Skessuhorn - 19.08.2015, Blaðsíða 20

MIÐVIKUDAGUR 19. ÁGÚST 201520
Brekkubæjarskóli á Akranesi er
lífsleikniskóli þar sem lögð er
áhersla á manngildi og að nem-
endum þurfi að líða vel til að nám
eigi sér stað. Að sögn Arnbjargar
Stefánsdóttur skólastjóra Brekku-
bæjarskóla er unnið með dygðir
eða þemu sem eiga að vera rauði
þráðurinn í skólastarfinu. „Há-
punkturinn í þessari vinnu eru
stórar morgunstundir sem haldnar
eru í íþróttahúsinu við Vesturgötu
fjórum sinnum yfir skólaárið. Þar
sjá nemendur um skemmtidagskrá
með söng og hljóðfæraleik, dansi,
leik og fleiru ásamt því að veitt-
ar eru viðurkenningar til nem-
enda. Það má í rauninni segja að
við höldum árshátíð fimm sinnum
á ári,“ segir Arnbjörg í samtali við
blaðamann. Hún bætir því við að
einnig sé lögð mikil áhersla á um-
hverfismál og að skólinn sé Græn-
fánaskóli. Búið sé að sækja um að
fá hann í fimmta skipti í haust en
hann er einungis veittur til tveggja
ára í senn og þurfa skólar að sýna
fram á að hæfa bætt einhverju við
á þessum árum. „Við vonumst að
sjálfsögðu til að fá hann endurnýj-
aðan, en ef ekki er ekkert annað að
gera en að bretta upp ermar.“
Góð samvinna
Brekkubæjarskóli telur um 420
nemendur. Að sögn Arnbjargar er
fjöldinn svipaður og í fyrra. Starfs-
menn skólans verða 64 í vetur og
16 við sérdeild skólans en nokkrar
breytingar eru á starfsliðinu í vet-
ur vegna leyfa og fæðingarorlofa.
Skólinn verður settur næstkom-
andi mánudag og kennsla hefst
samkvæmt stundaskrá að morgni
þriðjudags. Arnbjörg segir að mik-
ið samstarf sé á milli skólans og
annarra menntastofnana í bænum.
„Við erum svo heppin að búa í litlu
samfélagi þó að það hafi vaxið mik-
ið undanfarin ár. Hér eru einung-
is fjórir leikskólar, tveir grunnskól-
ar, félagsmiðstöð, tónlistarskóli og
framhaldsskóli. Þessi stærð gerir
okkur kleift að vinna mikið saman
og er heilmikið samstarf milli allra
þessara stofnana enda er það sam-
eiginlegt verkefni okkar að lífsgæði
allra barna og ungmenna á Akra-
nesi séu góð og skiptir þá ekki máli
í hvaða húsi þau eru hverju sinni.
Samstarf okkar við Grundaskóla
hefur aukist verulega á síðustu
árum og er að mínu mati einstak-
lega gott og það skiptir heilmiklu
máli. Meðal annars unnu skólarn-
ir sameiginlega lestrarstefnu fyrir
Akraneskaupstað og áætlun gegn
einelti. Í þessum verkefnum unnu
starfsmenn skólanna saman og
lærðu hver af öðrum og hver með
öðrum,“ útskýrir hún.
Vinátta og
virðing í öndvegi
Aðspurð um nýjungar í skólastarf-
inu nefnir hún að haldið verði
áfram að innleiða spjaldtölvur í
skólastarfið en skólinn er þátttak-
andi, ásamt Grundaskóla, í Eras-
musverkefni sem lýtur að notk-
un spjaldtölva í skólastarfi. „Það
er ekki nóg að kaupa tækin, held-
ur þarf að leggja heilmikla vinnu
í hvernig þau nýtast nemendum
sem best. Svo ætlum við að leggja
af stað með svokallað Vinaliða-
verkefni í vetur, ásamt Grunda-
skóla. Markmiðið með því verk-
efni er meðal annars að stuðla að
fjölbreyttari leikjum í frímínút-
um, minnka togstreitu milli nem-
enda og setja vináttu og virð-
ingu í öndvegi.“ Arnbjörg segir
helstu áherslur skólans vera hans
helstu sérkenni. Þá megi einnig
nefna öfluga sérdeild sem starf-
rækt er við skólann, sem þjón-
ar öllum bænum og hafa foreldr-
ar val um hvort börnin þeirra fara
í hana eða sæki sinn hverfisskóla.
„Brekkubæjarskóli er gamall skóli
með mörgum og góðum, gömlum
hefðum og öflugum starfsmanna-
hópi sem getur haldið í það sem
gott er og er óhræddur að bæta
nýju inn.“
grþ
Mikið stuð var á árshátíð skólans sem haldin var í vor.
Brekkubæjarskóli á Akranesi
Áhersla lögð á dygðir, þemu og umhverfismál
Líkt og víðast hvar verður Grunn-
skóli Snæfellsbæjar settur næst-
komandi mánudag. Þann dag verð-
ur kennt í Ólafsvík og á Hellissandi
samkvæmt stundaskrá en í Lýsuhóls-
skóla verður skólasetning klukkan
13. Að sögn Hilmars Más Arason-
ar skólastjóra í Snæfellsbæ fjölgar
nemendum á milli ára í skólanum.
„Við skólasetningu á síðasta skólaári
voru 249 nemendur skráðir en í ár
er 261 skráður. Þar af eru 20 í Lýsu-
hólsskóla, 75 á Hellissandi og 166 í
Ólafsvík,“ segir Hilmar Már. Kom-
andi skólaár verða 70 starfsmenn
við skólann, þar af eru 39 kennarar
og stjórnendur í rúmlega 33 starfs-
hlutföllum og starfsfólk án kennslu-
skyldu 31 í um 23 starfshlutföllum.
Töluverðar breytingar hafa orð-
ið á starfsmannahópi skólans frá
því í fyrra. „Á fjölmennum vinnu-
stað sem þessum eru alltaf manna-
breytingar. Þeim sem hurfu á braut
til annarra starfa eru færðar þakk-
ir fyrir vel unnin störf fyrir skólann
og nýtt starfsfólk er boðið velkom-
ið til starfa,“ segir Hilmar. Þeir sem
hafa hætt störfum frá síðasta skóla-
ári eru Magnús Þór Jónsson skóla-
stjóri, Ásta Guðnadóttir sérkenn-
ari, Hallveig Hörn Þorbjargardótt-
ir bókavörður, Harpa Hannesdótt-
ir skólaliði og Sigrún Sigurðardótt-
ir stuðningsfulltrúi. Snædís Hjartar-
dóttir íþróttakennari og Gunnsteinn
Sigurðsson kennari eru í ársleyfi. Í
þeirra stað er búið að ráða Hilmar
Má Arason skólastjóra, Ásu Gunni
Sigurðardóttur umsjónarkennara,
Heiðrúnu Huldu Hallgrímsdótt-
ur skólaliða, Hugrúnu Elísdótt-
ur tölvukennara og verkefnastjóra
á sviði upplýsingatækni, Katrínu
Aðalheiði Magnúsdóttur sérkenn-
ara, Þiðrik Örn Viðarsson (Diddi)
íþróttakennara og Theódóru Frið-
björnsdóttur umsjónarkennara.
Læra að þekkja
nærumhverfi sitt
Hilmar segir að sérstaða skólans
felist í því að vera með starfsstöðv-
ar á þremur stöðum, á Hellissandi,
í Ólafsvík og á Lýsuhóli. Á Lýsuhóli
er einnig rekið leikskólasel. „Það má
einnig nefna átthagafræðina sem sér-
stöðu, en hún er sérstök námsgrein
í námskrá skólans þar sem lögð er
áhersla á fræðslu um nærumhverfið,
náttúru og sögu Snæfellsbæjar.“
Grunnskóli Snæfellsbæjar er um-
hverfisvænn skóli og hafa allar starfs-
stöðvar skólans fengið Grænfánann
sem er tákn um árangursríka fræðslu
í umhverfismálum og markvissa um-
hverfisstefnu. Skólinn vinnur eft-
ir Olweusaráætluninni gegn einelti.
„Átthagafræðin er ein af meginstoð-
um skólans þar sem nemendur læra
frá 1. bekk að þekkja nærumhverfi
sitt og sögu þess. Skólinn tekur
líka þátt í verkefninu Heilsueflandi
grunnskóli,“ útskýrir Hilmar Már.
Hann segir að áherslan þetta skóla-
ár verði á læsi og upplýsingatækni
en skólinn hlaut veglegan styrk úr
Endurmenntunarsjóði grunnskóla.
„Markmið endurmenntunar er að
efla alla kennara í að nýta sér upp-
lýsingatæknina í sínu daglega starfi,
jafnframt var ráðinn verkefnastjóri í
upplýsingatækni. Mótuð verður læs-
isstefna fyrir skólann og unnið verð-
ur eftir henni á markvissan hátt.“
grþ
Grunnskóli Snæfellsbæjar
Átthagafræðin ein af meginstoðum skólans
Nemendur Grunnskóla Snæfellsbæjar í átthagafræðiferð.
Sólmyrkvi skoðaður í mars síðastliðnum.
Brekkubæjarskóli keppti í úrslitum í Skólahreysti síðasta vor.
SKÓLABLAÐ SKESSUHORNS