Skessuhorn - 06.01.2016, Blaðsíða 20

MIÐVIKUDAGUR 6. JANÚAR 201620
Horft yfir liðið ár og litið til þess nýja
Einar Guðmundsson
hafnarvörður á Akranesi:
Vill að atvinnumál Skaga-
manna batni á nýju ári
Einar Guðmundsson hafn-
arvörður hjá Faxaflóahöfn-
um á Akranesi segist tengja
ánægjulegar minningar lið-
ins árs við sumartímann.
„Sjálfsagt er margt sem má
telja upp en sem mér dett-
ur fyrst í hug er að ÍA skuli
hanga uppi í deild.“ Við nán-
ari umhugsun koma atvinnu-
málin síðan upp hjá Einari.
„Fiskmarkaðurinn á Akra-
nesi lokaði ekki eins og lengi
var óttast. Hann er mikilvægur.“
Þegar Einar er spurður um vonbrigði ársins hugsar hann sig
um áður en hann svarar. „Það væri þá að bátum fækkar alltaf á
Akranesi. Það syrtir í álinn í útgerð hér á Skaganum, sérstaklega
meðal smábátanna. Síðan fáum við ekki togaralandanir hér frekar
en fyrri ár.“ Persónulega segir Einar án hiks að árið hafi verið gott
hjá honum sjálfum. „Ég var sáttur við veður og vinda og persónu-
lega átti ég gott ár.“ Hann segist ekki hafa miklar væntingar til
nýja ársins. „Þær eru litlar. Það er þá helst að atvinnumál og ann-
að slíkt á Akranesi haldist í horfi og helst batni. Ég við sjá að at-
vinnumöguleikum fjölgi á Akranesi,“ svarar hann ákveðinn.
Þórður Þ. Þórðarson
framkvæmdastjóri á Akranesi:
Mikil orka fór í nýbyggingu
og eigin flutninga á liðnu ári
Árið 2015 markaði söguleg
tímamót hjá hinu rótgróna
fyrirtæki Bifreiðastöð ÞÞÞ
á Akranesi. Þórður Þ. Þórð-
arson framkvæmdastjóri þarf
ekki að hugsa sig tvisvar um
þegar hann er spurður um
hvað honum þyki ánægju-
legast þegar hann horfi um
öxl til liðins árs. „Fyrirtækið
flutti á árinu í nýbyggt hús-
næði við Smiðjuvelli og við
erum búin að koma okkur
fyrir hér. Síðan seldum við húseignir og lóðir sem fyrirtækið átti
við Vesturgötu til HB Granda og skiluðum því öllu af okkur nú
á milli hátíða. Við eru þannig í þeirri stöðu að geta byrjað af full-
um krafti á nýju ári.“
Þórður hlær við þegar hann er spurður um hvað séu vonbrigði
ársins að hans mati. „Ég veit það ekki,“ segir hann eftir smá um-
hugsun. „Það kemur ekkert í hugann hvað það varðar. Það þýð-
ir ekkert að vera með einhverja neikvæðni.“ Þórður segir að árið
2015 hafi verið gott fyrir hann. Þar sem mikið gekk á við nýbygg-
ingu og flutninga fyrirtækisins þá var athyglin mikið bundin við
það. „Það má segja að allt árið hafi farið í að koma sér fyrir á nýj-
um stað með vinnuna. Það fór mikill tími og orka í að hreinsa út
úr húsunum sem við vorum með og færa allt á einn stað. Þar á ég
bæði við húsið sem við höfum við Dalbraut og svo Vesturgötuna.
En það gekk allt saman vel.“
Varðandi væntingar til nýs árs segist Þórður vona að þjóðarbú-
ið haldi áfram að ganga eins hefur verið og hagurinn batni hjá
öllum. „Ég hef miklar væntingar um að það verði farið að byggja
fyrirhugaða sólarkísilverkmiðju á Grundartanga. Svo vantar okk-
ur að koma upp meiri smáiðnaði hér í bæjarfélaginu á Akranesi.“
Kristrún Snorradóttir húsmóðir og
handverkskona á Laxeyri í Hálsasveit:
Barnalánið það ánægju-
legasta á liðnu ári
Kristrún Snorradóttir segir
að sér hafi þótt ánægjuleg-
ast á árinu að fylgjast með
börnum sínum þroskast og
stækka. „Við eigum tvær
litlar stelpur. Önnur varð
þriggja ára í febrúar og hin
sú yngri er eins árs frá því í
ágúst. Þær hafa báðar verið
hressar og frískar.“
Þegar Kristrún er spurð
um hvað hafi helst valdið henni vonbrigðum á árinu sem er að
líða segir hún að þeir sem fara með völd virðist aldrei geta lært
af mistökum fyrirrennara sinna. „Það er alltaf sama þrætan í
gangi í samfélaginu. Það eru einhvern veginn alltaf allir jarm-
andi og þar sem hver bendir á hinn.“ Kristrún heldur að þessu
verði kannski ekki breytt svo auðveldlega. „Mannfólkið er bara
mannfólk.“ Sjálf segist hún sátt við liðið ár. „Ég er búin að vera
að takast á við móðurhlutverkið, hef verið í fæðingarorlofi, haft
nóg að gera og allt gengið vel.“
Kristrún hefur vakið athygli fyrir myndir sem hún málar af
miklu listfengi. Hún vill þó ekki kalla sig listakonu. „Ég hef þó
ákveðnar væntingar um að geta haldið áfram að sinna þessu og
vona að mér takist að þróa mig meira á þessu sviði. Síðan eru
hugmyndir um að fara út í vissa uppbygginu á árinu en best að
segja sem minnst um það enn sem komið er.“
Kolfinna Jóhannesdóttir
sveitarstjóri Borgarbyggðar:
Himinlifandi með
ömmustúlkuna
„Það sem var ánægjulegast
á árinu er fæðing ömmu-
stúlkunnar 9. júlí í sumar.
Hún heitir Emilía Fann-
berg og er dóttir elsta son-
ar míns. Emilía býr hér í
Borgarnesi, dafnar mjög
vel og það er alveg svip-
ur með henni og ömmu
sinni. Ég kannast aðeins við
sjálfa mig í henni. Þetta er
yndislegt barn,“ segir Kol-
finna Jóhannesdóttir sveitarstjóri. Hún segist ekki hafa orðið
fyrir neinu sem hún geti lýst sem vonbrigðum á árinu. „Ég er
kannski ekki þannig manneskja að ég verði fyrir vonbrigðum
þó hlutirnir gangi ekki alveg í fyrstu atrennu.“
Kolfinna segir að persónulega hafi henni fundist 2015 mjög
gott ár. „Það er allt mjög bjart í kringum mig, bæði í mínu lífi og
vinnunni. Það eru allir heilsuhraustir og gengur vel hjá mínum
nánustu. Þá starfa ég með mjög góðu fólki og það er uppgang-
ur í atvinnulífinu. Sjálf hef ég notið þess að hafa nóg af krefj-
andi verkefnum. Ég er þannig manneskja að mér finnst gaman
að hafa nóg að gera. Árið hefur uppfyllt þetta allt saman.“
Sveitarstjóri Borgarbyggðar segist hafa miklar væntingar til
næsta árs. „Þá held að við förum að sjá uppskeru af ýmsu sem
við höfum verið að vinna að hér í Borgarbyggð. Það eru já-
kvæðar horfur í efnahagslífinu og það skiptir miklu máli fyrir
okkur. Ferðaþjónustan og önnur starfsemi er að ganga vel. Fyr-
ir sjálfa mig hef ég ákveðnar væntingar um að halda áfram að
þroska mig í starfi og vinna sem best úr þeim tækifærum sem
eru í kringum mig.“
Eggert Kjartansson oddviti
Eyja- og Miklaholtshrepps:
Miklar annir framundan
á nýju ári
Oddviti Eyja- og Mikla-
holtshrepp er jákvæður og
bjartsýnn á áramótunum.
Eggert Kjartansson bóndi á
Hofsstöðum segir að pers-
ónulega standi gott frí sem
fjölskyldan fór í til Þýska-
lands upp úr sem ánægju-
legasta minningin. „Við vor-
um þar í rúman hálfan mán-
uð og það var alveg kominn
tími á það,“ segir hann og hlær dátt. „Sé litið á annað þá náðum
við góðum áfanga í ljósleiðaramálum hér í sveitinni eftir mikla
törn nú í haust. Það er búið að kveikja á kerfinu og þetta virkar.
Nú erum við að hefjast handa við að tengja fólk í upphafi nýs
árs. Það verður því fjör víða í sveitinni nú í janúar.“
Aðspurður segir Eggert að vonbrigði séu fráleitt efst í huga
hans á þessari stundu. „Það var mikið að gera á árinu og það
leystist farsællega úr öllu. Kannski hefði sumt mátt fara bet-
ur en það þýðir ekkert að velta sér upp úr því.“ Heilt yfir segist
hann mjög ánægður með árið. „Það gerðist mikið, bæði pers-
ónulega og í vinnu. Það var gríðarlega mikið að gera á árinu.
Þetta var mjög gott ár. Fjölskyldunni líður vel og dæturnar
blómstra og dafna. Þá er þetta í þessu fína.“
Eggert segir að það sem næst sé framundan sé að tengja fólk
við ljósleiðarakerfið í sveitinni. „Þar verður mikil törn en ég á
ekki von á öðru en fólk verði ánægt með það. Fyrir mig skipt-
ir það miklu máli að svo verði. Þetta verður annasamt ár bæði á
sviði sveitarstjórnarmála, í fjölskyldunni og bústörfunum.“
Elísabet Axelsdóttir fram-
kvæmdastjóri á Hvanneyri:
Stofnun nýs fyrirtækis á
árinu reyndi á þolrifin
„Mér finnst nú það að mað-
ur skuli hafa sloppið lifandi
frá árinu það sem stendur
upp úr,“ segir Elísabet og
hlær við. „Ég stofnaði fyr-
irtæki í efnagreiningum fyr-
ir landbúnaðinn og fagaðila
í landinu sem hefur aðsetur
hér á Hvanneyri. Því fylgdi
mikið álag bæði fyrir mig og
fjölskylduna. Þetta er búið
að vera stöðug vinna frá
morgni til kvölds. Ánægjan
er svo að þetta skuli allt hafa gengið upp. Fyrirtækið er komið
af stað og í rekstur og ég hef haft nóg af viðskiptavinum. Okkur
er efst í huga þakklæti í garð allra þeirra fjölmörgu Hvanneyr-
inga, ættingja og vina sem hjálpuðu okkur við að koma þessu á
laggirnar.“
Elísabet segir að helstu vonbrigði ársins að hennar mati snúi
að stöðunni í sveitarstjórnarmálunum í Borgarbyggð. „Þar
á ég einkum við ákvörðun sveitarstjórnar um að leggja nið-
ur Hvanneyrardeild Grunnskóla Borgarfjarðar.“ Persónulega
fannst henni þó árið 2015 mjög gott ár. „Þetta var erfitt ár en
gefandi á margan hátt.“ Hún hefur ákveðnar væntingar til nýja
ársins. „Nú er að hefjast kafli tvö hjá fyrirtækinu mínu. Ég þarf
að fara í markaðsstarf til að finna fleiri viðskiptavini. Þar hef ég
heilmikil verkefni í sigtinu sem ég vonast til að fá. Síðan vonast
ég til að geta sinnt fjölskyldunni betur en á liðnu ári.“
Horft yfir liðið ár og litið til þess nýja
Nokkrir valinkunnir Vestlendingar spurðir hvað stóð upp úr árið 2015
Nú þegar árið 2015 er á enda er vel við hæfi að
líta aðeins til baka. Skessuhorn leitaði til nokk-
urra valinkunnra Vestlendinga víðs vegar um
landshlutann og spurði þá spurninga um árið
sem leið. Meðal annars var fólk fengið til að rifja
upp hvað var ánægjulegast og hver vonbrigði
ársins hafi verið. Þá var spurt um væntingar til
ársins sem nýlega er gengið í garð. Svörin létu
ekki á sér standa og voru flestir sammála um
að nýliðið ár hafi verið ánægjulegt og gott, þó
að sums staðar hafi skipst á skin og skúrir eins
og gengur. Væntingar til ársins 2016 eru góð-
ar og eru Vestlendingar almennt bjartsýnir í
garð þess. Lesa má svör þeirra hér á síðunni og
á næstu opnum í blaðinu.