Skessuhorn - 06.01.2016, Blaðsíða 26

MIÐVIKUDAGUR 6. JANÚAR 201626
Elskaður af öllum þeim - sem ekki mikið þekkt´ann!
Vísnahorn
Gleðilegt ár
lesendur mínir!
Það er nú svo að áherslur okkar í lífinu breyt-
ast með tímanum og það sem var aðalatriðið
í gær skiptir litlu máli í dag og þannig verður
það áfram. Á mínum æskuárum var handrita-
málið lengi mál málanna og út af því var kveð-
ið á sínum tíma:
Öll er komin okkur frá
andleg menning Dana
enda finnst þeim eftirsjá
í að missa hana.
Þessi blessuð menning okkar hefur lengi
verið óútskýrð. Hvað telst til hennar og hvað
ekki, hvað þá hvernig ætti að skilgreina jaðar-
menningu nú eða ómenningu. Skáldið W. H.
Auden ferðaðist um Ísland 1936 og gaf síðan
út ljóðabókina ,,Bréf frá Íslandi“ sem var ef
ég veit rétt snilldarlega þýdd af Magnúsi Ás-
geirssyni. Þar í mun þetta vera:
Mér kom í hug að hripa þér
(Ég held til skila kringumstæðum öllum)
á bíl sem tölti um öræfi undir mér
á austurleið frá Möðrudal á Fjöllum.
Ég brann á vöngum vættum táraföllum
með kvef frá Akureyri í veganesti
árbitaleysi og fleiri heilsubresti.
Prófessor Hásmann hefur skilst mér fyrst
hreyft því í bók hve notadrjúgur forði
smápíslir holdsins eru í allri list
svo annað tæpast stendur þeim á sporði
og síst ég tel það ofmælt nokkru orði
að háfleyg snilld í mörgu mjúku stefi
sé minna að þakka ást en góðu kvefi.
Nú er ég skammarlega ókunnugur skáld-
skap W. H. Auden. Hvað þá að ég sé fróð-
ur um manninn sjálfan. Hef þó hugmynd um
að hann hafi að minnsta kosti um tíma verið
nokkuð þekkt nafn og man allavega vel eftir
umtali um hann. Samt ekki viss um að Onni á
Kjörseyri hafi haft hann beinlínis í huga þeg-
ar hann orti:
Beitti mælsku mjúkum hreim
með því ýmsa blekkt’ann.
Elskaður af öllum þeim
sem ekki mikið þekkt’ann.
Ég held að Hjálmar frá Hofi sé höfundur að
þessari og mikill sannleikur þar í:
Æskan hrífst við öldusog
út á þroskans drafnir.
-Svo eru örfá áratog
inná dauðans hafnir.
Menn eru ekki alltaf sammála um það hver
sé skáld og hver sé hagyrðingur. Mín pers-
ónulega skoðun er að formið hafi ekkert um
það að segja og menn geti prýðisvel borið tit-
ilinn skáld án þess að gera nokkurn tímann
annað en ferskeytlur. Við lát Gísla Ólafssonar
frá Eiríksstöðum orti Sigurbjörn Stefánsson:
Svartá hæglát syrgir því
söngur hljóðnar vinum.
Þorrin lind og lífið í
lækjarfarveginum.
Það er allavega mín skoðun að Lækurinn
eftir Gísla Ólafsson standi fyllilega undir því
að heita skáldskapur sem og reyndar margt
fleira eftir hann. Hinsvegar mun eftirfarandi
staka eftir Egil Jónasson ort um allt annan að-
ila og ekkert veit ég um andlega eiginleika
þess manns:
Að guð muni hafa ætlað sér, að gera úr honum
mann,
það getur engum dulist sem að skoðann.
Af leirnum hefur sjálfsagt verið lagt til nóg í
hann,
en líklega hefur mistekist að hnoð´ann.
Vandfundið er það foreldri sem ekki vill
börnum sínum allt það besta þegar þau koma
í þennan heim en aðstæðurnar geta nú orðið
nokkuð misjafnar. Fæðing væntanlegs þjóð-
höfðingja er líka meiri frétt en þó að bætist
aðeins í krakkahrúguna á einhverju kotinu
eða í fátækrahverfum Indlands eða Brasilíu.
Einar B. Pálsson orti í tilefni barnsfæðingar
í útlöndum:
BB- fréttir segir -C,
-sið nú einnig logar Fé-
-taprins er nú borinn Bre-
-bet sér fær Elísa- te.
Líklega um eða fyrir miðja síðustu öld stóð
svo á að fréttir greindu ótt og títt frá fyrir-
hugaðri jarðarför drottningar einnar í Evrópu
en daginn áður var jörðuð umkomulítil kona
að nafni Steinunn. Þá var kveðið að ég held
norður í Húnavatnsssýslu og gaman ef ein-
hver gæti upplýst mig um höfundinn:
Ólíkan þó hefðu hag
hinsta jöfn er borgun.
Steinku á að dysja í dag.
-Drottninguna á morgun.
Nánast svo lengi sem ég man hafa menn
kvartað undan kreppu og bágri fjárhagsstöðu.
Jæja það var kannske í minna lagi kvart-
að þarna um 2007 en hérna áður og reyndar
einnig núna er þetta nokkuð algengt. Á ein-
hverjum tímapunkti orti Eysteinn G. Gísla-
son:
Þjóðin er orðin að ambátt
auralaust hyskið er framlágt.
Ráðamenn standa
í stöðugum vanda
stundandi lífsgæðasamdrátt.
Nú að afloknum áramótunum bresta á oss
árshátíðir af miklum móð og þá ekki vitlaust
að rifja uppp árshátíðarkvæði Hjálmars Frey-
steinssonar ort á árshátíð líklega Sjúkrahúss
Akureyrar:
Gerist vetrar veður blíð
verður margur galinn
Allir heimta árshátíð
ærnar, kýr og smalinn.
Af því verða útgjöld stór
sem undir þarf að rísa,
buxur, vesti, brók og skór
borgað er með Visa.
Verulega er veislan fín
og veislustjórinn natinn,
hani, krummi, hundur, svín
hafðir eru í matinn.
Margur kátur maður er
magnast glens og söngur,
einn ég veit sem ætlar sér
aftur að fara í göngur.
Er á borðum eðalvín
og ekki vantar bjórinn,
galar, krunkar, geltir, hrín
guðdómlega kórinn.
Hér er í boði hámenning
heldur fátt til vansa,
þegar allt er komið í kring
kyssast menn og dansa.
Margur karlinn klökkur bað
af kellu hrifinn sinni:
„Leyf mér nú að lúta að
látúnshálsgjörð þinni.“
Ansar konan „asninn þinn“
er með geðið snúið,
„jæja þá í þetta sinn.“
Þá er kvæðið búið.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
ar til ársins 2016 vonast hún til að fólk læri af reynslunni
og bæti sig. „Það á við um mig sem og alla aðra. Mað-
ur getur alltaf bætt við sig fróðleik og reynslu og búið til
eitthvað úr því,“ segir Olga.
Anna Margrét
Tómasdóttir, forstöðumaður
Ungmennabúðanna á Laugum:
Er einstaklega ánægð
með allt unga fólkið
„Almennt séð tel
ég að loftslags-
ráðstefnan í París
sé hápunktur árs-
ins. Mér þykir
mjög ánægjulegt
að umhverfismál-
in séu að komast
á hærra plan hér
á landi og vonandi
í betri farveg. Það
má ekki hætta að
halda umhverfis-
málunum á lofti,“
segir Anna.
Hún kveðst
ánægð með þá
uppbyggingu sem
hefur orðið á úti-
svæðinu að Laug-
um í Sælingsdal
en tekur þó fram að enn sé langt í land. „Við erum
búin að merkja gönguleiðir, bæta og stækka Lillul-
und svo eitthvað sé nefnt,“ segir hún. „Að mínu mati
er ævintýri að dvelja að Laugum og við höfum auk-
ið alla útivist með nemendum sem heimsækja Ung-
mennabúðirnar. Það verkefni hefur tekist einstaklega
vel, miklu betur en ég átti von á og ég er himinlif-
andi með árangurinn,“ segir Anna glöð í bragði. „Þá
er ég bara einstaklega ánægð með allt unga fólkið sem
ég hef kynnst, sjá það blómstra í sínu og takast á við
skemmtileg verkefni og njóta lífsins.“
Persónulega kveðst Anna hafa átt ánægjulegt ár,
hún hafi reyndar ekki hlaupið nóg en gert marga
skemmtilega hluti í staðinn. „Börnunum mínum líð-
ur vel og þau standa sig vel í því sem þau eru að gera
og það gleður mömmuhjartað,“ segir Anna og bæt-
ir því við að fjölskyldan hafi farið í langþráða og lær-
dómsríka ferð til Evrópu og kynnst ólíkum þjóðum og
borgum. Þá hafi hún fengið heimsókn ástralskra vin-
kvenna, Maree og Sophie, sem báðar reka skólabúð-
ir í heimalandi sínu. „Ég ferðaðist með þeim um Ís-
land, upplifði landið með öðrum augum fyrir vikið og
heimsótti nýja staði,“ segir hún.
Vonbrigði ársins segir Anna vera hryðjuverkin í
París og öll önnur hryðjuverk, stöðu flóttamanna í
heiminum og þá sérstaklega í Sýrlandi. „Einnig bil-
ið milli ríkra og fátækra sem sífellt eykst og umhverf-
ismál á Íslandi, þ.e. að þau séu ekki komin lengra á
veg — að ekki séu allir farnir að flokka og leggja sitt
af mörkum. Eins að enn sé verið að ræða um frek-
ari stóriðjuframkvæmdir,“ segir hún en tekur fram að
hún sé þakklát fyrir þá umræðu sem skapaðist í kjölfar
loftslagsráðstefnunnar í París.
Aðspurð kveðst Anna vænta þess að á árinu 2016
verði lögð lokahönd á gönguleiðirnar á Laugum,
skilti sett upp og göngukortið gefið út. „Eins vona ég
að íþrótta- og tómstundamálum verði betur háttað í
Dalabyggð, hvorki eru nógu margar né fjölbreyttar
íþróttaæfingar í boði. Ég tel það eina að forsendum
þess að gera sveitarfélag eftirsóknarvert að íþrótta- og
tómstundamálum fyrir börn, unglinga og almenning
sé vel fyrir komið. Að öðrum kosti er mjög gott að
búa hér í Dalabyggð,“ segir hún. „Auk þess vona ég að
árið verði gefandi hjá mér sjálfri ásamt því að eitthvað
jákvætt og mannbætandi gerist í flóttamannamálum í
heiminum,“ segir Anna að lokum.
Samantekt: grþ/kgk/mþh/mm
PennagreinHorft yfir liðið ár og litið til þess nýja
Á síðasta bæjarstjórnarfundi ársins
2015 var fjárhagsáætlun ársins 2016
samþykkt. Við bæjarfulltrúar Sam-
fylkingarinnar ákváðum að sitja hjá
við þá atkvæðagreiðslu. Það þýðir
ekki endilega að okkur þyki þessi
áætlun ómöguleg með öllu, í henni
er margt jákvætt og þarft eins og
viðhald á sundlaugarsvæðinu við
Jaðarsbakka, framkvæmdavinna á
Sementsreitnum o.fl.
Í áætluninni voru hins veg-
ar nokkur atriði sem okkur þóttu
gagnrýni verð. Fyrst skal nefnt að
gert er ráð fyrir að 30 milljónum af
framkvæmdafé bæjarins verði var-
ið í uppbyggingu á heitri laug, svo-
kallaðri Guðlaugu við Langasand.
Varðandi þessa framkvæmd teljum
við eðlilegra að byrjað sé á að skoða
hvað rekstur á slíkri laug kosti til
framtíðar fyrir bæjarsjóðinn áður
en ákveðið er að fara í framkvæmd
á lauginni. Við erum ekki að segja
að við séum á móti framkvæmd-
inni sem slíkri þar sem við teljum
að Guðlaug myndi sóma sér vel við
Langasand og eflaust draga fjölda
fólks að sandinum. Við teljum það
hins vegar ekki vera ábyrga fjár-
málastjórn að byrja á framkvæmd-
um og skuldbinda bæinn þannig til
ófyrirsjáanlegra fjárútláta, án þess
að vita hvað reksturinn á lauginni
muni kosta til framtíðar. Ekki er
mikill afgangur af rekstrarfé bæj-
arsjóðs og nú þegar er skortur á fé
til nauðsynlegs viðhalds á húsnæði
og lóðum sem kaupstaðurinn á eins
og íþróttahús, skólabyggingar og
skólalóðir. Þess vegna teljum við
óráðlegt að fara nú í framkvæmdir
sem líklegt er að muni þyngja rekst-
ur bæjarsjóðs enn frekar til framtíð-
ar, ráðlegra væri að nýta það fé sem
handbært er til fjárfestinga í fram-
kvæmdir sem líklegar væru til að
létta á rekstri bæjarsjóðs.
Annað sem veldur okkur áhyggj-
um er að ekki er gert ráð fyrir nein-
um fjármunum í áframhaldandi
vinnu við nýtt sambýli þó svo þörf-
in sé til staðar. Nú þegar eru komn-
ar nokkrar umsóknir um búsetu í
sambýli og eins og staðan er í dag
getum við ekki boðið upp á slíka
búsetu. Þó svo ekki séu komnar
það margar umsóknir að hægt sé
að fylla heilt sambýli er nauðsyn-
legt að halda áfram með þá vinnu
sem hófst á þessu ári, ákveðið verði
hvar skuli setja niður nýtt sambýli
og hafin verði hönnunar- og/eða
framkvæmdavinna við það.
Við viljum að lokum óska Skaga-
mönnum gleðilegs og farsæls nýs
árs og við hlökkum til að vinna
áfram að góðum verkum fyrir bæ-
inn okkar.
Ingibjörg Valdimarsdóttir og Val-
garður Lyngdal Jónsson bæjarfulltrú-
ar Samfylkingarinnar á Akranesi.
Fjárhagsáætlun
ársins 2016