Bændablaðið - 23.06.2016, Side 66

66 Bændablaðið | Fimmtudagur 23. júní 2016
Píratar vinna eftir ákveðnum
grunngildum. Í þessum grunn-
gildum er lögð áhersla á að gagn-
rýna hugsun og vel upplýstar
ákvarðanir.
Í þessu felst að píratar móti stefnu
sína í ljósi gagna og þekkingar sem
er aflað óháð því hvort tillagan virð-
ist í fyrstu æskileg eða ekki. Þann
1. júní lauk atkvæðagreiðslu inni á
heimasíðu pírata um hvort breyta
ætti stefnu pírata í landbúnaðarmál-
um. Stefnu sem illa var ígrunduð
að mati meirihlutans sem kusu um
hana og höfnuðu henni. Stefnu sem
m.a. innihéldu orðin „Innflutningur
matvæla verði tollfrjáls í áföngum“.
Fyrir liggur stefna pírata í
landbúnaðarmálum. Sú stefna var
samþykkt í apríl 2013 og gildir sú
stefna því enn. Þannig virka nefni-
lega Píratar. Félagar í flokknum gera
stefnuna, sem þingmenn flokksins,
kosnir af fólkinu í landinu, vinna
svo eftir.
Stefna pírata í landbúnaðar-
málum er m.a. sú að píratar vilja
að ungt fólk sem hefur áhuga á að
komast inn í greinina geti feng-
ið hagstæð lán til jarðarkaupa og
stækkunar búa eða fái hagstæða
langtímaleigu eða kaupleigusamn-
inga á ríkisjörðum.
-Styrkjakerfi landbúnaðarins
verður að endurskoða frá grunni.
Draga þarf úr framleiðslustyrkjum,
sér í lagi til stórra iðnaðarbýla, og
einbeita sér frekar að skattaafslætti
fyrir bændur. Bændur geta sótt um
verkefnatengda styrki til framþró-
unar og frumkvöðlastarfsemi til
sveita, t.d. að virkja bæjarlækinn.
-Vernda skal séríslenska búfjár-
stofna; s.s. forystufé, landnámshæn-
ur og sér í lagi íslensku geitina, t.d.
með því að veita styrk af ákveðinni
upphæð fyrir hverja skepnu.
Með þessa punkta má vinna
áfram og sú vinna er í fullum gangi.
Allir sem skráðir eru í Pírata halda
áfram að koma með hugmyndir
til að bæta stefnuna. Við vinnum
ekki eftir fyrirfram ákveðinni leið.
Við öflum okkur þekkingar á mál-
efnum og komumst að upplýstri
niðurstöðu. Við höldum málstofur
og fundi þar sem við reynum að
fá fagfólk til að upplýsa okkur um
málefnin. Meðal annarra kom Guðni
Ágústsson á landbúnaðarfund pírata
í október 2015, fund sem að sjálf-
sögðu er aðgengilegur fyrir alla á
Youtube en það er almenn regla að
allir fundir pírata eru teknir upp. Þar
upplýsti Guðni pírata um hreinleika
íslensks landbúnaðar sem ber að
hlusta á. Nú þegar eru tveir hópar
pírata að sinna vinnu sem á að bæta
stefnuna enn frekar. Þegar vinunni
er lokið fer stefnan svo inn á netið
þar sem allir skráðir píratar, sem
nálgast nú 3.000 landsmenn, mega
kjósa um stefnuna. Allir geta skráð
sig inn á píratar.is og tekið þátt í
að móta og kjósa um allar stefnur
pírata. Ef stefnan er vel samin og
ígrunduð bætir hún stefnuna sem nú
þegar er til og er búin að liggja fyrir
í rúm 3 ár. En ef hún er illa ígrunduð
er það næsta víst að vel upplýstir
píratar hafna þeirri tillögu, rétt eins
og þeir höfnuðu því að leyfa óheftan
innflutning á landbúnaðarvörum 1.
júní síðastliðinn.
Þórður Guðsteinn Pétursson
Lesendabás
Píratar hafna breyttri landbúnaðartillögu um
frjálsan innflutning á landbúnaðarvörum
Stöndum vörð um þau verðmæti
sem í fólkinu og landinu búa
Við Íslendingar erum rík þjóð.
Ekki aðeins í efnislegu tilliti.
Verðmæti okkar felast að mínu
mati fyrst og fremst í náttúrunni
og fólkinu í landinu. Við erum
fámenn þjóð í stórbrotnu landi
sem að mörgu leyti gerir okkur
einstök. Það er afar mikilvægt að
við stöndum vörð um þau verð-
mæti sem í fólkinu og landinu
búa. Tækifærin eru óþrjótandi
en þau þarf að nota skynsamlega.
Landið okkar er gjöfult og það
hefur verið gaman að fylgjast með
ýmsum nýjungum sem litið hafa
dagsins ljós í matvælaframleiðslu.
Aukinn áhugi á hollustu, hreinleika
og uppruna matar skapa tækifæri
sem við erum þegar byrjuð að
nýta og þarna eru vaxtarmöguleik-
ar. Samspil matar framleiðslu og
ferða mennsku er afar áhugavert
og aðdáunar vert hversu hröð
uppbygging á matartengdri þjón-
ustu við ferðamenn hefur verið.
Hvarvetna hitti ég fólk sem lætur
vel af þjónustunni, þar er þáttur
bænda, bæði í matarframleiðslunni
sjálfri og í móttöku ferðamanna,
geysimikilvægur.
Í ferðaþjónustunni felast mik-
ilvæg tækifæri en ég finn það
á fólkinu sem ég hef rætt við
á ferðum mínum um landið að
þörf er á að hraða og bæta upp-
byggingu innviða auk þess sem
mörkun stefnu í ferðaþjónustu er
brýn. Við þurfum að
ræða saman og sam-
mælast um framtíðar-
sýn. Viðfangsefnið
er hvernig við getum
aukið ávinning af
ferðamannastraumn-
um en jafnframt tryggt
að ekki sé gengið
of hart að landsins
gæðum eða þeirri
sérstöðu sem kyrrð
og náttúrufegurð fela
í sér. Ef við finnum
svarið við þessum
spurningum getum
við aukið líkurnar á
að sú sérstaða sem
ferðamenn sækjast
eftir haldi sér og notið
ábatans til lengri tíma.
Sem forseti myndi ég
gjarnan vilja standa
fyrir samtali um fram-
tíðarsýn og áherslur í
ferða þjónustu. Þar
þurfa fjölbreyttar
raddir að heyrast, ekki
síst þeirra sem hafa
atvinnu af greininni.
Við eigum einnig að
læra af reynslu annarra
þjóða.
Þrátt fyrir batnandi
efnahags ástand á Íslandi er ég hugsi
yfir misskiptingu í landinu, milli
þeirra sem eiga mikla fjármuni
og litla, milli ólíkra landshluta
og misskiptingu tengda uppruna.
Ég trúi á jafnrétti fyrir alla. Það
Ísland sem ég ólst upp
í einkenndist af meira
jafnræði. Almennt séð
hafði fólk minna af
efnislegum gæðum,
en tækifærin til að
komast til mennta eða
sanna sig með vinnu-
semi voru til staðar.
Að sama skapi greip
samfélagið þá sem
á stuðningi þurftu
að halda. Ég heyri
því miður allt of oft
sögur af því að óvænt
veikindi leiði til fjár-
hagsörðugleika vegna
þess kostnaðar sem
heilbrigðisþjónusta
hefur í för með sér. Ég
heyri því miður allt of
oft um skort á búsetu-
úrræðum fyrir aldraða
og að þessi hópur,
sem skilað hefur sínu
ævistarfi, hafi lítið
milli handanna. Ég
horfi með aðdáun til
starfsmanna í heil-
brigðiskerfinu sem
vinna afar gott starf
þrátt fyrir þröngan
stakk, en það er ekki
endalaust hægt að
treysta á bjartsýnina þegar kemur
að því að reka vandaða heilbrigð-
isþjónustu. Við þurfum að standa
vörð um þá samfélagsþjónustu sem
sjálfsagt er að íbúar landsins njóti.
Ég vil bjóða þjóðinni til samtals
um hvernig heilbrigðis- og vel-
ferðarkerfi við ætlum að byggja
upp til framtíðar. Við þurfum að
hafa framsýni til að horfa á heildar-
myndina og hugsa til lengri tíma.
Við getum lært margt af reynslu
annarra sem og af okkar eigin.
Ísland er ákaflega gjöfult og
gott land. Ég hef búið og starfað
í Bandaríkjunum, Bretlandi og á
Norðurlöndum. Þrátt fyrir gefandi
tíma og mörg tækifæri í þessum lönd-
um hef ég alltaf valið að koma aftur
heim. Hreina loftið, vatnið, bæði
heitt og kalt, maturinn og umfram
allt samfélagið, náungakærleikur
og samheldni er á meðal þess sem
gerir Ísland að ákjósanlegum stað
til að búa á. Okkur ber skylda til að
standa vörð um þessi gæði, því þau
eru ekki sjálfgefin. Ungt fólk í dag
hefur tækifæri til að búa og starfa um
allan heim og ég heyri á mörgu ungu
fólki að hugurinn stefnir út. Ég á mér
þann draum að unga fólkið okkar
velji Ísland sem sitt framtíðarheimili,
að þau ferðist víða, láti á sig reyna
fjarri heimahögum en velji alltaf að
koma aftur heim. Við megum ekki
við því að missa þau verðmæti sem
búa í unga fólkinu okkar, í þeim eru
verðmæti framtíðar fólgin.
Halla Tómasdóttir
forsetaframbjóðandi
Halla Tómasdóttir.
Um er að ræða jörðina
Auðsstaði í Reykholtsdal. Á
jörðinni eru eldri byggingar,
útihús og íbúðarhús. Land
jarðarinar er talið vera um
900 hektarar Auðsstaða-
bær stendur skammt frá
brekkurótum undir Sandi
en svo nefnist fellið á milli
Auðsstaða og Gilja, stutt frá Reykjadalsá, sem fellur á grón-
um eyrum. Undirlendið og fellið norðanvert eru allgróin, með
þurrlendis- og móagróðri. Í hlíðinni er víða lyng og kvistlendi.
Þar eru og víða lág klettabelti. Í fjalllendinu sem kallast Auð-
staðafjall eru víða votlendir flóar og lítt grónar bungur og mel-
ar á milli. Þar er lítið vatn, Sandvatn. Auðsstaðaland afmarkast
af Búrfellslandi að sunnan og vestan. Handan Reykjadalsár
eru Uppsalir og Kollslækur, en að austan Giljaland. Laxveiði
er í Reykjadalsá. Jörðinni fylgir einnig upprekstrarréttur og
beitarréttur á Arnarvatnsheiði og Geitlandi skv. skipulagsskrá
Sjálfseignarstofnunnar Arnarvatnsheiðar og Geitlands nr. 329,
4. júní 1998, svo og allur réttur skv. samþykktum Veiðifélags
Arnarvatnsheiðar nr. 330. 30. ágúst 1977.
Nánari upplýsingar veitir Magnús Leópoldsson
magnus@fasteignamidstodin.is og á skrifstofu
Fasteignamiðstöðvarinnar sími 550-3000/892-6000
sjá einnig www.fasteignamidstodin.is
TIL SÖLU JÖRÐIN AUÐSSTAÐIR
311 Borgarbyggð