Skessuhorn - 06.01.2016, Blaðsíða 14

MIÐVIKUDAGUR 6. JANÚAR 201614
Það er ekki á hverjum degi sem
fimm ættliðir kvenna koma sam-
an. Það gerðist þó síðastliðinn laug-
ardag þegar fimm konur hittust
sem allar eru af Galtarlækjarætt.
Frá vinstri eru: Sigríður Árnadóttir
(dóttur-dóttir) Silvía Rut Ástvalds-
dóttir (dóttur,- dóttur-dóttir) Ætt-
móðirin Guðbjörg Guðmundsdóttir
með barna-barna-barna-barnabarn-
ið Aríu í fanginu og Halldóra Sæ-
mundsdóttir við hennar hlið. jbs
Fimm ættliðir í beinan kvenlegg
Nú er unnið hörðum höndum
að því að betrumbæta aðstöðuna
í húsnæði Íslandspósts að Mið-
braut 13 í Búðardal. Fyrirhugað
er að þar deili Pósturinn og Ar-
ion banki saman húsnæði. Nú
þegar hafa fyrirtækin samein-
ast í öðru húsnæði, húsnæði Ar-
ion banka að Miðbraut 15, en sá
flutningur var gerður fyrir um
mánuði síðan svo framkvæmd-
irnar gætu hafist án tilheyrandi
truflunar á starfsemi Póstsins.
Stefnt er að því að endurbótum
ljúki í marsmánuði og starfsemi
beggja fyrirtækja færist þá alfar-
ið yfir að Miðbraut 13. Ekki hafa
verið gerðar breytingar á opn-
unartíma. Hjá Póstinum er opið
kl. 10-14 og Arion banki er með
opnunartímann 9-12 og 13-16.
sm
Pósturinn og Arion banki
undir sama þak í Búðardal
Nú á gamlársdag var síðasti vinnu-
dagur Jóhannesar B. Björgvinsson-
ar aðalvarðstjóra hjá Lögreglunni á
Vesturlandi. Jóhannes, eða Jói lögga
eins og margir þekkja kappann, hefur
starfað í 36 ár hjá lögreglunni. Hann
hefur verið víða, byrjaði lögreglu-
störfin á æskuslóðunum í Stykkis-
hólmi en fór víða eftir það. Frá 2004
fram á þetta ár var hann svo búsettur
í Búðardal. Jóa var haldið kaffisam-
sæti á lögreglustöðinni í Borgarnesi
á gamlársdag þar sem hann var leyst-
ur út með gjöfum og góðum óskum
samstarfsfélaganna. Aðspurður seg-
ist Jói hafa starfað undir þrettán lög-
reglustjórum frá upphafi. Í fyrravet-
ur keypti hann síðan æskuheimili sitt
við Víkurgötuna í Stykkishólmi og
þangað fluttu hann og Sigríður H
Melsted eiginkona hans í vor. Síð-
ari hluta ársins tók Jói út langt og
uppsafnað frí sem hann átti inni hjá
lögreglunni, en tók að endingu tvær
vaktir hjá lögreglunni milli jóla og
nýárs; „svona til að vinnufélagarn-
ar myndu betur eftir mér og fynd-
ist skemmtilegra að kveðja karlinn,“
segir Jói og hlær.
Dágóður ferill
Jóhannes Björgvin er fæddur og upp-
alinn í Stykkishólmi á barnmörgu
heimili, í ellefu systkina hópi. Sem
ungur strákur ætlaði hann sér ekk-
ert endilega að verða lögregluþjónn
og var að aka vörubíl hjá útgerðar-
fyrirtæki þegar eitt tók að leiða af
öðru. Í viðtali sem Birna G Konráðs-
dóttir blaðamaður tók við Jóa fyr-
ir fimm árum og birtist þá í Skessu-
horni sagði hann að við upphaf starfs
fyrir lögregluna hafi eitt leitt af öðru.
„Ég var semsagt að aka vörubíl þegar
ég var beðinn um að vera dyravörð-
ur í samkomuhúsi og sinnti því starfi
samhliða akstrinum í tvö ár. Þá var
óskað eftir því að ég færi að starfa í
héraðslögreglunni og lét ég tilleið-
ast að prófa. Nú svo kom að því ég
var beðinn um að leysa af í lögregl-
unni í eitt ár. Ég fékk semsagt árs-
leyfi hjá útgerðinni og það er enn við
líði,“ segir Jói og brosir. „Í framhaldi
af þessu fór ég síðan í Lögreglu-
skólann og hóf störf sem mennt-
aður lögreglumaður í Stykkishólmi
árið 1984. Ég var að taka það saman
um daginn að líklega er ég búinn að
starfa hjá þrettán lögreglustjórum í
gegnum minn starfsferil. Hef starfað
á Ísafirði, Hafnarfirði, var hjá Rann-
sóknarlögreglu ríkisins þar til hún
var lögð niður, á Selfossi, í Dölum,
þá sameinuðust embætti Borgfirð-
inga og Dala og loks var ég hjá Lög-
reglunni á Vesturlandi. Þetta er bara
dágóður ferill.“
Lögreglustöðin
var heima
Að vera lögreglumaður getur oft ver-
ið erfitt, ekki síst á litlum stöðum þar
sem allir þekkja alla og nálægðin er
mikil. Engu að síður hefur oft þurft
að taka á erfiðum málum. Jóhann-
es segir ástæðu þess að hann entist
þetta lengi í starfi einfaldlega vera þá
að hann eigi skilningsríka konu. Sig-
ríði fann hann á Staðarfelli þar sem
hún stundaði nám í húsmæðraskól-
anum en þau eru þó hvorugt Dala-
menn, hann úr Stykkishólmi eins og
áður segir en hún vestan úr Selárdal.
„Þegar ég var að byrja sem lög-
reglumaður í Stykkishólmi voru eng-
ir farsímar eins og í dag. Þegar lög-
reglumaður var ekki á vakt gat því
verið erfitt að ná í viðkomandi. Þá
var verið að hringja heim í gegnum
Gufunesradíó. Ef ég var ekki heima
þá var konan skömmuð vegna þess að
ég væri ekki við. Eiginlega má segja
að lögreglustöðin hafi verið komin
heim á þessum árum. Svona var líf-
ið þá og átroðningur á heimili lög-
reglumanna oft með ólíkindum. En
að hafa enst þetta lengi í fámennum
lögregluembættum er eingöngu því
að þakka að ég á góða konu sem hef-
ur staðið með mér í gengum þykkt
og þunnt. Ef hennar hefði ekki not-
ið við væri ég löngu hættur. Í starfi
lögreglumannsins sérð þú allar hlið-
ar mannlegrar flóru, bæði súrar og
sætar. Sem betur fer eru góðu stund-
irnar mun fleiri og oftast er gaman í
vinnunni en það er líka margt erfitt.
Vinnufélagarnir og samstarfsfólk-
ið hefur hins vegar allt verið prýðis-
fólk.“
Bíður spenntur eftir
hverri söngæfingu
Í frístundum syngur Jói fyrsta bassa í
karlakórnum Söngbræðrum og hefur
gert í mörg ár. Hann segir það vera
sálarbætandi að vera í karlakór og
bíður hann spenntur eftir hverri æf-
ingu. Nú fer hann hálfs annars tíma
akstur hvora leið til að sækja æfingar,
en telur það alls ekki eftir sér. „Við
æfum alltaf á Bifröst, en það er svona
miðsvæðis miðað við búsetu kór-
félaganna. Um næstu helgi bjóðum
við til dæmis til árlegrar sviðaveislu
í Logalandi og það verður gaman,“
segir Jói. Hann segir það stytta vetur-
inn að mæta á æfingar, syngja og eiga
samfélag með góðum félögum. „Ég
byrjaði í kórnum strax og ég flutti í
Búðardal og hef ekki látið það trufla
þótt ég þurfi nokkuð langa leið á æf-
ingar hvorki þá né eftir að við flutt-
um aftur í Hólminn. Þetta er ekkert
langur akstur miðað við kórstjórann
sem kemur norðan af Ströndum.“
En Jói kvíðir ekki verkefnaskorti
þótt lögregluhúfan sé komin á hill-
una. Sameiginlega stunda hjón-
in stangveiði og kveðst Jói vera for-
fallinn stangveiðimaður. „Á sumrin
förum við einnig eins mikið og við
getum norður í Selárdal þar sem við
eigum sumarhús úti við fjörðinn. Þar
eigum við okkar dásemdarstundir og
viljum dvelja eins mikið og hægt er.
Ég hef því alveg nóg að gera með
mínar tómstundir,“ segir Jói að end-
ingu og bætir við að þau hjón séu af-
skaplega sæl með að vera komin á
æskuslóðir hans í Stykkishólmi. „Hér
blasir við fallegt útsýnið, inn Skógar-
ströndina og út á Gullhólmann, fal-
legra verður það ekki. Hér lék mað-
ur sér í æsku og þekkir hvern stein og
hverja þúfu. Lífið er yndislegt,“ segir
Jói, ekki lögga, að endingu.
mm
Jói lögga hættur
eftir 36 ára þjónustu
Fluttur með konunni á
æskuheimilið í Hólminum
Jóhannes B Björgvinsson hefur nú lagt embættisskrúðanum. Ljósm. Steina Matt.
Úlfar Lúðvíksson lögreglustjóri kveðjur Jóhannes á gamlársdag og þakkar honum
góð störf. Ljósm. LVL.