Fréttablaðið - 09.05.2015, Side 2

9. maí 2015 LAUGARDAGUR| FRÉTTIR | 2
FIMM Í FRÉTTUM: KVÓTASETNING OG KÖKUÁT
Oddný Harðardóttir,
þingmaður Samfylking-
arinnar, telur frumvarp
sjávarútvegsráðherra um
kvótasetningu makrílveiða
veita útgerðum aðgang að
auðlindinni á silfurfati.
Charlotta Oddsdóttir,
talsmaður Dýralækna-
félags Íslands, sagði dýra-
lækna ekki vera í verkfalli
til að vera andstyggilega
við bændur heldur sýna
hvað þeir geri í þágu ríkisins.
Gunnar Bjarni Ragnars-
son, yfirlæknir lyflækn-
inga krabbameina á
Landspítala, benti á að
staðan vegna verkfalls á
spítalanum væri hrikaleg.
Raunveruleg hætta væri á skaða og jafn-
vel dauðsföllum.
Patrycja Wittstock
Einarsdóttir, sem flutti
til Íslands frá Póllandi
þegar hún var fimm ára,
skipti um eftirnafn til
að eiga auðveldara
með að komast í atvinnuviðtöl.
Sigmundur Davíð
Gunnlaugsson for-
sætisráðherra
fór úr þingsal til
að fá sér köku á
meðan verið var að
ræða fyrirspurn
Svandísar
Svavars-
dóttur,
þing-
manns
Vinstri
grænna,
til hans.
UMHVERFISMÁL Starfsmenn Orkuveitu Reykjavíkur hleyptu í gær úr
miðlunarlóninu við Árbæjarstíflu eins og venja er á þessum tíma árs.
Viðsjárvert getur verið fyrir fólk að ganga út í lónið þar sem botninn
er víða gegnsósa og gljúpur.
Veiðimenn hafa frá því í byrjun maí kastað flugu fyrir urriða í efri
hluta Elliðaánna. Fáir fiskar hafa komið á land og er kuldatíðinni fyrst
og fremst kennt um. Tæming lónsins vekur þeim hins vegar þá von að
nú leiti urriðarnir úr lónsstæðinu og upp í veiðisvæðið ofar í ánni. - gar
Árleg tæming Orkuveitunnar á Árbæjarstíflu í gær:
Vona að urriðinn fari að sýna sig
ÁRBÆJARLÓNIÐ Ekki er ráðlegt að fara út í nýtæmt lónsstæðið. FRÉTTABLAÐIÐ/VALLI
5°
5°
-0°
-1°
-0°
4
4
2
7
6
VEÐUR
Fremur hæg norðaustlæg eða breytileg
átt í dag. Skýjað með köflum og stöku él,
en bjartviðri vestanlands. Hiti yfirleitt 0 til
8 stig, mildast á Suðvesturlandi.
SJÁ SÍÐU 54
Á mánudag var kokkur á Strikinu á
Akureyri gripinn glóðvolgur
í beinni útsendingu við að
smakka á sósu með sömu
skeið og hann notaði til
að skenkja á diska við-
skiptavina staðarins.
Maturinn var þó aldrei
borinn fram. Eigandi staðar-
ins lagði til að skeiðin, sem
vakti mikið umtal, yrði boðin
upp og upphæðin gefin til
góðgerðarmála. - kbg
Vill selja skeiðina
NÁTTÚRA Í Hólavallagarði halda til
sniglar sem þekkjast hvergi annars
staðar á Íslandi. Sniglarnir, svokall-
aðir loðbobbar (trochulus hispidus),
eru á afmörkuðu svæði í kirkjugarð-
inum, suðausturhluta hans nálægt
Hringbraut, og hætta sér ekki út
fyrir þann reit.
Árni Einarsson líffræðingur
segir þá lengi hafa haldið til á einu
leiði í garðinum. „Þeir hafa hald-
ið til í garðinum áratugum saman,
leiðið umrædda var skreytt hörpu-
diskum og bobbarnir fundust undir
þeim. Þeir eru enn í þeim hluta
garðsins þar sem leiðið er.“
Gróður og dýralíf í garðinum er
fjölbreyttara en víðast hvar annars
staðar í miðborginni.
Heimir Janusarson, umsjónar-
maður garðsins, segir hann ein-
stakan að mörgu leyti en gróður
og dýralíf veki furðu margra gesta
garðsins. „Enginn vissi hvort tré
myndu þrífast á Íslandi eða hvað
þau yrðu stór þegar þau voru gróð-
ursett í garðinum. Gróðurfar í garð-
inum er mjög fjölbreytt og talið er
að í honum séu hundruð tegunda af
jurtum og trjám. Þar vaxa meðal
annars falleg hlyntré sem breskir
gestir í garðinum falla í stafi yfir,
greni, björk og reynir og sveppir
sem finnast hvergi annars staðar
á Íslandi og mosi sem er á válista
Evrópuráðs.“
Eiginkona Heimis, Sólveig Ólafs-
dóttir, sagnfræðingur og áhuga-
kona um garðyrkju, segir tilrauna-
starfsemina sem geri
garðinn svo fjöl-
skrúðugan því
miður að dala.
„Hér hafa verið
gerðar skemmti-
legar tilraunir til ræktunar og þær
tískubylgjur sem hafa verið síðustu
áratugi má allar greina í garðinum.
En nú er þetta því miður svolítið að
víkja fyrir öðrum hefðum.“
Guðríður Gyða Eyjólfsdóttir
sveppafræðingur staðfestir að í
garðinum sé að finna sveppagróður
sem finnist hvergi annars staðar á
landinu. Frægastur fágætra sveppa
sé svokallaður fýluböllur sem ber
víst nafn með rentu. „Nafnið er
alveg í stíl við aldinið sem hann ber.
Hann er rosalega fúll og notar lykt
til að draga að sér fiskiflugur til að
dreifa af sér gróum,“
segir hún.
Guðríður Gyða segir
garðinn í miklu dálæti
hjá sér, hann sé sérstök
gróðurvin þar sem nýtt
og fágætt líf kvikni. „Í
garðinum eru gömul tré sem hafa
ef til vill verið flutt að utan á sínum
tíma. Þetta er gróðurvin í borgar-
landinu með fjölbreyttum trjá-
gróðri. Ég fann til dæmis nýja
margfætlu í garðinum, náfætlu.“
kristjanabjorg@frettabladid.is
LOÐBOBBI Sniglarnir halda sig til á
litlum reit í Hólavallagarði og hvergi
annars staðar á landinu. MYND/WIKIPEDIA
GRÓÐURVIN Í BORG Sólveig Ólafsdóttir og Heimir Janusarson í Hólavallagarði sem
þau telja friðsælt afdrep í borginni. FRÉTTABLAÐIÐ/STEFÁN
FÝLUBÖLLUR
Sjaldgæfir sniglar og
sveppir í kirkjugarði
Í Hólavallagarði við Suðurgötu í Reykjavík er að finna gróður og dýr sem hvergi
annars staðar þrífst á landinu og jafnvel í Evrópu allri. Fýluböllur, náfætla og
loðbobbar eru þar á meðal. Þá er í garðinum mosi sem er á válista Evrópuráðs.
NOREGUR Þrír norskir ríkisborg-
arar voru í gær dæmdir í fangelsi
fyrir að hafa gengið til liðs við
samtökin „Íslamskt ríki“ í Sýr-
landi. Mennirnir eru dæmdir eftir
nýlegu ákvæði í norsku refsilög-
gjöfinni, grein 147d.
Þetta er í fyrsta sinn sem reyn-
ir á þessa lagagrein og var niður-
stöðu dómstólsins því beðið með
nokkurri eftirvæntingu. Svein
Holden, lögmaður eins mannanna,
segir að dómnum verði áfrýjað.
Þyngsta dóminn, fjögurra ára og
níu mánaða fangelsi, hlaut maður
að nafni Valon Avdyli, en hann
er upphaflega frá Albaníu. Bróð-
ir hans, Visar Avdyli, hlaut væg-
asta dóminn eða sjö mánaða fang-
elsi. Þriðji maðurinn heitir Djibril
Bashir, ættaður frá Sómalíu, og
hlaut fjögurra ára og þriggja mán-
aða fangelsisdóm.
Holden segir Valon Avdyli ósátt-
an við dóminn: „Hann hefur alla
tíð haldið því fram að hann hafi
ekki verið félagi í „Íslamska rík-
inu“ og það er niðurdrepandi fyrir
hann að því hafi ekki verið trúað,“
er haft eftir Holden á vefsíðu dag-
blaðsins VG. - gb
Sögulegur dómur felldur í Noregi yfir mönnum sem börðust með ISIS:
Þrír í fangelsi fyrir hryðjuverk
SVEIN HOLDEN Lögmaður Valons Avdyli komst í heimsfréttirnar þegar hann var
verjandi norska hryðjuverkamannsins Anders Behring Breivik. FRÉTTABLAÐIÐ/EPA
HORNAFJÖRÐUR Í nýrri skýrslu
sem greinir stöðu hjúkrunar-
heimila á Suðurlandi kemur
fram að á Suðurlandi eru 260
hjúkrunar rými og 16 prósent
þeirra eru tvíbýli. Það gera 42
hjúkrunarrými í tvíbýli.
Á Hornafirði eru 24 hjúkrun-
arrými í 13 herbergjum, tvíbýlin
þar eru einungis 20 fm og sam-
eiginlegt salerni frammi á gangi
en viðmið velferðarráðuneytis
segir til um að einkarými skuli
vera 28 fermetrar.
Bæjarráð Sveitar félagsins
Hornafjarðar bókaði á fundi
sínum á þriðjudag að brýn þörf
væri á úrlausnum.
- kbg
Tveir búa saman á 20 fm:
Brýn þörf er
á úrlausnum
SJÁVARÚTVEGUR Stöðugar brælur,
má kalla, hafa verið á kolmunna-
miðunum í færeysku lögsögunni
allt frá því að íslensku skipin hófu
veiðar.
Skip HB Granda, Faxi RE og
Ingunn AK, leituðu til hafnar í
Færeyjum vegna mikillar brælu
og vondrar veðurspár fyrr í vik-
unni, að sögn Hjalta Einarssonar,
skipstjóra á Faxa, á vef fyrirtæk-
isins.
Aflabrögð eru hins vegar ágæt,
en kolmunninn hefur oft verið
stærri á fyrri vertíðum.
Allt að 12 íslensk skip mega
vera að veiðum í færeysku lögsög-
unni samtímis og hefur það fyrir-
komulag ekki hamlað veiðum. - shá
Aflabrögð með ágætum:
Kolmunnaskip í
stöðugri brælu
FRÉTTIR
GLEÐIFRÉTTIN
VITA er lífið
VITA | Skógarhlíð 12 | Sími 570 4444
Skráðu þig í netklúbbinn - VITA.is
Verð frá 74.900 kr.
eða 25.900 kr. á mánuði vaxtalaust í 12 mánuði*
m.v. 2 fullorðna og 2 börn.
*Innifalið 3,5% lántökugjald – enginn aukakostnaður!
ÍS
LE
N
SK
A
SI
A
.I
S
V
IT
7
42
93
0
4/
15
Sólarvika í Calpe
5.–12. júní