Fréttablaðið - 27.05.2020, Síða 6

STJÓRNMÁL Þingsályktunartillaga
sex þingmanna Framsóknarflokks-
ins um Alþingi sem fjölskylduvæn-
an vinnustað, var tekin fyrir hjá
stjórnskipunar- og eftirlitsnefnd í
gær. En með henni yrði þingforseta
falið að skipa þverpólitískan starfs-
hóp til að endurskoða þingsköp og
skila tillögum um breytingar fyrir
árslok.
„Það sem vakti fyrir okkur var að
vekja athygli á stöðu einstaklings-
ins inni á þinginu og vinnulaginu,“
segir Ásgerður K. Gylfadóttir, vara-
þingmaður og hjúkrunarfræðingur,
sem er fyrsti f lutningsmaður til-
lögunnar. „Alþingi er mjög óút-
reiknanlegur vinnustaður. Það er
mun meira skipulag á þingstörfum
víða erlendis og einstaklingar sem
þar starfa geta skipulagt sig fram í
tímann.“
Þingfundir hefjast gjarnan síð-
degis og geta staðið fram á kvöld,
fram á nætur í sumum tilvikum.
Þingstörf geta farið alveg úr skorð-
um þegar langar umræður fara fram
um einstaka mál. Þá hefur verið
mikil umræða um hið svokallaða
málþóf, sem notað er til að tefja
framgöngu mála.
„Þegar til dæmis orkupakkamálið
var til umræðu þá talaði fólk enda-
laust. Auðvitað þarf fólk að hafa
tíma til að koma sínum skoðunum
á framfæri, en það er hægt að hafa
skipulag í kringum þetta þann-
ig að ekki sé hægt að taka þingið í
herkví,“ segir Ásgerður.
Tillagan á rætur sínar í samþykkt
Landssambands Framsók nar-
kvenna. Telja þær að bæði vinnu-
tíminn og ófyrirsjáanleikinn henti
konum sérstaklega illa. Aðstæður
til þingstarfa séu því letjandi fyrir
konur. Ásgerður segir að þetta geti
líka átt við unga karlmenn, sem vilji
eiga sitt fjölskyldulíf, sem og fólk af
landsbyggðinni.
Áratugum saman voru karlar í
miklum meirihluta á Alþingi og
samfélagið þannig uppbyggt að
konurnar voru heima með börnin.
Með samfélagslegum breytingum
hefur skapast þrýstingur á að færa
vinnustaði í fjölskylduvænna horf,
líka Alþingi.
Þreifingar í þá átt, áttu sér stað
eftir bankahrunið 2008, og árið
2011 var reglum um lengd þing-
funda breytt. Ásgerður segir til-
löguna áframhald af þessari vinnu.
„Mínar hugmyndir eru þær að
horfa til nágrannalandanna og sjá
hvernig aðstæður eru á þeirra þing-
um. Síðan nota það besta sem við
sjáum, til þess að byggja okkar eigið
kerfi upp. Ég er ekki með fyrir fram
mótaðar hugmyndir um hvernig
þetta ætti að líta út,“ segir hún.
Ásgerður segir að viðbrögðin við
tillögunni hafi verið á ýmsan hátt.
„Sumir halda að tillagan snúist um
að þingmenn geti fengið frí til að
sinna gæluverkefnum. Aðrir taka
undir að það þurfi að gera breyt-
ingar og við þurfum að stíga í takt
til að skapa aðstæður fyrir næstu
kynslóðir sem hafa nýja nálgun.“
kristinnhaukur@frettabladid.is
Auðvitað þarf fólk
að hafa tíma til að
koma sínum skoðunum á
framfæri, en það er hægt að
hafa skipulag í kringum
þetta þannig að ekki sé hægt
að taka þingið í herkví.
Ásgerður K.
Gylfadótir,
varaþingmaður
Drekinn býr sig til flugs
Geimfarið Dragon sést hér áfast Falcon 9 eldf lauginni við Kennedy-geimf lugstöðina í Flórída. SpaceX og NASA stefna á að skjóta f lauginni á loft
klukkan 16.33 á staðartíma í dag ef veðuraðstæður leyfa. Þetta verður fyrsta mannaða geimskot frá Bandaríkjunum í níu ár. MYND/GETTY
Miðflokksmenn settu met í orkupakkaumræðunni. FRÉTTABLAÐIÐ/ANTON
Aðstæður á Alþingi
letjandi fyrir ungt fólk
Þingsályktunartillaga sex þingmanna Framsóknarflokksins um Alþingi sem
fjölskylduvænan vinnustað, er nú til meðferðar hjá stjórnskipunar- og eftir-
litsnefnd. Flutningsmaður segir þörf á meiri festu og að útiloka þurfi málþóf.
Þorsteinn Víglundsson.
REYKJAVÍK Minjastofnun Íslands
hefur sent frá sér yfirlýsingu vegna
ummæla Þorsteins Víglunds-
sonar, forstjóra eignarhaldsfélags-
ins Hornsteins ehf., móðurfélags
Björgunar í Fréttablaðinu fyrir
helgi. Fyrir liggur að fyrirtækið fái
úthlutað lóð við Álfsnesvík eftir
margra ára ferli, en Minjastofnun
brást við með því að  tilkynna að
stofnunin hygðist freista þess að fá
svæðið friðlýst, því talið er að þar
leynist merkar minjar frá fyrri tíð.
Þorsteinn brást ókvæða við þess-
um fyrirætlunum. „Að mínu mati er
þetta í raun vísvitandi seinagangur
og algjörlega óásættanleg vinnu-
brögð. Minjastofnun er að koma
þremur árum of seint með þessa
kröfu,“ sagði Þorsteinn.
Benti hann á að tekið hefði verið
tillit til sjónarmiða stofnunarinnar
og að Minjastofnun hefði verið
boðið að farið yrði í frekari forn-
leifarannsóknir á svæðinu, en það
boð hafi verið afþakkað.
Í grein Minjastofnunar, sem
Agnes Stefánsdóttir sviðstjóri ritar,
segir að ummæli Þorsteins beri vott
ákveðna vanþekkingu á lögum um
menningarminjar. „Fornleifarann-
sókn er annars vegar vettvangs-
skráning fornleifa og hins vegar
fornleifauppgröftur og úrvinnsla úr
honum. Fornleifaskráning er gerð
til að leggja mat á mögulegar minjar
og í framhaldi af því er annaðhvort
gerð krafa um varðveislu minjanna
eða, ef samþykkt er að þær megi
víkja vegna framkvæmda, er gerð
krafa um fornleifauppgröft. Þar sem
Minjastofnun hefur ekki samþykkt
að minjarnar megi víkja, er ekki
tímabært að tala um mögulegan
uppgröft.“ Greinin er aðgengileg í
fullri lengd á frettabladid.is – bþ
Segja ummæli
Þorsteins byggð
á vanþekkingu
SAMFÉLAG Eigandi vörubíls má ekki
leggja honum í sameiginlegt stæði
fjölbýlishúss. Þetta kemur fram í
úrskurði kærunefndar húsamála.
Um er að ræða fjölbýlishús í
Hafnarfirði, þar sem eigandi einnar
íbúðarinnar lagði 16 tonna vöru-
bíl fyrir utan, notaði viðkomandi
einnig möl til að stækka bílastæðið
án leyfis. Gerði eigandi vörubílsins
athugasemd við húsreglur sem
leggja bann við atvinnustarfsemi
á lóðinni, þar sem hann hefði verið
erlendis þegar húsfundur fór fram.
– ab
Má ekki leggja
vörubíl fyrir
utan fjölbýli
Þar sem Minja-
stofnun hefur ekki
samþykkt að minjarnar
megi víkja, er ekki tímabært
að tala um mögulegan
uppgröft.
Agnes Stefánsdóttir, sviðstjóri
Eigandi vörubílsins gerði
athugasemdir við húsreglur
þar sem hann hefði verið
erlendis þegar húsfundur fór
fram.
AÐALFUNDUR
Spoex, Samtök psoriasis- og exemsjúklinga boða til aðalfundar
miðvikudaginn 3. júní næstkomandi kl. 17:15-19:00.
Fundurinn verður haldinn á Hilton Nordica salur Vox Club.
Hefðbundin dagskrá aðalfundar skv. lögum Spoex:
■ Skýrsla formanns
■ Stjórnarkjör
■ Formannskjör
Sjá nánar á
www.spoex.is
2 7 . M A Í 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð