Fréttablaðið - 14.03.2020, Page 18

1 4 . M A R S 2 0 2 0 L A U G A R D A G U R18 S P O R T ∙ F R É T T A B L A Ð I Ð
Íþróttaheimurinn stöðvaður
Búið er að setja hengilás á íþróttaiðkun heimsins og mótum og keppnum er slegið á frest á hverri stundu.
Líklegt er að allt verði stöðvað innan skamms og að íþróttaaðdáendur fái lítið fyrir sinn snúð í mars.
SPORT
ÍÞRÓTTIR Það er nánast búið að
setja íþróttahengilás á íþróttaiðkun
heimsins og mótum og keppnum
er unnvörpum slegið á frest. Allar
stærstu deildir Evrópu í öllum helstu
íþróttagreinunum eru búnar að setja
deildirnar í hlé og staðan er ekki
auðveldari í einstaklingsíþróttum.
Íslenskt afreksfólk sem kepp­
ir víðs vegar um heiminn er að fá
fregnir af frestun á síðustu stundu
sem kemur sérstaklega illa niður á
þeim sem voru með annað augað á
Ólympíuleikunum í Tókýó, það er ef
leikarnir fara fram.
Flestar frestanir eiga það sam­
eiginlegt að vera til nokkurra vikna
og eftir það verður tekinn stöðu­
fundur, en ef ekki tekst að stöðva
veiruna er hæpið að deildirnar
hefjist á ný eftir stutt hlé. Þangað til
hægt verður að tryggja öryggi bæði
iðkenda og áhorfenda verður ekki
blásið í flautuna á ný.
Fótbolti
Það verður enginn fótbolti í boði á
Íslandi næstu vikurnar. Samkvæmt
yfirlýsingu sem KSÍ sendi frá sér í
gær er öllum leikjum frestað næstu
fjórar vikurnar á meðan samgöngu­
bannið stendur yfir, en ákvörðun
um leik Íslands og Rúmeníu verður
tekin eftir helgi, eftir fund með
UEFA.
Í gær bættist enska deildin í stór­
an hóp deilda sem eru komnar í hlé,
sama dag og UEFA frestaði leikjum
í Evrópu­ og Meistaradeildinni.
Þá var ákveðið að fresta leikjum í
þýsku deildinni á síðustu stundu,
en til stóð að fresta leikjum eftir
þessa helgi.
Þá voru engin áform uppi um
að fresta leikjum í rússneska bolt­
anum þegar blaðið fór í prentun
þar sem tveir Íslendingar leika með
CSKA Moskvu þessa dagana, Arnór
Sigurðsson og Hörður Björgvin
Magnússon.
Handbolti
Búið er að fresta öllum landsleikj­
um, Evrópuleikjum og leikjum í
stærstu deildunum. Þær fáu deildir
sem voru enn með leiki á dagskrá
áttu það sameiginlegt að leika fyrir
luktum dyrum.
Síðdegis í gær ákvað HSÍ að stíga
sama skref og fresta öllum leikjum
4%
VIÐBÆTTUR
SYKUR
18g
PRÓTEIN
OG AÐEINS
í mótum á vegum HSÍ ótímabundið
frá og með gærdeginum. Stjórn HSÍ
fundaði með ÍSÍ í gær og var ákvörð­
un um frestun tekin eftir fundinn.
Körfubolti
Í gær ákvað KKÍ að fella niður leiki
í neðri deildunum og yngri f lokk­
unum á sama degi og tveir síðustu
leikirnir í 21. umferðinni karlameg­
in fóru fram. Ein umferð er eftir og
er enn barátta í gangi um deildar­
meistaratitilinn. Kvennamegin
eru þrjár umferðir eftir, en Valur er
búinn að tryggja sér deildarmeist­
aratitilinn. KKÍ fundar aftur í dag
um næstu aðgerðir fyrir lokaleiki
tímabilsins.
Engar íþróttir vestanhafs
Ákvörðun var tekin um að fresta
öllum leikjum í hafnabolta, ís­
hokkíi, knattspyrnu og körfubolta
í Bandaríkjunum og er því framboð
íþrótta af skornum skammti næstu
vikurnar. Í mars átti að hefjast
hin árlega úrslitakeppni háskóla­
körfuboltans sem er einn stærsti
íþróttaviðburður Bandaríkjanna
n PGA- og LPGA-mótaröðin í golfi
n Leikir í Meistara- og Evrópudeild
karla- og kvennamegin
n Deildarkeppnir í fótbolta á
Englandi, Ítalíu, Spáni og Þýskalandi
n Formúla 1
n NBA-deildin
n Mótaröðin í tennis
n Evrópukeppnin í körfubolta
n Pílukastskeppnin í Rotterdam
n NHL í íshokkí
n MLB-deildin í hafnabolta
n HM í frjálsum íþróttum
n Stærstu deildir heims í hand- og
körfubolta
✿ Frestanir um heim allan
Þessi skilaboð eru algeng á völlum þessa dagana. Komið sé hlé á tímabilinu og höllunum lokað. MYND/GETTY
en ákveðið var að hætta við hana
í fyrsta sinn í 81 ár. Þá er óvíst
hvort úrslitakeppnin í körfubolta
og íshokkíi fari fram ef útbreiðsla
veirunnar heldur áfram.
Golf
Tekin var ákvörðun um að fresta
Masters­mótinu í gær, fyrsta risa­
móti ársins, sem átti að fara fram
í næsta mánuði. Ákvörðunin var
tekin sama dag og Players­mótið var
flautað af eftir fyrsta hring. Ólíklegt
er að nokkurt mót á PGA­mótaröð­
inni fari fram næstu vikurnar, eða í
LPGA­mótaröðinni þar sem búið er
að fresta einu risamóti.
Í Evrópumótaröð kvenna virðist
eiga að klára yfirstandandi mót í
Suður­Afríku, sem verður síðasta
mótið á mótaröðinni í tvo mánuði,
eftir að næsta móti var frestað.
Karlamegin er búið að fresta næstu
mótum og ekkert mót á næstunni.
Akstursíþróttir
Búið er að fresta fyrstu keppnum
ársins í Formúlu 1 og Formúlu E og
ekki er von á að keppnin hefjist fyrr
en í júní.
Corona­rallýið í Mexíkó mun fara
fram en bjórframleiðandinn hefur
verið aðalstyrktaraðilinn á mótinu
síðan um aldamótin. Rallýið fer
fram í Guanajuanto þar sem enginn
hefur smitast af veirunni og segja
skipuleggjendur að það verði stuð
í brekkunni með réttri tegund af
Corona. kristinnpall@frettabladid.is
Valdís Þóra er á fjórða tímabili sínu
á mótaröðinni. LET/TRISTAN JONES
GOLF Skagamærin Valdís Þóra Jóns­
dóttir deilir sjöunda sæti á Investec
South African Women’s mótinu í
Suður­Afríku, þegar mótið er hálfn­
að, á tveimur höggum undir pari.
Þetta er þriðja árið í röð sem Valdís
tekur þátt í mótinu og í annað sinn
sem hún kemst í gegnum niður­
skurðinn.
Valdís Þóra deildi 17.­28. sæti eftir
fyrsta hringinn sem hún lék á pari
vallarins en tókst að gera enn betur
í gær. Þá kom Valdís í hús á sjötíu
höggum eða tveimur höggum undir
pari vallarins. Valdís fékk tvo fugla,
tvo skolla og einn örn á hringnum
í gær og lék seinni hluta vallarins
undir pari annan daginn í röð.
Hafnfirðingurinn Guðrún Brá
Björgvinsdóttir er úr leik eftir tvo
hringi í Suður­Afríku. Guðrún Brá
átti erfitt uppdráttar á fyrsta hring
þegar hún lék á átta höggum yfir
pari og náði ekki að leiðrétta það í
gær. – kpt
Valdís Þóra í
toppbaráttu
MMA Dana White, hinn málglaði
forseti UFC­bardagasamtakanna,
segir að útbreiðsla kórónaveirunnar
muni ekki koma í veg fyrir næstu
bardagakvöld á dagskránni. Hann
hafi meðal annars rætt við forseta
Bandaríkjanna, Donald Trump,
og varaforsetann Mike Pence, um
málið. White var gestur í Sports­
Center þætti ESPN þar sem hann
var spurður út í næstu bardagakvöld.
„Við munum sýna beint frá bar­
dagakvöldinu í Brasilíu í beinni.
Forseti Brasilíu setti samkomubann
en við verðum með okkar starfs­
fólk þarna. Svo er það enn á áætlun
að bardagakvöldið fari fram eins
og áætlað var í London viku síðar,“
sagði White í samtali við ESPN. – kpt
Nær ekki að
stöðva UFC