Morgunblaðið - 21.11.2019, Qupperneq 16

16 DAGLEGT LÍF
MORGUNBLAÐIÐ FIMMTUDAGUR 21. NÓVEMBER 2019
Á dögunum var gengið frá sam-
komulagi um að Síminn yrði áfram
einn af máttarstólpum Borgarleik-
hússins. Hildur Björk Hafsteinsdóttir,
markaðsstjóri Símans, og Kristín Ey-
steinsdóttir, leikhússtjóri Borgarleik-
hússins, skrifuðu undir samninginn.
Á síðasta leikári var samstarfið
einkar gott og sást það best í heim-
ildarþáttum sem Sjónvarp Símans
gerði um söngleikinn Matthildi í mars
2019. Það er von beggja aðila að
hægt verði að þróa samstarfið enn
frekar á yfirstandandi leikári með
það að markmiði að gera enn betur,
segir í tilkynningu.
Borgarleikhúsið
Síminn er stólpi
Undirritun Hildur Björk Hafsteins-
dóttir, t.v., og Kristín Eysteinsdóttir.
Fræðimenn frá fjölda landa á norð-
urslóðum koma saman til ráðstefnu
um loftslagsmál sem haldin verður á
Höfn í Hornafirði á morgun. Saman
starfa þeir að verkefninu CLIMATE,
hvar leitast er við að finna lausnir til
að takast á við áhrif loftslagsbreyt-
inga. Vettvangurinn er því góður til
þess að miðla þekkingu á milli landa.
Meðal annars verður fjallað um áhrif
loftslagsbreytinga á starfsemi Vatna-
jökulsþjóðgarðs.
Höfn í Hornafirði
Ræða loftslag
Nú í vikunni fengu tvær verslanir
Krónunnar, það er við Rofabæ í
Reykjavík og Akrabraut í Garðabæ,
vottun Svansins, sem er umhverf-
ismerki Norðurlandanna. Guðmundur
Ingi Guðbrandsson umhverf-
isráðherra veitti viðurkenninguna, en
þetta er í fyrsta sinn sem verslanir á
Íslandi fá þennan eftirsótta stimpil.
Meðal aðgerða í Krónunni í þágu
umhverfisins, er aukið framboð vara
með lífræna vottun. Hollusta hefur
verið gerð sýnilegri, sælgæti hefur
verið fært frá afgreiðslukössum,
matvörur sem nálgast síðasta sölu-
dag eru seldar á lágu verði og brauð
sem ekki selst fer í dýrafóður.
Nýjar verslanir hafa verið hannaðar
með orkusparnað að leiðarljósi og
umhverfisvænni kælikerfi. Dregið
hefur verið úr plastnotkun með því
að auka úrval af fjölnota burð-
arpokum til muna en auk þess voru
tekin skref til að færa ferska kjötvöru
úr plastbökkum yfir í umbúðir úr að-
greinanlegum pappa og plastfilmu.
Fyrirtækið hefur dregið umtalsvert úr
úrgangi, svo sem pappír og pappa
„Við hjá Krónunni erum ákaflega
stolt af því að vera með fyrstu mat-
vöruverslanirnar sem fá Svansvottun
á Íslandi,“ segir Hjördís Elsa Ásgeirs-
dóttir, markaðsstjóri Krónunnar.
Umhverfisvottun Norðurlandanna
Svanurinn er kominn í Krónuna
Svanir Guðmundur Ingi Guðbrands-
son ráðherra og Hjördís Elsa Ásgeirs-
dóttir, markaðsstjóri Krónunnar.
Forvarnir eru mikilvægar og erung- og smábarnaverndinein sú mikilvægasta. Mark-
mið ung- og smábarnaverndar er að
efla heilsu, vellíðan og þroska ungra
barna með reglulegum heilsufars-
skoðunum ásamt stuðningi og heil-
brigðisfræðslu til fjölskyldna þeirra.
Áhersla er lögð á stuðning við fjöl-
skylduna og er mikilvægt að upp-
götva frávik í heilsufari og þroska
sem fyrst og gera viðeigandi ráðstaf-
anir. Ekki er síður mikilvægt að
bólusetja börnin á réttum aldri til að
koma í veg fyrir að þau smitist af al-
varlegum smitsjúkdómum.
Útveguðu nauðsynjar
Ung- og smábarnavernd hefur
verið í boði á Íslandi í meira en eina
öld, en Hjúkrunarfélagið Líkn var
stofnað 1915 að frumkvæði
Christophine Bjarnhéðinsson hjúkr-
unarkonu. Líkn var framsýnt félag
kvenna og fólst starfsemin í heima-
hjúkrun, aðstoð við fátæka, berkla-
vernd, mæðravernd og ung-
barnavernd.
Árið 1927 hóf Líkn skipulagða
ungbarnavernd í Templarasundi 3 í
Reykjavík og gátu mæður komið
þangað með börn sín og fengið lækn-
isskoðun og leiðbeiningar um með-
ferð ungbarna endurgjaldlaust.
Hjúkrunarkonur fóru í heimavitj-
anir frá fæðingu barns til sex mán-
aða aldurs. Það var mikil fátækt á
þessum tíma og útvegaði ung-
barnaverndin mjólk, lýsi, matvörur,
fatnað, barnarúm og fleiri nauðsynj-
ar til fátækra fjölskyldna. Einnig var
boðið upp á ljósböð fyrir börn sem
þrifust illa, voru með langvarandi
kvef eða beinkröm.
Standa vörð um góðan árangur
Ungbarnadauði var algengur á
þessum árum vegna smitsjúkdóma
sem gengu yfir landið en vegna
góðrar þátttöku í almennum bólu-
setningum barna þá sjást þeir varla
núorðið hér á landi og hefur Ísland
verið um árabil með einn minnsta
ungbarnadauða í Evrópu. Það er
mjög mikilvægt að standa vörð um
þennan góða árangur sem við höf-
um náð hér á landi. Tryggja þarf
áframhaldandi góða þátttöku í
bólusetningum til að koma í veg
fyrir útbreiðslu smitsjúkdóma og
alvarlegar afleiðingar þeirra. Það
hefur margt breyst síðan Hjúkr-
unarfélagið Líkn hóf sín störf, en
ung- og smábarnaverndin byggist
enn á þessum grunni og er enn í dag
öllum foreldrum að kostnaðarlausu.
Hjúkrunarfræðingar fara ennþá í
heimavitjanir og koma foreldrar síð-
an í kjölfarið á heilsugæslustöðina
með barnið í skoðanir og hitta lækni
og hjúkrunarfræðing sem fylgir fjöl-
skyldunni næstu árin. Lögð er
áhersla á að efla þekkingu og styrkja
færni foreldra í nýjum aðstæðum og
fylgst er með þroska barna frá fæð-
ingu til skólaaldurs. Skimað er fyrir
þunglyndi og kvíða hjá mæðrum fyr-
ir og eftir fæðingu og boðið upp á
viðtöl við hjúkrunarfræðinga, heim-
ilislækna og sálfræðinga.
Árangursrík heilsuvernd
Á fyrstu árum ævinnar er lagður
grunnur að framtíð einstaklingins og
eru hjúkrunarfræðingar og læknar í
ung- og smábarnavernd í einstakri
aðstöðu að veita foreldrum ráðlegg-
ingar og stuðning. Vert er að hafa í
huga að árangursrík heilsuvernd
barna á heilsugæslustöðvum er ein
besta leiðin til að draga úr kostnaði
vegna heilsufarsvanda síðar meir.
Á heilsuvera.is má finna fræðslu-
efni um þroska, heilsu og umönnun
barna. Á síðunni má sömuleiðis finna
myndbönd um tengslamyndun, vel-
líðan leikskólabarna og tannhirðu.
Hægt er að leita ráða hjá hjúkr-
unarfræðingi á netspjallinu en for-
eldrar geta einnig alltaf leitað til
heilsugæslunnar og fengið ráð hjá
sínum hjúkrunarfræðingi og lækni.
Sesselja Guðmundsdóttir, sviðs-
stjóri ung- og smábarnaverndar
Þróunarmiðstöð íslenskrar heilsu-
gæslu
Forvarnir í þágu ungra barna
Morgunblaðið/Hari
Ungbarn Mikilvægt að bólusetja börnin á réttum aldri til að koma í veg fyrir
að þau smitist af alvarlegum smitsjúkdómum, segir hér í greininni.
Heilsuráð
Sesselja Guðmundsdóttir,
sviðsstjóri ung- og smá-
barnaverndar, Þróunarmiðstöð
íslenskrar heilsugæslu.
Café
AUSTURSTRÆTI
SKÓLAVÖRÐUSTÍG
LAUGAVEGI
AKUREYRI
VESTMANNAEYJUM
Komdu í kaffi
Afgreiðslutímar á www.kronan.is
Allt í baksturinn!