Morgunblaðið - 18.11.2019, Qupperneq 2

2 FRÉTTIRInnlent
MORGUNBLAÐIÐ MÁNUDAGUR 18. NÓVEMBER 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Ráðherra á fund vegna Samherja
 Málefni fyrirtækisins verða líklega einnig rædd við utanríkisráðherra á fundi utanríkismálanefndar
 Fyrrverandi seðlabankastjóri telur öruggt að mál Samherja verði rannsakað af yfirvöldum í Noregi
Ragnhildur Þrastardóttir
ragnhildur@mbl.is
„Samherjamálið hefur náttúrlega
ekkert að gera með utanríkisráð-
herra en það verður alveg örugglega
rætt,“ segir Sigríður Á. Andersen,
þingmaður Sjálfstæðisflokksins og
formaður utanríkismálanefndar,
spurð hvort beiðni hafi borist um að
utanríkisráðherra svari spurningum
um málefni Samherja fyrir nefnd-
inni.
Kallað hefur verið eftir því að
Kristján Þór Júlíusson sjávarútvegs-
ráðherra komi fyrir atvinnuvega-
nefnd til að svara spurningum um
málefni Samherja. Það staðfestir
Lilja Rafney Magnúsdóttir, þing-
maður Vinstri-grænna og formaður
nefndarinnar.
Guðlaugur Þór Þórðarson utanrík-
isráðherra kemur fyrir utanríkis-
málanefnd á föstudag en Sigríður
segir að hann hafi ekki verið kallaður
fyrir nefndina vegna meintra mútu-
greiðslna Samherja í Namibíu.
Markmiðið sé að ræða fjárlög og þró-
unarsamvinnu í víðu samhengi.
Lilja segir að ástæða sé til þess að
kalla Kristján fyrir nefndina og ætlar
hún að kanna hvort og þá hvenær
hann hafi tök á að koma. Rósa Björk
Brynjólfsdóttir, fulltrúi Vinstri-
grænna í atvinnuveganefnd, óskaði
eftir komu ráðherra.
Drífa Snædal, forseti Alþýðusam-
bandsins, sagði í pistli á föstudag að
mál Samherja beindi sjónum að kerfi
Íslendinga og völdum stórfyrirtækja
í sjávarútvegi hérlendis.
„Samfélög mega ekki vera háð
geðþóttaákvörðunum stórfyrir-
tækja,“ skrifar Drífa, sem kallar eftir
því að launafólk og samfélagið í heild
njóti arðsins sem fyrirtækin skapa.
Elliði Vignisson, bæjarstjóri í
Vestmannaeyjum, er ósammála því
að sjávarútvegsfyrirtæki hafi of
sterk tök á bæjarfélögum.
„Þetta er í mínum huga verulega
undarlegt viðhorf til sjávarbyggða og
til marks um að vonskan sé að ná
yfirhönd í umræðunni,“ skrifar Elliði
í pistli á vefsíðu sinni Ellidi.is.
Hann segir mútuþægni í Namibíu
ekki segja neitt um íslenskan veru-
leika.
Svein Harald Øygard, fyrrverandi
seðlabankastjóri á Íslandi, var gest-
ur í Silfri Egils í gærmorgun. Hann
telur víst að norsk lögregluyfirvöld
rannsaki Samherjamálið en Øygard
óttast að íslenskir fjárfestar muni
eiga erfiðara um vik vegna þess að
orðspor Íslands og íslensks við-
skiptalífs hafi beðið skaða af máli
Samherja.
Morgunblaðið/Sigurður Bogi
Samherji Múturnar eru sagðar hafa
farið í vasa ráðamanna í Namibíu.
Úrskurðarnefnd
umhverfis- og
auðlindamála hef-
ur hafnað kröfu
íbúa á Skóla-
vörðustíg 8 um
ógildingu ákvörð-
unar byggingarfulltrúans í Reykja-
vík um að samþykkja umsókn um
leyfi fyrir biljarðstofu með vínveit-
ingaleyfi í húsnæðinu þar sem áður
var hárgreiðslustofa. Þetta kom
fram í úrskurði nefndarinnar í síð-
ustu viku.
Mbl.is greindi frá því um miðjan
október sl. að íbúasamtök Mið-
borgar Reykjavíkur hefðu gagnrýnt
harðlega fyrrnefnda ákvörðun. Þar
er haft eftir íbúasamtökunum að öll-
um ætti að vera ljóst að breyting úr
hárgreiðslustofu sem er lokað
klukkan 18 yfir í sportbar með
vínveitingaleyfi sem er lokað um
miðnætti eða síðar sé veruleg og til
þess fallin að valda íbúunum ónæði.
Sögðu samtökin jafnframt að ekki
hefði verið hirt um að grenndar-
kynna breytinguna.
Í niðurstöðu úrskurðarnefndar-
innar kemur fram að ekki sé að finna
sérstaka skilmála er taka til lóð-
arinnar og því fari landnotkun henn-
ar eftir ákvæðum gildandi aðal-
skipulags Reykjavíkur. rosa@mbl.is
Hafna ósk
íbúa um
ógildingu
 Leyfi fyrir bilj-
arðstofu enn í gildi
Fyrsta banaslysið í umferðinni hér á landi varð
28. ágúst árið 1915. Hinn 1. nóvember síðastlið-
inn voru fórnarlömb umferðarslysa orðin 1.578.
Minningarathafnir voru víða í gær, þar á með-
al við þyrlupall bráðamóttökunnar í Fossvogi.
Guðni Th. Jóhannesson forseti Íslands og Sig-
urður Ingi Jóhannsson samgönguráðherra fluttu
ávörp. Ása Ottesen aðstandandi sagði frá
reynslu sinni og viðbragðsaðilar fengu þakkir.
Viðbragðsaðilum færðar þakkir fyrir störf sín
Morgunblaðið/Hari
Alþjóðlegur minningardagur um fórnarlömb umferðarslysa var í gær
Rósa Margrét Tryggvadóttir
rosa@mbl.is
Niðurstöður framfaravogar sveitar-
félaga, mælitækis sem leggur mat á
framfarir og styrk samfélagslegra
innviða í sveitarfélögum, verða kynnt-
ar á fundi á Hótel Reykjavík Natura
klukkan 16:00 í dag. Verða úttektir á
félagslegum framförum þriggja sveit-
arfélaga, Árborgar, Kópavogs og
Reykjanesbæjar, sem hafa nýtt sér
framfaravogina, lagðar fram á fund-
inum.
Þetta staðfestir Rósbjörg Jóns-
dóttir, fulltrúi SPI (Social Progress
Imperative) á Íslandi.
„Framfaravogin er í raun stjórn-
tæki sem kemur að notum við að auka
velferð og framfar-
ir í samfélögum.
Hún byggist á að-
ferðafræðinni um
vísitölu félagslegra
framfara,“ segir
Rósbjörg í samtali
við Morgunblaðið.
Hún segir að
vinnan í fyrrnefnd-
um sveitarfélögum
hafi sýnt fram á að
ákveðinn skortur sé á samræmanleg-
um gögnum á milli sveitarfélaga.
„Það er skortur á fullnægjandi
gögnum fyrir heilbrigði, vatn, hrein-
læti og húsnæði fyrir einstök sveit-
arfélög til samræmis við þessa fram-
setningu,“ segir Rósbjörg.
Segir hún að niðurstöður bendi
jafnframt til þess að efla þurfi mæl-
ingar og tryggja samhæfni gagna
milli sveitarfélaga hvað varðar um-
hverfisþætti, umhverfismál og að-
stæður íbúa af erlendum uppruna.
„Framfaravogin er mikilvægur
vegvísir fyrir sveitarfélög sem hjálpar
þeim að byggja upp heilbrigt og gott
samfélag þar sem velferð og ánægja
er höfð að leiðarljósi,“ segir Rósbjörg.
„Það eru sveitarfélögin sem bera
ábyrgð og þau þurfa að hafa gott að-
gengi að áreiðanlegum gögnum til að
þau geti eflt starfsemi í sínum sam-
félögum. Það er það sem framfara-
vogin getur hjálpað við.“
Aðgengi verður að gögnum fund-
arins á socialprogress.is.
Framfaravogin mikilvægur
vegvísir fyrir sveitarfélögin
Rósbjörg
Jónsdóttir
 Niðurstöður benda til skorts á gögnum milli sveitarfélaga