Bændablaðið - 28.03.2019, Page 44

Bændablaðið | Fimmtudagur 28. mars 201944
LESENDABÁS
Ríkisstjórnarflokkarnir
VERÐA AÐ SVARA!
Komin er upp sérkennileg staða á
Íslandi varðandi framtíðarskipu­
lag orkubúskaparins. Af hálfu
rík is stjórnar landsins stendur
til að keyra í gegnum Alþingi
nokkuð sem kallast orkupakki
þrjú en hann er þriðja varðan
á leið Evrópusambandsins til
markaðsvæðingar orku auðlind­
arinnar.
Orkupakki eitt var lögleiddur á
Íslandi 2003 og orkupakki tvö árið
2007, í bæði skiptin gegn mótmælum
og það sem meira er, síðar kom fram
eftirsjá hjá ýmsum þeirra sem knúðu
þetta í gegn, enda alltaf að koma
betur og betur í ljós hvert þetta
raunverulega leiðir: Orkan á leið í
hendur fjárfesta á markaði.
Varða fjögur hefur þegar verið
hlaðin og á sá pakki eftir að koma
inn á borð löggjafans fyrr en
síðar ef þetta ferðalag verður ekki
stöðvað. Í fjórða pakka er gert ráð
fyrir að ekki verði lengur horft til
þjóðríkisins heldur landafræðinnar,
óháð ríkjaskipan, þegar hin nýja
miðstýrða orkustofnun deilir niður
áhrifasvæðum sínum.
Ekkert annað en markaðsvæðing
orkunnar
Þegar hér verður komið sögu mun
endanlega vera búið að klippa á
naflastrenginn á milli markaðar
og lýðræðis. Þegar eru menn
komnir vel áleiðis í að sarga í
þann streng sem kunnugt er, eins
og iðnaðarráðherra áréttaði á
aðalfundi Landsvirkjunar nýlega
þegar hún sagði að orkupakkarnir
væru að sjálfsögðu „ekkert annað
en makaðspakkar og sá þriðji er það
líka“. Það sem hér er átt við er það
stefnumarkmið Evrópusambandsins
frá því um miðjan tíunda áratuginn
að gera orku að markaðsvöru sem
heyrði undir samkeppnislög og
þar sem lýðræðislegt inngrip væri
ekki heimilað. Dæmi um þetta gæti
verið niðurgreidd orka til innlendrar
garðyrkju, sem þá yrði túlkað
sem markaðsmismunun og brot á
samkeppnislögum.
Og hættið að tala um samfélag!
Þórdís Kolbrún Gylfadóttir iðn­
að ar ráðherra gekk reyndar lengra
í framangreindri ræðu sinni
hjá Landsvirkjun. Hún notaði
tækifærið til að tala niður til
áhugamannahóps sem kennir
sig við „Orkuna okkar“. Kvaðst
hún túlka þá nafngift svo að
hópurinn liti á orkuna sem sameign
þjóðarinnar „af sama meiði og
fiskinn í sjónum“. Það væri mikill
misskilningur því að „vatnsafl
og jarðvarmi og nýtingarréttur
af þeirri auðlind“ heyrði undir
einkaeignarrétt og væri því ekki
í sameign þjóðarinnar.
Þetta er vissulega rétt eins langt
og það nær en jafnframt er þetta
framtíðarsýn sem ríkisstjórnin
verður að gera sér grein fyrir að
er ekki í samræmi við almennan
vilja í landinu.
Sú krafa hefur ítrekað komið
fram, meðal annars frá öðrum
baráttuhópi, Seljum ekki Ísland,
að íslensk lagaumgjörð verði bætt
og löguð til að tryggja þjóðareign
á orkunni til frambúðar. Annars
verður framtíðarsýn ráðherrans
vissulega að veruleika.
Er þá komið að tilefni
þessarar greinar
En til hvers er ríkisstjórnin að
innleiða þessa orkupakka? Hún
hlýtur að verða að gera okkur grein
fyrir því hver ávinningur okkar
er af því að undirgangast þessa
„markaðspakka“ sem ráðherra
kallar réttilega svo.
Athygli vekur að fram
til þessa hafa meintir sigrar
ríkisstjórnarinnar í þessu markaðs­
pakkamáli verið fólgnir í því að
forða okkur – að hennar sögn
– frá ýmsu því versta sem fylgt
gætu þriðja pakkanum. Í því
skyni hafi verið settir fyrirvarar
og slegnir varnaglar. Það gerðu
Norðmenn líka af sama tilefni en
uppgötvuðu síðar að fyrirvararnir
og varnaglarnir voru til lítils nýtir,
fyrst og fremst til að sýnast, til að
þykjast, rétt á meðan verið var að
kaupa frið um málið.
Ráðherrar Sjálfstæðisflokks,
Framsóknar og VG svari
Sú sönnunarbyrði hlýtur að hvíla á
ríkisstjórninni að sannfæra okkur
um að þessi vegferð sé okkur
yfirleitt til góðs. – Hvað segja
ráðherrar Sjálfstæðis flokksins
um það? – Hvað segja ráðherrar
Framsóknar flokksins um það?
– Hvað segja ráðherrar Vinstri­
hreyfingarinnar græns framboðs
um það?
Það dugar ekki að segja að tekist
hafi að forða okkur frá allra verstu
fylgikvillum pakkans, þið verðið
að hugsa stærra fyrir okkar hönd.
Sönnunarbyrðin hvílir á ykkur
Hvers vegna eruð þið að þessu
yfirhöfuð? Þessu verðið þið að
svara! Spurningu minni beini ég
til ráðherra ríkisstjórnarinnar og
alþingismanna. Það er ekkert í
EES­samningnum sem knýr ykkur
til að gera þetta, ekkert!
Þetta er því algjörlega á ykkar
ábyrgð. Þess vegna verðið þið að
sýna fram á að ákvarðanir ykkar
séu til framfara og til góðs. Það er
lágmarkskrafa að þið sýnið okkur
fram á þetta með rökum!
Það er of ódýrt að segja okkur
að þetta hefði getað orðið enn
verra!
Ögmundur Jónasson
Ögmundur Jónasson.
Skaparans iðja, list og leikur,
lætur undrin ske.
Af fræjum smáum uxu eikur,
yfrin skógartré.
Hver stofn með greinum stendur keikur,
storma og kulda hlé.
Og hver sú gjörð er skógar skreyta
skapar lífi mátt.
Slíku má ei bylta og breyta
á bervangstómið grátt.
Enn er skógum lands að leita,
líta í sólarátt.
Auðkenni Inga Tryggvasonar
var afburðafærnin hrein
að samhæfa þætti vits og vonar
og viðhorfin sönn og ein.
Þótt ævinnar störf væru ýmiss konar
ein var hans forláta grein.
Ingvar Gíslason
Minni Inga Tryggvasonar
skógarbónda 1921–2018
HROSS&HESTAMENNSKA
Sveinn Steinarsson, for­
maður Félags hrossa bænda
og Þor valdur Krist jáns son
hrossaræktar ráðu nautur
fóru í funda ferð um landið
nú nýverið en alls voru
haldnir átta fundir; þrír á
Norðurlandi, í Borgarnesi,
Reykjavík, Höfn í Horna­
firði og Egilsstöðum en
síðasti fundurinn var
haldinn á Hellu.
Á fundunum var farið yfir það
helsta í málefnum hrossaræktar
og hrossabúskapar. Fundirnir
voru sérlega mikilvægir þar
sem kynnt voru drög að nýjum
ræktunarmarkmiðum, dómskala
og vægisstuðlum eiginleika í
kynbótadómum. Hugmyndir að
breytingum voru kynntar núna
og mun þetta ár nýtast til að
betrumbæta tillögurnar, taka við
góðum tillögum að breytingum
og er stefnan að geta unnið eftir
nýjum dómskala og breyttri
framkvæmd dóma vorið 2020.
Góð fundarsókn var á flestum
fundunum og umræður góðar
og verðmætar. Fagráð mun nú
í framhaldinu funda og fjalla
um þær umræður sem urðu á
fundunum, en þær munu klárlega
nýtast þeirri vinnu sem fram undan
er við gerð endanlegra tillagna að
ræktunarmarkmiðum, dómskala
og vægistuðlum eiginleikanna.
Einnig var farið yfir málefni
Félags hrossabænda á fundunum
en félagið er að vinna að mörgum
hagsmunamálum hrossabænda og
er sviðið vítt sem er undir. Má
þar helst nefna markaðsmál en
félagið hefur unnið ötullega að
framgangi Horses of Iceland
verkefnisins sem er að kynna
og móta ímynd íslenska
hestsins um heim allan. Þá hillir
undir lokakafla sumarexems
verkefnisins en næsta skref í því
verðmæta verkefni er að flytja
bólusett hross út á svæði í Evrópu
sem hafa háa tíðni sumarexems
og kanna hvort bóluefni sem
hefur verið í þróun og skilar afar
efnilegum niðurstöðum virki
við raunaðstæður. Hefur Félag
hrossabænda ákveðið að útvega
hross í þennan fasa verkefnisins
og mun leita til sinna félagsmanna
á næstunni með þetta í huga.
Meira að því síðar.
Það eru því mörg skemmtileg
og verðmæt verkefni sem eru á
döfinni og ekkert annað hægt en
að halda ótrauð áfram á þeirri
ævintýravegferð sem er ræktun
íslenska hestsins.
Þökkum öllum þeim sem komu
á fundina,
Sveinn Steinarsson og
Þorvaldur Kristjánsson
Félag hrossabænda:
Umræður um málefni hrossaræktar
og hrossabúskapar á átta fundum
Frá fundi Félags hrossabænda á Hellu.
Frá fundinum á Sauðárkróki.
Sveinn Steinarsson.
Þorvaldur Kristjánsson.
Hellisheiði. Mynd / HKr.