Skessuhorn - 19.08.2015, Blaðsíða 25

MIÐVIKUDAGUR 19. ÁGÚST 2015 25
SKÓLABLAÐ SKESSUHORNS
Símenntunarmiðstöð Vesturlands
býður upp á fjölbreytt nám fyrir
fullorðið fólk og alltaf er verið að
bæta við möguleikum fyrir náms-
menn. Símenntunarmiðstöðin hef-
ur það markmið að hækka mennta-
stig og stuðla að bættum búsetu-
skilyrðum á Vesturlandi með því að
hvetja til símenntunar í samvinnu
við atvinnulíf og íbúa svæðisins.
Að sögn Ingu Dóru Halldórsdótt-
ur, framkvæmdarstjóra Símennt-
unarmiðstöðvarinnar á Vestur-
landi, verður fjölbreytt námsfram-
boð fyrir komandi skólaár. „Við
hjá Símenntunarmiðstöðinni erum
full bjartsýni fyrir næsta skólaár og
við viljum hvetja fólk til að ná sér
í aukna þekkingu til að auka hæfni
sína,“ segir Inga Dóra.
Menntastoðir undirbúa
fólk fyrir frekara nám
Fyrir þá sem hyggjast hefja nám
að nýju eftir hlé eru Menntastoð-
ir mjög sniðugur stökkpallur því
þar lærir fólk að læra sem er mjög
gott eftir hlé frá námi. „Líkt og
síðustu ár munum við bjóða upp á
Menntastoðir í dreifnámi. Það nám
og fyrirkomulag hefur gefist mjög
vel. Það nám er kennt á tveim-
ur önnum og er metið til eininga
í frumgreinadeildir og háskóla-
brýr og einnig er námið metið til
eininga í framhaldsskólum,“ seg-
ir Inga Dóra. „Við munum einn-
ig bjóða upp fleiri námsleiðir nú á
vorönn sem eru metnar til eininga
á framhaldsskólastigi, svo sem nám
og þjálfun í almennum bóklegum
greinum, landnemaskóla og opnar
smiðjur,“ bætir Inga Dóra við.
Raunfærnimat hvetur
fólk til frekara náms
Síðustu ár hefur Símenntunar-
miðstöðin boðið upp á raunfærni-
mat fyrir fólk sem hefur reynslu í
ákveðnu starfi en vantar mennt-
unina og vill bæta henni við sig og
fá starfsreynsluna metna til ein-
inga. Raunfærnimat er fyrir nem-
endur sem hafa náð 23 ára aldri og
eru með fimm ára starfsreynslu. „Á
hverju ári sækjum við um fjármagn
til Fræðslusjóðs í raunfærnimat og
fyrir árið 2015 fengum við úthlut-
að fjármagni til að bjóða upp á raun-
færnimat m.a. í skrifstofugreinum.
Tilgangurinn með raunfærnimatinu
er að gefa út staðfestingu sem ein-
staklingur getur m.a. notað til að
sýna fram á reynslu og færni í starfi
sem metið er m.a. til styttingar á
námi á skrifstofubraut,“ segir Inga
Dóra. „Síðustu mánuði höfum við
verið með 34 einstaklinga í raun-
færnimati í þjónstugreinum, þ.e.
leikskólaliða, félagsliða og stuðn-
ingsfulltrúa. Þátttakendur í raun-
færnimatinu komu af öllu Vestur-
landi og fjórir komu frá Vestfjörð-
um. Við fengum fjármagn í þetta
verkefni í gegnum tilraunaverkefnið
Menntun núna! Það er gaman að sjá
hversu mikla hvatningu þátttakend-
ur fá í gegnum raunfærnimatið til
frekara náms, enda er það jú megin-
tilgangurinn,“ bætir Inga Dóra við.
Færri komast að en
vilja í Stóriðjuskólann
Frá árinu 2012 hefur Símenntun-
armiðstöð Vesturlands rekið Stór-
iðjuskólann í Norðuráli og hefur
aðsókn alltaf verið mjög góð. „Það
er mikill áhugi á Stóriðjuskólanum
innan Norðuráls og síðast þegar
það var opnað fyrir umsóknir voru
mun fleiri sem vildu komast að en
gátu,“ segir Inga Dóra og bætir við
að nú þegar hafa tveir hópar lok-
ið grunnnámi og einn hópur lokið
framhaldsnámi við skólann. „Alls
höfum við útskrifað 47 einstaklinga
úr grunnnáminu og 18 úr fram-
haldsnáminu og átta einstaklingar
hafa klárað bæði grunn- og fram-
haldsnám. Núna eru 15 starfsmenn
Norðuráls í grunnnámi og 18 í
framhaldsnáminu. Stóriðjuskólinn
er búinn að sanna sig og kominn til
að vera.“
Tæknistoðir,
alveg nýtt af nálinni
Símenntunarmiðstöðin tók þátt
í þróunarverkefni um hækkun
menntunarstigs í Norðvesturkjör-
dæmi árið 2014 og fékk úthlutað
fjármagni í gegnum það til að þróa
og kenna svokallaðar tæknistoð-
ir. „Þetta nám er algjörlega nýtt
af nálinni, en við erum með þessu
að bjóða upp á nýjung í átt að lög-
giltum starfsréttindum. Þetta nám
er ætlað þeim sem hafa reynslu úr
atvinnulífinu og eru a.m.k. 23 ára
og hafa hug á að ná sér í löggild
starfstengd réttindi í bíl-, málm- og
byggingatæknigreinum. Hér kenn-
um við bóklegar greinar í dreif-
inámi á tveimur önnum, en með
þeim hætti kennum við stærstan
hlutann af náminu í gegn um Inter-
netið. Svo koma nemendur í stað-
lotur og hitta kennarana og sam-
nemendur, hvetja hvert annað og
kynnast betur,“ segir Inga Dóra.
„Verulegur skortur er á iðnaðar-
mönnum og hér erum við að gera
tilraun til að ná til þeirra sem hafa
mikla og góða starfsreynslu og vilja
ná sér í réttindi. Það er okkur hjá
Símenntunarmiðstöðinni mik-
ið kappsmál að vel takist til, þann-
ig að aðrar símenntunarmiðstöðvar
geti fylgt í kjölfarið og boðið upp á
þetta nám á sínu svæði,“ bætir Inga
Dóra við.
Mikill vöxtur í
starfseminni
Mikill vöxtur hefur verið í starf-
semi Símenntunarmiðstöðvarinn-
ar og alltaf er verið að bæta við
námsframboð og þjónustu. Eitt af
því er markþjálfun sem er ný þjón-
usta hjá miðstöðinni. „Við erum
með markþjálfa innan okkar raða
og það er mjög gaman að geta boð-
ið upp á þessa þjónustu. Það hef-
ur færst í vöxt að íslensk fyrirtæki
leiti aðstoðar faglærðra markþjálfa
þegar kemur að þjálfun stjórn-
enda og starfsþróun starfsmanna.
Með því að beita aðferðum mark-
þjálfunar má laða fram það besta í
viðkomandi einstaklingi og teym-
um innan fyrirtækja og stofnana.
Þannig er stuðlað að auknum ár-
angri og meiri starfsánægju,“ segir
Inga Dóra.
Náms- og starfsráðgjöf hef-
ur verið hluti af þeirri þjónustu
sem boðið er upp á og hefur það
gefist mjög vel. Einnig hefur Sí-
menntunarmiðstöðin tekið þátt í
innlendum og erlendum þróun-
arverkefnum og stendur til núna
í september að þangað komi gest-
ir frá Þýskalandi, Lettlandi, Spáni
og Rúmeníu þar sem verið er að
þróa áfram verkefni um svokall-
aðar frumkvöðlasmiðjur, sem boð-
ið var upp á fyrir atvinnuleitendur
á árunum 2012-2013. Einnig fór
Símenntunarmiðstöðin í samstarf
við Fræðslumiðstöð Vestfjarða og
Austurbrú og fékk úthlutað Eras-
mus+ styrk. Ætlunin er að fara
í tvær ferðir, til Svíþjóðar nú í
nóvember og til Írlands í vor, til
að kynnast fullorðinsfræðslu fólks
með fötlun í öðrum löndum. „Við
hjá Símenntun hlökkum til áfram-
haldandi samstarfs við íbúa á Vest-
urlandi,“ segir Inga Dóra að lok-
um. arg
Nýjar námsleiðir í boði til símenntunar á Vesturlandi
Símenntunarmiðstöð Vesturlands
Leik og grunnskóli Hvalfjarð-
arsveitar er sameinaður leik- og
grunnskóli með tvær starfsstöðvar.
Leikskólinn Skýjaborg er staðsett-
ur í Melahverfi og grunnskólinn
Heiðarskóli er við Leirá. Leik- og
grunnskóli voru sameinaðir haust-
ið 2011. Skólastjóri er Jón Rún-
ar Hilmarsson, sviðsstjóri í Skýja-
borg er Þórdís Þórisdóttir og í
Heiðarskóla er Sigríður Lára Guð-
mundsdóttir sviðsstjóri. Skýjaborg
var opnuð eftir sumarleyfi 5. ágúst
síðastliðinn en Heiðarskóli verð-
ur settur næstkomandi föstudag.
Á mánudag hefst skólaakstur og
kennsla samkvæmt stundaskrá.
Lítil starfsmannavelta
Í leik- og grunnskóla Hvalfjarð-
arsveitar eru tæplega 130 börn.
90 nemendur eru skráðir í grunn-
skólann Heiðarskóla og tæplega
40 börn eru í leikskólanum Skýja-
borg. „Þetta er mjög svipaður nem-
endafjöldi og var í fyrra. Í vor út-
skrifuðum við átta nemendur úr
10. bekk og einmitt átta nemend-
ur eru skráðir hjá okkur í 1. bekk í
haust,“ segir Sigríður Lára í sam-
tali við Skessuhorn. Alls starfa 36 í
skólanum, þar af eru 25 starfsmenn
í Heiðarskóla. Sigríður segir engar
nýráðningar í Heiðarskóla vera í ár.
„Einn kennari í hlutastarfi hætti í
sumar og einn almennur starfsmað-
ur sem einnig var í hlutastarfi. Það
er eitthvað um að fólk sé að fara í og
koma úr fæðingarorlofi í vetur en
annars er lítið um starfsmannaveltu
í Heiðarskóla.“ Þrír nýir starfsmenn
hefja störf í Skýjaborg nú í haust og
koma þeir inn vegna veikinda, fæð-
ingarorlofs og í stað starfsmanns
sem hætti við sumarleyfi.
Innleiða teymiskennslu
Helstu áherslur í Heiðarskóla snúa
að útinámi og umhverfismennt en
skólinn er grænfánaskóli. Unnið er
út frá nýrri skólanámskrá sem unnið
hefur verið að undanfarin ár. „Gildi
skólans eru vellíðan, virðing, metn-
aður og samvinna og þau eru eins
og rauður þráður í öllu skólastarf-
inu. Við leggjum einnig áherslu á
spjaldtölvunotkun í námi barna,
einstaklingsmiðað nám og komið
er til móts við þarfir barna,“ seg-
ir Sigríður Lára. Aðspurð um nýj-
ungar í skólastarfinu segir hún að í
haust verði farið í teymiskennslu í
Heiðarskóla. „Tveir til þrír kennar-
ar verða með umsjón í þremur ár-
göngum, 2. - 4. bekk, 5. - 7. bekk og
8. - 10. bekk. Nemendur í 1. bekk
verða að einhverju leyti sér en einn-
ig ýmist í samvinnu við elsta árgang
leikskólans eða nemendur í 2. - 4.
bekk.“ Í teymiskennslu bera kenn-
ararnir sameiginlega ábyrgð á námi
og velferð nemenda. „Með teym-
iskennslunni bindum við vonir um
að auka gæði skólastarfsins, auka
samvinnu kennara og möguleika
barnanna til að ná sínum markmið-
um,“ bætir Sigríður Lára við.
Skýjaborg tekur aftur á móti þátt
í verkefninu Birtuskólar. „Verkefnið
er samstarf leikskóla sem vinna með
yoga í lífsleikninámi barna. Þá er
leiksólinn þátttakandi í Nordplus
verkefni þar sem unnið er í útinámi
og hreyfingu barna með lífsgildi og
hugmyndafræði Bangsímon að leið-
arljósi. Verkefnið er samstarfsverk-
efni í fimm löndum og það hófst
í september í fyrra og lýkur næsta
sumar.“
Skólinn vel
tækjum búinn
Sigríður Lára segir töluvert sam-
starf milli leik- og grunnskólasviðs
og að farið sé í sameiginleg verk-
efni. Þetta skapi skólanum sér-
stöðu. Leikskólalæsi/byrjendalæsi
er þróunarverkefni sem skólinn
er að innleiða um þessar mundir.
„Nemendur í 1. bekk og elsti ár-
gangur leikskólans hittast reglu-
lega yfir veturinn, ýmist í Heiðar-
skóla eða Skýjaborg. Við bjóðum
einnig upp á leikskólaval í ung-
lingadeildinni þar sem unglingarn-
ir fræðast um leikskólastarfið og fá
einnig tækifæri til að starfa undir
handleiðslu leikskólakennara með
leikskólabörnum,“ útskýrir hún.
Þá nefnir hún einnig umhverf-
ismennt og tengsl við náttúruna
sem sérstöðu skólans. „Umhverf-
ið er óspart nýtt í útinámi og vett-
vangsferðum. Svo er það fámenn-
ið, hér þekkja allir alla.“ Að síðustu
nefnir hún að skólinn sé vel tækj-
um búinn. „Til að mynda hafa all-
ir starfsmenn Leik- og grunnskóla
Hvalfjarðarsveitar iPad spjaldtölvu
til afnota í starfi sínu, allir nem-
endur grunnskólans líka og iPad er
einnig nýttur í leikskólanum.“
grþ
Umhverfið nýtt í náminu
Leik- og grunnskóli Hvalfjarðarsveitar
Rauði hópurinn á „survivor deginum“ sem haldinn er á hverju vori í Heiðarskóla.
Dagurinn er hluti af grænfánavinnu skólans. Þá fer skólahald fram í Álfholtsskógi
og nemendum er skipt í aldursblandaða hópa og leysa alls kyns verkefni í skóg-
inum. Ljósm. Helena Bergström.
Hjóladagur í Skýjaborg.
Inga Dóra Halldórsdóttir,
framkvæmdastjóri Símenntunarmið-
stöðvar Vesturlands.
Mynd úr starfi Símenntunarmiðstöðvar Vesturlands.