Skessuhorn - 18.10.2017, Blaðsíða 22

MIÐVIKUDAGUR 18. OKTÓBER 201722
Nú standa yfir breytingar á versl-
un Samkaups Úrvals í Grundarfirði
og mun verslunin heita Kjörbúð-
in framvegis. Sambærileg breyting
var einmitt gerð í Búðardal þar sem
opnað var eftir breytingar síðastlið-
inn föstudag eins og getið er um í
annarri frétt í blaðinu í dag. Breyt-
ingin í Grundarfirði á að skila sér
í lægra vöruverði til viðskiptavina
samhliða breyttum áherslum. Til
dæmis mun grillið víkja þannig að
ekki verður hægt að kaupa hamborg-
ara og franskar eins og áður. Þegar
fréttaritari leit við fyrr í vikunni var
verið að rífa niður sjoppuafgreiðsl-
una og grillið til að koma fyrir bak-
aríi á sama stað. Einnig munu tals-
verðar breytingar verða gerðar inni í
versluninni sjálfri en stefnt er að því
að ljúka framkvæmdum síðar í þess-
ari viku. tfk
Samkaup í Grundarfirði breytt í Kjörbúðina
Eiður Björnsson smiður og Sigurlaug J Björnsdóttir starfsmaður rétt höfðu tíma til
að brosa til ljósmyndara.
Samkaup Úrval mun heita Kjörbúðin framvegis.
Nýtt húsnæði Amtsbókasafns verð-
ur verður tekið í notkun í Stykkis-
hólmi innan fárra vikna en nú er ver-
ið að leggja lokahönd á bygginguna,
sem staðsett er við hlið grunnskólans.
Framkvæmdir hófust í ágústmánuði
2016 og ganga vel. Stefnt er að verk-
inu verði lokið 1. nóvember. Er það
Skipavík ehf sem sér um byggingu
safnsins og að sögn Sævars Harðar-
sonar, framkvæmdastjóra Skipavíkur,
er verkið allt á áætlun. „Við erum á
góðri leið en nú eru aðeins seinustu
handtökin eftir, smá frágangur og
slíkt. Það er alltaf smá sprengur í lok-
in en við ættum vel að ná þessu fyr-
ir 1. nóvember. Það hefur í raun allt
gengið mjög vel frá upphafi þó við
ætluðum upphaflega að skila verkinu
af okkur aðeins fyrr, en það er mjög
eðlilegt að það verði smá seinkun á
svona stóru verki. Það er alltaf eitt-
hvað smávegis sem bætist við,“ segir
Sævar þegar blaðamaður hitti hann í
síðustu viku.
Nýr forstöðumaður
Amtsbókasafnsins
Nanna Guðmundsdóttir hefur verið
ráðin sem nýr forstöðumaður Amt-
bókasafnsins og tók hún við starfinu
1. september síðastliðinn. Nanna er
fædd og uppalin á Akureyri en hef-
ur búið í Reykjavík undanfarin ár
þar sem hún lauk námi í bókasafns-
og upplýsingafræði við Háskóla Ís-
lands. Að námi loknu fór hún að
vinna á Borgarbókasafninu í Spöng-
inni allt þar til hún sá starf forstöðu-
manns Amtbókasafnsins í Stykkis-
hólmi auglýst. „Ég hef alltaf verið
hrifin af Stykkishólmi og þegar ég
sá auglýsinguna ákvað ég að stökkva
til og sækja um,“ segir Nanna í sam-
tali við Skessuhorn. Nanna flutti í
Stykkishólm ásamt eiginmanni sín-
um, Hjalta Hrafni Hafþórssyni,
og fimm ára dóttur þeirra. „Við
ákváðum að leigja út íbúðina okk-
ar í Reykjavík til að byrja með og
sjá hvernig okkur myndi líka hér,
en eins og staðan er núna líkar okk-
ur mjög vel. Hér hefur okkur verið
mjög vel tekið og allir svo almenni-
legir,“ bætir Nanna við. „Maðurinn
minn fékk strax vinnu á leikskólan-
um, það var eiginlega bara stokkið
á hann og hann fengin til að koma
til starfa. Honum líkar mjög vel
að vinna þar en hann vann á leik-
skóla í Reykjavík í fimm ár áður en
við fluttum.“ Aðspurð hvernig sé að
búa í Stykkishólmi eftir að hafa búið
bæði á Akureyri og í Reykjavík seg-
ir hún það vera mjög gott. „Ég bjó í
Borgarnesi um tíma svo ég hef áður
prófað að búa á minni stað og líkar
það mjög vel.“
Góður bókakostur
á safninu
„Nýja húsnæðið leggst mjög vel í
mig og ég hlakka mikið til að flytja
safnið þangað. Ég kíkti á safnið fyr-
ir hálfum mánuði og leist mjög vel
á. Aðstaðan í nýja húsinu verður
mun betri, bæði fyrir gesti og starfs-
fólk. Nýja safnið verður bæði not-
að sem safn fyrir almenning og sem
skólabókasafn svo ég mun fá grunn-
skólabörnin til mín líka, sem mun
gera starfið mun líflegra,“ segir
Nanna aðspurð hvernig nýja starf-
ið leggst í hana. „Um leið og við
fáum húsnæðið munum við fara af
stað í flutninga, en þeir munu taka
nokkurn tíma. Amtsbókasafnið var
skylduskilasafn hér áður fyrr, sem
þýðir að eintak af öllum prentuðum
bókum á Íslandi varð að skila hingað
inn. Það er því mjög mikið magn af
gömlum bókum til hér auk þess sem
hér er almennt góður bókakostur og
flestar nýrri bækur til. Það mun því
taka tíma að pakka þessu öllu nið-
ur og taka upp á nýjum stað, en við
fáum vonandi góða aðstoð við það,“
segir Nanna.
Fólk kemur saman og
á notalega stund
Aðspurð hvort fólk sé duglegt að
koma og fá bækur að láni segir hún
svo vera. „Hólmarar eru mjög dug-
legir að koma. Safnið var lokað í tvo
og hálfan mánuð áður en ég tók til
starfa. Ég ákvað svo að hafa opið í
tvo daga í viku þar til við þurfum
að loka til að flytja safnkostinn og
flestir eru mjög ánægðir með það.
Hingað kemur fólk ekki bara til að
taka bækur heldur líka til að hitt-
ast og fá sér kaffi. Það er líka mik-
ið um að foreldrar komi með börn-
in sín til að eiga smá rólega og góða
stund eftir leikskóla eða skóla. Á
nýja safninu verður aðstaða fyrir þá
sem vilja hittast og spjalla mun betri.
Þar verður hálfgerð setustofa þar
sem hægt verður að fá sér kaffi og
kannski seinna meir verður hægt að
opna þar lítið kaffihús,“ segir Nanna
að endingu. arg
Framkvæmdum að ljúka við nýtt Amtsbókasafn í Stykkishólmi
Nanna Guðmundsdóttir tók við stöðu forstöðumanns Amtsbókasafnsins í
Stykkishólmi 1. september síðastliðinn.
Setustofan í núverandi húsnæði Amtsbókasafnsins í Stykkishólmi. Á nýja safninu er
ætlunin að hafa enn betri setustofu þar sem fólk getur komið og fengið sér kaffi.
Þessa dagana er verið að leggja lokahönd á byggingu nýs Amtsbókasafns í Stykkishólmi. Eins og sjá má er þak hússins eins
og opin bók.
Nýja húsnæði Amtsbókasafnsins er mjög rúmgott og bjart.
Núverandi húsnæði Amtbókasafnsins í Stykkishólmi en innan nokkurra vikna
mun safnið verða flutt í nýtt húsnæði.