Skessuhorn - 18.10.2017, Blaðsíða 10

MIÐVIKUDAGUR 18. OKTÓBER 201710
Íslandsmót í einstaklingskeppni í
boccia var haldið á vegum Íþrótta-
sambands fatlaðra á Húsavík um
liðna helgi. Íþróttafélagið Þjótur
á Akranesi sendi níu keppendur á
mótið, þar af var Guðmundur Örn
Björnsson sem vann sinn riðil og
kom heim með gullmedalíuna.
arg/ Ljósm. Áslaug Þorsteinsdóttir
Skagamaður
Íslandsmeistari
í boccia
Í síðustu viku var tillaga að nýju
svæðisskipulagi fyrir Dalabyggð,
Reykhólahrepp og Strandabyggð
kynnt fyrir íbúum sveitarfélag-
anna. Kynningarfundir voru
haldnir í hverju sveitarfélagi fyr-
ir sig, á þriðjudaginn í Dalabúð í
Búðardal, miðvikudag í skólan-
um á Reykhólum og félagsheimili
Hólmavíkur á fimmtudag. Starfs-
menn ráðgjafafyrirtækisins Alta í
Grundarfirði kynntu skipulagið en
þeir hafa annast gerð þess síðustu
mánuði. Þeir gerðu til að mynda
sambærilegt skipulag fyrir Snæ-
fellsnes fyrir nokkrum árum sem
hefur reynst vel þar.
Ákveðið var að ganga í gerð
skipulagsins eftir síðustu sveitar-
stjórnarkosningar. Meðfram þeim
var lögð fram könnun til íbúa þar
sem spurt var um afstöðu þeirra
varðandi sameiningu sveitarfé-
laga. Niðurstaðan var sú að ekki
væri einhugur um þær aðgerðir en
samt sem áður var talið að tækifæri
væru fólgin í samvinnu þessara
þriggja sveitarfélaga í stefnumót-
un og myndun á framtíðarsýn fyr-
ir svæðið í heild sinni. Enda hefur
yfirskrift verkefnisins verið „sam-
takamátturinn virkjaður“. Fyrsti
fundur svæðisskipulagsnefndar var
haldinn í febrúar 2016 og hafa síð-
an þá verið haldnir þónokkrir opn-
ir fundir svo sem súpufundir og
fundur með ungu fólki af svæðinu
til þess að fá sem breiðustu sýn inn
í vinnu verkefnisins.
Styrkja það
sem fyrir er
Horfa má á svæðisskipulagið sem
byggðaáætlun sem og skipulags-
áætlun og saman mynda þær eins
konar sóknaráætlun. Markmiðið
er fyrst og fremst að efla atvinnu-
líf og byggð á svæðinu sem styrk-
ir staðarandann og sérkenni svæð-
isins. Lögð er áhersla á þrjá helstu
atvinnuvegi svæðisins; landbúnað,
ferðaþjónustu og sjávarnytjar. Ekki
er því ætlunin að finna upp hjólið
heldur styrkja betur það sem þegar
er til staðar. Heilt yfir voru tæki-
færi til staðar á flestum sviðum til
meiri fullvinnslu afurða og sagan
á hverju strái á svæðinu. Forsend-
urnar fyrir hverja atvinnugrein eru
greindar með stikkorðum í skipu-
laginu sjálfu og þar sett fram sókn-
armarkmið og að lokum leiðir að
markmiðum á sviðum umhverfis
og auðlinda, framleiðslu og starf-
semi og menningar og þekking-
ar. Í greiningarskýrslu skipulags-
ins má svo finna nánari útlistun á
hverju atriði fyrir sig. Fullyrt er að
sérstaða svæðisins sé töluverð og
þar sé margt að finna sem ekki sé
endilega annars staðar. Þar megi
nefna Breiðafjörðinn sem er ein-
stakur á landsvísu sem og það sam-
ansafn dala og fjarða sem einkenna
svæðið á margan hátt. Þannig er
það dregið inn í gæsalappir í til-
lögunni að „hér njótum við hlunn-
inda“ ekki einungis hvað auðlindir
varðar heldur einnig umhverfi.
Enn er hægt að senda
inn umsagnir
Vonast er til að svæðisskipulagið
muni koma til með að veita aðil-
um með starfsemi á svæðinu inn-
blástur og leiði jafnvel til nýrra
atvinnuhugmynda. Sveitarstjór-
nir muni hafa það til hliðsjónar
við sínar áherslur og vinni þann-
ig saman að eflingu svæðisins í
heild sinni. Hægt verður að senda
inn umsagnir um tillöguna til 28.
október og því er tækifæri til að
koma sínum sjónarmiðum á fram-
færi. Nánari upplýsingar um það
má finna á heimasíðu verkefnis-
ins www.samtakamattur.is en þar
er einnig hægt að skoða tillöguna
sjálfa. Stefnt er að því að lokatil-
laga verði lögð fram á vormán-
uðum næsta árs eða fyrir sveitar-
stjórnarkosningar.
sla
Samtakamátturinn virkjaður í samstarfi þriggja sveitarfélaga
Dalabyggð, Reykhólahreppur og Strandabyggð standa saman að gerð svæðisskipulags
Yfir hundrað manns sóttu kvöld-
fund með frambjóðendum Sjálf-
stæðisflokksins sem haldinn var í
mötuneyti Landbúnaðarháskól-
ans á Hvanneyri á þriðjudags-
kvöldið í síðustu viku. Á fundin-
um kynntu Haraldur Benedikts-
son, oddviti flokksins í Norðvest-
urkjördæmi, og Óli Björn Kára-
son alþingismaður, hugmyndir að
nýrri byggða- og landbúnaðar-
stefnu. Sérstakur gestur var Bjarni
Benediktsson, forsætisráðherra
og formaður Sjálfstæðisflokksins
en fundinum stýrði Þórdís Kol-
brún R Gylfadóttir, ferðamála-,
iðnaðar- og nýsköpunarráðherra.
Að loknum framsögum sköpuðust
líflegar umræður enda lá fundar-
gestum ýmislegt á hjarta. Bænd-
ur fjölmenntu á fundinn auk ann-
arra gesta sem voru á öllum aldri.
Meðal þess sem hvað hæst bar á
góma voru málefni landbúnað-
arins, einkum sauðfjárræktarinn-
ar, og samgöngumál. Fundurinn
var sendur út í beinni útsendingu
á Facebook en hægt er að horfa á
upptökuna af fundinum á Facebo-
ok síðu flokksins í kjördæminu.
Haraldur Benediktsson kynnti
hugmyndir að nýrri kynslóð land-
búnaðarsamninga, samninga um
hvernig samfélagið getur fjárfest
í íslenskum landbúnaði með það
að markmiði að varðveita hrein-
leika afurðanna, vernda náttúr-
una og bæta nýtingu landkost-
anna. Tvinnast hugmyndir um að-
gerðir í loftslagsmálum inn í hina
nýju kynslóð landbúnaðarsamn-
inga. „Með því að horfa á margt
með nýjum hætti og leyfa okkur
að hugsa út fyrir kassann, þá fel-
ast í því ótrúlega mikil tækifæri
vegna þess að tækifærin liggja úti
um allt. Ég held að landsbyggðin
komi jafnvel ennþá sterkar út úr
því heldur en höfuðborgarsvæðið.
Með nokkrum skýrum, einföldum
markmiðum getum við samþætt
hagsmuni þeirra sem búa í þétt-
býli og dreifbýli og þannig stuðl-
að að því að höfuðborgin ræki sín-
ar skyldur og landsbyggðin ræki
sínar skyldur við höfuðborgina,”
sagði Haraldur á fundinum.
Hann sagði að frambjóðendur
átti sig vel á hversu viðkvæm stað-
an er orðin í byggðum landsins
vegna stöðu sauðfjárbænda. „Það
hlýtur því að vera og verður for-
gangsmál Sjálfstæðisflokksins fyr-
ir og eftir kosningar að reyna að
koma á þeim aðgerðum sem duga
til þess að endurreisa viljann til
búskapar og viljann til þess að
halda áfram starfsemi,“ sagði Har-
aldur ennfremur.
mm
Kynntu hugmyndir um nýja kynslóð búvörusamninga
Þórdís Kolbrún stýrði fundi. Auk hennar Bjarni Benediktsson, Óli Björn Kárason
og Haraldur Benediktsson.
Svipmynd yfir salinn. Þarna ber sr. Geir Waage upp fyrirspurn.
Kynningarfundur í Dalabúð í Búðardal.
Björg Ágústsdóttir og Matthildur Kr. Elmarsdóttir frá Alta kynntu tillöguna fyrir íbúum á þremur fundum í liðinni viku.