Skessuhorn - 23.08.2017, Page 13

MIÐVIKUDAGUR 23. áGúST 2017 13
FJARNÁM
Skráning á haustönn fer fram dagana 22. ágúst til
5. september á slóðinni www.fa.is/fjarnam
1
l .
SKÓLABLAÐ SKESSUHORNS
Grunnskóli Snæfellsbæjar hef-
ur þrjár starfsstöðvar; í Ólafsvík, á
Hellissandi og á Lýsuhóli. Skóli var
settur í gær þriðjudaginn 22. ágúst á
hverri starfstöð fyrir sig og að henni
lokinni hittu nemendur umsjón-
arkennara sína. Kennsla hófst síð-
an samkvæmt stundarskrá í morg-
un, miðvikudaginn 23. ágúst. Alls
eru 236 nemendur skráðir til náms
við Grunnskóla Snæfellsbæjar fyr-
ir komandi vetur og er það held-
ur fækkun frá því í fyrra, að sögn
Hilmars Más Arasonar skólastjóra.
Við skólann eru 63 starfsmenn; 26
almennir starfsmenn og 37 kennarar
og stjórnendur.
„Allar stöður eru vel mannaðar,“
segir Hilmar skólastjóri í samtali við
Skessuhorn. „Í Grunnskóla Snæ-
fellsbæjar er lögð áhersla á að koma
til móts við hvern og einn nemenda
á hans forsendum. Með þetta við-
mið í huga erum við að efla teym-
iskennslu í skólanum og styrkjum
m.a. með þeim hætti færni nemenda
í íslensku og stærðfræði. Samhliða
þessu eru þróunarteymi að kort-
leggja kennsluna hjá okkur í þess-
um greinum og marka okkur stefnu
sem við munum vinna eftir í fram-
haldinu,“ segir Hilmar. „Stoðkerfi
skólans var eflt með ráðningu verk-
efnastjóra sem mun vera ráðgefandi
fyrir kennara og foreldra, þannig að
okkur takist betur til við að koma til
móts við nemendur. Verkefnastjór-
inn mun jafnframt sinna greining-
um, veita ráðgjöf í kjölfar þeirra og
fylgja þeim eftir. Það er hlutverk alls
starfsfólks og stjórnenda að styðja
við nám nemenda og leitast stöðugt
við að auka gæði kennslunnar,“ bæt-
ir hann við.
Fjölmenningarskóli
Grunnskóli Snæfellsbæjar er fjöl-
menningarskóli. Nemendur koma
frá hvorki fleiri né færri en ellefu
löndum en um 25% nemenda eru af
erlendum uppruna. „Fjölmenningin
auðgar samfélag okkar,“ segir Hilm-
ar. „Við leggjum mikið upp úr vel-
líðan allra sem að skólanum koma og
teljum gleðina vera lykilþátt í öflugu
námsumhverfi. Við leggjum mikið
upp úr samstarfi og samvinnu allra
í skólanum, nemenda sem og starfs-
fólks. Til þess þurfa öll samskipti
að byggjast á virðingu, heiðarleika,
sanngirni og tilliti hvers til annars.
Til að vinna að þessum markmið-
um þá munu allir bekkir í unglinga-
deild byrja á því að fara í hópefli sem
verður undir leiðsögn íþróttasál-
fræðings, deildarstjóra og umsjón-
arkennara. Með þessu stefnum við
að því að hrista bekkina betur saman
til að bæta samskipti og líðan nem-
enda. Til að styrkja okkur í þessum
málum þá erum við þátttakendur í
Olweusaráætluninni gegn einelti
sem okkur finnst hafa skilað góðum
árangri. Síðasta skólaár hófum við
samstarf við Erindi sem eru samtök
um samskipti og skólamál og mun-
um halda áfram því samstarfi,“ seg-
ir hann.
Námskrá í
átthagafræðum
Skólinn er einn fárra skóla sem á sér
námskrá í átthagafræðum sem nær
til kennslu í öllum bekkjum. „Við
erum einn fárra skóla sem eigum
okkur námskrá í átthagafræðum sem
nær til kennslu í öllum bekkjum. Við
leggjum sérstaka áherslu á að nem-
endur okkar afli sér þekkingar á
heimabyggð sinni svo að þeir þekki
sögu hennar, náttúru og staðhætti og
geri sér líka grein fyrir möguleikum
þar til framtíðar. Við eigum í góðu
samstarfi við fyrirtæki og stofnanir
í sveitarfélaginu. Leggjum áherslu á
að nýta útikennslu til að auka fjöl-
breytni í kennslunni,“ segir Hilmar.
„Við tökum afstöðu með umhverf-
inu og erum með Grænfánavottun
á öllum okkar starfsstöðvum. Und-
ir merkjum Grænfánans er skólinn
í samstarfi við Landvernd um verk-
efni sem heitir Hreint haf - Ungt
fólk á móti plasti. Það verkefni geng-
ur út á að hreinsa fjörur og minnka
notkun á plasti þar sem um 80% af
því plasti sem finnst í sjónum kem-
ur af landi! Við erum þróunarskóli
í þessu verkefni og stefnt er að því
að allir skólar landsins muni njóta
góðs af. Það hefur verið hluti af átt-
hagafræðikennslu skólans að hreinsa
ákveðna hluta af fjörunni en nú mun
það verða markvisst verkefni.“
Upplýsingatækni
í skólastarfi
„Síðustu ár höfum við lagt áherslu
á UT í skólastarfinu, þjálfað nem-
endur að nýta sér tæknina í námi
og leik. Við höfum bætt búnað okk-
ar á þessu sviði og erum með öflug-
an verkefnastjóra sem leiðir starfið.
Þessu starfi höldum við áfram og í
haust er stefnt að því að allar starfs-
stöðvar verði komnar með ljósleið-
aratengingu sem gerir öll samskipti
við veraldarvefinn auðveldari. Við
nýtum eldri nemendur til að halda
menntabúðir fyrir yngri nemend-
urna og eru allir mjög ánægðir með
útkomuna,“ segir skólastjórinn.
Skólinn tekur jafnramt þátt í verk-
efninu um Heilsueflandi grunnskóla
og er þátttakandi í Erasmus+ verk-
efni sem nefnist „Healthy Lifestyle
for Hopefule Future“ sem leggur
áherslu á heilbrigðan lífsstíl og for-
varnir.“
Helsta breytingin í skólastarf-
inu að sögn Hilmars verður sú að
í haust mun skólinn leggja nem-
endum til námsgögn, foreldrum og
forráðarmönnum þeirra að endur-
gjaldslausu. „Nemendur þurfa eftir
sem áður að mæta með skólatöskur,
pennaveski, íþrótta- og sundföt. Við
leggjum á það áherslu að nemendur
fari vel með námsgögnin og hvetjum
við þá til að nýta áfram það sem til er
heima,“ segir hann. „Síðan stefnum
við að því að halda úti útvarpi í eina
viku í desember. Við gerðum prufu
á síðasta skólaári þar sem nemendur
sáu um dagskrárgerð og tæknimál.
útvarpið mæltist vel fyrir meðal
íbúa á svæðinu og nemendur höfðu
gagn og gaman af,“ segir Hilmar
Már Arason að endingu. kgk
Skólasetning Grunnskólans í Stykk-
ishólmi var í gærmorgun, þriðju-
daginn 22. ágúst. Kennsla hófst síð-
an samkvæmt stundatöflu laust eftir
klukkan átta í morgun, miðvikudag-
inn 23. ágúst. á komandi vetri verða
160 nemendur við nám í Grunnskól-
anum í Stykkishólmi. Að sögn Berg-
lindar Axelsdóttur skólastjóra er það
fjölgun frá fyrra ári. Starfsmenn við
skólann eru 35 talsins. „Það er búið
að manna allar stöður fyrir utan að
okkur vantar enn þroskaþjálfa, en
við höfum ekki fengið neina svörun
við auglýsingum um það starf,“ segir
hún í samtali við Skessuhorn.
Framkvæmdir vegna byggingar
nýs Amtsbókasafns og skólabóka-
safns í Stykkishólmi eru í fullum
gangi um þessar mundir. Sú bygg-
ing er viðbygging við grunnskólann.
Berglind telur tækifæri felast í því að
hafa bóksafnið sambyggt skólanum.
„Við sjáum fyrir okkur að skólinn
geti nýtt bókasafnið á margvíslegan
hátt og sjáum tækifæri í samstarfi við
forstöðumann bókasafnsins,“ segir
Berglind.
Einkunnarorð Grunnskólans í
Stykkishólmi eru „gleði, samvinna
og sjálfstæði.“ Aðspurð segir Berg-
lind ekki miklar breytingar fram-
undan í skólastarfinu frá síðasta
vetri. „Það verða ekki miklar breyt-
ingar frá því í fyrra heldur unnið
eftir sömu áherslum í skólastarfinu
og á síðasta ári,“ segir Berglind að
endingu.
kgk/ Ljósm. Grunnskólinn í
Stykkishólmi.
Grunnskóli Snæfellsbæjar
Gleði er lykilþáttur í öflugu námsumhverfi
Meðfylgjandi myndir eru frá
menntabúðum sem nemendur í 9.
bekk voru með fyrir nemendur í 1.-4.
bekk á vordögum. Gengu þær afar vel
að sögn Hilmars.
Grunnskólinn í Stykkishólmi
Skólinn geti nýtt bóka-
safnið á margvíslegan hátt
Úr skólaferð í Nýræktina í vor þar sem meðal annars voru grillaðir sykurpúðar.
Nemendur borða nestið sitt í skólaferð upp að skálinni í Drápuhlíðarfjalli síðast-
liðið vor.