Skessuhorn - 18.10.2017, Blaðsíða 4

MIÐVIKUDAGUR 18. OKTÓBER 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Auglýsingar og dreifing:
Emilía Ottesen emilia@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Mál sem brenna á fólki
Frambjóðendur keppast nú við að lofa ýmsu. Annað geta þeir jú ekki gert til
að freista þess að ganga í augu kjósenda fyrir lok mánaðarins. Nokkrir lofa
því að taka eigið fé út úr ríkisbönkunum en aðrir að skattleggja þá ríku. Enn
aðrir vilja að lífeyrissjóðirnir verði þjóðnýttir í þágu nýsköpunar, sem eðli
málsins samkvæmt er mesta áhættan í viðskiptum. Við slíkum hugmyndum
geld ég varhug. Bið ég um að lífeyrissjóðirnir verði látnir í friði fyrir slík-
um hugmyndum, þetta eru einfaldlega ekki peningur stjórnmálamanna til að
gambla með. En engu að síður virðast mér nokkur mál vera að skera sig úr og
verða kosningamál hvort sem flokkarnir vilja það eða ekki. Þá er ég ekki að
tala um kökuskreytingar eða rasisma. Ég leyfi mér hins vegar að taka út fyrir
sviga tvö mál sérstaklega. Annars vegar erfiða stöðu ungs fólks í baráttunni
við að koma sér upp þaki yfir höfuðið og hins vegar kjör eldri borgara.
Nú um stundir er leiguverð íbúðarhúsnæðis orðið það hátt að þeir sem
dæmdir eru á leigumarkað hafa enga möguleika á að leggja til hliðar og öngla
saman fyrir útborgun í eigin húsnæði. Þessu veldur einkum sá ofvöxtur sem
varð á síðustu árum í ferðaþjónustu þannig að íbúðarhúsnæði var teppt af
ferðamönnum sem greiddu hærri húsaleigu en almenningur ræður við. Eft-
irspurnin spennti upp leiguverðið og hvorki ríki né flest sveitarfélög sáu
ástæðu til að sporna við þróuninni. Þar að auki var lítið byggt á þessum árum
og fyrst núna sem einhver hreyfing er komin á nýbyggingar. Auk þessa má
ég til með að nefna að hávaxtastefna sem hér á landi er rekin, verðtrygging
og ýmis sértæk úrræði til að halda á floti fárveikum gjaldmiðli, gerir það að
verkum að beinlínis er óskynsamlegt fyrir ungt fólk að stofna til skulda. Með
einföldum útreikningum er hægt að sýna fram á að til dæmis fjörutíu ára hús-
næðislán þýðir að viðkomandi greiðir fyrir fasteignina þrefalt það sem hún
kostaði í upphafi. Þetta er séríslenskt fyrirbrigði, hvað sem raular og tautar.
Mér sýnist enginn flokkur hins vegar hafa þann kjark að taka það mál upp og
finnst mér það miður.
Hitt atriðið sem ætti að mínu áliti að vera helsta stefnumál stjórnmála-
manna komandi ára er að bæta stöðu eldra fólks, þeirra sem komnir eru um
og yfir hinn skilgreinda starfslokaaldur. Næstsíðasta ríkisstjórn kom mál-
um þannig fyrir að eldra fólk má ekki afla neinna sértekna öðruvísi en að
greiðslur frá ríkinu séu skertar sem þeim nemur. Nú er það sem betur fer svo
að fjölmargir sem komnir eru fast að sjötugu hafa mikla starfsorku og vilja
til að taka virkan þátt í atvinnulífinu. Þökk sé meðal annars heilbrigðiskerfi,
sem er betra en margir vilja halda fram, heilbrigðara líferni, heilnæmu um-
hverfi og góðri fæðu. Í mínum huga er því beinlínis galið að refsa eldra fólki
fjárhagslega fyrir það eitt að ná tilskyldum aldri. Mín skoðun er sú að allir
sem ná 67 eða 70 ára aldri ættu að fá 250 þúsund krónur í fastar mánðarlegar
greiðslur frá Tryggingastofnun, ósnertanlegan pening sem ekki yrði skatt-
lagður eða skertur á nokkurn hátt. Minna má það ekki vera. Síðan hefði við-
komandi einstaklingur frjálst val um hvort hann héldi áfram á vinnumarkaði
að hluta eða í fullu starfi og greiddi þá skatta af þeim tekjum eins og aðrir.
Mætti halda áfram atvinnuþátttöku svo lengi sem heilsa og vilji er til staðar.
Viðkomandi hefði engu að síður val um að hefja töku lífeyris úr lífeyrissjóði
sínum og að sjálfsögðu á ekki að skattleggja þær greiðslur. Með þessu móti
yrðu flestir eldri borgarar þessa lands fjárhagslega stöndugir og myndu leggja
helling til í samneysluna. Í stað þess eru þeir margir beinlínis hnepptir í fá-
tæktargildru með núverandi refsikerfi sem stjórnmálamenn fundu upp. Eldri
borgarar eiga ekki slíka meðferð skilda frekar en unga fólkið sem gert er
nánast ókleift að eignast þak yfir höfuðið. Staðreyndin er nefnilega sú að ef
báðir þessi þjóðfélagshópur hefðu það betra fjárhagslega myndu þeir sem eru
á milli þeirra í aldri einnig hafa það betra, það leiðir af sjálfur sér. Þetta snýst
nefnilega allt um jöfnuð og sjálfsögð mannréttindi hárra sem lágra, yngri sem
eldri, kalla og kellinga.
Magnús Magnússon
Leiðari
Framleiðsla á Reyka vodka í Borg-
arnesi gengur vel og er að sögn
Þórðar Sigurðssonar yfirbruggara
sífellt vaxandi. Á síðasta ári voru
framleiddir um 1200 þúsund lítr-
ar af vodkanum og á þessu ári verð-
ur framleiðslan enn meiri. Áætlan-
ir gera ráð fyrir að árið 2020 verði
framleiðslan komin í tvær milljónir
lítra. Því er fyrirséð að stækka verð-
ur verksmiðjuna og bæta við búnaði
til að anna eftirspurn.
Reyka vodki er mjög útbreiddur
og þekktur víða um heim. Í síðustu
viku var hér á ferð amerískur mat-
gæðingur, Ming Tsai að nafni, og
tók upp innslag í matreiðsluþátt sem
hann heldur úti vestan hafs. Þáttur-
inn hefur um eina milljón áhorfenda
og því verður um verulega land-
kynningu að ræða. Ming Tsai hafði
áður komið við á veitingastaðnum
Mathöllinni í Reykjavík þar sem
eldað var og m.a. bragðað á Reyka.
Með MingTsai í för var Fanney
Dóra Sigurjónsdóttir matreiðslu-
meistari, sem ættuð er frá Ólafsvík.
Sjálf hefur Fanney Dóra meðal ann-
ars starfað á veitingastöðum í Nor-
egi og í Englandi á stað sem er í eigu
þáttagerðarmannsins Jamie Oliver.
Þórður Sigurðsson segir að Ming
Tsai hafi verið mjög hrifinn af ís-
lenska vodkanum og reyndar lét
hann þess getið í heimsókninni að
þetta væri besti vodki sem fram-
leiddur væri, hann mætti bara ekki
segja það opinberlega!
mm
Amerískur matgæðingur kynnir
sér framleiðslu á Reyka vodka
Ming Tsai, Fanney Dóra og Þórður við eimingartækin í Pure Spirit.
Átthagastofa Snæfellbæjar, í sam-
starfi við Svæðisgarð Snæfellsnes,
Grunnskóla Snæfellsbæjar, leik-
skóla Snæfellsbæjar, Símenntun-
arstöð Vesturlands og Frystiklef-
ann, stendur fyrir fjölmenningarhá-
tíð sem haldin verður í Frystiklef-
anum á laugardaginn, 21. október.
Boðið verður upp á mat, fræðslu og
skemmtidagskrá frá klukkan 14-16.
„Tilgangur hátíðarinnar er að fólk
geti komið og kynnt sína menningu
og fengið að kynnast menningu ann-
arra. Fólk kemur með mat á hlað-
borð og verða réttir frá sjö löndum;
Íslandi, Póllandi, Bosníu, Þýska-
landi, Slóvakíu, Suður-Afríku og
Rúmeníu,“ segir Rebekka Unnars-
dóttir verkefnastjóri Átthagastofu.
Forseti Íslands ætlar að mæta og
bæjarstjóri Snæfellsbæjar kemur
og verður með ávarp og fræðsluer-
indi frá fjölmenningarsetri Vestur-
lands. Þá verður einnig boðið upp
á skemmtiatriði og fræðsluerindi
frá fólki úr Snæfellsbæ. „Allir sem
vilja taka þátt er velkomið að skrá
sig. Kvenfélögin, ungmennafélagið,
slysavarnafélögin og önnur opin fé-
lög ætla að koma og kynna sína starf-
semi. Á fimmtudeginum fyrir hátíð-
ina stendur grunnskólinn fyrir fundi
ásamt Huldu Karen, starfsmanni
Menningarmálastofnunar, fyrir for-
eldra barna með íslensku sem annað
tungumál. Fundurinn verður túlk-
aður yfir á pólsku,“ segir Rebekka.
„Ég hvet bara alla til að mæta en það
kostar ekkert og það verður margt
skemmtilegt í boði,“ segir Rebekka
að endingu.
arg
Fjölmenningarhátíð í
Frystiklefanum á laugardaginn
Boðið verður upp á rétti frá sjö löndum á fjölmenningarhátíð sem haldin verður í
Frystiklefanum á laugardaginn. Ljósm. úr safni Skessuhorns
Háls- og bakdeildin í Stykkishólmi
var opnuð að loknu sumarleyfi 28.
ágúst síðastliðinn og tekur við sjúk-
lingum í endurhæfingu sem fyrr. Á
vefsíðu Heilbrigðisstofnunar Vest-
urlands kemur fram að Hrefna Frí-
mannsdóttir yfirsjúkraþjálfari og
fagstjóri endurhæfingar hafi ver-
ið sett sem faglegur ábyrgðaraðili
deildarinnar. Hrefna vinnur ásamt
Hafdísi Bjarnadóttur samskipta-
fulltrúa í Stykkishólmi að endur-
skoðun á skipulagi og stefnumótun
deildarinnar með stuðningi fram-
kvæmdastjórnar HVE.
„Síðustu vikurnar hefur ver-
ið unnið að því að fá lækni til að
vinna með teyminu í stað yfirlækn-
is sem látið hefur af störfum. Sam-
komulag hefur náðst við Bjarna
Valtýsson svæfingalækni, um að
taka að sér læknisþjónustu við
sjúklinga háls- og bakdeildarinnar
tímabundið, en hann hefur mikla
reynslu í verkjameðferð. Útfærsla
læknisþjónustunnar er í mótun og
er ráðgert að Bjarni muni sinna
sprautumeðferð á svæðinu viku-
lega og vera fagteymi til ráðgjaf-
ar eftir þörfum auk þess að taka að
sér fræðslu fyrir sjúklinga deildar-
innar. Heilsugæslulæknar sjá um
inn- og útskriftir á háls- og bak-
deild fyrst um sinn,“ segir í frétt
frá HVE.
mm
Unnið að stefnumótun háls- og
bakdeildar HVE í Stykkishólmi