Fréttablaðið - 23.02.2016, Page 29

„Við erum jafn gömul fermingar­
börnunum, þrettán ára, og vildum
af því tilefni fagna þessum tíma­
mótum með þeim,“ segir Chandr­
ika Gunnarsson hjá Hraðlestinni
en veitingastaðurinn býður upp
á sérstaklega samsettan matseð­
il í anda indverskra „fermingar­
veislna“.
„Á Indlandi fögnum við sams
konar tímamótum og fermingin er
hér á Íslandi, svokallaðri Thread
Ceremony, þar sem unglingurinn
er tekinn í tölu fullorðinna,“ út­
skýrir Chandrika.
„Veitingarnar sem boðið er upp
á í þessum athöfnum eru sérstak­
lega útfærðar með tilliti til þess
að nýtt æviskeið er að hefjast.
Hið ævaforna indverska heilsu­
kerfi „Ayurveda“ leggur áherslu
á að hvert krydd hafi mismun­
andi áhrif á huga, líkama og sál
en matreiðslumeistarar Hraðlest­
arinnar hanna rétti sína með þessi
fræði að leiðarljósi. Alltaf þarf að
hafa í huga hvað er gott fyrir kerf­
ið á hverjum tíma. Með aldrinum
breytist lífsstíllinn, við tökumst
á við erfiðari áskoranir, vinnum
meira og þurfum því að huga vel
að heilsunni. Í grundvallaratriðum
er gengið út frá þeirri hugmynd að
þú ert það sem þú borðar!“
Chandrika segir undirbún­
ing Thread Ceremony á Indlandi
um margt eins og hefðbundinn
fermingarundirbúning á Íslandi.
Undan fari hátíðarinnar er fræðsla
um hvað felst í því að fullorðn­
ast og í athöfninni sjálfri sé farið
í gegnum bænir og fleiri helgi­
athafnir líkt og hér.
„Á Indlandi tíðkast þó ekki að
mörg börn fari í gegnum athöfn­
ina saman í hóp heldur er þetta
einstaklingsathöfn hverrar fjöl­
skyldu þegar barnið verður þrett­
án ára. Nánustu fjölskyldu er
boðið í veislu og okkur á Hraðlest­
inni langaði að bjóða upp á sömu
veitingar og tíðkast þar. Ferm­
ingarbörnin geta þá ýmist valið
rétti af hefðbundnum matseðli hjá
okkur fyrir hlaðborð eða fingra­
mat fyrir standandi veislur. Svo er
alltaf hægt að blanda þessu saman
eins og hver og einn vill,“ segir
Chandr ika og leggur áherslu á að
Hraðlestin sérsníði hverja veislu
eftir óskum. Maturinn er eldaður
af faglærðum matreiðslumönnum
sem nota úrvals hráefni.
„Við vinnum veitingarnar allt­
af í samvinnu við fermingarbarn­
ið og fjölskylduna. Við leggjum
mikið upp úr því að setjast niður
með fólki og finna út hvað ferm­
ingarbarnið vill og hvers konar
matur á við. Við brögðum saman á
ýmsum réttum og veljum þá sam­
setningu sem hentar best. Þetta er
stór dagur í lífi krakkanna og við
viljum hjálpa til við að gera dag­
inn eftirminnilegan. Við getum
þjónustað allar stærðir af veislum,
í heimahúsi eða í stórum sal, og þá
má einnig leigja salarkynni okkar
undir veisluna.“
Nánari upplýsingar á
www.hradlestin.is
Mikilvægum tímamótum fagnað
Hraðlestin fagnar þrettán ára afmæli í ár og býður upp á veislumat eftir indverskri hugmyndafræði fyrir þá sem eru að ganga inn í
fullorðinsárin og fermast. Faglærðir indverskir matreiðslumenn töfra fram rétti úr fyrsta flokks hráefni fyrir veislur af öllum stærðum.
Hraðlestin fagnar þrettán ára afmæli í ár og býður upp á veislumat eftir indverskri hugmyndafræði fyrir þá sem eru að ganga inn í fullorðinsárin.
Kryddin sem notuð eru í matargerðina hjá Hraðlestinni eru sérinnflutt frá Indlandi.
MyNd/HraðlestIN
Hjá Hraðlestinni er hver veisla sérsniðin eftir óskum. „Fermingarbörnin geta ýmist
valið rétti af hefðbundnum matseðli hjá okkur fyrir hlaðborð eða fingramat fyrir
standandi veislur.“
Biju George frá Kerala á suður-Indlandi
er kokkur á Hraðlestinni. Hann töfrar
fram rétti úr fyrsta flokks hráefni fyrir
veislur af öllum stærðum. MyNd/aNtoN
Kynningarblað FerMING
23. febrúar 2016 13