Skessuhorn - 11.04.2017, Blaðsíða 26

ÞRIÐJUDAGUR 11. APRÍL 201726
„Hver er fyrsti vorboðinn
í þínum huga?“
Spurning
vikunnar
(Spurt á Akranesi)
Áki Jónsson:
„Lyktin úr sjónum.“
Ásdís Elva Gränz:
„Lóan.“
Birta Líf Þórarinsdóttir:
„Lyktin af grasinu.“
Inga Elín Cryer:
„Þegar fuglarnir byrja að syngja
og grasið byrjar að grænka.“
Patrekur Sveinn Þorkelsson:
„Lóan.“
Snæfell og Stjarnan mættust í
þriðja undanúrslitaleik Íslandsmóts
kvenna í körfuknattleik síðasta mið-
vikudag. Leikið var í Stykkishólmi.
Fyrir leikinn leiddu Snæfellskonur
viðureignina með tveimur sigrum
gegn engum. Með sigri gátu þær
því tryggt sér sæti í úrslitum, sem
þær og gerðu. Snæfell leiddi frá
fyrstu mínútu og sigraði að lokum
örugglega, 84-70 og farseðillinn í
úrslitin tryggður, fjórða árið í röð.
Gangur leiksins
Snæfell byrjaði leikinn af miklum
krafti og Stjarnan lenti strax í því
að elta. Gestirnir léku prýðisgóða
vörn framan af fyrsta leikhluta og
en áttu á sama tíma erfitt uppdrátt-
ar í sókninni. Seint í upphafsfjórð-
ungnum náðu Snæfellskonur smá
rispu og þægilegri forystu. Þær
leiddu 23-13 eftir fyrsta leikhluta. Í
öðrum fjórðungi bætti Snæfell jafnt
og þétt við forskotið. Mest mun-
aði 20 stigum á liðunum, í stöðunni
42-20 skömmu fyrir hálfleik. En
leikmenn Stjörnunnar voru ekki á
því að gefast upp og með snörpum
leikkafla á lokamínútum fyrri hálf-
leiks tókst þeim að minnka muninn
í tíu stig fyrir hléið, 44-34.
Snæfellskonur komu ákveðnar til
síðari hálfleiks og þegar þriðji leik-
hluti var hálfnaður voru þær aft-
ur komnar með 20 stiga forskot,
62-42 og róðurinn gestanna heldur
betur farinn að þyngjast. Snæfells-
konur leiddu 69-53 eftir þriðja leik-
hluta. Stjarnan gerði lokatilraun til
að komast inn í leikinn í lokafjórð-
ungnum. Í upphafi hans héldu þær
Snæfelli stigalausu fyrstu þrjár mín-
úturnar og minnkuðu muninn í tíu
stig. Á sama tíma fór Gunnhildur
Gunnarsdóttir, fyrirliði Snæfells, af
velli með fimm villur og Stjörnu-
konur hugsuðu sér gott til glóðar-
innar. En þeim tókst ekki að gera
sér mat úr því. Snæfell hélt velli í
sókninni og lék prýðilega vörn og
Stjarnan komst aldrei nær en sem
nam níu stigum, í stöðunni 77-68
þegar tvær mínútur lifðu leiks.
Snæfellsliðið er einfaldlega núm-
eri of stórt fyrir Stjörnuna, hefur
á að skipa breiðari hópi og betri
leikmönnum. Á lokamínútunum
jók Snæfell forskotið lítillega og að
lokum fór svo að Hólmarar sigruðu
með 14 stigum, 84-70.
Tíu á stigatöfluna
Allir tíu leikmenn Snæfells sem
tóku þátt í leiknum komust á blað.
Á sama tíma skoruðu fimm leik-
menn fyrir Stjörnuna af þeim tíu
sem spiluðu leikinn.
Aaryn Ellenberg var atkvæða-
mest leikmanna Snæfells með 25
stig, 14 fráköst og 6 stoðsendingar.
Berglind Gunnarsdóttir skoraði 17
stig og Bryndís Guðmundsdóttir
var með 15 stig og 5 fráköst. Í liði
Stjörnunnar var Bríet Sif Hinriks-
dóttir stigahæst með 23 stig, Dani-
elle Rodriguez skoraði 21 stig og
tók 9 fráköst og Ragna Margrét
Brynjarsdóttir var með 14 stig og
9 fráköst.
Annar í páskum
Sem fyrr segir tryggði sigurinn
Snæfellskonum farseðilinn í úrslita-
viðureignina um Íslandsmeistara-
titilinn, fjórða árið í röð. Úrslita-
einvígið hefst mánudaginn 17. apríl
næstkomandi, annan dag páska.
Snæfellskonur hafa því góðan tíma
til að safna kröftum og undirbúa sig
fyrir úrslitaeinvígið, en þar mæta
þær sigurvegaranum úr viðureign
Skallagríms og Keflavíkur.
kgk
Snæfell komið í úrslitin
Snæfell sópaði Stjörnunni með þremur sigrum gegn engum. Ljósm. úr safni/ sá.
Dansararnir Daði Freyr Guðjóns-
son úr Borgarfirði og hin Skaga-
ættaða Marta Carrasco höfnuðu
í 6. sæti á Heimsmeistaramótinu
í 10 dönsum sem haldið var í
Sankti Pétursborg í Rússlandi um
helgina. Daði og Marta dönsuðu
vel á mótinu, komust í úrslit í fimm
dönsum; quickstep, rúmbu, sömbu,
cha-cha-cha og pasó og luku keppni
í 6. sæti sem fyrr segir.
Daði og Marta byrjuðu að dansa
saman fyrir aðeins um tveimur
árum síðan. Á þeim tíma hafa þau
dansað í mörgum mótum, bæði
hérlendis og erlendis, farið víða og
náð frábærum árangri.
kgk
Daði og Marta í
6. sæti á HM
Dansararnir Daði Freyr Guðjónsson og Marta Carrasco.
Ljósm. úr safni/ Kjartan Birgisson.
Hljómsveitin Astron frá Snæ-
fellsnesi tók þátt í Músíktil-
raunum á dögunum, kom
fram á þriðja úrslitakvöld-
inu sem fram fór 27. mars.
Músíktilraunir er ætluð tón-
listarfólki á aldrinum 13 til
25 ára og er markmið henn-
ar að vera stökkpallur fyr-
ir ungar og efnilegar hljóm-
sveitir ásamt því að vera vett-
vangur fyrir unnendur tón-
listar og stuðla að aukinni
umræðu fjölmiðla um ungt
og upprennandi tónlistar-
fólk. Hljómsveitina Astron
skipa Trausti Leó Gunnars-
son á gítar, Lena Hulda Örv-
arsdóttir sem syngur, Hauk-
ur Páll Kristinsson á gítar og
trompet, Jón Glúmur Hólm-
geirsson á bassa og Jón Grét-
ar Benjamínsson á trommur. Þau
Trausti Leó og Lena Hulda eru frá
Snæfellsbæ og þeir Haukur Páll,
Jón Glúmur og Jón Grétar koma úr
Stykkishólmi. Allt þetta unga tón-
listarfólk stundar nám í Fjölbrauta-
skóla Snæfellsbæjar og spilar einnig
með Stórsveit Snæfellsness. Hljóm-
sveitin tók tvö lög á músíktilraun-
um, lagið Salt og lagið Summer og
fengu bæði lögin góðar viðtökur.
þa
Astron félagar tóku þátt
í Músíktilraunum
Síðastliðinn fimmtudag var ferða-
þjónustuaðilum boðið í heimsókn á
Akranes, þar sem kynntir voru þeir
möguleikar sem ferðafólki á Akra-
nesi standa til boða. Það voru Travel
Tunes Iceland sem stóðu fyrir heim-
sókninni, í samstarfi við Garðakaffi
og Byggðasafnið í Görðum. Að sögn
Ellu Maríu Gunnarsdóttur forstöðu-
manns menningar- og safnamála á
Akranesi var tilgangurinn með heim-
sókninni að kynna Travel Tunes Ice-
land, Byggðasafnið og Akranes fyrir
ferðaþjónustuaðilum.
„Við buðum hingað fulltrúum
ferðaskrifstofa sem við hittum á
Mannamótum í vetur og fleirum úr
nágrenninu. Þar með talið Markaðs-
stofu Vesturlands og þeim sem sjá um
komu skemmtiferðaskips sem mun
koma hingað á Akranes í sumar,“ seg-
ir Ella María. Boðið var upp á skipu-
lagða dagskrá sem fólst meðal annars
í móttöku á Byggðasafninu í Görðum
þar sem boðið var upp á leiðsögn um
Byggðasafnið, súpu og brauð og eft-
ir matinn lék tónlistarfólkið í Travel
Tunes Iceland íslensk þjóðlög í gamla
Stúkuhúsinu. Að endingu var farið
í rútuferð með leiðsögn um Akra-
nes. Ella María segir heimsóknina
hafa gengið vel. „Við vorum ótrúlega
ánægð með þetta. Ég hef ekki séð Val-
gerði og Þórð koma fram áður og mér
sýndist fólk vera mjög hrifið af þeim.
Maður skilur meira í íslenskum þjóð-
lögum eftir flutninginn. Þetta eru lög
sem maður hefur oft sungið en þau
eru með skemmtilega kynningu á
lögunum og maður kynnist þeim bet-
ur. Þá var flutningur þeirra á tónlist-
inni alveg frábær. Það var ágætis mæt-
ing en fólk í þessum bransa fær mikið
af heimboðum þannig að við vorum
ánægð með að fá heimsókn frá þeim
sem komu. Í þessum bransa er setið
um fólk og allir eru að reyna að koma
sér á framfæri. Það munar um hvern
og einn og þetta gæti skilað sér í
auknum heimsóknum hingað á Akra-
nes,“ segir Ella María. „Við munum
halda góðum samskiptum við þau
sem komu í heimsókn núna og halda
áfram að reyna að fá fleiri ferðaþjón-
ustuaðila í heimsókn til okkar,“ bætir
hún við að endingu. grþ
Ferðaþjónustuaðilum boðið í heimsókn á Skagann
Hópurinn fór í rútuferð um Akranes og heimsóttu meðal
annars Akranesvitann.
Þórður Sævarsson og Valgerður Jónsdóttir í Travel Tunes
Iceland tóku lagið í Stúkuhúsinu ásamt Silvíu dóttur sinni og
voru viðstaddir ánægðir með flutninginn.