Skessuhorn - 06.01.2016, Blaðsíða 25

MIÐVIKUDAGUR 6. JANÚAR 2016 25
Horft yfir liðið ár og litið til þess nýja
Ármann Smári Björnsson, fyrirliði
karlaliðs ÍA í knattspyrnu:
Þetta var gott og
gæfuríkt ár
Þegar Skessuhorn sló á
þráðinn til Ármanns sagði
hann ekkert hafa staðið
neitt sérstaklega upp úr hjá
sér persónulega á liðnu ári.
En að sama skapi kvaðst
hann ekki vera ósáttur held-
ur með neitt sem gerðist á
árinu. „Þetta var bara gott
og gæfuríkt ár,“ segir hann.
Ármann kveðst ánægð-
ur með knattspyrnusumar-
ið 2015. „Ég er mjög ánægður með síðasta sumar. Við byrjuð-
um mótið ekkert sérstaklega en enduðum það mjög vel,“ seg-
ir hann en ÍA hafnaði sem kunnugt er í sjöunda sæti Pepsí-
deildarinnar eftir að hafa leikið í næstefstu deild árið áður. Við
náðum markmiði okkar, sem var að halda okkur í deildinni og
það eru allir ánægðir með það,“ segir hann glaður í bragði og
horfir spenntur til komandi keppnistímabils. „Næsta ár verður
mikilvægt fyrir okkur. Við þurfum að stíga upp og halda áfram
þeirri uppbyggingu sem hafið hefur verið í undanförnu. Bæði
við leikmenn og bæjarbúar þurfum að vera samstilltir um að
ná lengra, búa til gott lið og samkeppnishæft,“ segir Ármann
Smári.
Gunnar Svanlaugsson
skólastjóri í Stykkishólmi:
Áframhaldandi góð heilsa
er upphafið að öllu
„Ánægjulegast á árinu er
að sjálfsögðu að stelpurn-
ar okkar í Snæfelli urðu Ís-
landsmeistarar í körfu-
bolta síðastliðið vor, ann-
að árið í röð,“ segir Gunn-
ar Svanlaugsson. Aðspurð-
ur um vonbrigði ársins seg-
ir Gunnar þau vera and-
rúmsloftið á Alþingi. Það
geri fólkið og um leið starf-
ið mjög óspennandi fyr-
ir alla, bæði þingmennina
sjálfa og þjóðina. „Það er
nokkuð ljóst að það gengur
allt miklu hægar af því það
er endalaus pirringur þar á
milli manna sem smitar of mikið út í samfélagið,“ segir hann.
„Of mikið sem kemur frá þessum vinnustað er í þessum anda
þannig að við, fólkið sem stendur fyrir utan þetta hús, verðum
ekki vör við annað. Allt jákvætt sem fer þarna fram, sem ég er
viss um að er margt, fellur í skuggann af pirringnum.“
Gunnari þykir mest um vert á nýliðnu ári að stórfjölskylda
hans og vinir búa við góða heilsu og vonast til að svo verði
áfram á árinu 2016. „Áframhaldandi góð heilsa er upphafið að
öllu og undanfari þess að efla sig enn frekar í öllum sínum verk-
efnum,“ segir hann. „Í mínu starfi sem dæmi stefni ég að því að
gera góðan skóla enn betri og þá þarf góða heilsu hjá fólkinu.
Ef við höfum ekki heilsuna þá tökum við ekki að okkur ný verk-
efni,“ segir Gunnar.
Andrea Björnsdóttir á
Eystri-Leirárgörðum:
Við eigum að fara
bjartsýn inn í árið
„Það sem stendur upp úr hjá mér persónulega á árinu sem er að
líða er fæðing tíunda barnabarnsins í mars síðastliðnum, ferm-
ing elsta barnabarnsins, sem og sextugsafmæli bóndans,“ segir
Andrea. „Auk þess má nefna að söfnun mín fyrir Englaforeldra
fór langt fram úr mínum björtustu vonum og sagði mér hvað
það er góð samstaða meðal fólks þegar kemur að því að leggja
góðu málefni lið,“ bætir hún þakklát við.
Aðspurð hvað betur hefði mátt fara á árinu kveðst Andrea
hafa orðið fyrir vonbrigð-
um með að ekkert hafi ver-
ið gert fyrir aldraða og ör-
yrkja. „Það virðist vera sama
tuggan endalaust, alveg
sama hver er við stjórn. Ég
hefði viljað sjá eitthvað gert
fyrir þessa hópa,“ segir hún.
„Einnig þykir mér skömm
af því að albanska fjölskyld-
an hafi verið send úr landi
með lífshættulega veikt
barn,“ bætir hún við.
Þegar Andrea er beðin um að líta til komandi árs stendur
ekki á svörum. Væntingarnar eru skýrar: „Að ég verði einn og
áttatíu og fimmtíu kíló,“ segir hún og hlær við. „Nei,“ segir hún
og dregur heldur úr; „við eigum bara að fara bjartsýn inn í árið.
Ég vona bara að við höfum það gott á komandi ári.“
Sóley Bára Bergsteinsdóttir
félagsfræðinemi:
Ætlar að halda áfram
með lottó í áskrift
„Þetta var mjög gott ár og
það sem stóð algerlega upp
úr hjá mér var að ég átti af-
mæli á árinu,“ segir Sóley,
létt í bragði. „Einnig náði ég
miðum á Justin Bieber tón-
leikana og var valin Luna
Lovegood í #HarryTwitter,“
bætir Sóley við, hæstánægð.
Lesendum til glöggvun-
ar er #HarryTwitter fram-
tak íslenskra Harry Potter
aðdáenda, þar sem notend-
um samskiptamiðilsins var
raðað í hlutverk persóna úr
Harry Potter bókunum.
Sóley fylgdist grannt með listviðburðum á árinu 2015 og seg-
ir einn slíkan hafa staðið algerlega upp úr. „Ánægjulegast var
auðvitað að fá að fylgjast með Almari í kassanum,“ segir hún.
Aðspurð um vonbrigði ársins segir Sóley þau snúa að pening-
um. Hún hafi lengi unnið að því að bæta fjárhaginn en það hafi
mistekist á árinu. „Ég var með lottó í áskrift en vann ekki svo
mikið sem einu sinni,“ segir hún en vonast til að hagur hennar
muni vænkast á árinu 2016. „Ég hef miklar væntingar til ársins,
ætla að halda áfram með lottó í áskrift og finn á mér að þetta
verður mitt ár,“ segir Sóley.
Guðrún Ósk Ámundadóttir,
körfuknattleikskona úr Skallagrími:
Erfið ákvörðun en góð
að koma heim
Síðsumars ákvað körfu-
knattleiksdeild Skallagríms
að senda að nýju lið til
keppni í Íslandsmóti kvenna
eftir tveggja ára hlé. Guð-
rún hefur verið fastamaður
í liðinu en gengi þess hef-
ur verið afar gott á árinu.
„Að við höfum ekki tapað
leik er mjög ánægjulegt, að
fara taplausar í jólafrí stend-
ur algjörlega upp úr,“ seg-
ir hún og bætir því við að
árangurinn hafi komið sér
nokkuð á óvart. „Við erum
nýtt lið, með nýjan þjálfara
og vissum í rauninni ekkert
hvað við værum að fara út í
þannig að þetta er nokkuð
óvænt,“ segir Guðrún.
Sjálf tók hún þá ákvörðun að snúa heim og hefja að leika með
Borgarnesliðinu. „Það var erfið ákvörðun en góð að koma heim
og fá að vera partur af því að koma meistaraflokknum aftur af
stað,“ segir hún. „Mig hafði dreymt um að spila með meistara-
flokki Skallagríms frá því ég hætti á sínum tíma til að fara og
spila með meistaraflokkum annars staðar.“
Guðrún kveðst í fljótu bragði ekki muna eftir neinu sem
olli henni vonbrigðum á árinu. Aftur á móti ber hún miklar
væntingar til næsta árs og sérstaklega þegar kemur að körf-
unni. „Með eins mikilli vinnu og við erum búnar að leggja í
þetta vona ég auðvitað að okkur haldi áfram að ganga vel og að
Skallagrímur komist upp í efstu deild. Ef við höldum áfram að
leggja okkur jafn mikið fram og við höfum gert hingað til þá hef
ég fulla trú á að það takist,“ segir Guðrún.
Ejub Purisevic, þjálfari karlaliðs
Víkings í Ólafsvík:
Er bara ánægður með
lífið og tilveruna
Karlalið Víkings Ólafsvík-
ur tryggði sér sem kunn-
ugt er sæti í Pepsídeildinni
á nýjan leik síðastliðið sum-
ar. Ejub stýrði liðinu líkt
og hann hefur gert lengi.
Hann kveðst ánægður með
knattspyrnuna á nýliðnu
ári. „Ég er auðvitað mikið
í kringum fótbolta og það
eru hlutir tengdir fótbolt-
anum sem gleðja mig hvað
mest,“ segir Ejub. „Það er
mjög gott að hér í Ólafs-
vík getum við horft aftur á
úrvalsdeildarfótbolta, mér
finnst mjög ánægjulegt að vera hluti af því og fá að taka þátt
í því,“ bætir hann við. Einnig kveðst hann ánægður að karla-
landslið Íslands hafi tryggt sér sæti á EM í Frakklandi næsta
sumar. „Það er rosalega gaman fyrir alla sem eru tengdir fót-
bolta og elska fótbolta,“ segir hann.
Ef litið er utan knattspyrnunnar þykir Ejub sem allt sé ein-
hvern veginn að lifna aftur við á Íslandi. „Mér heyrist á fólki að
það ríki meiri bjartsýni og jákvæðni en verið hefur undanfarin
ár. Ég held að við séum komin aftur á rétta braut og held að það
séu bjartir tímar framundan.“
Aðspurður segist Ejub ekki bera neinar sértakar væntingar til
ársins 2016. „Ég vona að Víkingur haldi sér í úrvalsdeildinni,
það væri mjög gaman. Eins væri gaman að sjá landsliðið ná sér í
nokkur stig og komast upp úr riðlinum á EM,“ segir hann. „En
hjá mér hafa aldrei verið miklar væntingar svona fyrirfram, ég
er bara ánægður með lífið og tilveruna,“ segir Ejub.
Olga Sædís Aðalsteinsdóttir,
hafnarvörður í Grundarfirði:
Maður getur alltaf
bætt við sig fróðleik
og reynslu
„Ég eignaðist mitt fjórða
barnabarn og fyrsta lang-
ömmubarnið á árinu,“ seg-
ir Olga ánægð. „Að öðru
leyti var árið fremur venju-
legt og rólegt og lífið gekk
sinn vanagang,“ segir hún
og bætir við að það hafi ver-
ið kærkomið eftir erilsamt
ár þar á undan.
Aðspurð um vonbrigði
ársins nefnir Olga að ójöfn-
uðurinn í samfélaginu sé að
aukast, það þyki henni ekki
heillavænleg þróun. Aft-
ur á móti þykir henni ým-
islegt jákvætt hafa gerst.
„Mér finnst fólk farið að
hugsa minna um sig og aðra
sem eylönd. Fólki er ekki
sama um aðra og það kom
til dæmis vel í ljós í umræðunni um flóttamenn á árinu,“ segir
Olga. „Það er mjög jákvætt að þetta manneskjulega sé að verða
meira áberandi og ég vona að sú vakning haldi áfram,“ segir hún
og bætir því við að heimurinn sé alltaf að minnka. „Það verður
sífellt auðveldara að kynnast öðrum menningarheimum. Son-
ur minn er sem dæmi á ferðalagi um Barein og nágrannalönd
þess. Hann ber öllum þaðan vel söguna enda eru íbúar heims-
ins ekki svo frábrugðnir hver öðrum,“ segir hún. „Ég held að
fólk sé að átta sig betur og betur á því og sérstaklega unga fólk-
ið. Ég vona að sú þróun
haldi áfram.“
Aðspurð um vænting- Framhald á næstu síðu