Skessuhorn - 06.01.2016, Blaðsíða 23

MIÐVIKUDAGUR 6. JANÚAR 2016 23
Horft yfir liðið ár og litið til þess nýja
Þorsteinn Steinsson bæjarstjóri í
Grundarfirði:
Miklar væntingar
bundnar við leit að
heitu vatni á nýju ári
„Árið 2015 hefur verið gott
bæði í fjárhagslegu og at-
vinnulegu tilliti og hér hef-
ur verið stöðugleiki. Tekjur
sveitarfélagsins voru ívið
betri en búist var við. Það
stefnir nú hraðbyrði í mun
betri fjárhagslega stöðu
sveitarfélagsins en ver-
ið hefur og verulega hef-
ur tekist að lækka skuldir.
Í nýsamþykktri fjárhags-
áætlun bæjarins fyrir árið 2016 er gert ráð fyrir afgangi bæði
á A- og B-hluta sveitarfélagsins. Ég lít líka um öxl til fyrsta
heila árs míns hér í Grundarfirði. Mér líst mjög vel á að vera
hér í þessu umhverfi. Það er margt spennandi að gerast og
möguleikarnir miklir á Snæfellsnesi,“ segir Þorsteinn Steins-
son bæjarstjóri.
Engin sérstök vonbrigði koma upp í huga bæjarstjórans nú
við áramót. „Það hefur allt gengið í samræmi við áætlanir og
jafnvel gott betur. Við þurfum þó alltaf að vera á varðbergi,
passa upp á atvinnulífið og opinber störf. Það er stöðug vinna
að búa í haginn og skapa fjölbreytileg störf á landsbyggðinni,
unga fólkið þarf að komast í framhaldsnám og jafnhliða þurf-
um við líka að geta boðið því upp á fjölbreytileg störf að námi
loknu. Framhaldsskólinn hér skiptir miklu máli. Hann trygg-
ir að nemendur geta stundað nám í heimabyggð, sem skipt-
ir sköpum fyrir samfélagið hér á Snæfellsnesi. Tryggja þarf
rekstrargrundvöll skólans inn í framtíðina, en góð menntun
er ein af undirstöðum samfélagsins.
Þorsteinn segist sáttur við árið 2015. „Væntingar um lágt
verðbólgustig stóðust. Við náðum að reka bæjarsjóð með tals-
verðum afgangi. Á nýhöfnu ári þarf ekki að hækka gjaldskrár
svo sem í leikskóla og sund og ennfremur verður álagning
fasteignagjalda óbreytt milli ára. Þrátt fyrir þetta er ráðgert
að ráðast í ýmsar framkvæmdir á árinu Helst má þar nefna
lagfæringu á leikskóla, malbikun, lagfæringar og viðhald á
skóla, framkvæmdir við sundlaug, vinnu við endurskoðun að-
alskipulags og fleira. Ég er ánægður með lífið og tilveruna og
tel að Grundfirðingar geti litið björtum augum á framtíðina.
Nú síðast er síldin komin aftur í Kolgrafafjörð. Það eru góð-
ar fréttir. Við viljum hafa síldina. Henni fylgir mikið líf svo
sem hvalir og fugl. Aflabrögðin hafa verið góð og þau skipta
þetta svæði mjög miklu máli. Gríðarlegur vöxtur og tækifæri
eru í ferðaþjónustunni sem vex hratt. Hér höfum við bæði
Kirkjufell og Kolgrafafjörð sem náttúruperlur og á síðasta ári
streymdu ferðamenn hingað á öllum árstímum mikilvægt er
að nýta þessa auðlind sem best.
Bæjarstjórinn í Grundarfirði segir að talsverðar væntingar
séu til þess í Grundarfirði að takast megi að finna nægjanlegt
heitt vatn, sem nýtast megi Grundfirðingum til hitaveituvæð-
ingar. Grundfirðingar hafa hingað til þurft að reiða sig á raf-
magn til húshitunar. „Það eru ákveðnar vísbendingar sem gefa
tilefni til bjartsýni í þeim efnum að finna megi nægilega mik-
ið af heitu vatni. Það mun skipta verulegu máli ef þetta tekst.
Almennt teljum við að árið 2016 verði mjög gott til lands og
sjávar. Að lokum vil ég óska öllum Grundfirðingum og nær-
sveitamönnum gleðilegs nýs árs.“
Sigríður Margrét Guðmundsdóttir,
Landnámssetrinu í Borgarnesi:
Tækifærin eru mikil í
ferðaþjónustunni
„Það sem var ánægjulegast
á árinu var að ég eignaðist
dásamlegt barnabarn sem
býr í Borgarnesi og ég get
heimsótt á hverjum degi. En
að öðru leyti var þetta sér-
staklega ánægjulegt og gott
ár. En koma nýja barna-
barnsins stendur þó upp úr,“
segir Sigríður Margrét Guð-
mundsdóttir eigandi Land-
námssetursins. Hún bætir
því við að það sé stórkost-
legt að vera í ferðaþjónustu í Borgarnesi og upplifa þann mikla
vöxt og möguleikana sem ferðaþjónustan býr yfir. „Þetta er at-
vinnuvegur sem hlúir svo vel að grasrótinni. Það eru svo marg-
ir sem geta komið inn í greinina og þetta hefur mikil marg-
feldisáhrif inn í samfélagið. Ferðaþjónustan gefur svo mörg-
um tækifæri, gömul hús ganga í endurnýjun lífdaga og matur
úr héraði verður vinsæl söluvara. Þetta hefur áhrif bæði á land-
búnaðinn og þá sem prjóna peysur heima hjá sér, svo dæmi séu
tekin.“ Sigríður segir vonbrigði ársins líta meira í heimsmál-
unum. „Hvað maður verður leiður yfir því að fólk skuli aldrei
geta lært. Að það skuli enn ríkja þessi hræðilegi ófriður og að
svona margir séu á flótta. Mér finnst það mestu vonbrigðin, að
enn skuli vera svona mikil grimmd og fátækt í heiminum og að
maður viti að það eru til börn í þrældómi sem búi við ömurleg-
ar aðstæður. Manni líður svolítið þannig að manni finnst mað-
ur þurfa að gera eitthvað en á sama tíma veit maður að það er
ekki auðvelt að breyta heiminum á meðan þessi illu öfl fá svona
miklu ráðið.“
Aðspurð um nýja árið segist Sigríður vera bjartsýn fyrir hönd
Íslendinga. „Ég held að það séu mikil tækifæri hér, sérstaklega
í ferðaþjónustunni en við þurfum samt að vanda okkur vel. Ég
er bjartsýn fyrir hönd Borgarness og Vesturlands alls, þar tel ég
að við eigum mikla möguleika, ekki síst í ljósi þess að einn mik-
ilvægasti ferðamiðillinn, Lonely Planet, valdi Vesturland eitt
af mest spennandi stöðum í heimi að heimsækja á þessu ári.
Það er ekki lítil viðurkenning. Þá vakti loftslagsráðstefnan sem
nýverið var haldin í París með mér vonir um að loksins muni
ráðamenn þessara valdaþjóða taka sig saman og berjast á móti
hlýnun loftslags og gera sér grein fyrir hættunni sem vofir yfir.
Maður bara vonar að þeir fylgi því eftir,“ segir Sigríður Mar-
grét að lokum.
Ingunn Ríkharðsdóttir
leikskólastjóri Garðasels á Akranesi:
Segir árið hafa verið
ljúft og gott
Ingunn Ríkharðsdóttir leik-
skólastjóri á Akranesi seg-
ir árið 2015 hafa verið
mjög ánægjulegt í heildina.
„Árið var sérlega ánægju-
legt og það gekk vel hjá
öllum í kringum mig. All-
ir voru heilir heilsu og árið
var ljúft og gott.“ Hún segir
helstu vonbrigði ársins snúa
að kjörum öryrkja og aldr-
aðra. „Vonbrigði ársins eru
svona heilt yfir hvað okkur
sem samfélagi tekst illa að tryggja öllum mannsæmandi lífskjör.
Þá er ég helst að hugsa um öryrkja og aldraða sem fengu ekki
sín kjör leiðrétt eins og aðrir. Eins það að fólk þurfi að standa í
biðröðum eftir mat,“ segir Ingunn. Hún segir væntingarnar til
ársins 2016 snúast um að gera betur. „Að við förum saman inn
í árið sem samfélag og gerum betur en við gerum í dag, það er
alltaf hægt að gera betur. Við þurfum að forgangsraða og muna
eftir öllum því maður vill að allir fái að njóta sín og hafa það
gott, þó það sé kannski langsótt. En ef við erum á góðu róli, þá
eigum við að geta gert betur en núna.“
Branddís Margrét Hauksdóttir
ferðaþjónustuaðili á Snorrastöðum:
Það skiptust á
skin og skúrir
„Þetta var þokkalegasta ár,
þó það hafi skipst á skin
og skúrir. Búskapurinn
og ferðaþjónustan og það
sem við erum að stússast í
gekk vel og vonandi verð-
ur það þannig áfram,“ segir
Branddís M Hauksdóttir hjá
ferðaþjónustunni á Snorra-
stöðum um árið 2015. Hún
bætir því við að ánægjulegt
hafi verið að útskrifa tvo
einstaklinga úr skóla, bú-
fræðing og stúdent. „Ferða-
þjónustan gekk vel og það
var endalaus halarófa af ferðamönnum sem hingað kom. En
það er fínt. Ég er svo mikil Pollýanna að ég á erfitt með að finna
út hver mestu vonbrigði ársins voru. Það veldur manni þó von-
brigðum þegar fólk stendur ekki undir væntingum,“ segir hún.
Branddís segir vonast til þess að nýja árið færi öllum frið, gæfu
og allt gott. „Og að maður beri áfram gæfu til að halda ótrauð-
ur áfram á sömu braut,“ segir hún að endingu.
Ingi Hans Jónsson, Sögustofunni í
Grundarfirði:
Skemmtileg verkefni
og áskoranir
Ingi Hans Jónsson í Grund-
arfirði er ánægður með árið
sem var að líða. „Ég var til
dæmis ánægður með veð-
urfarið og það var ánægju-
legt að það voru skemmti-
leg verkefni og áskoran-
ir á árinu sem maður var
að vinna fyrir fyrirtæki og
stofnanir. Sérstaka ánægju
hafði ég af vinnu fyrir Sjáv-
arsafnið í Ólafsvík sem
vonandi tekst að gera að
skemmtilegri afþreyingu
og menningarmiðstöð fyr-
ir svæðið,“ segir Ingi Hans
í samtali við Skessuhorn.
Hann segir árið hafa verið þeim hjónum ánægjulegt á flestan
hátt, enda hafi þau bætt við sig verkefnum og átt góðar stundir
með fjölskyldunni. „Við opnuðum lítið gistihús sem hefur tek-
ist afskaplega vel. Okkur tókst út árið að halda hæstu mögulegri
einkunn frá gestum og erum afskaplega glöð með það. Svo má
ekki gleyma Norrænu Sagnahátíðinni, sem stóð í heila viku og
var alveg æðisleg,“ segir hann. „Svo var gaman í Sögustofunni
minni sem þróaðist ljómandi vel. Það er líka gaman að segja frá
því að ég og sex ára gamalt barnabarn smíðuðum götuleikhúsið
Brandþrúði, sem við ferðuðumst svolítið með. Það var ánægju-
legt og skemmtilegt verkefni.“
Aðspurður út í vonbrigði ársins 2015 segir hann að þau snúi
að samfélagsþróuninni og þeim viðsnúningi sem orðið hefur
í samfélaginu á pólitísku sviði. „Maður hefði vonað að þegar
samfélagið væri að rétta úr kútnum myndu allir njóta, ekki síst
þeir sem höfðu það lakast fyrir. Ég hefði líka viljað sjá sveitar-
félagið mitt blómstra meira á liðnu ári, að það væri meira stolt
og kraftur í því.“ Ingi Hans er tiltölulega bjartsýnn á nýju ári og
vonast til að það verði gott. „Og að maður fái áfram ný tæki-
færi til að nýta hæfileika sína og krafta til uppbyggjandi verk-
efna. Svo vonast ég til þess að ná að hafa bátinn í góðu standi
svo ég geti skroppið fram á fjörð og notið þess á síðkvöldum að
ná í fisk í soðið.“
Vilborg Þ Guðbjartsdóttir kennari
og bæjarfulltrúi á Akranesi:
Gott og annasamt ár
Vilborg Þórunn Guðbjarts-
dóttir segir ansi margt
ánægjulegt hafa gerst á ný-
liðnu ári. „Árið var í heild-
ina nokkuð gott. Mér fannst
alveg sérlega ánægjulegt að
sjá hversu vel gekk að halda
Norðurálsmót og Írska
daga, sem sýnir að við get-
um gert stóra hluti á vand-
aðan hátt þegar við leggj-
umst öll á eitt,“ segir Vil-
borg. Hún segir árið einn-
ig hafa verið gott persónu-
lega, þrátt fyrir miklar ann-
ir. „Það sem stendur upp úr
er skemmtileg ferð vestur á
firði í sumar, ég átti þar góða daga á Ísafirði. Það stendur líka
upp úr hvað ég á mikið af góðum samstarfsfélögum. Ég vinn
með mörgu fólki á mörgum vígstöðvum og er ótrúlega heppin
með félagsskap í þeim geira.“
Aðspurð segist hún ekki hafa orðið fyrir neinum sérstökum
vonbrigðum með árið en nefnir viðhorf og afstöðu til flótta-
manna sem áhyggjuefni. „Svo virðist vera að neikvæð umræða
og fordómar séu að aukast í hinum vestræna heimi í garð flótta-
fólks með vaxandi straumi fólks sem leitar til Evrópu í leit að
skjóli. Mér finnst vera samstöðuleysi í að takast á við vanda-
málin og þegar svona stór vandamál dúkka upp, er eins og það
kyndi undir neikvæð öfl,“ segir hún. Væntingar Vilborgar til
þessa árs eru að árið verði jafn gott, ef ekki enn betra en síð-
asta. „Svo vona ég að Akranes haldi áfram að vaxa og dafna eins
og á síðasta ári.“
Framhald á næstu opnu