Fréttabréf Öryrkjabandalags Íslands - 01.09.1997, Blaðsíða 12

“Knapinn á hestbaki
er kóngur um stund”
Og þá er verið að leggja í'ann
Ritstjóri hefur nokkrum sinn-
um dvalist á Reykjalundi
sér til hressingar og heilsu-
bótar, og haft af erfiðinu árangur
góðan.
í eitt slfkt skipti varð hann þess var
á daglegri göngu sinni að mikið var
um að vera bak við byggingarnar á
Reykjalundi, mikið hlegið og greini-
lega gleði í lofti. Hann rann eðlilega
á hljóðið og varð þess þá áskynja að
þar voru fatlaðir vistmenn að fara á
hestbak, hressir og kátir, undir leið-
sögn tveggja ungra kvenna sem
greinilega kunnu vel til verka, því
innan skarnms voru allir á bak komnir.
Greinilegt var að hugsun þeirra var
áþekk því sem skáldið Einar Ben. orti
eitt sinn í ljóði sínu Fákar:
“Knapinn á hestbaki er kóngur um
stund
kórónulaus á hann ríki og álfur"
Svo leið tíminn og góður ásetn-
ingur ritstjóra um að greina nú frá
þessu í Fréttabréfi ÖBÍ greinilega
dofnað, ef ekki þurrkast út. En nú
fyrir skömmu kom sá sívakandi
áhugamaður um allt sem fatlaða varð-
ar, Helgi Hróðmarsson, til fundar við
ritstjóra og reifaði við hann þá áhuga-
verðu hugmynd að hann tæki viðtal
við þær eðalkvinnur sem fyrir þessari
merku starfsemi standa.
Það rifjaðist upp fyrir ritstjóra að
hér væri ein af mörgun vanrækslu-
syndum hans dregin í dagsljós fram,
en ekki dygði annað en betrun ein og
því voru þær stöllur mættar til hans
eina morgunstund, albúnar þess að
segja allt af létta. Og er þá inngang-
urinn ekki orðinn fulllangur og best
að vinda sér í viðtalið.
ær ungu eðalkvinnur sem reka
þarna á Reykjalundi fjölsótta
starfsemi heita Berglind Inga Árna-
dóttir og Anna Sigurveig Magnús-
dóttir, Sigurveig segist hafa verið í
þessu frá því hún var 10 ára, en þá
var starfsemin á vegum Reykjalundar,
og Berglind hefur verið þarna í 10
sumur. Þetta eru því engir nýgræðing-
ar í þessari grein, en þær segjast reka
þetta saman í mikilli sátt og samlyndi.
Það eru sumarmánuðurnir júní, júlí
og ágúst sem nýttir eru til þessarar
starfsemi þeirra, kemur hvoru tveggja
til að beitiland þolir ekki meira álag,
dugir einfaldlega ekki lengur og svo
hitt að úthald hestanna er tæpast meira
en þetta og að því verður ekki síður
að gæta. Hins vegar segja þær að
maímánuður fari svo allur í þetta,
auglýsa þarf eftir hestum til leigu (þær
leigja hestana af ýmsum aðilum, eiga
þá ekki), auglýsa almennu námskeið-
in og skipuleggja þau svo, nú og auð-
vitað þarf að þjálfa nýja hesta við
þessar óvenjulegu aðstæður.
Alls eru þær þarna með 12-14
hesta, oft fá þær sömu hestana aftur
og aftur og það er mikill kostur eðli-
lega, raunar hafa tveir hestanna lengi
verið í dyggri þjónustu hjá þeim og
það er afar dýrmætt gagnvart erfiðustu
einstaklingunum.
Undir kvið þeirra má renna
hjólastól án þess þeim bregði hið
minnsta, hvað þá að þeir kippi sér upp
við miklar óvæntar hreyfingar eða
hróp hinna spastísku, svo dæmi séu
tekin.
Ekki eru þær Berglind og Sigur-
veig þarna einar að verki, enda yrði
það þeim ofraun, þær hafa þarna 3
vana unglinga sér til aðstoðar allan
tímann og veitir ekki af.
Það er enda auðskilið að þarna
þurfi þennan mannskap til, þegar til
þess er horft að ofurfatlaður, sem erfitt
á um allar hreyfingar hvað þá jafn-
vægi, þarf að hafa 4 með sér, einn
teymir, tveir eru sinn til hvorrar hliðar
og svo er einn á baki með þeim fatlaða
til að styðja hann þar.
essi reiðnámskeið eru afar vinsæl
hvort sem um fatlaða eða ófatl-
aða er að ræða, enda leggja þær sig
greinilega fram um það að árangur
verði sem allra bestur. Það er reiknað
með að hver reiðtími sé klukkustund
og þar í er auðvitað falið að bursta og
leggja á þannig að viðkomandi sé
virkur í öllu ferlinu.
Nú sumir eru styttri tíma, allt niður
í svona tíu mínútur, allt fer þetta eftir
möguleikum og getu viðkomandi þá
og þá. Verðið fyrir tímann hafa þær
miðað við bíóferð en hafa víst ekki
alveg haldið í við hið almenna verð
þar, en nálægt því. Þær segjast í raun
skipta starfseminni fyrir fatlaða í
þrennt.
Almenna hestamennsku - almenn
tilsögn. Reiðþjálfun - skipulagðar
útreiðar.
Sjúkraþjálfun á hesti.
12