Skessuhorn - 18.04.2018, Blaðsíða 16

MIÐVIKUDAGUR 18. ApRÍL 201816
Fyrir rúmlega hálfu ári var kvenna-
deildin á Heilbrigðisstofnun Vest-
urlands (HVE) sett í hendur nýrra
kvensjúkdómalækna. Konráð Lúð-
víksson og Edward Keirnan létu af
störfum á síðasta ári eftir að hafa
byggt upp öflugt starf á deildinni.
Hrund Þórhallsdóttir tók við starfi
yfirlæknis á kvennadeildinni og
Katharina Shumacher tók við sem
sérfræðingur. Báðar luku þær sér-
fræðinámi erlendis; Hrund við Sa-
hlgrenska sjúkrahúsið í Svíþjóð og
Katharina í heimalandi sínu, Þýska-
landi. Þær eru sammála um að
starfið sem unnið er á kvennadeild-
inni og sjúkrahúsinu öllu sé til fyr-
irmyndar og það sé mikil gleði að
koma inn í starfsumhverfi þar sem
allir samstarfsfélagar séu jákvæðir
og samhentir. Þá gerir smæð vinnu-
staðarins það að verkum að sam-
starf verður nánara. Blaðamaður
settist nýverið niður með þeim og
ræddi um hvernig það er að koma
inn í nýtt starf á litlu sjúkrahúsi og
hvernig þær sjá framtíð deildarinn-
ar fyrir sér.
Erilsöm deild en vel
skipulögð
Deildin sem Hrund og Katharina
taka við er erilsöm og hefur feng-
ið á sig gott orð fyrir að halda vel
utan um konur, hvort sem þær hafa
komið til að eiga barn eða gangast
undir aðgerð. „Það er mjög öflug
starfsemi hér og forréttindi að fá
að taka við svona góðu búi,“ seg-
ir Hrund. „Svo er það spennandi
tækifæri fyrir okkur að fá að þróa
deildina áfram og byggja á þeirri
reynslu og þekkingu sem við höf-
um meðal annars öðlast á stórum
sjúkrahúsum erlendis. Okkur er
sýnt mikið traust og það hefur ver-
ið tekið vel á móti okkur.“
Árið 2017 fæddust 288 börn á
kvennadeildinni á Heilbrigðis-
stofnun Vesturlands (HVE). Ysinn
á fæðingadeildinni er því talsverð-
ur. En þótt að fæðingar og fæðinga-
hjálp sé stór hluti, og mögulega sá
sýnilegasti af starfi kvensjúkdóma-
læknis, þá er starfið mun yfirgrips-
meira. Árið 2017 voru einnig fram-
kvæmdar 700 aðgerðir á konum,
aðgerðir á borð við legnám og að-
gerðir vegna grindarbotnsvanda-
mála og þar af þurftu 370 konur
að leggjast inn í tengslum við að-
gerðir.
Beint frá Svíþjóð
Hrund kemur á HVE beint frá Sa-
hlgrenska háskólasjúkrahúsinu í
Svíþjóð, þar sem hún sérhæfði sig
í grindarbotnsvandamálum kvenna
og stundaði rannsóknir. Henni
bauðst staðan við HVE á sama
tíma og heimahagarnir á Íslandi
fóru að toga hana aftur heim. „Ég
framkvæmdi bæði mikið af skurð-
aðgerðum vegna grindarbotns-
vandamála í starfi mínu í Svíþjóð
og einnig fjölmargar aðrar aðgerð-
ir meðal annars í gegnum kviðsjá,“
segir Hrund. Fæðingar geta meðal
annars orsakað vandamál í grind-
arbotni kvenna og eitt einkenni er
þvagleki. „Þetta er mikið feimnis-
mál hjá sumum en þessar aðgerð-
ir eru gríðarlega mikilvægar. Ég
vona að reynsla mín á þessu sviði
geti nýst konum hér á landi sem
oft lifa við verulega skert lífsgæði,
jafnvel í mörg ár.“
Fyrst ástfangin
af landinu
Katharina kemur til Akraness beint
frá stóru sjúkrahúsi í Nordrhein-
Westfalen í Þýskalandi, þar sem
hún er fædd og uppalin. Í Þýska-
landi öðlaðist hún víðtæka reynslu
í faginu enda vann hún á tveimur
stórum sjúkrahúsum og fékk tæki-
færi til að kynnast ólíkum svið-
um kvensjúkdómalækninga. Hún
kynntist Íslandi árið 2006 þegar
hún kom hingað í fyrsta skipti sem
læknanemi. Hún vann síðar tíma-
bundið á meinafræðideild Land-
spítalans áður en hún hóf störf á
kvennadeild LSH, þegar hún var
búin að ná góðu valdi á íslensk-
unni. Hún hefur einnig búið tvö
ár í Bandaríkjunum en Ísland tog-
aði í hana. „Það má kannski segja
að ég hafi fyrst orðið ástfangin af
landinu áður en ég varð ástfang-
in af manninum mínum,“ segir
Katharina í gamansömum tón, en
maðurinn hennar er íslenskur.
Vilja stytta biðlista eftir
aðgerðum
Hrund og Katharina segja að starf-
semi HVE og kvennadeildarinn-
ar sé öflug og vel skipulögð. „En
með nýju fólki koma auðvitað nýir
straumar og svo er eðlileg þróun í
læknavísindum líka,“ segir Hrund.
„Okkur langar að þróa deildina
áfram og efla starfsemina hér enn
frekar. Við myndum til dæmis vilja
auka aðgengi að kvensjúkdóma-
og fæðingaþjónustu við deildina
til þess að mæta þörfinni sem er til
staðar.“ Á landsvísu hafa biðlistar
eftir kvensjúkdómaaðgerðum ver-
ið langir og eru dæmi um að kon-
ur þurfi að bíða í allt að tvö ár eft-
ir aðgerð. „Á síðasta ári veitti hins
vegar velferðarráðuneytið aukið
fjármagn í valdar aðgerðir, eink-
um vegna legnáms,“ segir Hrund.
„Við höfum tekið þátt í þessu átaki
og erum því að leggja okkar lóð á
vogarskálina í því að stytta biðl-
ista.“
Fjöldinn allur af konum velur
að eiga börn sín á sjúkrahúsinu á
Akranesi. „Um þriðjungur allra
kvenna sem sóttu þjónustu á deild-
ina okkar á síðasta ári voru kon-
ur af höfuðborgarsvæðinu,“ segir
Hrund, sem finnst jákvætt að kon-
ur hafi val um hvar þær fæði börn
sín eða gangast undir aðgerð.
Náið samstarf
Báðar koma þær til starfa á Akra-
nesi eftir að hafa starfað við mun
stærri spítala erlendis. Þeim finnst
takturinn á HVE vera þægilegur
og vinalegur og starfsumhverfið
náið og persónulegt. „Hér er færra
starfsfólk svo maður þekkir fag-
fólkið innan teymisins betur,“ seg-
ir Hrund. Katharina bætir við að
þessu fylgi kostir. „Það að þekkjast
vel er uppskriftin að því að vinna
vel saman.“ Þær benda einnig á að
öflugar ljósmæður starfi á stofnun-
inni. Hluti af þeim starfar einnig
á öðrum stærri heilbrigðisstofnun-
um eins og fæðingadeild Landspít-
ala og koma þannig með þekkingu
og reynslu sem nýtist á báðum
stöðum. Allt starfsfólkið á skurð-
stofu sé einstakt. Á skurðstofunni
ríki góður andi þar sem þaulvant
fólk starfar, sem sé ómetanlegt við
krefjandi aðgerðir. Svæfingalækn-
arnir við HVE séu mjög færir og
með mikla reynslu, sem veiti mik-
ið öryggi.
Eftirfylgni mikilvæg
Katharina nefnir það oft að kven-
sjúkdómalækningar séu gefandi
starf. „Ég vissi alltaf að ég vildi
verða kvensjúkdómalæknir,“ segir
hún. „Ég er þakklát á hverjum degi
að fá að vinna þetta starf.“ Hún
segir að starfið sé spennandi, ekki
síður en mikilvægt. „Það er svo
gefandi að fylgjast með konu fæða
barn,“ segir Katharina en bendir á
að það sé þó ekki bara gleði sem
fylgir starfinu. „Við sjáum mikla
gleði en stundum líka sorg. Maður
þarf að vera við öllu búinn þegar
maður sinnir fæðingahjálp.“ Kat-
harina og Hrund leggja áherslu
á að konum sé fylgt eftir, sé þess
þörf því eftir fæðingu geta komið
upp ýmis vandamál hjá konum.
Beint á Akranes
Katharina og Hrund fluttu báð-
ar með fjölskyldur sínar frá út-
löndum til að taka við stöðunum
á Kvennadeild HVE. Hrund flutti
með eiginmanni sínum og tveimur
dætrum sínum frá Svíþjóð og Kat-
harina með eiginmanni sínum og
tveimur börnum frá Þýskalandi.
Hrund settist að í Reykjavík og
keyrir á milli Reykjavíkur og Akra-
ness á hverjum degi. Þrátt fyrir
sterkar vindhviður á Kjalarnesinu
í febrúar hefur hún hingað til ekki
verið í vandræðum með að keyra
á milli. Katharina hefur búið sér
og fjölskyldu sinni heimili á Akra-
nesi og líkar vel. „Mér finnst frá-
bært að búa hérna og þá sérstak-
lega með börn,“ segir Katharina.
Krakkarnir hafi nú þegar aðlagast
lífinu á nýjum stað og líkar vel í
skóla og leikskóla. „Svo er spenn-
andi að flytja hingað þegar mað-
ur kemur úr mildara loftslagi eins
og í Þýskalandi, en það er ekkert
sem smá hlífðarföt fá ekki leyst.“
Hrund og Katharina eru sammála
því að útsýnið út um skrifstofu-
gluggann þeirra sé ómetanlegt.
Snæfellsjökull blasir við yfir hús-
þökunum. Katharina viðurkennir
að það sé örlítið öðruvísi að búa í
litlum bæ og starfa þar sem kven-
sjúkdómalæknir. „En mér finnst
gaman að sjá konur, eða kannski
frekar börnin, þar sem ég var við-
stödd fæðinguna. Það er gaman að
fylgjast með.“
klj
Vilja þróa kvennadeildina áfram
Hrund Þórhallsdóttir og Katharina Schumacher eru nýir fæðinga- og
kvensjúkdómalæknar við kvennadeild HVE
Kvennadeildin á Akranesi tekur þátt í átaki velferðarráðuneytisins til að stytta biðlista fyrir kvensjúkdómaaðgerðir, einkum vegna
legnáms.
Hrund og Katharina eru metnaðarfullar og hafa bjarta framtíðarsýn fyrir kvennadeildina á HVE. Hér er Hrund hægra megin og
Katharina vinstra megin. Einn hvítvoðungur fékk að vera með á myndinni, foreldrar hans eru Ingunn Þóra Jóhannesdóttir og
Daníel Viðarsson. Ljósm. Guðmundur Bjarki Halldórsson.