Skessuhorn - 06.01.2016, Blaðsíða 24

MIÐVIKUDAGUR 6. JANÚAR 201624
Horft yfir liðið ár og litið til þess nýja
Sigríður Júlía Brynleifsdóttir
framkvæmdastjóri
Vesturlandsskóga:
Toppurinn að baða sig
í heitri á sem rennur
undan Holuhrauni
„Það var mjög gaman og
eftirminnilegt þegar hald-
ið var upp á 35 ára kosn-
ingaafmæli Vigdísar Finn-
bogadóttur með táknræn-
um hætti um allt land, þar
sem börn gróðursettu birki-
tré. Vigdís tók þátt þessum
viðburði með okkur í Borg-
arnesi þar sem gróðursett
var við íþróttasvæðið,“ segir
Sigríður Júlía Brynleifsdótt-
ir framkvæmdastjóri Vest-
urlandsskóga þegar hún var
spurð um hvað ánægjulegast
var á árinu 2015. Hún bæt-
ir því við að ánægjulegt hafi
verið að sjá ferðaþjónustuna
blómstra á árinu. „Hér á Vesturlandi var gífurleg aukning, auk
þess að unnið var að uppbyggingu staða til afþreyingar og þjón-
ustu, svo sem Hótel Húsafelli og ísgöng í Langjökli. Það var
líka gaman að sjá frábær afrek íþróttafólks á árinu en þegar vel
gengur á þeim vettvangi þá sameinast allir í að styðja við sínar
konur eða menn.“
Aðspurð um vonbrigði ársins nefnir hún að það hafi orðið
henni mikil vonbrigði hvernig brugðist var við umræðunni um
björgun Jóns Hákonar BA 60. „Þá fannst mér ég upplifa að ör-
yggismál sjómanna væru ekki í góðum farvegi. Ég verð alltaf
meyr þegar mannslífum er ekki sýnd virðing og slys eru ekki
rannsökuð til hlítar. Það hvernig málefnum eldri borgara er ýtt
út í horn þykir mér einnig sorglegt að verða vitni að. Getum við
ekki gefið þeim áhyggjulaust ævikvöld?“ Auk þess segir hún það
hafa verið mikil vonbrigði að ekki skildi nást sátt um skólamál í
Borgarbyggð. „Ég held að allir sem að því máli hafa komið hafi
virkilega lagt sitt af mörkum. Þar geri ég ekki greinarmun á
meirihluta, minnihluta eða íbúum. Það eru vonbrigði.“
Sigríður Júlía segir árið hafa verið gott persónulega, marg-
ar áskoranir og að nóg hafi verið að gera í leik og starfi. „Við
fjölskyldan ferðuðumst heilmikið innanlands, í gegnum fjöll og
firnindi. Ég held að toppurinn hafi verið að baða sig í heitri á
sem rennur undan Holuhrauni. Ég tók þátt í nokkrum hlaupum
og á vordögum fór ég í skemmtilega afslöppunarferð til Spánar
með góðum konum. Einnig fór ég í skemmtilega vinnutengda
ferð til Álandseyja og Finnlands. Vesturlandsskógar voru að-
alskipuleggjandinn að ráðstefnu sem haldin var í Borgarnesi í
mars, þar kom fagfólk úr skógargeiranum saman, Íslendingar
og útlendingar. Það var lærdómsríkt,“ segir hún. Sigríður seg-
ir einnig standa upp úr að ákvörðun hafi verið tekin um sam-
einingu stofnana skógræktar á landinu en sú sameining kemur
til framkvæmda 2016. „Ég sótti um starf, embætti skógræktar-
stjóra, sem var lærdómsríkt ferli. Og síðast en ekki síst þá fest-
um við kaup á einbýlishúsi í Borgarnesi, það stendur uppúr.“
Sigríður segist hafa miklar væntingar til fyrirhugaðra breytinga
á stofnanaumhverfi skógræktar á nýju ári. „Það skiptir mig máli
persónulega og auk þess held ég að allt skógræktarstarf verði
mun skilvirkara og betra. Sameinuð erum við mun sterkari ein-
ing, auk þess sem fagleg breidd mannauðsins nýtist mun betur
en áður.“ Að endingu segist Sigríður hlakka til að fylgjast með
aðdraganda forsetakosninganna og úrslitanna. „Auk þess get ég
ekki leynt því að það verði spennandi að sjá hvernig Íslending-
um muni vegna á hinum ýmsu sviðum íþrótta á árinu. Þá vona
ég að sátt náist um skólamál í Borgarbyggð og að vinna við
skólastefnu sveitarfélagsins fleyti okkur í rétta átt.“
Eva Karen Þórðardóttir
rekstrarstjóri í Borgarnesi:
Of löt að fara í ræktina
„Það sem var ánægjulegast á árinu var að við opnuðum Grill-
húsið í Borgarnesi og ég byrjaði sem rekstrarstjóri þar. Þetta
er skemmtilegt verkefni og það var ótrúlega gaman að sjá hvað
sveitin tók vel í staðinn,“ segir Eva Karen Þórðardóttir í sam-
tali við Skessuhorn. Hún er ánægð með nýliðið ár og segir það
hafa verið mjög gott. „Við eigum litla eins árs stelpu og það
var skemmtilegt að fylgjast með því þegar hún var að byrja að
labba, tala og gera allt. Það er gaman að sjá hana þroskast og að
sjá stóru bræður hennar taka þátt í þessu,“ segir Eva Karen. „Ég
kynntist líka mörgu fólki í sambandi við nýtt starf og það var
mjög skemmtilegt,“ bætir
hún við. Aðspurð um von-
brigði ársins stendur ekki á
svörum: „Ég var allt of löt
að fara í ræktina. 2015 var
mjög slæmt ræktarár og ég
ætla að laga það 2016, eins
og allir hinir,“ segir hún og
hlær. Hún er bjartsýn á nýja
árinu. „Ég held að þetta
verði gott og skemmtilegt
ár, bæði vinnulega og pers-
ónulega séð. Ég ætla að
skella mér aftur í nám og ég
held að þetta verði ótrúlega
spennandi, ætla að klára masterinn minn og hugsa um heils-
una,“ segir hún kát að endingu.
Gísli Einarsson frétta- og
dagskrárgerðarmaður:
Verður það besta frá
upphafi vega
Gísli Einarsson fjölmiðla-
maður í Borgarnesi segir
að persónulega standi upp-
úr frá liðnu ári sú reynslu
að hafa verið í tvær vikur
um páskana á Miðjarðarhafi
um borð í varðskipinu Tý
og miðlað þaðan fréttum til
landsmanna. „Þarna fylgd-
ist ég meðal annars með
björgun 320 flóttamanna
og var það ógleymanleg
lífsreynsla. Flóttamanna-
straumurinn var stórt mál á
heimsvísu á liðnu ári og er
enn þótt nýtt ár sé gengið í garð,“ segir Gísli.
Aðspurður segir hann eftir dálitla umhugsun að gleðileg-
ast á nýliðnu ári hafi verið árangur íslenska karlalandsliðsins í
knattspyrnu sem keppir á EM í París í júní. En ætlar hann þá
að fylgja landsliðinu út og sjá leiki þess? „Nei, kvennakór sem
ég tengist hafði áður en þetta varð ljóst tryggt sér ferð til Ír-
lands á sama tíma og EM verður haldið. Ég verð því þar. Fór
með þessum konum í utanlandsferð fyrir þremur árum og var
hún ógleymanleg fyrir ýmsar sakir.“ Aðspurður um helstu von-
brigði liðins árs verður Gísli hugsi, en svarar svo. „Líklega
olli það mér mestum vonbrigðum að aðstandendur Áramóta-
skaupsins hafi ekki getað fundið herðabreiðari og stæltari mann
til að leika mig í Skaupinu en Góa. Allavega hefðu þeir þurft að
bæta á hann herðapúðum og öðrum útbúnaði til að láta hann
líta meira út svona eins og fullorðinn og þroskaðan mann. En
svona án gríns er ég náttúrlega bara stoltur af að vera tekinn
fyrir í Skaupinu og ekki síður að Gói fékkst til verksins, enda
frábær leikari.“
En hvernig leggst árið 2016 í Gísla? „Þetta verður ofboðs-
lega stórfenglegt ár. Það besta frá upphafi vega.“
Halldór Kristján Jónsson á Þverá í
Eyja- og Miklaholtshreppi:
Hræringar í heiminum
draga úr væntingum
Halldór Kristján Jóns-
son nautgriparæktandi og
bóndi á Þverá segir árið
2015 hafa verið frekar tíð-
indalítið. „Það sem var
ánægjulegast á árinu var að
barnabörnunum fjölgaði
um eitt og eru nú orðin átta
talsins. Við hjónin áttum
líka stórafmæli á árinu og
urðum samtals 120 ára. En
annars var þetta ár ósköp
venjulegt. Reyndar var kalt
framan af vori og sumri.
Það voru mestu viðbrigð-
in milli ára og svo miklar rigningar á stundum,“ segir Hall-
dór í samtali við Skessuhorn. Aðspurður um vonbrigði árs-
ins nefnir Halldór flóttamannavandann. „Það eru mestu von-
brigðin, að fólk þurfi að flýja heilu heimshlutana. Það er það
sem stendur mest upp úr á liðnu ári að því leytinu til.“
Hann segir árið hafa verið rólegt hjá þeim hjónum og að lít-
ið hafi verið um ferðalög. „Við höfðum hægt um okkur þetta
árið vegna þess að við tókum þetta út árið þar áður, þegar
sonur okkar gifti sig í Litháen. Sú ferð á eftir að lifa lengi í
minningunni.“ Væntingunum til þessa árs er stillt í hóf hjá
Halldóri. „Ég hef engar sérstakar væntingar til þessa árs. Ég
held að þetta verði meðalár, ég vona það allavega. Það eru svo
miklar hræringar í heiminum, það er ekki hægt að neita því,“
segir Halldór Kristján Jónsson nautgripabóndi.
María Maack, verkefnastjóri
sem býr á Reykhólum:
Ætlar að klára
doktorsverkefnið
„Ánægjulegast þykir mér
að nást skyldi alþjóðlegt
samkomulag um að draga
úr loftslagseyðileggjandi
útblæstri,“ segir María
Maack á Reykhólum. „En
það sem stendur upp úr hjá
mér persónulega er að hafa
fengið þessa skemmtilegu
vinnu hjá Atvinnuþróun-
arfélagi Vestfjarða. Hún
snýst um að ýta fólki af
stað með nýjar atvinnu-
hugmyndir, menningar-
hugmyndir, rekstur og allt
sem getur komið sér vel fyrir uppbyggingu Vestfjarða. Mér
finnst fólk alveg rosalega áhugasamt um þetta og duglegt,“
segir María og bætir því við að henni þyki einnig ánægjulegt
að hafa kynnst nýju fólki, betur þeim sem hún þekkti fyrir
og kynnst betur háttum í litlu samfélagi. „Krakkarnir koma
stundum og bjóða mér út að leika, það finnst mér yndislegt,“
segir María.
En öllum árum fylgir eitthvað sem fólki þykir betur hafa
mátt fara. „Vonbrigði ársins, að mínu mati, eru að það sé
verið draga máttinn úr Ríkisútvarpinu. Mér er það afar mik-
ilvægt, sérstaklega þar sem ég fluttist úr borginni og út á
land. Ég er ein þeirra sem vil fylgjast með því sem er á döf-
inni í menningunni og mér finnst Ríkisútvarpið miklu betra
en annað útvarp, bæði Rás 1 og 2,“ segir hún.
Aðspurð um væntingar til ársins 2016 er svar Maríu af-
dráttalaust og markmiðið skýrt. „Ég ætla að klára doktors-
verkefnið mitt,“ segir hún og hlær við. „Það fjallar um hvaða
heildaráhrif það hefði á íslenskt samfélag að nota eingöngu
íslenska orku til samgangna. Mér sýnist það sem muni hafa
mest áhrif sé í fyrsta lagi geysilegur sparnaður í olíuinnflutn-
ingi og hins vegar sá lærdómur sem fengist af orkuskiptun-
um, að skipta úr olíu yfir í rafmagn og vetni. Rafmagn yrði
þá notað á alla minni bíla en vetni á stærri bíla og jafnvel
skip.“
Unnur Ýr Haraldsdóttir, fyrirliði
kvennaliðs ÍA í knattspyrnu:
Fyrstu deildar titillinn
stendur algjörlega upp úr
„Ég er frekar jákvæð að
eðlisfari, það þarf mikið til
að ég verði fyrir vonbrigð-
um og ég man ekki eft-
ir að hafa orðið fyrir nein-
um slíkum á árinu,“ segir
Unnur. Hún nemur lyfja-
fræði við Háskóla Íslands,
er hálfnuð með sitt ann-
að ár og kveðst ánægð með
að vel gangi í náminu. „Svo
gekk mér persónulega mjög
vel í fótboltanum í sumar.
Ég átti alveg klárlega mitt
besta tímabil hingað til,“
segir Unnur.
Hún er fyrirliði og var
fastamaður í liði ÍA sem
tryggði sér Íslandsmeistaratitil fyrstu deildar kvenna í knatt-
spyrnu síðastliðið sumar og sæti í Pepsídeildinni á komandi
keppnistímabili. „Fyrstu deildar titillinn stendur algjörlega
upp úr á árinu,“ segir Unnur og kveðst bera miklar vænting-
ar til ársins 2016. „Ég er mjög spennt að takast á við nýtt ár,
bæði í fótboltanum og skólanum. Við ætlum okkur að koma
á óvart í deildinni í sumar, fólk má ekki vanmeta okkur þar,“
segir Unnur að lokum.