Íþróttablaðið - 01.06.1978, Side 24

Ragnar Ólafsson
skrifar um golf
Ungu mennirnir
verða atkvæða-
miklir í sumar
Ég hef trú á því að það keppnistíma-
bil golfmanna sem nú er nýlega hafið
verði í senn árangursríkt og skemmti-
legt, og þær miklu framfarir sem orðið
hafa í þessari íþróttagrein hérlendis á
undanförnum árum komi vel í ljós í
sumar. Nú er að koma fram á sjónar-
sviðið hópur af ungum kylfingum sem
hafa æft íþróttina með öðrum hætti en
lengst af hefur tíðkast hér. Þar á ég við.
að þeir hafa byrjað að æfa golf þegar á
barnsaldri, og hafa því fengið rétta og
góða grunnþjálfun sem hefur mikið að
segja í golfinu, ekki síður en í öðrum
íþróttagreinum. Þá hefur það einnig sitt
að segja, að golfvellirnir fara batnandi
ár frá ári. Það er farið að hugsa betur
um þá en nokkru sinni fyrr og menn
hafa lært af reynslunni hvernig á að
meðhöndla vellina. Eitt atriði enn spil-
ar þarna líka inn í, og á ég þar við, að nú
fást mun betri tæki til golfiðkana en var
hér fyrir nokkrum árum. Nú er á
boðstólum gott úrval af golfkylfum og
golfboltum, þannig að hver og einn
getur þar valið við sitt hæfi, en þarf ekki
að aðlaga sig að kylfum sem keyptar
höfðu verið gamlar, eða hentuðu við-
komandi ekki á einn eða annan hátt.
Það eru sjálfsagt margar ástæður
fyrir því hvað golfíþróttin á auknum
vinsældum að fagna hérlendis, sem
annars staðar. Þegar íþróttin var á
bernskuskeiði sínu hér var tiltölulega
mjög dýrt að taka þátt í henni, bæði
voru kylfur og annar búnaður dýr og
vallarleiga einnig. Nú eru fáir sem telja
sér óviðráðanlegt að eignast sæmilegan
búnað og vallarleigan er vel viðráðan-
leg fyrir hvern sem er. Ástæða þess að
svo margt ungt fólk hefur komið inn í
íþróttina á undanförnum árum er
vafalaust sú, að foreldrar margra þeirra
sem þarna eiga hlut að máli stunduðu
eða stunda golf og tók fólkið börnin sín
með sér þegar það fór á æfingar. Eru
þeir örugglega ótaldir sem fengið hafa
„bakteríuna“ t slíkum ferðum á golf-
vellina með fpreldrum sínum. Ég hef
líka orðið áþreifanlega var við hversu
fullorðið fólk hefur jákvæða afstöðu
gagnvart því að börn þeirra leiki golf,
hvetja þau til þess og fylgjast með þeim.
Finnst það örugglega gæfulegra að
börnin stundi íþróttir heldur en að þau
hangi á sjoppunum eða séu á hálfgerð-
um vergangi á götunum. Golfklúbb-
arnir hafa reynt að mætti að mæia hin-
um aukna áhuga ungra sem aldinna
með því að bæta aðstöðuna á völlun-
um, og eins að sjá fyrir þjálfurum. Þor-
valdur Ásgeirsson hefur nú um árabil
annast golfkennslu víða og leiðbeint
mörgum þegar þeir voru að taka fyrstu
skrefin og nú hefur t.d. Golfklúbbur
Reykjavíkur enskan atvinnumann sem
þjálfara og er þetta annað árið í röð sem
hann er hjá klúbbnum. Er ákaflega
mikilvægt að klúbbarnir geti boðið upp
á slíka aðstoð, þar sem mikilvægt er að
byrjendur læri strax undirstöðuatriðin í
íþróttinni, því eins og allir vita er oft
erfiðara að venja sig af ýmsum vitleys-
um en taka þær upp.
Segja má að frá hádegi og fram á
kvöld sé mikill mannfjöldi á flestum
golfvallanna. Aðalstraumurinn byrjar
þó venjulega ekki fyrr en eftir klukkan
fimm, þegar fólk kemur úr vinnu sinni,
en þá eru margir sem bregða sér á
golfvöllinn „og fara hring“. Um helgar
Stundum byrja menn hér keppni í glaða sól-
skini og góðviðri...
24