Fréttablaðið - 12.01.2013, Side 104

12. janúar 2013 LAUGARDAGUR| SPORT | 72
NIKLAS LANDIN, DANMÖRKU OG ARPAD STERBIK, SPÁNI
Bestu markverðir heims
Spánverjum og Dönum er spáð góðu gengi á mótinu og þar
munu markverðirnir Arpad Sterbik hjá Spáni og Niklas Landin hjá
Danmörku spila stóra rullu en báðir eru tveir metrar á hæð. Arpad
Sterbik er 33 ára og að spila fyrir sitt fjórða landslið ( Júgóslavía,
Serbía og Svartfjallaland, Serbía, Spánn frá 2009) en besti árangur
hans með landsliði er þrjú brons á HM (1999, 2001 og 2011).
Landin er maður framtíðarinnar, 24 ára gamall og á sínu fyrsta
tímabili utan Danmerkur hjá Guðmundi Guðmundssyni í Rhein-
Neckar Löwen. Landin var einn aðalmaðurinn á bak við sigur Dana
á EM í Serbíu fyrir ári síðan.
HANS LINDBERG, DANMÖRKU
Íslendingurinn í danska
landsliðinu
31 árs hægri hornamaður sem á tvo íslenska
foreldra en alinn upp í Danmörku. Hefur spilað
með danska landsliðinu frá 2003 og unnið
tvö Evrópumeistaramót, silfur (2011) og brons
(2007) á HM og nálgast sitt 500. landsliðsmark.
Lindberg er ávallt í hópi markahæstu leikmanna
þýsku deildarinnar þar sem hann spilar með HSV
Hamburg.
LÁSZLÓ NAGY, UNGVERJALANDI
Týndi sonurinn
Ungverjar eru komnir í hóp bestu
þjóða heims á ný og það ekki síst
eftir að örvhenta stórskyttan László
Nagy hætti við að „skipta yfir“ í
spænska landsliðið og sneri þess í
stað til baka í ungverska landsliðið
eftir þriggja ára fjarveru. Hann var
einn af markahæstu leikmönnum
Ólympíuleikanna þar sem Ungverjar
enduðu í fjórða sæti eftir að hafa
slegið út Ísland í átta liða úrslitunum.
Nagy skoraði 9 mörk í leiknum á
móti Íslandi.
HANDBOLTI Handboltaáhugamenn
fá að fylgjast með sýningu bestu
leikmanna heims næstu tvær vik-
urnar þegar 23. heimsmeistara-
keppnin í handbolta fer fram á
Spáni en til leiks eru mættar 24
sterkustu handboltaþjóðir heims.
Einhverjir úr hópi þeirra bestu
sitja vissulega heima með sárt
ennið, bæði vegna meiðsla og af
þeirri ástæðu að landsliðum þeirra
mistókst að tryggja sér farseðil á
mótið. Meirihlutinn er hins vegar
lentur á Spáni og á það sameig-
inlegt að hafa sett stefnuna á að
vinna hinn eftirsótta heimsmeist-
aratitil.
Fréttablaðið renndi yfir leik-
mannalista liðanna og valdi þá
leikmenn sem það býst við að verði
aðalstjörnurnar á HM í ár. Hér á
síðunni má því sjá stærstu stjörn-
urnar á HM á Spáni.
Stjörnurnar
á HM á Spáni
Það má búast við mikilli sýningu frá bestu handbolta-
mönnum heims á næstu vikum enda fl estir mættir
til Spánar að keppa um heimsmeistaratitilinn. Frétta-
blaðið fj allar um nokkrar af stjörnum mótsins.
MIKKEL HANSEN, DANMÖRKU
Markakóngur síðasta HM
Mikkel Hansen er ávallt í umræðunni um besta handboltamann heims en
þessi 25 ára og 196 sm frábæra skytta er nánast óstöðvandi á góðum degi.
Hansen var markakóngur á HM 2011 þar sem Danir urðu í öðru sæti og í
framhaldinu var hann kosinn besti handboltamaður heims 2011. Hansen
spilaði áður með GOG, Barcelona og AGK en er núna í aðalhlutverki hjá
franska stórliðinu Paris Saint-Germain Handball.
KIRIL LAZAROV, MAKEDÓNÍU
Tók við krún unni
af Óla
Við Íslendingar áttum bestu hægri
skyttu heims í mörg ár en nú hefur
Makedóníumaðurinn Kiril Lazarov
tekið við krúnunni af Ólafi Stefáns-
syni. Lazarov er 32 ára og 193 sm
skytta sem hefur spilað með Atlé-
tico Madrid á Spáni síðustu tímabil.
Hann hefur unnið til 27 meistara-
og bikarmeistaratitla í Makedóníu
(2/2), Króatíu (7/5) Ungverjalandi
(5/5) og á Spáni (0/1) en á enn eftir
að vinna verðlaun með landsliði
sínu. Lazarov var langmarkahæstur
á síðasta EM þar sem Makedónía
endaði í 5. sæti.
THIERRY OMEYER OG NIKOLA KARABATIĆ, FRAKKLANDI
Meistararnir
DOMAGOJ DUVNJAK, KRÓATÍU
Eft irmaður Balić
Króatar leika nú án goðsagnarinnar
Ivano Balić en hinn 24 ára gamli
Domagoj Duvnjak er verðugur
eftirmaður hans og var á síðustu
stórmótum eiginlega þegar búinn að
slá út stærstu stjörnu króatíska hand-
boltans. Duvnjak spilar með þýska
liðinu HSV Hamburg þar sem hann
hjálpaði liðinu að ná þýska meistara-
titlinum 2011. Duvnjak er frábær
alhliða leikmaður, vel spilandi og afar
erfiður við að eiga einn á einn.
DANIEL NARCISSE
Besti handbolta-
maður heims
33 ára og 189 sm skytta eða leik-
stjórnandi sem hefur viðurnefnið
„Air France“ í heimalandinu og var
kosinn besti handboltamaður heims
á síðasta ári. Er á fjórða ári með THW
Kiel þar sem hann fyllti skarðið sem
Nikola Karabatić skildi eftir sig en
mun spila með Paris Saint-Germain
Handball frá og með næstu leiktíð.
Narcisse hefur spilað með franska
landsliðinu frá aldamótum og unnið
sex stórmótagull. Hann hefur enn-
fremur unnið sjö titla með Kiel.
Laugavegi 13, 101 Reykjavík
sími 515 5800, rannis@rannis.is
www.rannis.is
Markvörðurinn Thierry Omeyer og
vinstri skyttan Nikola Karabatić eru
tveir af sigursælustu handbolta-
mönnum sögunnar og hafa verið
lykilmenn í öllum þeim 72 verð-
launum sem lið þeirra hafa unnið
til á ferlinum. Omeyer er 36 ára og
hefur unnið til alls 40 verðlauna með
félagsliðum sínum (Montpellier og
Kiel) og franska landsliðinu. Hann
á möguleika á því að verða heims-
meistari í fjórða sinn. Karabatić
er átta árum yngri en er samt
þegar kominn upp í 32 verðlaun með
félagsliðum sínum (Montpellier og
Kiel) og franska landsliðinu. Hann
hefur orðið samfellt meistari með
sínu félagsliði í heilan áratug.
Óskar Ó. Jónsson
ooj@frettabladid.is