Skessuhorn - 11.04.2017, Blaðsíða 6

ÞRIÐJUDAGUR 11. APRÍL 20176
AL kaupir
BK eignir
AKRANES: Almenna
leigufélagið ehf. hefur fest
kaup á BK eignum ehf.
Rekstraraðili hins samein-
aða félags er Gamma en fé-
lagið er það stærsta sinnar
tegundar á höfuðborgar-
svæðinu og er með rösklega
þúsund íbúðir í eignasafni
sínu. Enn fremur á fyrir-
tækið nokkurn fjölda íbúða
á landsbyggðinni, einkum
á Suðurnesjum en einn-
ig þrjú fjölbýlishús á Akra-
nesi; tvö við Asparskóga og
eitt við Höfðabraut. Sam-
keppniseftirlitið hefur haft
til rannsóknar yfirtöku Al-
menna leigufélagsins á BK
eignum ehf. en starfsemi
fyrirtækjanna felst í fjárfest-
ingum og útleigu á íbúðum
á almennum leigumark-
aði. Ætla má að félagið fari
með um 5-10% íbúðar-
húsnæðis í almennri leigu
á höfuðborgarsvæðinu og
milli 10 og 15% á Suður-
nesjum. Samkeppniseftir-
litið komst að þeirri niður-
stöðu að ekki séu forsendur
til íhlutunar í samrunann á
grundvelli samrunaákvæða
samkeppnislaga.
-grþ
Bakkað á barn
við skóla
AKRANES: Á mánudag-
inn í síðustu viku varð slys
á bílastæði íþróttahússins
við Vesturgötu á Akranesi.
Slysið varð með þeim hætti
að drengur á hjóli lenti á bíl
sem bakkað var úr stæði.
Drengurinn meiddist ekki
alvarlega. Magnús Vagn
Benediktsson, staðgengill
skólastjóra Brekkubæjar-
skóla, sendi foreldrum og
aðstandendum nemenda
skólans bréf í tölvupósti á
þriðjudaginn var þar sem
hann greindi frá atburðin-
um. Þar sagði hann meiðsli
drengsins sem betur fer
ekki hafa verið alvarleg.
Hann kvaðst engu að síð-
ur vilja nota tækifærið og
brýna alla til að fara varlega
og ræða við börnin um að
þau gangi hvorki né hjóli á
bílastæðum.
-kgk
Slasaður í
Þjófadölum
HÁLENDIÐ: Björgunar-
sveitir Slysavarnafélagsins
Landsbjargar á Norður-
og Suðurlandi voru kall-
aðar út um klukkan 17.30
á sunnudaginn vegna vél-
sleðamanns sem slasaðist í
Þjófadölum austan Lang-
jökuls. Þyrla Landhelgis-
gæslunnar var fengin til að-
stoðar og flutti hún mann-
inn á sjúkrahús. Um 80
sjálfboðaliðar úr björgun-
arsveitum Landsbjargar
tóku þátt í aðgerðinni.
-mm
Gert að tína upp
pissublautan
pappír
VESTURLAND: Lögreglu-
menn í eftirlitsferð á Vestur-
landsvegi þurftu að hafa af-
skipti af spænskum ferða-
mönnum á tveimur bílaleigu-
bílum á bílastæði við Hót-
el Laxárbakka í Hvalfjarðar-
sveit. Atvikið átti sér stað fyrir
nokkrum dögum en það voru
lögreglumennirnir sjálfir sem
tóku eftir því að fjórar stúlk-
ur sem voru farþegar í bílun-
um sátu á hækjum sér og voru
að pissa á planið. Lögregla tók
fólkið tali og gerði því ljóst að
þessi háttsemi væri ekki í lagi
og gerðu Íslendingar ekki slíkt
í þeirra heimalandi. „Var stúlk-
unum gert að tína upp pappír-
inn sem þær höfðu skilið eftir.
Þurftur þær að elta pissublaut-
an pappírinn um bifreiðastæð-
ið þar sem nokkur vindur var
en lögreglumennirnir urðu
ekki sáttir fyrr en öll ummerki
voru horfin af vettvangi,“ seg-
ir í tillynningu frá Lögregl-
unni á Vesturlandi.
-mm
Keppa á
miðvikudag
AKRANES: Næsta keppni í
átta liða úrslitum spurninga-
þáttarins Útsvars í sjónvarpi
RUV verður miðvikudags-
kvöldið 12. apríl, en þátturinn
verður ekki sýndur á föstudag-
inn langa. Þá mætast lið Akra-
ness og Kópavogs. Föstudag-
inn eftir páska keppa síðan
Eyjamenn við Hafnfirðinga
og viku síðar mætast Grinda-
vík og Mosfellsbær í síðustu
viðureign átta liða úrslitanna.
-mm
Síðastliðinn þriðjudag færði Lions-
klúbbur Akraness, rannsóknastofu
Heilbrigðisstofnunar Vesturlands á
Akranesi, að gjöf blóðkornateljara af
gerðinni Sysmex XN 1000. Þetta nýja
tæki leysir af hólmi mun eldri tækja-
búnað og er töluvert fullkomnara.
Tækið vinnur mikið sjálfvirkt og spar-
ar þar með vinnu og tíma starfsfólks
rannsóknastofunnar. Niðurstöður
fara síðan inn í rafrænan gagnagrunn.
Aðgang að þeim mæligögnum hafa
síðan þeir starfsmenn sem eru með
viðkomandi sjúkling til rannsóknar
og meðferðar.
Verðmæti þessarar tækjagjafar er
4,8 milljónir króna auk virðisauka-
skatts. „Lionsklúbbur Akraness vill
við þetta tækifæri þakka Akurnesing-
um og öllum þeim sem hafa stutt við
bakið á klúbbnum með leigu á ljósa-
krossum í kirkjugarðinum. Sá stuðn-
ingur gerir okkur Lionsmönnum
kleift að styðja Heilbrigðisstofnum
Vesturlands á Akranesi,“ segir í til-
kynningu frá klúbbnum.
mm
Lionsklúbbur Akraness færði
HVE nýjan blóðkornateljara
Frá afhendingu gjafarinnar í síðustu viku. F.v. Valdimar Þorvaldsson og Benjamín
Jósefsson frá Lionsklúbbnum og Ásgeir Ásgeirsson, Jóhanna Fjóla Jóhannesdóttir
og Guðmundur Bjarki Halldórsson frá HVE.
Lionsklúbbarnir í Borgarnesi
héldu síðastliðinn laugardag
veglega afmælishátíð í Hjálm-
akletti. Eins og fjallað var um
í síðasta Skessuhorni var hald-
ið upp á 60 ára afmæli Lions-
klúbbs Borgarness og 30 ára
afmæli Lionsklúbbsins Öglu
auk þess sem aldarafmælis
Lionshreyfingarinnar í heim-
inum var minnst. Lionsklúb-
barnir hafa haldið út líflegu
starfi í sinni tíð og látið margt
gott af sér leiða. Í tilefni af-
mælisins færðu klúbbarnir íbú-
um Borgarbyggðar að gjöf tíu
vandaða útibekki. Bekkjunum
verður komið fyrir á völdum
stöðum í Borgarnesi, á Hvann-
eyri, í Reykholti og á Bifröst.
Auk þess gaf Lionskonan Jón-
ína Ingólfsdóttir bekk í kirkju-
garðinn í Borgarnesi til minn-
ingar um eiginmann sinn Inga
Ingimundarson sem alla tíð var
dyggur Lionsmaður. Þá var á
afmælisfagnaðinum stofnfélag-
inn Guðmundur Ingimund-
arson sæmdur æðsta heiðurs-
merki Lionshreyfingarinnar.
mm
Gáfu íbúum Borgarbyggðar
útibekki á stórafmæli Lions
Hjónin Ingibjörg Eiðsdóttir og Guðmundur Ingimundarson, en Gummi var sæmdur
æðsta heiðursmerki Lionshreyfingarinnar.
Geirlaug Jóhanns-
dóttir formaður
byggðarráðs veitti
bekkjagjöfinni
viðtöku úr hendi
þeirra Björns
Jóhannessonar og
Jökuls Helgasonar
forsvarmanna Lions-
klúbbs Borgarness.