Skessuhorn - 18.10.2017, Blaðsíða 28

MIÐVIKUDAGUR 18. OKTÓBER 201728
Vörur og þjónusta
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
www.skessuhorn.is
Þjónustuauglýsingar
Skessuhorns
Auglýsingasími:
433 5500

H P Pípulagnir ehf.
Alhliða pípulagnaþjónusta
Hilmar 820-3722
Páll 699-4067
hppipulagnir@gmail.com
SK
ES
SU
H
O
R
N
2
01
7
Sprautu- og bifreiðaverkstæði
Sólbakka 5, Borgarnesi • 437-1580 • sbb@simnet.is
Tjónaskoðun – Bílamálun – Réttingar – Bílrúðuskipti
Þjónustum öll tryggingafélög
Borgarness
Pennagrein Pennagrein
www.skessuhorn.is
KOSNIN
GAR
2017
Ég er 42ja ára, kvæntur og á þrjú
börn með konunni minni Írinu L
Óskarsdótttur. Ég starfa sem flug-
stjóri hjá Icelandair og bý í Kópa-
vogi. Ég er alinn upp í Reykholts-
dal í Borgarfirði, en foreldrar mín-
ir Þorvaldur Jónsson og Ólöf Guð-
mundsdóttir eru bændur í Brekku-
koti.
Nú langar til að leggja mitt að
mörkum fyrir land og þjóð, fyrir
ÍSLAND ALLT. Við þurfum sem
þjóð að komast út úr þessari fyrir og
eftir hrunspólitík. Halda áfram og
horfa fram á veginn og vinna sam-
an að skynsamlegum lausnum. Við
eigum ekki að gleyma hvað gerð-
ist, við eigum að læra af því. Ísland
er land tækifæranna. Við erum rík
þjóð og höfum öll verkfærin sem til
þarf í okkar höndum til að búa svo
um hnútana að allir fái að vaxa og
dafna, hver á sinn hátt en mynda
um leið órofa heild. Við þekkjum
öll samtakamátt og einingu þessar-
ar þjóðar. Það höfum við marg sýnt
eins og t.d. við náttúruhamfarir eða
stórsigra í íþróttum.
Það er kominn tími á samfélags-
sáttmála. Að við ákveðum í hvern-
ig samfélagi við viljum búa. Hinn
gullni meðalvegur er vandratað-
ur en hann er hægt að skapa. Allir
þurfa að hafa aðgang að húsnæði,
heilsugæslu og heilnæmri fæðu,
orku og hreinu vatni. En einnig
að góðri menntun. Ekki bara bók-
námi, heldur líka verk og tækni-
námi. Það er afar mikilvægt að að-
gengi að menntun eins og reyndar
heilsugæslu sé óháð efnahag. Vegna
þess að þekking og nýsköpun er
hreyfanleg og ótæmanleg auðlind
og ef við útilokum einhvern ákveð-
inn hóp frá þátttöku vegna efnahags
þá erum við að loka námu sem er
fullt af verðmætum.
Byggðamál eru mér ofarlega í
huga. Byggðir landsins þurfa að
vera sterkar og styðja hver við
aðra. Sum byggðarlög afla sjáfar-
fangs og dafna á því, aðrar á því að
rækta búfé, þjónusta ferðamenn,
sinna verslun, menntun, þjónustu,
heilsugæslu o.s.fv. Það er mikilvægt
að skilja samhengi hlutanna þegar
rætt er um byggðamál. Forsenda
góðrar byggðastefnu eru góðar
samgöngur og fjarskipti. Við þurf-
um að ljósleiðaravæða allt land-
ið og vera tilbúin að þróast. Mörg
störf getur fólk unnið hvaðan sem
er ef nettenging er góð og áræðan-
leg. Það gefur fólki val um búsetu.
Samgöngur eru önnur grunnstoð.
Vegakerfið okkar var hannað fyrir
áratugum síðan og miðaði við allt
annan umferðaþunga en nú mæð-
ir á því. Ríkið innheimtir gjöld sem
ætluð eru til uppbyggingar og við-
halds á þessu kerfi en þeir pening-
ar skila sér ekki í þau verkefni sem
þeim var ætlað. Við þurfum að
breyta því og ráðast í framkvæmdir
í samvinnu við einkaaðila um upp-
byggingu og viðhald á vegakerfi
landsins. Það er afar brýnt að ekki
sé verið að horfa eingöngu til verk-
efna á sv horni landsins, heldur
einnig í hinum dreifðu byggðum
og að við gerum áætlanir sem eru
raunhæfar og klárum af krafti þau
verkefni sem ráðist er í hverju sinni
svo þau geti farið að skila okkur
arði sem þjóð.
Ég sækist eftir atkvæði þínu
í komandi Alþingiskosningum.
X-M!
Kveðja,
Jón Þór Þorvaldsson
Kæru
kjósendur! Í lok síðustu viku vakti ungt fólk at-hygli á þeim mikla aðstöðumun sem
felst í því að eiga langveikt barn á
landsbyggðinni. Þórir og Guðrún
Kristín eru búsett á Ísafirði og eiga
soninn Birki Snæ sem er tæplega
tveggja ára gamall. Birkir Snær hef-
ur verið veikur frá fæðingu, og var
greindur með krabbamein í apríl í
fyrra. Það fylgir því mikið álag og
vinna að eiga langveikt barn. Birk-
ir Snær þarf að sækja sína sérhæfðu
læknisþjónustu á Landsspítalann.
Þar er hann í lyfjameðferð og rann-
sóknum að minnsta kosti einu sinni
í mánuði, stundum oftar. Þetta þýð-
ir mikinn ferðakostnað og vinnutap
foreldranna og til að bæta gráu ofan
á svart er aðeins greitt fyrir einn
fylgdarmann með barninu. Í svona
aðstæðum þarf barn á báðum for-
eldrum sínum að halda og foreldr-
arnir þurfa hvort á öðru að halda.
Þegar fólk þarf að ferðast svona oft
til að sækja læknisþjónustu með til-
heyrandi vinnutapi og kostnaði fer
þetta að taka verulega í budduna hjá
öllu venjulegu fólki. Á síðasta ári
fengu þau Þórir og Guðrún Krist-
ín 60% endurgreitt af ferðakostn-
aði, sem þau voru búin að leggja út
fyrir. Þessu þarf að breyta.
Sjúkratryggingakerfið þarf að
virka fyrir fólk og á að jafna að-
stöðumun, og gera fólki kleyft að
sækja þá þjónustu sem þörf er á
hverju sinni. Í 1. grein laga um
sjúkratryggingar segir að mark-
miðið með lögunum sé að tryggja
sjúkratryggðum aðstoð til vernd-
ar heilbrigði og jafnan aðgang að
heilbrigðisþjónustu óháð efnahag.
Til að uppfylla þetta lagaákvæði
þarf augljóslega að hækka endur-
greiðslur vegna ferðakostnaðar.
Það er ekki í lagi að fárveik börn
geti ekki haft
báða foreldra
sína hjá sér án
þess að þurfa bera megnið af kostn-
aðinum sjálf.
Ég vil að foreldrar langveikra
barna fái að beina kröftum sínum í
umönnun barnanna sinna og hugsa
um hvort annað í erfiðu aðstæðum.
Þess vegna verðum við að breyta
kerfinu og láta það virka fyrir fólk.
Við í Samfylkingunni viljum öfl-
uga, opinbera heilbrigðisþjónustu
og vera í fremstu röð þjóða á því
sviði. Þjónustan sé öllum aðgengi-
leg óháð efnahag og búsetu og að
kröfur um gæði, hagkvæmni og ör-
yggi séu skýrar.
Arna Lára Jónsdóttir
Höf. skipar 2. sæti á lista Samfylk-
ingarinnar í Norðvesturkjördæmi
Heilbrigðiskerfið þarf
að virka fyrir fólk
Mikill vöxtur hefur verið í ferða-
þjónustu síðustu ár. Einhverjum
þykir sá vöxtur e.t.v. of mikill en
það er ekki síst greininni að þakka
hvað heilsársstörfum hefur fjölgað
og búseta hefur verið tryggð fyrir
fjölmarga á landsbyggðinni. Efna-
hagsbati hefur verið góður í land-
inu og talið er að um 50% af hag-
vaxtaraukningu megi rekja til grein-
arinnar. Mikilvægt er að forsvars-
menn ferðaþjónustunnar, ríkið og
sveitarfélög komist að samkomu-
lagi um stýringu og uppbyggingu í
greininni í sátt við náttúru landsins
og íbúa.
Nýverið komu fram hugmyndir
um aukna skattheimtu á greinina í
formi hækkunar á virðisaukaskatti.
Þessar viðbótarálögur á greinina
koma fram á þeim tíma sem afkoma
í ferðaþjónustunni hefur hrapað
vegna styrkingu krónunnar. Ljóst
er að ákvarðanir um frekari skatt-
heimtu hafa verið teknar í fljót-
færni, af litlum skilningi á greininni
og í engu samráði við hagsmuna-
samtök greinarinnar. Mikil fjárfest-
ing hefur átt sér stað á síðustu árum
í uppbyggingu tengdri ferðarþjón-
ustu um land allt. Eftirfarandi eru
nokkrir punktar sem vert er að hafa
í huga.
• Ferðaþjónustan er útflutn-
ingsgrein. Munurinn á ferðaþjón-
ustunni og öðrum útflutningsgrein-
um er sá að salan á vörunni (pakka-
ferðum til landsins) fer fram erlend-
is en varan er afhent hér á landi.
• Ferðaþjónustan greiðir nú
þegar 11% virðisaukaskatt ólíkt
okkar stóru útflutningsgreinum
sem greiða engan virðisaukaskatt.
• Algengt er að launakostn-
aður sé um 40% af veltu í ferða-
þjónustu. Ferðaþjónustan greiðir
því hærri skatta en flestar atvinnu-
greinar í formi launatengdra gjalda
til ríkis og sveitarfélaga.
Ljóst er að ferðaþjónustan er eins
og aðrar útflutningsgreinar í sam-
keppni um viðskipti á alþjóðamark-
aði. Því er mikilvægt að tryggja
greininni rekstraraðstæður sem
eru samkeppnishæfar við önnur
lönd sem við erum í samkeppni við.
Ástæðan fyrir miklum afbókunum
ferðasöluaðila hér á landi snemma á
árinu má rekja til þess að pakkaferð-
ir til landsins voru orðnar tugpró-
sentum hærri en sambærilegar ferð-
ir til samkeppnislanda okkar.
Þau rök sem
legið hafa að
baki frekari
skattheimtu á greinina snúa að því
að nauðsynlegt sé að fækka ferða-
mönnum og draga úr vexti. Þó ein-
hverjum þyki e.t.v. höfuðborgin og
Suðurlandið vera fullsetið ferða-
mönnum þá blasir sú staða alls ekki
við á landsbyggðinni.
Ferðaþjónustan er orðin ein
af þremur stærstu atvinnugrein-
um landsins í gjaldeyrisöflun. Hér
erum við með atvinnugrein sem er
að festa sér rætur um land allt með
jákvæðum samfélagslegum áhrifum
og bættum búsetuskilyrðum. Mik-
ilvægt er að þær ákvarðanir sem
teknar eru sem lúta að afkomu og
uppbyggingu greinarinnar sér vel
ígrundaðar. Við megum hreinlega
ekki við því á landsbyggðinni að sú
uppbygging sem hefur átt sér stað
á skömmum tíma glatist. Greinin
þarf svigrúm til að vaxa og dafna í
sátt við náttúru landsins og þjóð
okkur öllum til heilla.
Guðveig Anna Eyglóardóttir.
Höf. skipar 5. sæti á lista Fram-
sóknarflokksins í NV kjördæmi.
Skattur á ferðaþjónustu
Pennagrein