagskráin
var þannig uppbyggð að bæjarbúar
og gestir fengju nægan tíma til að
sækja þá viðburði sem í boði voru
og því var andrúmsloftið afslapp-
að og þægilegt sem var markmiðið
þetta árið,“ bætti hún við.
Kristín Lilja taldi að um þrjú
þúsund manns hafi verið í bænum
þessa helgi. Tók hún sérstaklega
fram að starfsmenn bæjarins sem
sáu um þrif og frágang hafi verið til
fyrirmyndar og staðið sína vakt með
miklum sóma. „Það sem stendur
upp úr hjá mér eftir helgina er fyrst
og fremst þakklæti. Þakklæti til há-
tíðarfélagsins sem stendur að há-
tíðinni, þakklæti til allra styrktar-
aðila, þakklæti til allra þeirra sem
aðstoðuðu við undirbúning og
framkvæmd hátíðarinnar en allir
sem leitað var til voru tilbúnir að
leggja sitt af mörkum. Og að lokum
þakklæti til bæjarbúa fyrir að taka
þátt. Ef ekki væri fyrir þá sem tald-
ir eru upp hér á undan hefði hátíð-
in aldrei heppnast eins vel og hún
gerði. Það þarf heilt bæjarfélag til
að halda svona flotta hátíð,“ sagði
Kristín og brosti. tfk
Á góðri stund gekk vel
Daði Freyr Þorgrímsson skemmti sér vel þó svo að hann hafi heyrt aðeins minna en aðrir gestir.
Hjónin Sigurður Ólafur Þorvarðarson og Sjöfn Sverrisdóttir héldu frábæra tónleika fyrir gesti og gangandi á pallinum heima
hjá sér að Gröf 1. Þar stigu á stokk nokkrar af efnilegustu söngkonum Grundarfjarðar ásamt fleirum. Á myndinni er Sigurður
Ólafur að kynna næsta flytjanda á svið.
Heiðursmennirnir Pétur Hraunfjörð og Þorkell Gunnar Þorkelson eða Gunni Múr,
gæða sér á hákarli á Hjallakallaspjalli með Inga Hans í hjallinum við Bjargarstein.
Strákarnir úr 5. flokki Snæfellsness seldu lakkrís og hlaup í sölutjaldinu til styrktar
fyrirhugaðri ferð á Gothia cup á næsta ári.
Bræðurnir Magni Rúnar og Hans Bjarni Sigurbjörnssynir skemmtu sér vel á há-
tíðinni.
Drónamynd sem sýnir skrúðgöngur hverfanna mætast. Gulir, rauðir, grænir og
bláir. Nokkrir hátíðargestir nutu sólsetursins á fimmtudaginn.