Skessuhorn - 26.10.2016, Blaðsíða 16

MIÐVIKUDAGUR 26. OKTÓBER 201616
Það er mat Eftirlitsstofnunar EFTA,
ESA, að endurnýjun raforkusamn-
ings Norðuráls við Landsvirkjun
feli ekki í sér ríkisaðstoð. Þetta seg-
ir í niðurstöðu stofnunarinnar sem
gefin var út á mánudag. Stjórnvöld
tilkynntu ESA um þriðju endurnýj-
un samnings Landsvirkjunar, um
sölu raforku til álvers Norðuráls
á Grundartanga í Hvalfirði, í maí
síðastliðnum. Að lokinni forskoð-
un hjá ESA var samningurinn und-
irritaður í byrjun september og síð-
an sendur stofnuninni að nýju til
formlegrar og endanlegrar umfjöll-
unar. Upprunalegur raforkusamn-
ingur Norðuráls og Landsvirkjunar
var undirritaður árið 1997, en hann
hefur nú verið framlengdur tvisvar
sinnum.
ESA lagði í umfjöllun sinni mat á
skilmála samningsins og þær breyt-
ingar sem gerðar voru frá fyrri
samningum. Stofnunin kynnti sér
auk þess þá arðsemisútreikninga
sem Landsvirkjun og Norðurál
lögðu til grundvallar samningnum.
„Landsvirkjun lagði fram yfirgrips-
mikil gögn sem sýna, að mati ESA,
að samningurinn er í samræmi við
sambærilega samninga sem önn-
ur raforkufyrirtæki á Norðurlönd-
unum hafa gengist undir. Endur-
nýjaður samningur er tengdur við
markaðsverð raforku á Nord Pool
raforkumarkaðnum og kemur það
í stað álverðstengingar í gildandi
samningi. Þá er samningurinn arð-
samur og skilmálar hans slíkir að
einkarekið fyrirtæki myndi sam-
þykkja hann við sambærilegar að-
stæður. Því er ekki um að ræða rík-
isaðstoð, að mati ESA,“ segir í nið-
urstöðu stofnunarinnar.
Hinn endurnýjaði raforkusamn-
ingur nær til fjögurra ára og hljóðar
upp á 161 MW, sem er nær þriðj-
ungur af orkuþörf álvers Norðuráls
á Grundartanga. Hann tekur gildi í
nóvember 2019 og gildir til loka árs
2023. Núverandi samningur verður
því áfram í gildi út októbermánuð
árið 2019.
kgk/ Ljósm. úr safni.
Endurnýjun raforkusamnings
felur ekki í sér ríkisaðstoð
Berta Daníelsdóttir hefur verið ráð-
in framkvæmdastjóri Íslenska sjávar-
klasans ehf. Hún hefur gegnt ýmsum
ábyrgðarstörfum fyrir Marel síðast-
liðin 18 ár og var nú síðast rekstr-
arstjóri Marel í Seattle í Bandaríkj-
unum. Berta er með meistaragráðu
í stjórnun alþjóðlegra fyrirtækja frá
Háskólanum á Akureyri. Hún er
ein af stofnendum félagsins Konur í
sjávarútvegi.
Berta tekur við starfinu 15.
nóvember næstkomandi af Þór Sig-
fússyni, stofnanda og eiganda Ís-
lenska sjávarklasans. Þór mun starfa
áfram að nýsköpunarverkefnum sem
klasinn hefur sett á laggirnir, ásamt
því að vera áfram stjórnarformað-
ur. Berta segir að hún sé afar spennt
fyrir starfinu og möguleikunum sem
Íslenski sjávarklasinn hefur að bjóða
samstarfsfyrirtækjum sínum og við-
skiptavinum. „Það liggja mikil tæki-
færi í framtíðinni og krafturinn í ný-
sköpuninni hér á landi er heillandi,
segir Berta. „Þór hefur lagt grunn-
inn að Sjávarklasanum síðastliðinn
5 ár og hafa mörg ný fyrirtæki og
verkefni hafa litið dagsins ljós sem
braggast vel í dag.“
Íslenski sjávarklasinn er drifkraft-
ur nýrra hugmynda og stuðlar að
öflugu samstarfi fyrirtækja og frum-
kvöðla í haftengdri starfsemi. Klas-
inn starfrækir meðal annars Hús
sjávarklasans ehf. sem er samfé-
lag tæplega 70 fyrirtækja og frum-
kvöðla. „Ég starfaði hjá Marel í 18
ár sem eitt sinn var lítil hugmynd
og verkefni nokkura háskólanema.
Marel er leiðandi fyrirtæki í vinnslu
á matvælum á heimsvísu og ég efast
ekki um að á meðal samfélagsins í
sjávarklasanum eru fleiri Marel að
taka sín fyrstu skref. Ég hef mikla
ástríðu fyrir nýsköpun og árangri og
vonast til að reynsla mín frá Marel
muni nýtast vel á nýjum vettvangi“
segir Berta.
-tilkynning
Berta Daníelsdóttir nýr framkvæmda-
stjóri Íslenska sjávarklasans
Árbók Akurnesinga fagnar 15 ára
útgáfuafmæli um þessar mundir
því fimmtánda bindi Árbókarinn-
ar er nú komið út. Árbókin er fast-
ur punktur í tilveru Skagamanna
og bókarinnar jafnan beðið með
töluverðri eftirvæntingu. Meðal
efnis að þessu sinni er langt og ít-
arlegt viðtal Önnu Láru Steindal
við Svein Kristinsson; Stranda-
strákinn sem varð formaður Rauða
krossins á Íslandi. Þá má nefna
grein Ingibjargar Pálmadóttur um
sýninguna „Sögu líknandi handa“
sem sett var upp í Guðnýjarstofu
á síðasta ári. Ásmundur Ólafsson
skrifar um skip og báta Þórð-
ar Ásmundssonar afa síns og
ritstjórinn, Kristján Kristjáns-
son, birtir ferðasögubrot um
eyjar á Indlandshafi ásamt því
að skrifa um Akratorg. Fastir
liðir eru á sínum stað: Frétta-
og íþróttaannáll ársins 2015
og æviágrip látinna Akurnes-
inga. Árbókin er til sölu í Ey-
mundsson og hjá útgefanda
mth útgáfu, Vesturgötu 45 á
Akranesi.
mm
Fimmtánda Árbók Akurnesinga er komin út
Lægðarinnar sem gekk yfir Vestur-
hluta landsins síðastliðinn miðviku-
dag varð víðar vart en á fasta land-
inu. Úti á miðunum biðu sjómenn
af sér bræluna áður en þeir héldu til
veiða á ný. Sturlaugur H. Böðvars-
son, einn af ístogurum HB Granda,
var við veiðar á Vestfjörðum á mið-
vikudag en vegna óveðursins hélt
skipstjórinn skipinu nær landi í vari
fyrir verstu vindhviðunum. ,,Við
erum nú á Straumnesbankanum og
það er ekki hægt að segja að veið-
in sé merkileg. Aflinn er um tonn
á tímann og hér er bara þorskur.
Höfrungur III AK er að ýsuveiðum
hér austur af okkur en Ottó N. Þor-
láksson RE, sem kom hingað norður
í morgun, er úti á Hala. Það er spáð
betra veðri með kvöldinu og mér
þykir líklegast að við færum okkur
út á Halamið þegar líður á daginn,“
segir Eiríkur Jónsson, skipstjóri á
Sturlaugi á vef HB Granda síðast-
liðinn fimmtudag.
Fiskveiðiárið fer
ágætlega af stað
Skipstjórinn segir fiskveiðiárið ann-
ars fara ágætlega af stað. „Fiskveiði-
árið fer ágætlega af stað. Helsti
munurinn nú í samanburði við
nokkur undanfarin ár er sá að síð-
an í ágúst höfum við þurft að hafa
meira fyrir því að veiða þorskinn.
Áður þvældist hann frekar fyrir
okkur en hitt,“ segir Eiríkur. Þá
bætir hann því við að veiði á gull-
karfa hafi gengið vel þó lítið hafi
verið sótt beint í fiskinn. ,,Það er
hægt að veiða gullkarfann fyrir
sunnan en við höfum ekki stund-
að mið eins og Fjöllin og Skerja-
djúpið í lengri tíma. Hér á Vest-
fjarðamiðum hefur verið hægt að
veiða gullkarfann í Víkurálnum
og þorsk og ufsa á Halanum. Það
veltur á ganginum í þorskveiðun-
um hvort við höfum tíma til koma
við í Víkurálnum á leiðinni suður.
Annars stjórnar vinnslan í landi
ferðinni,“ segir Eiríkur Jónsson að
lokum.
kgk/ Ljósm. úr safni.
Skipverjar biðu af sér óveðrið
Á yngsta stigi í Auðarskóla hefur
gripið um sig hannyrðaæði en þar
sjást bæði strákar og stelpur nýta
frítíma sinn í að prjóna og hekla.
Starfsfólkið hefur brugðist við
þessum áhuga með því gera garn
og áhöld aðgengileg fyrir nemend-
ur í miðrýminu og án efa á það sinn
þátt í að hvetja fleiri nemendur til
verka. sm
Prjóna- og
heklæði í
Auðarskóla