Læknablaðið - feb. 2019, Blaðsíða 38
90 LÆKNAblaðið 2019/105
Embætti landlæknis, Maríanna Garðarsdóttir röntgenlæknir og
Runólfur Pálsson nýrnalæknir voru í samstarfi við Siggu Heim-
is, Gagarín og fleiri um sýningu í Ásmundarsal sem er haldin í
tilefni þeirra breytinga á lögum um líffæragjöf sem gengu í gildi
um síðustu áramót. Nú má nema brott líffæri eða lífræn efni
úr líkama látins manns til læknismeðferðar hafi sá hinn sami
ekki lýst sig andvígan því og kallast með laganna bókstaf ætlað
samþykki. Nánasti aðstandandi getur þó lagst gegn þessum
gjörningi. Um 100 manns hafa gefið líffæri sín hérlendis síðan líf-
færagjafir hófust, árið 1992 og um 30 Íslendingar þurfa ný líffæri
árlega.
Sýningin er óvenjuleg, mjög upplýsandi og listræn í senn. Með
hnitmiðuðum skýringatextum um hvert líffæri og röntgenmynd-
um og samspili þeirra við ægifögur glerlistaverk af nokkrum
líffærum mannsins sem þó eru ekki öll tæk til gjafa. Mannslík-
aminn er náttúrlega sköpunarverk sem slær allt út. Þessa dagana
er dáldið rætt um nekt og listaverk. Í því samhengi má segja að
varla sé til nokkuð naktara eða betur hannað í þessum heimi en
innyfli.
Á nýafstöðnu málþingi landlæknis á Hótel Natura fóru Alma
Möller, Kristinn Sigvaldason, Salvör Nordal og Runólfur Pálsson
í saumana á nýju löggjöfinni, sögu líffæragjafa og röktu samstarf
okkar við Scandiatransplant. Steinunn Rósa Einarsdóttir móðir
líffæragjafa sagði sögu sinnar fjölskyldu. Jóhannes Kristjánsson
skemmtikraftur og hjartaþegi lýsti því þegar hann hélt hann væri
kominn til himna með Ölmu Möller sem brosti við honum en svo
gat það ekki verið því honum á aðra hönd var Felix Valsson svæf-
ingalæknir. VS
Allir Íslendingar eru nú líffæragjafar
Runólfur Pálsson,
Steinunn Rósa
Einarsdóttir, Kristinn
Sigvaldason, Jóhannes
Kristjánsson og Alma
Möller að loknu
málþingi um líffæragjafir
laugardaginn 26. janúar.
Mynd/Védís.
Auga, lungu, hjarta og
heili, - glerlistaverk á
sýningunni LÍFfærin.
Þau voru munnblásin
á Corning-glersafninu
í New York-fylki að
forsögn Siggu Heimis.
Kristján Kristjánsson
hannaði lýsinguna og
er raunar einnig nýrna-
þegi.
Myndir/Védís.