Skessuhorn - 18.10.2017, Blaðsíða 21

MIÐVIKUDAGUR 18. OKTÓBER 2017 21
Sigrún. „Ákveðið var að hafa yngstu
börnin á nýju deildinni, því þar verð-
ur hægt að hafa meiri ró fyrir þau.
Allt sem börnin þurfa verður fyrir
hendi á nýju deildinni og ættu þau
því lítið að þurfa að koma yfir í aðal
húsnæðið, nema í söngstundir og ef
þau vilja nýta sameiginlegu rýmin,“
bætir Sigrún við.
Skammarlega lág laun
Aðspurð hvort ekki væri skortur á
starfsfólki segist Sigrún vera búin að
manna allar stöður. „Það hefur sjald-
an verið jafn erfitt að manna eins og
núna, enda er ekkert atvinnuleysi
hér. En við náðum að fullmanna og
vorum svo heppin að fá alveg frábært
fólk. Ef ekkert breytist erum við með
fullmannað út skólaárið.“ Það er vel
þekkt að starfsmannabreytingar séu
örar í leikskólum en Sigrún segir það
ekki hafa verið mikið vandamál hjá
þeim. „Við höfum lengi verið með
fastan kjarna, tíu konur sem hafa
unnið hér í 20 ár eða lengur. Vissu-
lega eru aðrir sem koma og fara en
vegna þess að kjarninn er svo þétt-
ur hafa starfsmannabreytingar lít-
il áhrif á starfið. Það eru ekki bara
slæmar hliðar á starfsmannaveltu en
því fylgir oft mikill fjölbreytileiki
og með nýju fólki koma nýjar hug-
myndir. Núna eru hjá okkur tvær
pólskumælandi konur og þrír karl-
ar, en það væri óskandi að fleiri karl-
menn myndu vinna í leikskólum.
Starfsmannahópurinn okkar hefur
því sjaldan verið jafn fjölbreyttur og
í dag, sem er mjög jákvætt. Starfsfólk
sem kemur til starfa í styttri tíma er
venjulega ungt fólk, en það er mjög
jákvætt að fá ungt fólk með okkur
miðaldra konunum,“ segir Sigrún
og hlær. „Þetta unga fólk er gjarnan
að vinna í leikskólum þar til það fær
eitthvað betra, sem ég skil mjög vel
því leikskólastarfsmenn eru skamm-
arlega illa launaðir,“ segir Sigrún og
bætir því við að hún hafi fyrir stuttu
komist að því að um 60% starfs-
manna á leikskólanum í Stykkishólmi
eru að vinna fleiri störf til að ná end-
um saman. „Það er mjög krefjandi,
bæði líkamlega og andlega, að vinna
í leikskóla og launin duga fæstum til
að lifa. Skiljanlega er fólk því oft að
leita að betur launuðu starfi á með-
an það vinnur í leikskóla. Mér þætti
gaman að sjá vilja í verki fyrir því að
þessu verði breytt því við erum að
missa af svo mörgu góðu fólki úr
þessu starfi vegna lélegra launa. Ég
er alltaf skíthrædd þegar ég fæ starfs-
fólk inn á skrifstofu til mín. Ég ótt-
ast að viðkomandi ætli að segja upp,
sem ég myndi alveg skilja.“
Sigrún segir það mikilvægt að
koma til móts við fólk eins og hægt
er í svona starfi. „Þegar launin eru
svona skammarlega lítil og vinnu-
dagurinn mjög krefjandi getur það
gert gæfumuninn fyrir fólk að fá
sveigjanleika með vinnutíma. Þegar
fólk kemur til mín með beiðni um
breyttan vinnutíma reyni ég allt-
af að finna flöt á því,“ segir Sigrún.
„Þessi vinna er einstaklega skemmti-
leg og gefandi, það er ástæðan fyrir
því að fólk er í þessu starfi. Ekki eru
það launin. Það eru mikil forréttindi
að vinna með börnum, en líka mjög
krefjandi. Mér finnst það því sorg-
legt hversu vanmetin þessi störf eru.
Á þeim 20 árum sem ég hef unnið
hér hafa laun lítið sem ekkert lagast,
sérstaklega hjá ófaglærðum,“ bætir
Sigrún við.
Jákvætt að búa í
fjölmenningarsamfélagi
„Við þurfum að gera okkur grein
fyrir því að við búum í fjölmenn-
ingarsamfélagi og að það er jákvætt.
Mér þykir mikilvægt að fólk láti ekki
eins og fjölmenningin ógni íslensku
samfélagið. Við eigum frekar að taka
fólki opnum örmum og bjóða inn-
flytjendur velkomna, ég er ekki viss
um að við gætum haldið uppi ís-
lensku samfélagi án þeirra,“ seg-
ir Sigrún „Hér í leikskólanum eru
mörg börn af erlendum uppruna,
flest frá Póllandi, og við tökum því
bara fagnandi. Næst á dagskrá hjá
okkur er til að mynd að halda upp á
þjóðhátíðardag Póllands sem er 11.
nóvember. Við héldum þennan dag
einnig hátíðlegan í fyrra og var mik-
il ánægja með það svo við ætlum að
endurtaka leikinn. Í fyrra vorum við í
samstarfi við foreldra og t.d. var eld-
uð sérstök pólsk súpa í hádeginu og
svo fengum við mjög góðar pólsk-
ar eplalummur í síðdegiskaffinu. Ég
held að þetta sé góð leið til að sýna
innflytjendum að þeir eru velkomnir
í okkar samfélag og þeirra hefðir og
venjur skipti líka máli. Það er alveg
pláss fyrir okkur öll á Íslandi og siðir
eins hóps þurfa ekki að ógna siðum
annars hóps,“ segir Sigrún að end-
ingu.
arg
EXPLORE WITHOUT LIMITS
®
ARCTIC TRUCKS ÍSLAND EHF.
KLETTHÁLSI 3
110 REYKJAVÍK
SÍMI: 540 4900
NETFANG: info@arctictrucks.is
www.arctictrucks.is
DEKKJAÞJÓNUSTA
TÍMABÓKANIR
Í SÍMA 540 4900
JEPPADEKK
fyrir íslenskar aðstæður
VÖNDUÐ OG HLJÓÐLÁT
DEKK UNDIR FLESTAR GERÐIR
JEPPA OG JEPPLINGA.
Laugardaginn 7. október voru 60 ár
liðin frá því leikskólinn í Stykkishólmi
var fyrst opnaður. Eins og Skessu-
horn hefur þegar greint frá voru mik-
il hátíðarhöld í tilefni afmælisins 2.
– 7. október. „Við gerðum nokkuð
mikið úr þessu afmæli, enda stór af-
mælisdagur fyrir leikskóla. Við vor-
um með viðburði alla vikuna fyrir af-
mælisdaginn og voru allir velkomnir
sem vildu kíkja. Afmælishátíðin sjálf
var á laugardeginum og fór mæting
fram úr vonum. Hingað komu marg-
ir fyrrum starfsmenn, gamlir nem-
endur og aðrir bæjarbúar,“ segir Sig-
rún Þórsteinsdóttir leikskólastjóri.
„Við settum upp síðu á Facebook fyr-
ir afmælishátíðina og þar myndaðist
mikil stemning. Við settum inn á síð-
una gamlar og góðar myndir og fólk
fór að rifja upp gamla tíma. Ég held
að þessi síða hafi átt stóran þátt í því
hversu margir mættu á sjálfa afmæl-
ishátíðina,“ bætir Sigrún við.
Lögðu áherslu
á fjölmenningu á
afmælishátíðinni
Fyrsti viðburðurinn var á mánudeg-
inum þegar Fríða B. Jónsdóttir verk-
efnastjóri fjölmenningar í leikskólum
hjá Reykjavíkurborg kom og hélt fyr-
irlesturinn Heimurinn er hér. „Við
búum í fjölmenningarsamfélagi og
hér á leikskólanum hjá okkur eru
margir nemendur af erlendum upp-
runa og því lögðum við mikið upp
úr fjölmenningu í tilefni afmælis-
ins. Fríða hélt frábæran fyrirlestur
um fjölmenningu og voru þeir sem
mættu mjög ánægðir,“ segir Sigrún.
Á þriðjudeginum var tekið smá skref
aftur í tímann þegar gamlir nem-
endur, og aðrir gestir, mættu í söng-
stund í sal gamla leikskólans og sungu
saman lög sem börn í grunnskólan-
um völdu. „Í þessum sal voru syst-
urnar vanar að sýna myndina Malú
þegar þær sáu um sunnudagaskólann.
Þeir Hólmarar sem þá voru hjá þeim
systrum muna flestir vel eftir þessari
mynd, en hún var í miklu uppáhaldi
hjá börnunum þá. Í minningu flestra
var þetta bara venjuleg teiknimynd í
lit og með tali, það er þó ekki raun-
in. Myndin er svarthvít, ekki með tali
heldur aðeins frönskum texta. Það
voru systurnar, sem margar töluðu
frönsku, sem sögðu söguna á með-
an myndin var látin rúlla. Ég vona að
við höfum samt ekki skemmt góðar
minningar með að sýna myndina aft-
ur núna,“ segir Sigrún og hlær.
Unga fólkið
að flytja heim
Mikil fjölgun hefur verið á börnum í
Stykkishólmi undanfarin ár og segir
Sigrún þau finna það mjög greinilega
í leikskólanum. „Ég held að þetta sé
því yngra fólkið er farið að flytja
heim aftur. Áður fluttu allir í Reykja-
vík en núna er þetta að breytast. Hér
er ekkert atvinnuleysi og þá vill fólk
koma aftur heim, eina vandamálið
er að hér hefur verið skortur á hús-
næði,“ segir Sigrún. Leikskólinn var
upphaflega byggður fyrir 74 börn frá
18 mánaða aldri en frá því byrjað var
að taka inn börn við 12 mánaða aldur
þurfti að fækka plássunum. „Það þarf
meira pláss fyrir litlu börnin svo við
gátum ekki tekið inn 74 börn þegar
við vorum að taka þau inn svona lít-
il,“ segir Sigrún. „Hér er engin dag-
mamma svo við höfum þurft að taka
inn börn þó plássið bjóði ekki endi-
lega uppá það. Það hefur því ver-
ið frekar þröngt inni á deildum. Því
var ákveðið að bæta við fjórðu deild-
inni með því að flytja hingað færan-
lega kennslustofu. Við fengum 60
fermetra hús sem áður var notað við
Listaháskóla Íslands í Reykjavík og
er húsið mjög hentugt fyrir okkur.
Þegar við fórum að skoða húsið fyrst
sáum við að það gæti hentað okkur
vel a.m.k. tímabundið. Maður upp-
lifir ekki að þetta sé einhver kofi.
Það er mjög hlýtt inni í húsinu og
það nýtist mjög vel fyrir okkar starf,“
bætir Sigrún við.
Á nýju deildinni er ætlunin að
hafa yngstu börn leikskólans og til
að byrja með verða þau ellefu tals-
ins. „Líklega verður þeim fjölgað í
16 en það kemur í ljós. Með tilkomu
nýju deildarinnar, sem hefur fengið
nafnið Bakki, mun ástandið á hin-
um deildunum batna til muna, því
við getum fært þessi allra minnstu
út. Í lok febrúar gerum við ráð fyrir
að vera komin með 78 börn á leik-
skólann, ef ekkert breytist,“ segir
Vill sjá leikskólakennara og annað
starfsfólk leikskólanna fá betri kjör

Í heimsókn hjá Sigrúnu Þórsteinsdóttur leikskólastjóra í Stykkishólmi
Forsetahjónin komu á afmælishátíð Leikskólans í Stykkishólmi. Á myndinni eru,
Elísabet Lára Björgvinsdóttir aðstoðarleikskólastjóri, Hafdís Bjarnadóttir forseti
bæjarstjórnar, Sigrún Þórsteinsdóttir leikskólastjóri, Eliza Reid forsetafrú, Guðni
Th. Jóhannesson forsesti Íslands og Sturla Böðvarsson bæjarstjóri.
Fjórða deildin verður opnuð í færanlegri kennslustofu sem hlotið hefur nafnið
Bakki.