Skessuhorn - 06.02.2019, Page 20
MIÐVIKUDAGUR 6. FEBRÚAR 201920
Hefðbundið skólastarf í Grunda-
skóla á Akranesi var brotið upp í
síðustu viku. Áttu bæði nemendur
og starfsfólk skólans samstarf þvert
á skólastig og hefðbundnar bekkj-
ardeildir urðu hluti af sögusviði
Disney ævintýrsins um Fríðu og
Dýrið, þar sem allir eru jafnir. Æv-
intýrið samdi upphaflega franski
átjándu aldar rithöfundurinn Jean
Marie Le Prins de Beau Mont en
Disney fyrirækið tók söguna og
bjó úr hið þekkta ævintýri sem
margir þekkja. Þannig var t.d. ein
álma skólans þar sem íbúð Fríðu
var og innaf henni var hesthúsið.
Í annarri álmu var skógur og hall-
argarður og í þeirri þriðju krá og
speglabúð ásamt bakaríi. Skólinn
allur var þannig sannkallaður æv-
intýraheimur og gaman að flakka
um bygginguna þar sem líf og fjör
var í hverju horni. Markmið þess-
ara daga var að blanda saman öll-
um árgöngum í vinnuhópa þannig
að í hverjum hópi yrðu nemendur
úr öllum árgöngum skólans. Fjöl-
breytt vinna átti sér stað þar sem
unnið var út frá boðskap sem sag-
an segir. Boðskapurinn er meðal
annars sá að fjölskyldan skipti öllu
máli, en ekki útlit eða aðrir veiga-
minni þættir. Þegar upp er stað-
ið var árangur verkefnisins að efla
félagsandann og auka samkennd.
Eitt af því sem allir nemendur
tóku þátt í var dansnám en þema-
vikunni lauk með stórri hátíð á
fimmtudeginum þar sem meðal
annars var stiginn dans og hægt
var að flakka á milli ævintýra-
heima. Gunnhildur Björnsdóttir
kennari sagði í samtali við Skessu-
horn að þema þetta hefði ver-
ið í undirbúningi frá áramótum.
Deildir skólans hefðu byrjað á því
að kynna sér söguna um Fríðu og
Dýrið og hefði engir af 650 nem-
endum skólans né starfsfólks verið
þar undanskildir. Verkefnum var
dreift á milli deilda og milli starfs-
manna um allan skólann. Eldri
og yngri deildir voru duglegar að
vinna saman og allir voru jákvæðir.
Ein nefnd fór t.d. fyrir verkefninu
sem skipulagði svo skemmtunina
sjálfa sem var ball og brúðkaup.
Æfa þurfti dansspor fyrir skemmt-
unina og mátti sjá að sú kennsla
hafði tekist vel. Svo sá einn hóp-
ur um matreiðslu og bakaði kökur
fyrir alla og svo framvegis. Gunn-
hildur sagði að gleði, jákvæðni og
samvinna hafi verið einstök við
verkefnið sem endurspeglaðist í að
ánægjan skein úr augum allra við
að sjá afraksturinn á fimmtudag-
inn.
Í hádeginu sama dag var foreldr-
um barna boðið að koma að sjá af-
raksturinn og ganga á milli deilda.
Á föstudag var loks öllum elstu
deildum á leikskólum á Akranesi
boðið í heimsókn.
ivb
Efla samkennd og auka samvinnu
Boðskapurinn um Fríðu og Dýrið var sögusvið í Grundaskóla í liðinni viku
Borðstofan í höllinni var sannarlega glæsileg.Dansað saman í stóra salnum.
Dansað saman. Skógurinn. Afrakstur danskennslunnar í salnum.
Inni í íbúðinni hennar Fríðu. Hér er Fríða gulklædd ásamt húsgögnum í kastalanum sem lifna við
í ævintýrinu.
Þessi voru að koma vatninu fyrir í brunninum.
Fríða ásamt Loga. Bakaríið í bænum. Hér er Dýrið ásamt Fríðu ungri.