Skessuhorn - 18.10.2017, Page 30

MIÐVIKUDAGUR 18. OKTÓBER 201730
MT: Stefán Gísli með verðlauna-
gripinn síðastliðinn sunnudag.
Stundar þú reglubundna
hreyfingu?
Spurni g
vikunnar
(Spurt í Stykkishólmi)
Magnús Vésteinsson
Já, göngutúra öðru hverju.
Davíð Einar Davíðsson og
Einar Marteinn Bergþórsson
Já, við löbbum mikið þegar við
berum út tímarit á fimmtu-
dögum. Við förum líka alltaf í
boccia á þriðjudögum og sund
alla daga.
Hafdís Knudsen
Já, göngu.
Renata Kuraitytė
Já, ég geri æfingar heima, t.d.
pilates, fitnessæfingar og þolæf-
ingar.
Daniel Saavedra
Já, ég lyfti og fer í fjallgöngur.
Jóhannes Karl Guðjónsson, þjálf-
ari HK, verður næsti þjálfari meist-
araflokks karla hjá uppeldisfélagi
sínu ÍA og Sigurður Jónsson verð-
ur aðstoðarþjálfari. Liðið féll eins
og kunnugt er úr Pepsídeildinni í
haust og spilar því í Inkassodeild-
inni næsta sumar. Jóhannes Karl
stýrði HK í fjórða sæti Inkasso-
deildarinnar í sumar. Eftir tímabil-
ið var hann valinn þjálfari ársins í
deildinni af þjálfurum og fyrirlið-
um. Áður hafði hann leikið hér á
landi og verið atvinnumaður, m.a.
hjá Burnley á Englandi. Jón Þór
Hauksson stýrði ÍA í síðustu leikj-
um tímabilsins í Pepsi-deildinni
eftir að Gunnlaugur Jónsson lét af
störfum. Aðalstjórn Knattspyrnu-
félags ÍA ákvað hins vegar að ganga
framhjá Jóni Þór við val á nýjum
þjálfara liðsins.
Jóhannes Karl kveðst spenntur
við að taka við draumastarfi sínu.
„Það er mikill heiður og stór áskor-
un fyrir mig að takast á við að þjálfa
ÍA, félagið sem ég er alinn upp í og
félagið sem ég hef alltaf litið á sem
mitt félag. Í raun er draumur minn
að rætast með þessari ráðningu og
það er sérstaklega skemmtilegt að
fá tækifæri til að vinna með reynslu-
boltanum Sigurði Jónssyni sem ég
horfði á með lotningu á fótbolta-
vellinum þegar ég var lítill strákur.
Framtíðin er björt í fótboltanum
á Akranesi og það er mjög spenn-
andi að fá að taka þátt í því metn-
aðarfulla uppbyggingarstarfi sem
unnið er á því sviði í bænum mín-
um,“ sagði Jóhannes Karl, nýráð-
inn þjálfari meistaraflokks ÍA.
Í tilkynningu segist Knatt-
spyrnufélag ÍA binda miklar vonir
við samstarfið við Jóhannes Karl
og Sigurð, óskar þeim báðum góðs
gengis í störfum sínum og þakk-
ar fyrrum þjálfurum þeirra starf.
„Knattspyrnufélag ÍA vill sérstak-
lega þakka Jóni Þór Haukssyni fyr-
ir frábært og óeigingjarnt starf sem
aðstoðarþjálfari í þrjú leiktímabil
og sem aðalþjálfari meistaraflokks
karla undanfarnar vikur. Einnig
vill félagið þakka öðrum í þjálfara-
teyminu fyrir gott starf en það eru
þeir Ármann Smári Björnsson, Sig-
urður Jónsson, Þórður Guðjónsson
og Guðmundur Hreiðarsson. Fram-
undan eru spennandi tímar í knatt-
spyrnunni á Akranesi þar sem byggt
verður á gildum félagsins en þau eru
metnaður, vinnusemi, þrautseigja,
virðing og agi.“ mm
Jóhannes Karl og Sigurður taka við þjálfun ÍA
Frá undirritun samninganna við nýja þjálfara meistaraflokks karla hjá ÍA. F.v.
Sigurður Jónsson, Magnús Guðmundsson og Jóhannes Karl Guðjónsson. Fyrir
aftan stendur Sævar Freyr Þráinsson bæjarstjóri. Ljósm. kfia.
ÍA mætti úrvaldeildarliði Hattar í
Maltbikar karla í körfuknattleik að
kvöldi síðasta föstudags. Leikurinn
fór fram á Akranesi og var jafn og
spennandi allt frá fyrstu mínútu. Það
var ekki fyrr en á lokametrunum að
gestirnir frá Egilstöðum náðu for-
ystunni og stálu sigrinum, 78-85.
Skagamenn byrjuðu af krafti og
komust í 7-2. Þá tóku gestirnir við
sér og jöfnuðu metin í 12-12. ÍA
hafði eins stigs forskot eftir upp-
hafsfjórðunginn 21-20.
Skagamenn áttu góðan annan
leikhluta, héldu forystunni og sigu
síðan fram úr, hægt en örugglega.
Hattarmenn virkuðu þreytulegir
þegar fór að nálgast hálfleikinn.
Kannski ekki furða, þeir spiluðu í
Domino‘s deildinni kvöldið fyrir
bikarleikinn. ÍA hafði tíu stiga for-
skot í hálfleik, 47-37.
Eftir að hafa kastað mæðinni í
hálfleik voru það gestirnir frá Eg-
ilsstöðum sem komu frískari til
leiks eftir hléið. Smám saman söx-
uðu þeir á forskot Skagamanna
og aðeins munaði þremur stigum
á liðunum fyrir lokafjórðunginn,
64-61. Upphófst þá spennandi
lokafjórðungur. Skagamenn bættu
við nokkrum stigum en gestirnir
fylgdu þeim eins og skugginn. Eft-
ir að hafa elt allan leikinn komust
gestirnir loks yfir á ögurstundu,
þegar rétt rúmar tvær mínútur
voru eftir. Skagamenn tóku erf-
ið skot og hittu illa á lokamínút-
unum á meðan gestirnir léku af
yfirvegun, biðu eftir góðum skot-
um og settu þau niður. Fyrir vikið
höfðu þeir sigur, 78-85 og Skaga-
menn urðu að bíta í það súra epli
að tapa leiknum eftir að hafa leitt
nánast allan tímann. Þátttöku ÍA í
Maltbikar karla er þar með lokið
að þessu sinni.
Ármann Örn Vilbergsson var
stigahæstur í liði ÍA með 17 stig.
Derek Shouse var með 16 stig, 8
fráköst og 5 stðosendingar en aðr-
ir höfðu minna. Níu af tíu leik-
mönnum ÍA sem tóku þátt í leikn-
um komust á blað og verður það
að teljast gott.
Mirko Stefan Virijevic átti stór-
leik fyrir gestina, skoraði 22 stig
og reif niður 16 fráköst og Aaron
Moss var með 18 stig og 6 fráköst.
kgk
Grátlegt tap ÍA í bikarnum
Fannar Freyr Helgason í baráttu í
teignum. Ljósm. jho.
Snæfell tryggði sér á sunnudaginn
þátttökurétt í 16 liða úrslitum Malt-
bikars karla í körfuknattleik með
öruggum útivallarsigri á 3. deildar
liði Álftaness, 72-105.
Snemma leiks var hægt að merkja
að Snæfell spilaði tveimur deildum
ofar en heimamenn. Um miðjan
upphafsfjórðunginn voru Hólm-
arar komnir með 14 stiga forskot.
Álftnesingar klóruðu aðeins í bakk-
ann og minnkuðu forskot Snæfells
í átta stig áður en leikhlutinn var
úti, 17-25. Munurinn var meira og
minna óbreyttur framan af öðrum
leikhluta en þegar stutt var til hálf-
leiks skildu leiðir. Snæfell lauk fyrri
hálfleiknum af krafti og hafði 21
stigs forskot í hléinu, 33-54.
Heimamenn gerðu sig ekki lík-
lega til að koma sér aftur inn í leik-
inn eftir hléið. Þvert á móti juku
Snæfellingar forskot og höfðu af-
gerandi 36 stiga forystu fyrir loka-
fjórðunginn. Staðan í leiknum
breyttist lítið sem ekkert í fjórða og
síðasta leikhluta. Fór svo að lokum
að Snæfell vann stórsigur, 72-105.
Christian Covile var atkvæða-
mestur Snæfellinga með 26 stig og
12 tólf fráköst. Þorbergur Helgi
Sævarsson var með 17 stig og tók
10 fráköst, Jón Páll Gunnars-
son 17 stig og 5 fráköst og Viktor
Marinó Alexandersson skoraði 14
stig og gaf 11 stoðsendingar. Aron
Ingi Hinriksson skoraði 11 stig og
Rúnar Þór Ragnarsson var með 10
stig og 14 fráköst en aðrir höfðu
minna.
Fjölmiðlamaðurinn Kjartan Atli
Kjartansson var atkvæðamestur í
liði Álftnesinga með 27 stig, 8 frá-
köst og 7 stoðsendingar en Arnar
Hólm Kristjánsson skoraði 26 stig
og tók 7 fráköst. Snæfell tryggði sér
með sæti í 16 liða úrslitum Maltbik-
arsins, en hún verður leikin dagana
4.-6. nóvember næstkomandi. Enn
hefur ekki verið dregið í 16 liða úr-
slitum og því óvíst hverjir mótherj-
ar Snæfells verða.
kgk
Snæfell vann
stórsigur á Álftanesi
Viktor Marinó Alexanders-
son átti góðan leik þegar
Snæfell gersigraði Álftnes-
inga í bikarnum.
Ljósm. úr safni/ sá.