Læknablaðið - feb. 2019, Blaðsíða 47

LÆKNAblaðið 2019/105 99
Guðrún Hreinsdóttir
heimilislæknir
Ljóðabókin er heildstæð hugvekja og hug-
renningar höfundar í 30 ljóðum um mannkynið,
ástina, draumana, veröldina og alheiminn. Hún
sýnir vel virðingu og næmi skáldsins fyrir hinu
mannlega og hugsanir hans um hvar við erum
stödd í þessum heimi.
Ljóðin geta í senn verið alvörugefin og kímin
og í þeim eru líka skemmtileg sjónarhorn á við-
fangsefnin. Öll ljóðin eru á ensku en með hátt-
bundinni hrynjandi og rími.
Við lesturinn fer maður inn í hin ólíku sögu-
svið ljóðanna og finnur stemminguna og er
hrifinn inn í annan heim. Inn á milli eru minn-
ingarljóð um frelsishetjur og samferðamenn
höfundar. Ljóðin fjalla um hinar smáu nálægu og
hlýju tilfinningar og eðli mannsins en líka um
smæð mannkynsins í hinum stóra alheimi, vís-
indin og trúna.
Ljóðin hafa fæst birst áður og eru skrifuð á
nokkrum áratugum.
Höfundurinn, Einar Guðmundsson, fékk fyrst
ljóð birt í barnaskólablaðinu þegar hann var 7
ára. Það er mjög gleðilegt að höfundur hafi opn-
að ljóðagluggann á ný með þessari fallegu bók.
Heiti bókarinnar fellur vel að efni og efnistökum
höfundar.
Umsögn um ljóðabókina Poems that
fell to Earth eftir Einar Guðmundsson
■ ■ ■ Magnús Hlynur Hreiðarsson
Heilbrigðisstofnun Suðurlands, Heil-
brigðisstofnun Suðurnesja og Fjórðungs-
sjúkrahúsinu á Neskaupstað bárust rausn-
arlegar gjafir frá Marel fyrir jól en það
voru ungbarnavogir sem eru sérhannaðar
og smíðaðar í vélsmiðju fyrirtækisins í
Garðabæ. Tæknin sem stuðst er við kem-
ur úr sjóvinnslu en sjóvogir eru einn af
hornsteinum vöruframboðs Marel. Vog-
irnar eru einstaklega nákvæmar, með 2
g skekkjumörk, og halda nákvæmni sinni
þó svo nýburinn sé á hreyfingu með-
an hann er vigtaður. Vogirnar koma að
góðum notum þar sem nákvæmni í mæl-
ingum skiptir oft miklu við mat á heilsu
nýbura. „Þannig eru dæmi um að hægt
sé að útskrifa börn fyrr þar sem vogin er
notuð því auðveldara er að meta þyngd og
þyngdaraukningu/tap af meiri nákvæmni
en annars. Börnin eru til að mynda sett á
vogina fyrir og eftir gjöf til að meta magn
mjólkur sem þau innbyrða hverju sinni
svo hægt sé að tryggja að þau nærist nægj-
anlega vel fyrstu dagana,“ segir Óskar
Veigu Óskarsson, sölustjóri hjá Marel.
Vogunum fylgir eilífðarábyrgð og mun
Marel sjá um allt viðhald á þeim.
Marel gaf fjórar ungbarnavogir á fæðingardeildir
Frá afhendingu ungbarnavogarinnar til fæðingardeildar Heilbrigðisstofnunar Suðurlands á Selfossi. Frá vinstri:
Þórarinn Kristjánsson frá Marel, Anna María Snorradóttir framkvæmdastjóri hjúkrunar, Sigrún Kristjánsdóttir yfir-
ljósmóðir og Arndís Mogensen ljósmóðir.