Fréttablaðið - 23.02.2016, Side 32

ferming Kynningarblað
23. febrúar 201616
Sigrún segist muna nokkuð vel eftir þess­
um degi. „Við fengum fermingarfræðslu
og maður var stundum stressaður yfir
ritningarorðum sem þurfti að læra utan­
bókar. Ég man að ég átti að standa fremst
í röðinni af því að ég var minnst í hópn­
um. Ætli ég hafi ekki verið fegin þegar
ég var búin að fara með mín ritningarorð,
maður var með svolítinn hjartslátt,“ rifj­
ar hún upp.
„Ég fékk mjög fallegan kjól, svolítið
hippalegan. Hann var síður með suður­
amerísku mynstri í brúnum og appel­
sínugulum hippalitum. Skórnir voru úr
rúskinni með háum botni sem var mjög
fínt. Ég vildi alls ekki vera með uppsett
hár með slöngulokkum eins og flestar
fermingarstúlkur á þessum tíma. Kaus
að hafa hárið slegið og ekkert hárlakk,
takk. Mamma greiddi mér og skreytti með
hvítri nelliku. Fermingarmyndin mín er
því ekkert dramatísk.
Veislan var haldin í sal hjá Útvegs­
bankanum. Boðið var í hádegisverð, heit­
an mat með öllu tilheyrandi. Þá fékk ég í
fyrsta skipti að sitja við háborð. Sett var
upp leiksýning, leikrit eftir mömmu, sem
hét: Mér er sama þótt einhver hlæi að mér.
Leikritið fjallaði um tröllastelpu sem var
út undan í lífinu. Mamma lék stelpuna og
stjúpfaðir minn lék með henni,“ segir Sig­
rún Edda en eins og flestir vita er Guðrún
Ásmundsdóttir leikkona móðir hennar en
hún var gift Kjartani Ragnarssyni leikara
á þessum tíma.
Faðir minn, Björn Björnsson, var bú­
settur í Bandaríkjunum. Hann gaf mér
ákaflega eftirminnilega gjöf sem var Sony
útvarps­ og snældutæki. Þá gat ég tekið
upp Lög unga fólksins beint úr útvarpinu.
Þetta var mjög nýstárlega græja. Tækið
var úr plasti og einn sólardag bráðn­
aði bakið á því í glugganum í herberginu
mínu. Síðan fékk ég úr og skrifborð frá
mömmu. Ég fékk líka þrjú bjútíbox sem
þá voru í tísku. Þau átti ég lengi en notaði
ekki neitt. Auk þessa fékk ég Passíusálm­
ana með gylltri nafnáletrun sem ég á enn,
þrjá hringi og rúbínkross. Peningagjöfum
eyddi ég í skvísuföt í Karna bæ,“ segir Sig­
rún Edda hlæjandi en hún man vel þennan
dag þótt liðin séu nokkur ár. Sjálf er hún
búin að ferma bæði börnin sín. „Ég smit­
aðist örugglega af veislugleði mömmu.
Önnur fermingin var úti í Viðey og hin
var í veislusal við höfnina þar sem Harpa
stendur núna. Báðar mjög vel heppnaðar
með eftirminnilegum skemmtiatriðum.“
elin@365.is
mamma setti upp leiksýningu
Sigrún edda Björnsdóttir leikkona á góðar minningar frá fermingardeginum. Hún fermdist í Neskirkju hjá séra Frank M. Halldórssyni,
22. apríl 1972, og segist eiga góðar minningar frá þeim degi. Hún minnist sérstaklega nútímalegrar græju sem var útvarps- og snældutæki.
Sigrún edda í hippakjólnum ásamt bróður sínum, Leifi. falleg fermingarmynd og ekkert dramatísk, eins og
Sigrún edda segir.
Sigrún edda Björnsdóttir fermdist í neskirkju í
apríl 1972. Hún á góðar minningar frá deginum.
mYnD/ernir
Skinkuhorn og pítsasnúðar eru
tilvaldir á fermingarborðið, sér
í lagi fyrir börnin. Hér eru tvær
góðar uppskriftir.
Skinkuhorn
100 g smjör
900 g hveiti
60 g sykur
½ tsk. salt
½ lítri mjólk
1 bréf þurrger
(ca. 12 g)
1 egg til að
pensla hornin
með (líka
hægt að nota
mjólk)
Fylling
2 pakkar
skinkumyrja
Smjörið brætt og mjólk-
in sett saman við, bland-
an á að vera um 35°C
heit. Blandið geri og
sykri saman við,
pískið létt saman.
Látið standa í 10
mín. Hveiti bætt
við og allt hnoð-
að saman þar
til deigið er slétt
og samfellt. Látið
deigið lyfta sér
undir rökum klút í 45
mínútur. Deiginu er skipt
upp í nokkrar minni eining-
ar. Hver eining er flött út í hring,
smurð með skinkumyrju, skor-
in í geira, til dæmis með pítsa-
hníf, og hverjum geira rúllað upp
frá breiðari endanum. Hornun-
um er raðað á bökunarplötu og
þau pensluð með eggi. Það er gott
að leyfa hornunum að lyfta sér
í 15-20 mínútur áður en þau eru
sett í ofninn.
Bakið við 225 gráður í 8-10 mín-
útur.
Uppskriftin er fengin af vefsíð-
unni eldhussogur.com
PítSaSnúðar
200 g smjör
6 dl mjólk
1 poki þurrger
4 tsk. sykur
2 tsk. salt
1 kg hveiti
Um 200 g skinka
Um 200 g salamí
Um 300 g rifinn
ostur
½–1 flaska
pítsasósa
2 msk.
þurrkað
óreganó
1 pískað
egg til að
penslunar

Bræðið smjör-
ið og bætið mjólkinni
út í. Hitið að ca. 42°C.
Blandið þurrgerinu
saman við þurrefn-
in í hrærivélarskál,
bætið vökvanum
saman við og
hnoðið þar til
deigið verður
slétt og kekkja-
laust. Hefist
undir plastfilmu
í ca. 40 mínútur.
Deigið er tekið úr
skálinni og hnoð-
að aðeins á borðplötu.
Því er síðan skipt í tvennt.
Fletjið út deigið í ca. 20 x 30 cm
ferninga. Raðið pítsasósu og því
áleggi sem þið kjósið á ferning-
ana og rúllið svo þétt upp.
Skerið hverja rúllu í 15 bita (ca.
2 cm þykka). Leggið snúðana á
smjörpappírsklædda ofnplötu og
látið hefast í 20 mínútur.
Penslið hvern snúð með písk-
uðu eggi og stráið óreganó yfir.
Steikið snúðana við 225°C í 12-15
mínútur.
Uppskriftin er fengin af ljufa-
lif.com
horn og Snúðar
Skinkuhorn
Pítsasnúðar
Faxafen 8 • Sími 567 9585 • www.storkaup.is • storkaup@storkaup.is
Almondy Caramel&Peanuts
1kg 12 sneiðar
2.775kr/stk
Allt fyrir veisluna
Stórkaup býður upp á fjölbreytt úrval af tilbúnum
réttum á veisluborðið. Einfalt að bera fram!