Skessuhorn - 30.03.2016, Síða 4
MIÐVIKUDAGUR 30. MARS 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Ný áskorun; langsótt
og klén samlíking
Ég hefur alla tíð verið áhugamaður um íþróttir og fylgdist lengi vel mjög
náið með gangi mála í knattspyrnuheiminum. Í seinni tíð hef ég þó orð-
ið stöðugt meira afhuga þeirri ágætu íþrótt. Ég horfi enn á fótbolta en sú
íþrótt sem ég helst fylgist með er hinn fagri körfuknattleikur. Ver ég drjúg-
um tíma í hverri viku í að fylgjast með körfunni. Ég er B maður, líður best
á kvöldin og vil vaka frameftir. Kemur það sér mjög vel því ég get fylgst
örlítið með NBA deildinni bandarísku fyrir vikið, bestu körfuknattleiks-
deild í heimi.
En ég fylgist líka með körfunni hér heima. Þar eigum við Vestlendingar
fólk í fremstu röðum. Besta körfuknattleikslið svæðisins er vafalítið kvenna-
lið Snæfells, sem lyfti í vetur bikarmeistaratitlinum. Liðið er Íslandsmeist-
ari síðustu tveggja ára og getur í ár hampað titlinum þriðja árið í röð, ef allt
gengur að óskum í úrslitakeppninni sem hefst í kvöld.
Ég læt ekki aðeins nægja að fylgjast með körfuknattleik, hef meira að
segja gengið svo langt að spila körfuknattleik af og til á Akranesi. Et ég þá
kappi við menn sem eru mér mun færari og verð mér reglulega til skamm-
ar þegar stökkskot mín snerta ekki einu sinni hringinn. Það er ekki tilviljun
að ég geti fengið boltann óáreittur við þriggja stiga línuna.
En eftir því sem ég læt sjá mig oftar þá mun mér fara fram, það er eitt af
því sem gerist þegar menn hitta fyrir sér hæfari einstaklinga. Menn læra af
þeim, séu þeir tilbúnir til þess. Öðru hvoru fæ ég leiðbeiningar inni á vell-
inum og legg mig fram við að fara eftir þeim. Þannig mun mér fara fram.
Aldrei verð ég góður körfuknattleiksmaður en ég get vel orðið betri en ég
er í dag ef ég legg mig fram við að læra af öðrum og er tilbúinn að takast
á við áskoranir.
Fyrir viku bauðst mér ný áskorun; að ritstýra. Já, lesandi góður, Skessu-
horni vikunnar er ritstýrt af einhverju strákpjakki sem veit ekkert í sinn
haus og hefur ekki einu sinni unnið á síðutogara. Að ritstýra einu tölublaði
Skessuhorns var áskorun sem ég var tilbúinn að takast á við, enda hef ég
lært ótalmargt af samstarfsmönnum mínum sem alltaf hafa verið tilbúnir
að leiðbeina mér. Það hefur allavega gert mig að betri blaðamanni en ég
var í fyrstu.
Mitt síðasta verk við ritstjórn þessa tölublaðs er að skrifa leiðara og þar
erum við, ég og þú lesandi góður, skyndilega farnir að tala í nútíð. Þar sem
ég sit við þau skrif rennur upp fyrir mér að ég hef þegar lært nokkuð á þess-
ari áskorun. Tel mig hafa gert það að minnsta kosti. Fljótlega munu munu
renna upp fyrir mér að einhvers staðar varð mér á í messunni í frumraun
minni. Ég reikna með að fyrsti lærdómurinn verði að byrja fyrr að skrifa
leiðara, að því gefnu að ég hafi ekki klúðrað málunum algjörlega og fái að
gera þetta aftur í framtíðinni. Sko, strax farinn að læra af reynslunni. Næsti
lærdómur er sá að muna að leiðari á að fjalla um eitthvað, til dæmis skoð-
anir ritstjóra, þjóðmálin en ekki vera hálfvæmið og innihaldslaust kjaft-
æði. Hann skal hafa upphaf, miðju og endi og efnistökin skulu mynda sam-
fellu. Það á ekki að vaða úr einu í annað og bjóða lesendum upp á samlík-
ingar sem eru bæði langsóttar og í sannleika sagt heldur klénar. Ég nóta
það hjá mér.
Kristján Gauti Karlsson
Heilbrigðisráðherra undirritaði
formlega í síðustu viku samninga við
fjórar heilbrigðisstofnanir um þátt-
töku þeirra í skipulögðu átaki til að
stytta bið sjúklinga eftir tilteknum
brýnum aðgerðum. Samningarn-
ir eru við Heilbrigðisstofnun Vest-
urlands, Landspítala, Sjúkrahúsið á
Akureyri og fyrirtækið Sjónlag hf. Í
þeim felst að sérstaklega hefur ver-
ið samið um fjármuni til að fram-
kvæma tilteknar aðgerðir umfram
það sem stofnanirnar höfðu ráð-
gert miðað við rekstrarfé af fjár-
lögum. Um er að ræða hjartaþræð-
ingar, augasteinsaðgerðir og lið-
skiptaaðgerðir á hnjám og mjöðm-
um sem voru áætlaðar 1.010 á þessu
ári. Með átakinu bætast við 530 að-
gerðir sem er ríflega 50% aukning.
Nú bíða 1.336 sjúklingar eftir lið-
skiptaaðgerð. Áformað er að verja
1663 milljónum króna til verkefn-
isins á árunum 2016 - 2018, þar af
um helming fjárins á þessu ári. Að
sögn Guðjóns Brjánssonar forstjóra
HVE var áður ráðgert að gera 110
liðskiptaaðgerðir á stofnuninni en
nú fjölgar þeim töluvert eða um
65% sem er talsvert meira en aukn-
ingin nemur á landsvísu. Með þess-
um samningi stefnum við á að gera
70 til 75 liðskiptaaðgerðir til viðbót-
ar. Það eru nokkurn veginn til helm-
inga hné- og mjaðmaaðgerðir, segir
Guðjón í samtali við Skessuhorn.
Fjölga fagfólki
Í fréttatilkynningu frá HVE seg-
ir að þær heilbrigðisstofnanir sem
taka þátt í átakinu skuldbindi sig
jafnframt til að ná sem bestum ár-
angri við að stytta biðtíma eftir
öllum aðgerðum sem þær fram-
kvæma. Áskilið er að framkvæmd
aðgerða sem heyra undir átakið
leiði ekki til þess að bið eftir öðr-
um valkvæðum aðgerðum lengist.
Þeir aðilar sem taka þátt í átakinu
þurfa að skila mánaðarlegri grein-
argerð um framvindu átaksins.
Guðjón segir verkefnið þegar vera
hafið og að það feli í sér einhverj-
ar breytingar á stofnuninni. Skipu-
lagið á skurðstofunni mun breyt-
ast örlítið. Þessar aðgerðir krefjast
fjögurra til sex daga innlagnar og
það var sett sem skilyrði að þetta
myndi ekki hafa áhrif á aðra starf-
semi. Við höfum því fengið bækl-
unarlækni í aukið starf og fjölgum
fagfólki samtals um 3,2 stöðugildi
og getum þannig bætt við legu-
rýmum. Við höfum einnig bætt
búnað á skurðstofum til að af-
kasta meiru, svo sem með kaupum
á nýrri áhaldaþvottavél og skurð-
borði, útskýrir Guðjón. Velferðar-
ráðuneytið mun greiða reglubund-
ið fyrir þær aðgerðir sem samning-
arnir taka til í samræmi við tíma-
setta áætlun um framkvæmd þeirra.
Náist ekki að framkvæma áætlaðan
fjölda aðgerða lækka greiðslurnar
sem því nemur. Ef fyrirséð er að
samningsaðilar nái ekki að fram-
kvæma umsaminn fjölda aðgerða
á árinu getur ráðuneytið endurút-
hlutað fjármunum svo unnt sé að
ná markmiðum átaksins. Að mati
landlæknis og ráðherra voru þetta
þær aðgerðir sem brýnast var að
taka á í byrjun. Við höfum aftur á
móti lagt ríka áherslu á að það sé
mjög brýnt að takast á við kvenað-
gerðir líka, enda eru yfir 500 kon-
ur á biðlista. Þá höfum við lagt
áherslu á að koma á formlegu sam-
starfi við Landspítalann og þá sér í
lagi við kvennadeildina. Við teljum
að með því mætti veita betri þjón-
ustu og að vel væri hægt að samnýta
þessar deildir.
grþ
Skipulagt átak styttir bið sjúklinga
Með átakinu mun liðskiptaaðgerðum fjölga úr 110 í 185 á Heilbrigðisstofnun
Vesturlands.
Guðjón Brjánsson forstjóri HVE.
Íbúum landshlutans fjölgaði í
fimm sveitarfélögum af ellefu á
síðasta ári samanborið við árið
2014. Þeim fækkaði aftur á móti
í sex sveitarfélögum en þrátt fyrir
það var fjölgun um 200 íbúa þeg-
ar litið er á landshlutann í heild.
Mesta fjölgun í einu sveitarfélagi
á Vesturlandi var á Akranesi. Þar
fjölgaði íbúum um 141 manns, eða
um rétt rúm tvö prósent frá árinu
áður. Í Borgarbyggð fjölgaði um
98 íbúa, eða 2,8%. Þegar hlut-
fallsleg fjölgun er skoðuð þá hafði
Helgafellssveit vinninginn í lands-
hlutanum. Þar fjölgaði íbúum þó
ekki nema um tvo en sökum þess
hve fáir búa í Helgafellssveit þá
var það fjölgun um 3,8%. Þá fjölg-
aði um sex íbúa í Stykkishólmi,
eða hálft prósent. Íbúum fækkaði
í Skorradalshreppi, Hvalfjarðar-
sveit, Grundarfjarðarbæ, Eyja- og
Miklaholtshreppi, Snæfellsbæ og
í Reykhólahreppi. Mesta fólks-
fækkunin var í Skorradalshreppi
þar sem íbúum fækkaði úr 62 í 53,
eða um 14,5% sem gerir Skorra-
dalshrepp fámennasta sveitarfélag
landsins. Í heildina fjölgaði íbú-
um á Vesturlandi um 200 á síðasta
ári sem gerir 1,3% aukningu frá
árinu áður. Þann 1. janúar 2016
voru landsmenn 332.529 og hafði
fjölgað um 3.429 frá sama tíma
árið 2015. Þetta jafngildir fjölg-
un landsmanna um 1%. Konum
og körlum fjölgaði sambærilega á
árinu og voru karlar 2.011 fleiri en
konur 1. janúar 2015.
Meðfylgjandi tafla sýnir mann-
fjölda í sveitarfélögum á Vestur-
landi samkvæmt tölum Hagstof-
unnar 1. janúar 2015 og 1. janúar
2016. grþ
Hlutfallslega mesta fjölgun íbúa í einu sveitarfélagi á Vesturlandi á síðasta ári
var í Helgafellssveit. Þar fjölgaði íbúum um tvo eða 3,8%. Það er hlutfallslega séð
langt yfir landsmeðaltali.
Íbúum á Vesturlandi fjölgaði
um 200 á síðasta ári
!
Sveitarfélag: Fjöldi 1. janúar 2015 Fjöldi 1. janúar 2016 Breyting í ölda
Akranes 6.767 6.908 + 141
Borgarbyggð 3.539 3.637 + 98
Hvalarðarsveit 635 622 - 13
Skorradalshreppur 62 53 - 9
Eyja- og Miklah.hr. 144 138 - 6
Helgafellssveit 53 55 + 2
Grundarörður 900 899 - 1
Stykkishólmur 1.107 1.113 + 6
Snæfellsbær 1.679 1.663 - 16
Dalabyggð 680 678 - 2
Reykhólahreppur 268 267 - 1