Skessuhorn - 06.01.2016, Blaðsíða 30

MIÐVIKUDAGUR 6. JANÚAR 201630
Ólafur „Icesave“ Ragnar Gríms-
son (hugtakið Icesave hefur ann-
ars konar merkingu ef maður vipp-
ar því á bóndann á Bessastöðum)
hefur ákveðið að stíga til hliðar og
leyfa öðrum að taka við kyndlinum.
Margir hafa verið kallaðir til verks-
ins, allsherjardiplómatinn hann Þor-
grímur Þráinsson og Halla Tómas-
dóttir standa mér efst í huga. Líst
reyndar vel á Höllu því hún hef-
ur þetta bjartsýna hugarfar sem við
þurfum að hafa þegar um þjóðarleið-
toga er um að ræða, við erum best
og allt það. Ég myndi líklega kjósa
hana ef hún færi fram því við þurf-
um Þorgrím áfram til að skrifa bæk-
ur og Samkeppniseftirlitið gæti lit-
ið það hornauga að forsetaembætt-
ið stæði fyrir bókaupplestri á Arnar-
hóli í miðju jólabókaflóðinu og svo
lét hann misskilja sig svo rækilega
að um munaði þegar hann velti fyr-
ir sér brjóstagjöf og símanotkun, allt
mjög skemmtilegt. Já, við Íslend-
ingar höfum margt til að gleðjast
yfir og höfum það tiltölulega gott,
það er búið að kanna það sjáiði til.
Frétt Viðskiptablaðsins 4. janúar
síðastliðinn sem fjallar um könnun
Gallup á andlegu heilsufari Íslend-
inga segir að niðurstaða hennar sýni
að við erum almennt ánægð með líf
okkar eða svona hér um bil. 73%
sögðust vera ánægðir, 17% hvorki
né og svo 4% sem voru óánægðir.
Það er líka margt að gleðjast yfir,
nýtt ár og ný tækifæri til að bæta
sig í því sem maður gerir. Reynd-
ar kemur það fram að yfir heiminn
eru Kólumbíumenn ánægðastir með
líf sitt enda er forsetinn nýbúinn að
samþykkja lög sem heimila notkun
á maríjuana í lækningaskyni, allt í
„sky high“ hamingju þar á bæ.
En við höfum annars konar ham-
ingju held ég, svona kaldlyndari í ætt
við veðurfar og staðsetningu okkar í
Norður-Atlantshafi. Ég horfði til
dæmis um daginn á upptöku af at-
kvæðagreiðslu þingheims um aft-
urvirkni lífeyris til öryrkja og eldri
borgara og hafði grátbroslega gaman
af. Það sem veitti mér mesta ánægju
var að fylgjast með skjánum ofarlega
í vinstra horninu þar sem hæstvirtur
forsætisráðherra sat rólegur reynd-
ar í mismunandi stellingum þeg-
ar hver þingmaðurinn á fætur öðr-
um lýsti yfir gríðarlegri vanþókn-
un sinni á ákvörðun meirihlutans að
hafna afturvirkni lífeyris til aldraðra
og öryrkja. Svo þegar það kom að
honum spratt hann upp líkt og box-
ari, svaraði fyrir sig og vísaði í verk
síðustu ríkisstjórnar. Gott sjónvarp
segi ég bara. En helstu rök meiri-
hlutans eru að þessi hópur mun fá
sína kjarabót einhvern tímann, rík-
ur vilji sé til þess og markmið ríkis-
stjórnar um 300 þúsund króna lág-
markslaun árið 2018 sé næg ástæða
til að segja nei við öryrkja og aldraða
núna. Þeir verði bara að hafa það
frekar skítt á meðan en þetta redd-
ast örugglega hjá þeim. En hvern-
ig sem það á að ráða í og takast á
við fréttir um ákvarðanir kjararáðs
varðandi kjarabætur ýmissa hópa þá
segi ég bara „bíbb“.
Með nýárskveðju,
Axel Freyr, Borgarfirði
„Hvernig fannst
þér Skaupið?“
Spurning
vikunnar
(spurt á Akranesi)
Baldur Guðmundsson:
„Ég var nú ekki voðalega hrifinn
af því.“
Jens I. Magnússon:
„Mér þótti það bara fínt, með
betra móti.“
Veronica Líf Þórðardóttir:
„Mér fannst það mjög skemmti-
legt og langoftast fyndið.“
Hafrún Tinna Hafsteinsdóttir:
„Skemmtilegt og fyndið.“
Gleðilegt heilsuræktarár 2016
Morguntrimm • spinning • hádegispúl • átakstímar • sundleikfimi • leiðsögn í þreksal
Opið alla virka daga kl. 6.00 – 22.00 • Laugardaga og sunnudaga kl. 9.00 – 18.00
Verið velkomin
Íþróttamiðstöðin í Borgarnesi - www.borgarbyggd.is
S
K
E
S
S
U
H
O
R
N
2
01
6
Annars konar hamingja
PIstill
Þorrablót Skagamanna verður hald-
ið með pompi og prakt í íþrótta-
húsinu við Vesturgötu laugardaginn
23. janúar næstkomandi. Er þetta í
sjötta skipti sem blótið er haldið og
alla tíð hafa Skagamenn tekið vel í
framtakið og fjölmennt á þorrablót.
Að vanda er það Club 71 á Akra-
nesi sem á veg og vanda að fram-
kvæmd og skipulagningu blótsins.
„Eins og alltaf áður verður gleðin í
fyrirrúmi og skemmtiatriðin í hæsta
gæðaflokki,“ segir Guðráður Gunn-
ar Sigurðsson, betur þekktur sem
Gurri, talsmaður Club 71.
„Yfirskrift blótsins í ár er „hæfi-
leikaríkir heimamenn“ og eigum
við nóg af þeim hér á Skaga,“ bætir
hann við en vill ekki gefa upp hverjir
og með hvaða hætti heimamennirnir
hæfileikaríku munu koma við sögu á
Þorrablóti Skagamanna. Gurri er
þó tilbúinn að ljóstra því upp hverjir
veislustjórarnir verða. „Veislustjórn
verður í höndum Skagamannsins og
stórleikarans Hallgríms Ólafsson-
ar. Honum til halds og trausts verð-
ur svo enginn annar en Rúnar Freyr
Gíslason leikari,“ segir hann.
Að öðrum kosti segir Gurri blót-
ið verða með nokkuð hefðbundnu
sniði. Veitingarnar verða í hönd-
um matreiðslumeistara Galito á
Akranesi og sömu íþróttafélög að-
stoða við undirbúning og fram-
kvæmd blótsins og síðast. Knatt-
spyrnufélag ÍA, Þjótur, Golfklúbb-
urinn Leynir, Sundfélag Akra-
ness og Fimleikafélag Akraness auk
Björgunarfélags Akraness lögðu öll
hönd á plóg í fyrra. Að launum út-
deildu forsvarsmenn Club ´71 hagn-
aðinum á milli þessara félaga í hlut-
falli við framlagða vinnu, en þann-
ig hefur félagsskapurinn frá upp-
hafi stutt við íþrótta- og tómstunda-
starf í heimabyggð. Á síðasta ári var
vel á þriðju milljón króna til skipt-
anna. „Ég held að við höfum í gegn-
um árin safnað heilt yfir í kringum
níu milljónum króna sem deilt hef-
ur verið á félögin sem hafa aðstoðað
okkur hverju sinni,“ segir Gurri.
Forsala hefst á föstudag
Eins og verið hefur verður forsala
aðgöngumiða í útibúi Íslandsbanka
að Dalbraut 1 á Akranesi og eru að-
eins 650 miðar í boði. Hefst forsalan
föstudaginn 8. janúar næstkomandi
og ráðleggur Gurri fólki að tryggja
sér miða í tíma því undanfarin ár
hafi verið uppselt á blótið. „Það
má búast við röð og mikilli stemn-
ingu í Íslandsbanka að morgni fyrsta
forsöludagsins. Ég veit til þess að
starfsfólk bankans hefur þegar hafist
handa við að undirbúa forsöludag-
inn. Magnús Brandsson útibússtjóri
hefur lofað harðfiski og hákarli á
meðan birgðir endast að morgnin-
um,“ bætir hann við.
Áhugasömum er bent á að nánari
upplýsingar má nálgast á facebook-
síðu þorrablótsins, Þorrablót Skaga-
manna Akranes, þegar nær dregur.
Þar verður að sögn Gurra ef til vill
einhverju ljóstrað upp sem enn hvíl-
ir mikil leynd yfir þegar þessi orð
eru rituð. Gurri bætir því við að
hann, líkt og aðrir félagar í Club 71,
bíði blótsins með mikilli eftirvænt-
ingu. „Það er orðið árvisst hjá okkur
að hittast snemma í janúar og skipu-
leggja Þorrablót Skagamanna. Við
hlökkum mikið til,“ segir Gurri að
lokum. kgk
Styttist óðum í Þorrablót Skagamanna
Guðráður Gunnar Sigurðsson, betur þekktur sem Gurri, talsmaður Club 71.
Hér sést Þráinn Ólafsson slökkviliðsstjóri tryggja sér miða á síðasta þorrablót.
Fjölmenni var þá samankomið í útibúi Íslandsbanka að morgni fyrsta for-
söludagsins og löng röð myndaðist. Búast má við því sama á föstudag en selst
hefur upp á blótið undanfarin ár og því vísast að tryggja sér miða í tíma. Tómir diskar og glaðir gestir á Þorrablóti Skagamanna. Ljósm. úr safni.