Skessuhorn - 29.06.2016, Side 6

MIÐVIKUDAGUR 29. JÚNÍ 20166
Nýtt skapgerð-
armat vegna inn-
flutnings hunda
LANDIÐ: Árlega eru um 160
hundar fluttir til Íslands víðs
vegar að úr heiminum. Skilyrði
til innflutnings eru m.a. bólu-
setning og sýnatökur auk fjög-
urra vikna einangrunar. Til-
gangurinn er að draga úr lík-
um á að til landsins berist nýir
dýrasjúkdómar. Samkvæmt
lögum um innflutning dýra
skal ekki heimila innflutning
á gæludýrum sem hætta getur
stafað af og því er krafist svo-
kallaðs skapgerðarmats fyr-
ir hunda af tilteknum tegund-
um. Um er að ræða hunda sem
stærðar og/eða styrkleika sinna
vegna geta valdið alvarlegu
tjóni ef þeir hafa tilhneigingu
til árásargirni. Nú hafa reglur
um skapgerðarmat á innflutt-
um hundum verið hertar með
það að markmiði að koma í veg
fyrir að árásargjarnir og hættu-
legir hundar verði fluttir til
landsins. -mm
Utan verksviðs
byggðarráðs
BORGARBYGGÐ: Byggð-
arráð Borgarbyggðar tók fyr-
ir á fundi sínum í síðustu viku
erindi vegna stöðvunarkröfu á
framkvæmdir við Borgarbraut
57 – 59, þar sem búið er að
taka grunn undir hótel, íbúð-
ir og þjónusturými. Lögð var
fram krafa Advel lögmanna
um frestun útgáfu byggingar-
leyfis á lóðunum. „Byggðarráð
sér ekki ástæðu til að hlutast til
um útgáfu byggingarleyfis þar
sem leyfisveiting er á verksviði
byggingarfulltrúa,“ segir í bók-
un af fundinum. -mm
Atvinnuleysi í
lágmarki
LANDIÐ: Samkvæmt
Vinnumarkaðsrannsókn
Hagstofu Íslands voru að
jafnaði 203.600 manns á
aldrinum 16-74 ára á vinnu-
markaði í maí 2016, sem
jafngildir 86,1% atvinnu-
þátttöku. Af þeim voru
195.400 starfandi og 8.200
án vinnu og í atvinnuleit.
Hlutfall starfandi af mann-
fjölda var 82,7% og hlut-
fall atvinnulausra af vinnu-
afli var 4,1%. Samanburður
mælinga fyrir maí 2015 og
2016 sýnir að atvinnuþátt-
takan jókst um tvö prósentu-
stig. Atvinnulausum fækkaði
um 5.000 manns og hlutfall
þeirra af vinnuaflinu minnk-
aði um 2,7 prósentustig. At-
vinnuleysi hefur ekki mælst
jafn lágt í maímánuði síðan
árið 2005 þegar það mældist
einnig 4,1%.
-mm
Nokkur útköll
vegna leitar og
björgunar
BORGARFJ: Björgun-
arsveitarfólk hefur sinnt
ýmsum verkefnum liðna
daga vegna útivistarfólks
og ferðamanna sem komið
hafa sér í vandræði. Síðast-
liðið fimmtudagskvöld voru
björgunarsveitir af Vest-
urlandi og úr Húnavatns-
sýslum kallaðar til leitar að
veiðimanni á Arnarvatns-
heiði. Viðkomandi hafði
ekki skilað sér til samferð-
armanns síns á umræddum
tíma og tilkynnti hann um
málið til lögreglu sem ósk-
aði eftir liðsinni björgunar-
sveita. Maðurinn fannst eft-
ir skamma leit heill á húfi.
Næsta kvöld voru björgunar-
sveitir á Vesturlandi kallaðar
út vegna manns sem veikst
hafði í gönguferð á Okið í
Borgarfirði. Var hann flutt-
ur til byggða. Aðfararnótt
sunnudags voru björgunar-
sveitarmenn úr Borgarfirði
og Húnavatnssýslum kall-
aðar út til leitar að erlend-
um vélhjólamanni sem tap-
að hafði áttum á heiðum og
sat rammvilltur á hjóli sínu.
Um nóttina fannst maðurinn
á Stórasandsleið á Gríms-
tunguheiði. Á Arnarvatns-
heiði höfðu fundust för eft-
ir hjól mannsins sem beindu
leitinni í austurátt, fyrst um
Víðidalstunguheiði og það-
an enn lengra. Hann fannst
svo í námunda við Kjalveg
og var fylgt til byggða. Að-
gerðir gengur vel. -mm
Skógarganga
á upphafsdegi
Skógræktar
BORGARFJ: Í tilefni af því
að Skógræktin tekur form-
lega til starfa á föstudaginn,
1. júlí, verður gengið í skóg-
um bænda í öllum landshlut-
um á fimmtudag og föstu-
dag og einnig í skóginum við
Rannsóknastöð Skógrækt-
ar á Mógilsá. Hér á Vestur-
landi er áætlað að bjóða gesti
velkomna í skóginn á Odds-
stöðum í Lundarreykjadal í
Borgarfirði föstudaginn 1.
júlí kl. 14-17. -fréttatilk.
Gamla fjárréttin í Krókabrekkum
fyrir ofan Ólafsvík var síðast not-
uð í kringum 1960 en hún var mjög
farin að láta á sjá. Guðrún Tryggva-
dóttir hefur ásamt fleirum unnið að
endurhleðslu réttarinnar og 21. júní
síðastliðinn hlaut verkefnið 500.000
króna umhverfisstyrk úr Samfélags-
sjóði Landsbankans. Alls fengu sautj-
án verkefni umhverfisstyrki úr Sam-
félagssjóðinum að þessu sinni.
„Það er sameiginleg ábyrgð okk-
ar allra að varðveita minjar og menn-
ingarverðmæti, eins og réttin er.
Við þurfum líka að fræða unga fólk-
ið um atvinnuhætti á Íslandi í gegn-
um aldirnar. Nú á dögunum var mér
sagt að tveir drengir úr Snæfellsbæ
hefðu komið heim til sín og sagt að
þeir hefðu fundið svo flott völundar-
hús fyrir ofan bæinn – og áttu þar við
réttina. Það var það eina sem þeir sáu
út úr þessum gömlu veggjum,“ seg-
ir Guðrún. Réttin er friðlýst enda er
hún meira en hundrað ára gömul en
Minjavernd hefur veitt leyfi til að hún
verði endurhlaðin. Óvíst er um ald-
ur hennar en líklega er hún jafngöm-
ul byggð í Ólafsvík.
Réttin er hlaðin úr grjóti og er
mikið mannvirki, almenningur og
21 dilkur. „Við erum heppin því
það hefur aldrei tapast neitt grjót úr
réttinni, aldrei hefur verið tekið úr
henni til að nota í garða eða annað
slíkt, eins og stundum hefur gerst
með gamlar veggjahleðslur. Við
vorum nokkur sem töluðum okk-
ur saman um að það yrði að drífa í
að vinna í málinu og ég, Þorgrímur
Leifsson og Lidý Rafnsdóttir höf-
um verið einna virkust í þessu. Fyr-
irtæki á svæðinu hafa styrkt verk-
efnið, auk Landsbankans nú.“
Réttin er innan skógræktargirðing-
ar og stendur við vinsæla gönguleið.
Guðrún vonast til að réttin verði vin-
sæll áningarstaður ferðafólks í fram-
tíðinni. Verkefnið er metnaðarfullt
og verður unnið í áföngum. Auk þess
að hlaða veggina upp á nýjan leik á að
setja upp skilti með upplýsingum um
réttina, réttarstörfin og hverjum til-
teknir dilkar tilheyrðu.
mm/rp
Samfélagssjóður Landsbankans
styrkir endurgerð réttar í Ólafsvík
Verkefnið hófst fyrir alvöru á síðasta ári þegar vegur var lagður að réttinni og
í fyrrasumar var um tveimur og hálfum dilkum hlaðið upp. Ari Jóhannesson
hleðslumeistari stýrir verkefninu og sjáflboðaliðar eru honum til aðstoðar.
Réttin var síðast notuð um 1960 og hafði látið töluvert á sjá. Hún er mikið mann-
virki, um 18x45 metrar að stærð.
Guðrún Tryggvadóttir er hér fyrir miðju eftir að hún tók við styrknum til verkefnisins.
Með henni eru dr. Guðrún Pétursdóttir, formaður dómnefndar og Steinþór Pálsson,
bankastjóri Landsbankans.
Umhverfi réttarinnar er fallegt, fugla-
líf er í bjarginu fyrir ofan og Tvífossar
gnæfa yfir, ásamt klettinum Þumli
sem hægt er ganga í kringum um.