Fréttabréf Öryrkjabandalags Íslands - 01.09.1997, Blaðsíða 42

Gluggað í glögg rit
Aðfararorð:
ins og athuglir lesendur hafa
eflaust eftir tekið var þessi
efnisþáttur ekki inni í síðasta
blaði. Af tveim ástæðum var þetta
svo: Annars vegar höfðu fá rit borist
þegar blaðið fór í prentun, hins vegar
vildi ég kanna viðbrögð við því að
niður félli með öllu.
Sem betur fer fyrir ritstjóra voru
þau viðbrögð þó að fólk kvaðst sakna
þessa þ.e. þeir sem inntir voru álits
eða létu annars í sér heyra.
Sumir hafa þó sagt að of nákvæm
efnislýsing eigi varla heima í slíkri
samantekt, aðeins ætti á því allra
helsta að grípa, fólk ætti svo alla
möguleika á því að útvega sér það efni
sem áhuga þess hefði kveikt.
Með tilliti til þessa er nú aftur upp
tekinn þráðurinn og því er færra um
hvaðeina rætt en áður var í þessum
þáttum.
1. tbl. Velferðar málgagns Lands-
samtaka hjartasjúklinga kom út í mars
sl. Þar var aðeins um eitt málefni fjall-
að - landssöfnun Neistans á Bylgjunni
og Stöð 2 14. mars.
Elín Viðarsdóttir form. Neistans á
þarna góða grein, m.a. fjallar hún um
aukin útgjöld heimila svo og tekju-
missi þegar langvarandi veikindi
barna steðja að. Styrktarsjóður hjart-
veikra barna er einnig kynntur.
l.tbl. FréttabréfsUmsjónarfélags
einhverfra birtir m.a. mjög glöggan
útdrátt úr rannsókn á einhverfu hjá
börnum og snemmbærum kennslum
á henni þar sem aðaláherslan er á að
greina einhverfu sem allra fyrst. Það
er Sigrún Hjartardóttir sem kynnir
þessa rannsóknaraðferð.
Vakin er athygli á bókinni: Það er
drengur hér inni, sem kom út í árs-
byrjun í íslenskri þýðingu.
Kynnt er fræðsluefni sem félagið
ræður yfir svo og tímarit og fréttabréf
um einhverfu. Umsjónarfélag ein-
hverfra verður 20 ára á þessu ári.
Febrúarblað Klifurs - fréttablaðs
Sjálfsbjargar- landssambandsins
hefst á því að R. María Þorsteinsdóttir
félagsmálafulltrúi leggur orð í belg,
en hún leysti Lilju Þorgeirs. af í því
starfi. Það er Valey Jónasdóttir for-
maður Sjálfsbjargar á Siglufirði sem
er í yfirheyrslu blaðsins. Þar segir hún
að nú fari allur félagslegur máttur í
varnaraðgerðir.
Elsti félagi Sjálfsbjargar á Siglu-
firðí, Kristín Margrét Konráðsdóttir er
þarna í ágætu viðtali, sem ber yfir-
skriftina: Lömuð frá 15 ára aldri og
kvartaði aldrei. Hún hefur lagt gjörva
hönd á margt um dagana, ofið, hannað
og saumað út, stykkin svo þúsundum
skiptir farið um hennar hendur.
Hressileiki hennar hrífur mann. Varað
er við reynslu frá Bandaríkjunum af
heimilishjálp eftirlitslausra einka-
aðila. Og svo þessi brandari einn af
mörgum: Eva litla kom háskælandi
heim úr sunnudagaskólanum. “Hvað
kom fyrir Eva mín?” spurði mamma
hennar áhyggjufull. “Sunnudaga-
skólakennarinn talaði meira um Adam
en mig”. Ritstjóri Klifurs er Ingólfur
Örn Birgisson.
s
Imaí sl. kom út vandað fréttablað
Styrktarfélags vangefinna í rit-
stjórn Halldóru Sigurgeirsdóttur sem
ritar leiðara sem endar svo í hvatningu
og áeggjan: Foreldrar. Látum ekki
deigan síga. Fatlaðir verða að fá tæki-
færi í því samfélagi sem við öll til-
heyrum, segir Halldóra.
Óvissan var verst, nefnist viðtal
Elísabetar Þorgeirsdóttur við foreldra
5 ára fjölfatlaðs drengs, Björns Frið-
riks. Þar segja þau frá lífi hans allt
frá fæðingu og þeirri þjónustu sem
hann hefur notið og um leið þeirri
baráttu sem háð hefur verið fyrir því.
Guðrún móðir hans segir: “Ég vildi
að allur kostnaðurinn sem fer í papp-
írsvinnuna nýttist í málefnum fatl-
aðra”. Mætti mjög að því huga. Rit-
stjóri fjallar um bók Dóru S. Bjarna-
son - Undir huliðshjálmi - SAGAN
AF BENEDIKT. Hún bendir á hið
víða sögusvið og í tilefni spurnarinnar
um hversu bókin getur nýst foreldrum
fékk hún í spjall við sig tvær mæður
mikið fatlaðra barna og þroskaþjálfa,
en sjálf á ritstjóri fatlaðan son. Spjall-
ið er forvitnilegt og allar sammála um
að fengur sé að bókinni og fyrirsögn
umfjöllunar er: Notar reiðina og það
hvað hún elskar son sinn sem aflgjafa.
Björgvin Kristbergsson segir frá
ferð sinni fyrir Atak, félag þroska-
heftra á ráðstefnu í Noregi og endar á
lauslegri þýðingu ljóðs sem byrjar
svo:
Við skulum lifa hvert fyrir annað
Og fara vel með þann tíma sem
við höfum.
Rætt er við Maríu Jónsdóttur
félagsráðgjafa hjá Styrktarfélagi
vangefinna, sem einmitt fór í þetta
nám vegna þess að hún var áður liðs-
maður ungrar fatlaðrar stúlku. Hún
greinir þar frá fjölbreyttu starfi Styrkt-
arfélags vangefinna. Sagt er frá aðal-
fundi félagsins þar sem fram kom í
máli framkvæmdastjóra, Tómasar
Sturlaugssonar, að mikið tap á reglu-
Trimmklúbbur Eddu 10 ára
Hinn ð.sept. sl. varð Trimmklúbbur Eddu 10 ára en á daga hans hefur
margt drifið og fátt eitt fram talið hér. Driffjöður þessarar starfsemi
og formaður er Edda Bergmann, en ómetanlegir hafa þjálfararnir verið,
þær Astbjörg Gunnarsdóttir og Erla Tryggvadóttir, sem unnið hafa alla tíð
endurgjaldslaust fyrir klúbbinn.
Fyrst var þetta eingöngu jóga og þó einkum útivera, en síðan hafa ýmsir
aðrir þættir komið til s.s vatnsleikfimin er gott dæmi um. í klúbbnum eru
80 manns og áhersla er einnig lögð á félagslegu hliðina.
I tilefni afmælisins var gefið út skemmtilegt og fróðlegt afmælisrit og
laugardaginn 30. ágúst var vegleg hátíð með líflegri dagskrá og góðum
veitingum.
Við óskum klúbbnum alls hins besta og blómgunar góðrar um ókomin
ár.
H.S.
42