Íþróttablaðið - 01.08.1977, Qupperneq 13

Guðmundur Þórarinsson meðal þeirra sem hann ann mest, ungra æskumanna, sem taka þátt í
keppninni af gleði og áhuga.
Guðmundur bryddað upp á mörgum nýj-
ungum í frjálsíþróttastarfinu á þessum tíma,
nýjungum sem orðið hafa til að auka á vin-
sældir íþróttarinnar og fært henni margan
nýjan iðkandann. í dag ber hinn mikli
uppgangur frjálsíþróttafólks úr lR ljósastan
vott um það mikla starf sem Guðmundur
hefur unnið. Hefur félagið nú sigrað í 6 ár í
röð í Bikarkeppni FRÍ, þeirri keppni sem
árlega gefur bezta mynd af því hvaða eitt
félag hefur mesta breidd og gróskumesta
starfsemi á frjálsíþróttasviðinu. Þá hafa
keppendur félagsins í mörg ár verið einna
atkvæðamestir í flestum meiri háttar frjáls-
íþróttaviðburðum landsins og ófá eru þau
íslandsmetin sem keppendur undir merkj-
um ÍR hafa sett á þessum árum.
Þjálfari í 30 ár
íþróttablaðið tók Guðmund nýverið tali
og var víða komið við. Var hann fyrst beð-
inn að segja frá því hvenær hann hafi byrjað
að hafa afskipti af frjálsiþróttum og hjá
hvaða félögum hann hafi síðan starfað.
— Ég kom heim frá námi rétt fyrir ára-
mótin 1947/48 og byrja svo frjálsíþrótta-
þjálfun hjá Ármanni vorið 1948. Var ég hjá
Ármanni fram í september 1949, en þá var
mér sagt upp með eins dags fyrirvara. Hálfu
ári síðar hef ég störf hjá Ungmennafélagi
Reykjavíkur. Var ég hjá því félagi fram á
haustið 1951, en þá held ég til iR. Hef ég
síðan verið algjörlega hjá því síðan, að
undanskildum árunum 1961 til ’67 en þann
tíma dvaldist ég í Svíþjóð og þjálfaði hjá
félaginu IFK Norrköping, sem sagt, ég hef
fengizt við frjálsíþróttaþjálfun í 30 ár.
Fljótlega eftir að Guðmundur hóf störf
að nýju hjá IR byrjaði félagið með hlaup
fyrir unglinga í Hljómskálagarðinum, en
þau hlaup sem þar voru haldin voru hug-
mynd Guðmundar. Fyrirkomulag þeirra
og tilvera var alger nýlunda í fjálsíþrótta-
starfinu hérlendis, og var hugmyndin fljótt
tekin upp hjá öðrum félögum og varð að
vinsælum þætti starfs þeirra. Hafa margir af
fremstu einstaklingum frjálsíþrótta í dag
hafið feril sinn í þessum hlaupum, hvort
sem þeir hafa síðan lagt fyrir sig hlaup,
stökk eða köst. Hljómskálahlaup ÍR naut
mikilla vinsælda þegar í byrjun og ákvað
Guðmundur og félagið að færa út kvíarnar
og efna einnig til þessara hlaupa í Breið-
holtinu, og einnig var árlegt hlaup haldið í
Vatnsmýrinni. Iþróttablaðið spurði Guð-
mund um hugmyndina að baki þessum
hlaupum. Einnig báðum við Guðmund að
nefna nokkra þá íþróttamenn sem hafið
hafa feril sinn í þessum hlaupum.
Velheppnað frum-
kvöðulsstarf
— Hugmyndin að baki Hljómskála-
hlaupunum, en þau hófust í byrjun ársins
1969, er þannig til komin að hjá okkur var
fjöldi krakka sem við höfðum lítið sem
ekkert fyrir að gera. Það voru engar útiæf-
ingar sem hægt var að fá þau til að fara í, svo
mér datt í hug að reyna að fá þau til að
hlaupa eitthvað úti. Fyrstu hlaupin fóru
alltaf fram í norðan garra, en við Karl Hólm
létum veðrið ekki aftra okkur því að þegar í
upphafi sýndu margir unglingar hlaupun-
um mikinn áhuga og mættu í hlaup eftir
hlaup, en alls urðu þau 6 á vetrinum. I fyrsta
Hljómskálahlaupið mættu um 30 krakkar
og flestir hafa þeir orðið um 280 í einu
hlaupi. Á sínum tíma var þetta nýjung í
starfinu hér og gleðilegt til þess að hugsa að
fyrirkomulagið hafi verið tekið upp af öðr-
um felögum, bæði á höfuðborgarsvæðinu
13