Víkurfréttir - 04.06.2020, Blaðsíða 65

– Hvenær byrjaðir þú að leika golf?
Spilaði smávegis með skólafélög-
unum þegar ég var í háskólanum
í Bandaríkjunum á árunum 1997–
1999. Tók svo langt hlé og byrjaði
aftur árið 2009.
– Hvað fékk þig til að byrja í golfi?
Þegar við hjónin vorum að skoða
möguleikann á að flytja til Grinda-
víkur nefndi ég við frúna að þá þyrfti
ég að fara á fullt í golfið, sagði henni
að það væri tilvalin leið til að kynn-
ast bænum og bæjarbúum þar sem
ég þekkti fáa í bænum. Konan sam-
þykkti það með bros á vör og við
fluttum til Grindavíkur árið 2009.
– Eru fleiri fjölskyldumeðlimir í
golfi með þér?
Eins og er hefur bakterían ekki
gripið neinn annan en mig. Sex ára
sonur minn bað reyndar nýlega um
og fékk sínar fyrstu golfkylfur. Hefði
óskað þess að ég hefði byrjað svona
ungur. Svo má maður alltaf binda
vonir við að konan og aðrir fylgi
manni út á völl enda er golfið frábær
fjölskylduíþrótt.
– Ertu góður kylfingur, hvað
ertu með í forgjöf?
Er ágætur, kem mér frá teig að flöt án
þess að skapa mikla hættu fyrir aðra.
Er a.m.k. farinn að tapa færri golf-
kúlum en áður. Eins og er stendur
forgjöfin í 13,6.
– Hefurðu sett þér markmið
fyrir golfsumarið?
Já, er með tvö meginmarkmið ofar-
lega í huganum í sumar. Hið fyrra
er fyrst og fremst sem formaður
langar mig að spila með tuttugu
félagsmönnum sem ég hef aldrei
áður spilað með [innsk. formaður-
inn er kominn með níu félagsmenn],
seinna markmiðið er svo langþráður
draumur að komast undir tólf í for-
gjöf.
– Ertu mótaglaður kylfingur?
Ég hef lítið tekið þátt í mótum
utan Grindavíkur en á heimavelli
hef ég verið duglegur að taka þátt
í innanfélagsmótum eins og Stiga-
mótunum og Tóftabóndanum, svo
reynir maður að taka þátt á hverju
ári í Meistaramótinu.
– Hvað spilarðu oft í viku?
Reyni að komast einu sinni til tvisvar
í viku en það fer oftast eftir veðri.
Rástíminn klukkan 08:40 um helgar
er að verða heilagur enda frábært að
taka hring snemma í góðum félags-
kap og eiga nánast allan daginn eftir
með fjölskyldunni.
– Hefurðu farið holu í höggi?
Ég hef orðið vitni að einu slíku höggi
en hef aldrei afrekað það sjálfur. Fór
reyndar með hálfa kúluna ofan í í
einu höggi á 18. holunni í Grindavík.
Eftir það högg er ég búinn að sætta
mig við það að fara jafnvel aldrei
holu í höggi.
– Hver er uppáhaldsholan þín?
Á Húsatóftarvelli er það önnur
holan, ný par 3 hola. Hingað til hef
ég oftar en ekki labbað í burtu með
skramba. Þessi 169 metra hola er
alvöru, fullorðins golfhola sem refsar
slæmu höggi og ef maður kemur sér
á rangan stað við flötina getur það
reynst erfitt að bjarga parinu. Þannig
á golfið að vera.
– Hver er uppáhaldskylfan þín?
Blendingurinn minn, Diablo Edge.
Kylfa sem ég get púttað með eða
slegið 100–150 metra nánast eftir
þörfum. Þegar járnin klikka er
blendingurinn traustur vinur sem
getur gert kraftaverk.
– Hvert er draumahollið þitt?
Fyrir utan að spila Augusta Natio-
nal með félögunum í golfklúbbnum
Einn yfir Pari væri ég til í að spila
átján með Diego Maradona, Larry
Bird og Patrick Reed.
– Nefndu þrjár uppáhalds-
holur (ekki á Húsatóftavelli),
eina par 3, eina par 4 og eina
par 5:
Ég ætla mér að spila fleiri velli
í sumar þannig að það er aldrei
að vita að uppáhaldsholurnar
gætu eitthvað breyst eftir sum-
arið. Par 3, það er þriðja holan
á Akranesi, séríslensk stemmn-
ing að vera umkringdur litlum
skógi við teighöggið. Par
4, það er tólfta í Korpunni,
skemmtileg hola sem reynir
á golfhæfileikana hjá manni.
Hérna skiptir máli að halda
boltanum á braut. Blint inn-
áhögg á flötina er krefjandi
högg. Par 5, er sú fjórtánda í
Oddinum, hola sem býr yfir
áhættum beggja megin við
teighöggið og er hún upp-
lögð fyrir mitt Baby
Draw og komandi
högg gefa manni
gott tækifæri á
fugli – en par á
öllum þessum
holum er mjög
gott.
– Hvernig stóð
á því að þú tókst
að þér formennsku
í Golfklúbbi Grindavíkur?
Rekstrarlega var klúbburinn ekki
á góðum stað og nokkur mál hjá
klúbbnum voru búin að dragast á
langinn sem þurfti kraft til að klára.
„Ef maður er ekki hluti af lausninni
er maður hluti af vandamálinu,“
hugsaði ég – og mér fannst engin
betri leið til að sýna það í verki en
að taka að mér leiðtogahlutverkið
og vinna að því að klára þessi mál og
að rekstur klúbbsins endurspegli allt
það góða sem í honum býr.
– Er þetta góður hópur með þér
í stjórn?
Klárlega. Þessi hópur samanstendur
af mörgum ólíkum einstaklingum
sem gerir liðsheildina enn sterkari.
Við erum með fulltrúa frá báðum
kynjum og það er góð blanda af
heima- og aðkomumönnum. Sam-
stilltur hópur sem hefur það sam-
eiginlega markmið að m.a. vera vel
upplýstur um rekstur klúbbsins og
saman stuðlum við að því að heim-
sóknirnar á Húsatóftarvöll sé góð
upplifun fyrir bæði félagsmenn og
alla okkar gesti.
– Hefurðu unnið lengi að félags-
málum í klúbbnum?
Já, frá árinu 2012 hef ég annað hvort
verið í stjórn eða unnið náið með
þáverandi stjórn.
– Hvernig leggst komandi golf-
tímabil í þig?
Við höfðum smá áhyggjur af golf-
tímabilinu eftir óveðrið í febrúar en
dugnaðurinn hjá Helga og öðrum
gerði það að verkum að völlurinn var
opnaður tímanlega, á sumardaginn
fyrsta. Fyrstu vikurnar voru heim-
sóknir á völlinn með því mesta í
manna minnum og bara gaman að
fá að taka þátt í þeirri vertíð. Mikil
nýliðun hefur átt sér stað í ár og
félagatalið okkar er komið yfir tvö
hundruð félagsmenn. Eftir mörg
ár í framkvæmdum á vellinum
munum við verja tímanum á vell-
inum í sumar við að einblína á litlu
hlutina sem skipta máli, eins og að
fegra völlinn. Klúbburinn er búinn
að opna inn á nýju brautirnar og
bíða félagsmenn spenntir eftir nýju
vallarmati frá Golfsambandinu. Bara
spennandi tímar framundan!
– Hvernig er starfsmannahaldi
háttað hjá Golfklúbbi Grinda-
víkur?
Í ár var gerð ákveðin breyting á stafs-
mannahaldinu og erum við búnir
að sameina starf framkvæmda- og
vallarstjóra. Þessi blanda hefur
reynst vel hjá öðrum klúbbum og hef
ég fulla trúa á okkar manni í brúnni,
Helga Dan Steinssyni. Að öðru leyti
erum við ekki með neina aðra fast-
ráðna starfsmenn heldur munum við
reiða okkur á sumarstarfsmennina
í ár. Klúbburinn er líka mjög hepp-
inn að eiga marga góða félagsmenn
sem leggja fram mikla vinnu í sjálf-
boðavinnu. Fyrir lítinn klúbb eins og
okkar eru þessir sjálfboðaliðar algjör
fjársjóður.
– Aðstoðar Grindavíkurbær
ykkur með starfsfólk, leggur
hann til mannskap?
Aðkoma Grindavíkurbæjar að
rekstri golfklúbbsins er ómetanleg
og þar höfum við m.a. haft mjög
góðan aðgang að vinnuaflinu frá
vinnuskólunum í bænum í gegnum
árin. Frá því ég flutti í bæinn hefur
mér alltaf fundist aðkoma Grinda-
víkurbæjar að íþróttastarfseminni
í bænum vera algjörlega til fyrir-
myndar. Verðið sem barnafjöl-
skyldur leggja út fyrir sín börn til
að stunda allar þær íþróttir sem eru
í boði er stillt í hóf. Það má segja að:
Það er gott að búa í Grindavík.
Næstum þv
í!
Boltinn hálfur
yfir holunni.
„Kemur næst,“
sagði meðspilarinn.
– Hvað ertu með í pokanum?
Ég er mikill Callaway-maður og í pokanum í dag er ég með frá 9,5 gráðu
RazrX driver, 3- og 5-tréin úr sömu RazrX-línu, blendingurinn er 24 gráðu
Diablo Edge, járnin 6–AW eru RazrX HL og 56 og 60 gráðu fleygjárnin
Jaw X-series. Pútterinn sem kemur vel undan vetri er White-Hot Odyssey.
Aldrei að vita ef maður kemst undir tólf í forgjöf að verðlaunin verði smá
endurnýjun á pokanum.
Fimmtudagur 4. júní 2020 // 23. tbl. // 41. árg.
VÍKurFrÉttir á SuÐurnESjum Í 40 ár // 65
Golfklúbburinn Einn yfir Pari.
Góður vinahópur sem spilað fótbolta með UMFN
og spilar nú golf reglulega saman.
Frá V til H: Sverrir, Bjarni Sæmundsson,
Sighvatur Gunnarsson og Högni Þórðarson.